| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[27] 7. абхин̣хаж̇аад̇агаван̣н̣анаа
[27] 7. Abhiṇhajātakavaṇṇanā
наалам̣ габ̣ал̣ам̣ бад̣̇аад̇авзд̇и ид̣̇ам̣ сад̇т̇аа ж̇зд̇аванз вихаранд̇о згам̣ убаасаган̃жа махаллагад̇т̇зран̃жа аараб̣бха гат̇зси . саавад̇т̇ияам̣ гира д̣̇вз сахааяагаа. д̇зсу зго баб̣б̣аж̇ид̇ваа д̣̇звасигам̣ ид̇арасса гхарам̣ г̇ажчад̇и. со д̇асса бхигкам̣ д̣̇ад̇ваа саяамби бхун̃ж̇ид̇ваа д̇знзва сад̣̇д̇хим̣ вихаарам̣ г̇анд̇ваа яаава суурияад̇т̇ан̇г̇аманаа аалаабасаллаабзна нисийд̣̇ид̇ваа наг̇арам̣ бависад̇и, ид̇ароби нам̣ яаава наг̇арад̣̇ваараа ануг̇анд̇ваа нивад̇д̇ад̇и. со д̇зсам̣ виссаасо бхигкуунам̣ анд̇арз баагадо ж̇аад̇о. ат̇згад̣̇ивасам̣ бхигкуу д̇зсам̣ виссаасагат̇ам̣ гат̇знд̇аа д̇хаммасабхааяам̣ нисийд̣̇им̣су. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчи, д̇з ‘‘имааяа наама, бханд̇з’’д̇и гат̇аяим̣су. сад̇т̇аа ‘‘на, бхигкавз, ид̣̇аанзва имз виссаасигаа, буб̣б̣зби виссаасигааязва ахзсу’’нд̇и вад̇ваа ад̇ийд̇ам̣ аахари.
Nālaṃkabaḷaṃ padātaveti idaṃ satthā jetavane viharanto ekaṃ upāsakañca mahallakattherañca ārabbha kathesi . Sāvatthiyaṃ kira dve sahāyakā. Tesu eko pabbajitvā devasikaṃ itarassa gharaṃ gacchati. So tassa bhikkhaṃ datvā sayampi bhuñjitvā teneva saddhiṃ vihāraṃ gantvā yāva sūriyatthaṅgamanā ālāpasallāpena nisīditvā nagaraṃ pavisati, itaropi naṃ yāva nagaradvārā anugantvā nivattati. So tesaṃ vissāso bhikkhūnaṃ antare pākaṭo jāto. Athekadivasaṃ bhikkhū tesaṃ vissāsakathaṃ kathentā dhammasabhāyaṃ nisīdiṃsu. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchi, te ‘‘imāya nāma, bhante’’ti kathayiṃsu. Satthā ‘‘na, bhikkhave, idāneva ime vissāsikā, pubbepi vissāsikāyeva ahesu’’nti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о д̇асса амажжо ахоси. д̇ад̣̇аа зго гуггуро ман̇г̇алахад̇т̇исаалам̣ г̇анд̇ваа ман̇г̇алахад̇т̇исса бхун̃ж̇анадтаанз бад̇ид̇аани бхад̇д̇асид̇т̇аани каад̣̇ад̇и. со д̇знзва бхож̇анзна сам̣вад̣̇д̇хамаано ман̇г̇алахад̇т̇исса виссаасиго ж̇аад̇о хад̇т̇иссзва санд̇игз бхун̃ж̇ад̇и, убхоби винаа вад̇д̇ид̇ум̣ на саггонд̇и. со хад̇т̇ий нам̣ сон̣д̣ааяа г̇ахзд̇ваа абараабарам̣ гаронд̇о гийл̣ад̇и, угкибид̇ваа гумбхз бад̇идтаабзд̇и. ат̇згад̣̇ивасам̣ зго г̇аамигамануссо хад̇т̇иг̇обагасса муулам̣ д̣̇ад̇ваа д̇ам̣ гуггурам̣ аад̣̇ааяа ад̇д̇ано г̇аамам̣ аг̇амааси. д̇ад̇о бадтааяа со хад̇т̇ий гуггурам̣ абассанд̇о нзва каад̣̇ад̇и на бивад̇и на нхааяад̇и. д̇амад̇т̇ам̣ ран̃н̃о аарожзсум̣. рааж̇аа б̣од̇хисад̇д̇ам̣ бахин̣и ‘‘г̇ажча бан̣д̣ид̇а, ж̇аанаахи гим̣гааран̣аа хад̇т̇ий звам̣ гарод̇ий’’д̇и.
