| Library / Tipiṭaka / திபிடக • Tipiṭaka / படிஸம்பி⁴தா³மக்³க³பாளி • Paṭisambhidāmaggapāḷi |
5. அபி⁴ஞ்ஞாதி³வாரோ
5. Abhiññādivāro
34. ‘‘‘யாவதா அபி⁴ஞ்ஞாய அபி⁴ஞ்ஞட்டோ² ஞாதோ தி³ட்டோ² விதி³தோ ஸச்சி²கதோ ப²ஸ்ஸிதோ பஞ்ஞாய. அப²ஸ்ஸிதோ பஞ்ஞாய அபி⁴ஞ்ஞட்டோ² நத்தீ²’தி – சக்கு²ங் உத³பாதி³, ஞாணங் உத³பாதி³, பஞ்ஞா உத³பாதி³, விஜ்ஜா உத³பாதி³, ஆலோகோ உத³பாதி³’’. அபி⁴ஞ்ஞாய அபி⁴ஞ்ஞட்டே² பஞ்சவீஸதி த⁴ம்மா , பஞ்சவீஸதி அத்தா², பஞ்ஞாஸ நிருத்தியோ, ஸதங் ஞாணானி.
34. ‘‘‘Yāvatā abhiññāya abhiññaṭṭho ñāto diṭṭho vidito sacchikato phassito paññāya. Aphassito paññāya abhiññaṭṭho natthī’ti – cakkhuṃ udapādi, ñāṇaṃ udapādi, paññā udapādi, vijjā udapādi, āloko udapādi’’. Abhiññāya abhiññaṭṭhe pañcavīsati dhammā , pañcavīsati atthā, paññāsa niruttiyo, sataṃ ñāṇāni.
‘‘‘யாவதா பரிஞ்ஞாய பரிஞ்ஞட்டோ²…பே॰… யாவதா பஹானஸ்ஸ பஹானட்டோ²…பே॰… யாவதா பா⁴வனாய பா⁴வனட்டோ²…பே॰… யாவதா ஸச்சி²கிரியாய ஸச்சி²கிரியட்டோ² ஞாதோ தி³ட்டோ² விதி³தோ ஸச்சி²கதோ ப²ஸ்ஸிதோ பஞ்ஞாய. அப²ஸ்ஸிதோ பஞ்ஞாய ஸச்சி²கிரியட்டோ² நத்தீ²’தி – சக்கு²ங் உத³பாதி³, ஞாணங் உத³பாதி³, பஞ்ஞா உத³பாதி³, விஜ்ஜா உத³பாதி³, ஆலோகோ உத³பாதி³’’. ஸச்சி²கிரியாய ஸச்சி²கிரியட்டே² பஞ்சவீஸதி த⁴ம்மா, பஞ்சவீஸதி அத்தா², பஞ்ஞாஸ நிருத்தியோ, ஸதங் ஞாணானி.
‘‘‘Yāvatā pariññāya pariññaṭṭho…pe… yāvatā pahānassa pahānaṭṭho…pe… yāvatā bhāvanāya bhāvanaṭṭho…pe… yāvatā sacchikiriyāya sacchikiriyaṭṭho ñāto diṭṭho vidito sacchikato phassito paññāya. Aphassito paññāya sacchikiriyaṭṭho natthī’ti – cakkhuṃ udapādi, ñāṇaṃ udapādi, paññā udapādi, vijjā udapādi, āloko udapādi’’. Sacchikiriyāya sacchikiriyaṭṭhe pañcavīsati dhammā, pañcavīsati atthā, paññāsa niruttiyo, sataṃ ñāṇāni.
அபி⁴ஞ்ஞாய அபி⁴ஞ்ஞட்டே², பரிஞ்ஞாய பரிஞ்ஞட்டே², பஹானாய பஹானட்டே², பா⁴வனாய பா⁴வனட்டே², ஸச்சி²கிரியாய ஸச்சி²கிரியட்டே² பஞ்சவீஸஸதங் த⁴ம்மா, பஞ்சவீஸஸதங் அத்தா², அட்³ட⁴தெய்யானி நிருத்திஸதானி, பஞ்ச ஞாணஸதானி.
Abhiññāya abhiññaṭṭhe, pariññāya pariññaṭṭhe, pahānāya pahānaṭṭhe, bhāvanāya bhāvanaṭṭhe, sacchikiriyāya sacchikiriyaṭṭhe pañcavīsasataṃ dhammā, pañcavīsasataṃ atthā, aḍḍhateyyāni niruttisatāni, pañca ñāṇasatāni.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / படிஸம்பி⁴தா³மக்³க³-அட்ட²கதா² • Paṭisambhidāmagga-aṭṭhakathā / 4-8. ஸத்தபோ³தி⁴ஸத்தவாராதி³வண்ணனா • 4-8. Sattabodhisattavārādivaṇṇanā
