| Library / Tipiṭaka / तिपिटक • Tipiṭaka / अपदानपाळि • Apadānapāḷi |
६. अभिरूपनन्दाथेरीअपदानं
6. Abhirūpanandātherīapadānaṃ
१४३.
143.
‘‘एकनवुतितो कप्पे, विपस्सी नाम नायको।
‘‘Ekanavutito kappe, vipassī nāma nāyako;
उप्पज्जि चारुदस्सनो, सब्बधम्मेसु चक्खुमा॥
Uppajji cārudassano, sabbadhammesu cakkhumā.
१४४.
144.
‘‘तदाहं बन्धुमतियं, इद्धे फीते महाकुले।
‘‘Tadāhaṃ bandhumatiyaṃ, iddhe phīte mahākule;
जाता सुरूपा दयिता, पूजनीया जनस्स च॥
Jātā surūpā dayitā, pūjanīyā janassa ca.
१४५.
145.
‘‘उपगन्त्वा महावीरं, विपस्सिं लोकनायकं।
‘‘Upagantvā mahāvīraṃ, vipassiṃ lokanāyakaṃ;
धम्मं सुणित्वा सरणं, उपेसिं नरनायकं॥
Dhammaṃ suṇitvā saraṇaṃ, upesiṃ naranāyakaṃ.
१४६.
146.
‘‘सीलेसु संवुता हुत्वा, निब्बुते च नरुत्तमे।
‘‘Sīlesu saṃvutā hutvā, nibbute ca naruttame;
धातुथूपस्स उपरि, सोण्णच्छत्तमपूजयिं॥
Dhātuthūpassa upari, soṇṇacchattamapūjayiṃ.
१४७.
147.
‘‘मुत्तचागा सीलवती, यावजीवं ततो चुता।
‘‘Muttacāgā sīlavatī, yāvajīvaṃ tato cutā;
जहित्वा मानुसं देहं, तावतिंसूपगा अहं॥
Jahitvā mānusaṃ dehaṃ, tāvatiṃsūpagā ahaṃ.
१४८.
148.
रूपसद्देहि गन्धेहि, रसेहि फुसनेहि च॥
Rūpasaddehi gandhehi, rasehi phusanehi ca.
१४९.
149.
‘‘आयुनापि च वण्णेन, सुखेन यससापि च।
‘‘Āyunāpi ca vaṇṇena, sukhena yasasāpi ca;
तथेवाधिपतेय्येन, अधिगय्ह विरोचहं॥
Tathevādhipateyyena, adhigayha virocahaṃ.
१५०.
150.
‘‘पच्छिमे च भवे दानि, जाताहं कपिलव्हये।
‘‘Pacchime ca bhave dāni, jātāhaṃ kapilavhaye;
धीता खेमकसक्कस्स, नन्दा नामाति विस्सुता॥
Dhītā khemakasakkassa, nandā nāmāti vissutā.
१५१.
151.
यदाहं योब्बनप्पत्ता, रूपलावञ्ञभूसिता॥
Yadāhaṃ yobbanappattā, rūpalāvaññabhūsitā.
१५२.
152.
पब्बाजेसि ततो तातो, मा सक्या विनस्सिंसुति॥
Pabbājesi tato tāto, mā sakyā vinassiṃsuti.
१५३.
153.
‘‘पब्बजित्वा तथागतं, रूपदेस्सिं नरुत्तमं।
‘‘Pabbajitvā tathāgataṃ, rūpadessiṃ naruttamaṃ;
सुत्वान नोपगच्छामि, मम रूपेन गब्बिता॥
Sutvāna nopagacchāmi, mama rūpena gabbitā.
१५४.
154.
‘‘ओवादम्पि न गच्छामि, बुद्धदस्सनभीरुता।
‘‘Ovādampi na gacchāmi, buddhadassanabhīrutā;
तदा जिनो उपायेन, उपनेत्वा ससन्तिकं॥
Tadā jino upāyena, upanetvā sasantikaṃ.
१५५.
155.
१५६.