Atīte bārāṇasiyaṃ brahmadatte rajjaṃ kārente bodhisatto tassa amacco ahosi. Tadā eko kukkuro maṅgalahatthisālaṃ gantvā maṅgalahatthissa bhuñjanaṭṭhāne patitāni bhattasitthāni khādati. So teneva bhojanena saṃvaddhamāno maṅgalahatthissa vissāsiko jāto hatthisseva santike bhuñjati, ubhopi vinā vattituṃ na sakkonti. So hatthī naṃ soṇḍāya gahetvā aparāparaṃ karonto kīḷati, ukkhipitvā kumbhe patiṭṭhāpeti. Athekadivasaṃ eko gāmikamanusso hatthigopakassa mūlaṃ datvā taṃ kukkuraṃ ādāya attano gāmaṃ agamāsi. Tato paṭṭhāya so hatthī kukkuraṃ apassanto neva khādati na pivati na nhāyati. Tamatthaṃ rañño ārocesuṃ. Rājā bodhisattaṃ pahiṇi ‘‘gaccha paṇḍita, jānāhi kiṃkāraṇā hatthī evaṃ karotī’’ti.
б̣од̇хисад̇д̇о хад̇т̇исаалам̣ г̇анд̇ваа хад̇т̇исса д̣̇умманабхаавам̣ н̃ад̇ваа ‘‘имасса сарийрз рог̇о на бан̃н̃ааяад̇и, гзнажи банасса сад̣̇д̇хим̣ мид̇д̇асант̇авзна бхавид̇аб̣б̣ам̣, д̇ам̣ абассанд̇о зса ман̃н̃з согаабхибхууд̇о’’д̇и хад̇т̇иг̇обагз бужчи ‘‘ад̇т̇и ну ко имасса гзнажи сад̣̇д̇хим̣ виссаасо’’д̇и? ‘‘аама, ад̇т̇и саами згзна сунакзна сад̣̇д̇хим̣ б̣алаваа мзд̇д̇ий’’д̇и. ‘‘гахам̣ со зд̇арахий’’д̇и? ‘‘згзна мануссзна нийд̇о’’д̇и. ‘‘ж̇аанаат̇а банасса ниваасанадтаана’’нд̇и? ‘‘на ж̇аанаама, саамий’’д̇и. б̣од̇хисад̇д̇о ран̃н̃о санд̇игам̣ г̇анд̇ваа ‘‘над̇т̇и, д̣̇зва, хад̇т̇исса гожи ааб̣аад̇хо , згзна банасса сунакзна сад̣̇д̇хим̣ б̣алавависсаасо , д̇ам̣ абассанд̇о на бхун̃ж̇ад̇и ман̃н̃з’’д̇и вад̇ваа имам̣ г̇аат̇амааха –
Bodhisatto hatthisālaṃ gantvā hatthissa dummanabhāvaṃ ñatvā ‘‘imassa sarīre rogo na paññāyati, kenaci panassa saddhiṃ mittasanthavena bhavitabbaṃ, taṃ apassanto esa maññe sokābhibhūto’’ti hatthigopake pucchi ‘‘atthi nu kho imassa kenaci saddhiṃ vissāso’’ti? ‘‘Āma, atthi sāmi ekena sunakhena saddhiṃ balavā mettī’’ti. ‘‘Kahaṃ so etarahī’’ti? ‘‘Ekena manussena nīto’’ti. ‘‘Jānātha panassa nivāsanaṭṭhāna’’nti? ‘‘Na jānāma, sāmī’’ti. Bodhisatto rañño santikaṃ gantvā ‘‘natthi, deva, hatthissa koci ābādho , ekena panassa sunakhena saddhiṃ balavavissāso , taṃ apassanto na bhuñjati maññe’’ti vatvā imaṃ gāthamāha –
27.
27.
‘‘наалам̣ габ̣ал̣ам̣ бад̣̇аад̇авз, на жа бин̣д̣ам̣ на гусз на гхам̣сид̇ум̣;
‘‘Nālaṃ kabaḷaṃ padātave, na ca piṇḍaṃ na kuse na ghaṃsituṃ;
ман̃н̃аами абхин̣хад̣̇ассанаа, нааг̇о снзхамагааси гуггурз’’д̇и.
Maññāmi abhiṇhadassanā, nāgo snehamakāsi kukkure’’ti.
д̇ад̇т̇а нааланд̇и на самад̇т̇о. габ̣ал̣анд̇и бхож̇анагаалз батамамзва д̣̇иннам̣ гадугагаб̣ал̣ам̣. бад̣̇аад̇авзд̇и бааад̣̇аад̇авз, санд̇хивасзна аагааралобо взд̣̇ид̇аб̣б̣о, г̇ахзд̇унд̇и ад̇т̇о. на жа бин̣д̣анд̇и вад̣дхзд̇ваа д̣̇ийяамаанам̣ бхад̇д̇абин̣д̣амби наалам̣ г̇ахзд̇ум̣. на гусзд̇и каад̣̇анад̇т̇ааяа д̣̇иннаани д̇ин̣ааниби наалам̣ г̇ахзд̇ум̣. на гхам̣сид̇унд̇и нхаабияамаано сарийрамби гхам̣сид̇ум̣ наалам̣. звам̣ яам̣ яам̣ со хад̇т̇ий гаад̇ум̣ на самад̇т̇о, д̇ам̣ д̇ам̣ саб̣б̣ам̣ ран̃н̃о аарожзд̇ваа д̇асса асамад̇т̇абхаавз ад̇д̇анаа саллагкид̇агааран̣ам̣ аарожзнд̇о ‘‘ман̃н̃аамий’’д̇иаад̣̇имааха.
Tattha nālanti na samattho. Kabaḷanti bhojanakāle paṭhamameva dinnaṃ kaṭukakabaḷaṃ. Padātaveti paādātave, sandhivasena ākāralopo veditabbo, gahetunti attho. Na ca piṇḍanti vaḍḍhetvā dīyamānaṃ bhattapiṇḍampi nālaṃ gahetuṃ. Na kuseti khādanatthāya dinnāni tiṇānipi nālaṃ gahetuṃ. Na ghaṃsitunti nhāpiyamāno sarīrampi ghaṃsituṃ nālaṃ. Evaṃ yaṃ yaṃ so hatthī kātuṃ na samattho, taṃ taṃ sabbaṃ rañño ārocetvā tassa asamatthabhāve attanā sallakkhitakāraṇaṃ ārocento ‘‘maññāmī’’tiādimāha.
рааж̇аа д̇асса важанам̣ суд̇ваа ‘‘ид̣̇аани гим̣ гаад̇аб̣б̣ам̣ бан̣д̣ид̇аа’’д̇и бужчи. ‘‘‘амхаагам̣ гира ман̇г̇алахад̇т̇исса сахааяам̣ сунакам̣ зго мануссо г̇ахзд̇ваа г̇ад̇о, яасса гхарз д̇ам̣ сунакам̣ бассанд̇и, д̇асса аяам̣ наама д̣̇ан̣д̣о’д̇и бхзрим̣ жараабзт̇а д̣̇зваа’’д̇и. рааж̇аа д̇ат̇аа гаарзси. д̇ам̣ бавад̇д̇им̣ суд̇ваа со бурисо сунакам̣ виссаж̇ж̇зси, сунако взг̇знааг̇анд̇ваа хад̇т̇исса санд̇игамзва аг̇амааси. хад̇т̇ий д̇ам̣ сон̣д̣ааяа г̇ахзд̇ваа гумбхз табзд̇ваа род̣̇ид̇ваа барид̣̇звид̇ваа гумбхаа од̇аарзд̇ваа д̇зна бхуд̇д̇з бажчаа ад̇д̇анааби бхун̃ж̇и. ‘‘д̇иражчаанаг̇ад̇асса аасаяам̣ ж̇аанаад̇ий’’д̇и рааж̇аа б̣од̇хисад̇д̇асса маханд̇ам̣ яасам̣ ад̣̇ааси.
Rājā tassa vacanaṃ sutvā ‘‘idāni kiṃ kātabbaṃ paṇḍitā’’ti pucchi. ‘‘‘Amhākaṃ kira maṅgalahatthissa sahāyaṃ sunakhaṃ eko manusso gahetvā gato, yassa ghare taṃ sunakhaṃ passanti, tassa ayaṃ nāma daṇḍo’ti bheriṃ carāpetha devā’’ti. Rājā tathā kāresi. Taṃ pavattiṃ sutvā so puriso sunakhaṃ vissajjesi, sunakho vegenāgantvā hatthissa santikameva agamāsi. Hatthī taṃ soṇḍāya gahetvā kumbhe ṭhapetvā roditvā paridevitvā kumbhā otāretvā tena bhutte pacchā attanāpi bhuñji. ‘‘Tiracchānagatassa āsayaṃ jānātī’’ti rājā bodhisattassa mahantaṃ yasaṃ adāsi.
сад̇т̇аа ‘‘на, бхигкавз, имз ид̣̇аанзва виссаасигаа, буб̣б̣зби виссаасигааязваа’’д̇и имам̣ д̇хаммад̣̇зсанам̣ аахарид̇ваа жад̇усажжагат̇ааяа виниваддзд̇ваа анусанд̇хим̣ гхадзд̇ваа ж̇аад̇агам̣ самод̇хаанзси. ид̣̇ам̣ жад̇усажжагат̇ааяа винивадданам̣ наама саб̣б̣аж̇аад̇агзсуби ад̇т̇иязва. маяам̣ бана яад̇т̇асса аанисам̣со бан̃н̃ааяад̇и , д̇ад̇т̇зва д̣̇ассаяиссаама.
Satthā ‘‘na, bhikkhave, ime idāneva vissāsikā, pubbepi vissāsikāyevā’’ti imaṃ dhammadesanaṃ āharitvā catusaccakathāya vinivaṭṭetvā anusandhiṃ ghaṭetvā jātakaṃ samodhānesi. Idaṃ catusaccakathāya vinivaṭṭanaṃ nāma sabbajātakesupi atthiyeva. Mayaṃ pana yatthassa ānisaṃso paññāyati , tattheva dassayissāma.
д̇ад̣̇аа сунако убаасаго ахоси, хад̇т̇ий махаллагад̇т̇зро, рааж̇аа аананд̣̇о, амажжабан̣д̣ид̇о бана ахамзва ахосинд̇и.
Tadā sunakho upāsako ahosi, hatthī mahallakatthero, rājā ānando, amaccapaṇḍito pana ahameva ahosinti.
абхин̣хаж̇аад̇агаван̣н̣анаа сад̇д̇амаа.
Abhiṇhajātakavaṇṇanā sattamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 27. абхин̣хаж̇аад̇агам̣ • 27. Abhiṇhajātakaṃ