156.
‘‘तायो दिस्वा सुसंविग्गा, विरत्तासे कळेवरे।
‘‘Tāyo disvā susaṃviggā, virattāse kaḷevare;
अट्ठासिं भवनिब्बिन्दा, तदा मं आह नायको॥
Aṭṭhāsiṃ bhavanibbindā, tadā maṃ āha nāyako.
१५७.
157.
‘‘‘आतुरं असुचिं पूतिं, पस्स नन्दे समुस्सयं।
‘‘‘Āturaṃ asuciṃ pūtiṃ, passa nande samussayaṃ;
उग्घरन्तं पग्घरन्तं, बालानं अभिनन्दितं॥
Uggharantaṃ paggharantaṃ, bālānaṃ abhinanditaṃ.
१५८.
158.
‘‘‘असुभाय चित्तं भावेहि, एकग्गं सुसमाहितं।
‘‘‘Asubhāya cittaṃ bhāvehi, ekaggaṃ susamāhitaṃ;
यथा इदं तथा एतं, यथा एतं तथा इदं॥
Yathā idaṃ tathā etaṃ, yathā etaṃ tathā idaṃ.
१५९.
159.
‘‘‘एवमेतं अवेक्खन्ती, रत्तिन्दिवमतन्दिता।
‘‘‘Evametaṃ avekkhantī, rattindivamatanditā;
ततो सकाय पञ्ञाय, अभिनिब्बिज्झ वच्छसि’॥
Tato sakāya paññāya, abhinibbijjha vacchasi’.
१६०.
160.
यथाभूतं अयं कायो, दिट्ठो सन्तरबाहिरो॥
Yathābhūtaṃ ayaṃ kāyo, diṭṭho santarabāhiro.
१६१.
161.
‘‘अथ निब्बिन्दहं काये, अज्झत्तञ्च विरज्जहं।
‘‘Atha nibbindahaṃ kāye, ajjhattañca virajjahaṃ;
अप्पमत्ता विसंयुत्ता, उपसन्ताम्हि निब्बुता॥
Appamattā visaṃyuttā, upasantāmhi nibbutā.
१६२.
162.
‘‘इद्धीसु च वसी होमि, दिब्बाय सोतधातुया।
‘‘Iddhīsu ca vasī homi, dibbāya sotadhātuyā;
चेतोपरियञाणस्स, वसी होमि महामुने॥
Cetopariyañāṇassa, vasī homi mahāmune.
१६३.
163.
‘‘पुब्बेनिवासं जानामि, दिब्बचक्खु विसोधितं।
‘‘Pubbenivāsaṃ jānāmi, dibbacakkhu visodhitaṃ;
सब्बासवपरिक्खीणा , नत्थि दानि पुनब्भवो॥
Sabbāsavaparikkhīṇā , natthi dāni punabbhavo.
१६४.
164.
‘‘अत्थधम्मनिरुत्तीसु, पटिभाने तथेव च।
‘‘Atthadhammaniruttīsu, paṭibhāne tatheva ca;
ञाणं मम महावीर, उप्पन्नं तव सन्तिके॥
Ñāṇaṃ mama mahāvīra, uppannaṃ tava santike.
१६५.
165.
‘‘किलेसा झापिता मय्हं…पे॰… विहरामि अनासवा॥
‘‘Kilesā jhāpitā mayhaṃ…pe… viharāmi anāsavā.
१६६.
166.
‘‘स्वागतं वत मे आसि…पे॰… कतं बुद्धस्स सासनं॥
‘‘Svāgataṃ vata me āsi…pe… kataṃ buddhassa sāsanaṃ.
१६७.
167.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं अभिरूपनन्दा भिक्खुनी इमा गाथायो अभासित्थाति।
Itthaṃ sudaṃ abhirūpanandā bhikkhunī imā gāthāyo abhāsitthāti.
अभिरूपनन्दाथेरियापदानं छट्ठं।
Abhirūpanandātheriyāpadānaṃ chaṭṭhaṃ.
Footnotes:
