| Library / Tipiṭaka / திபிடக • Tipiṭaka / படிஸம்பி⁴தா³மக்³க³பாளி • Paṭisambhidāmaggapāḷi |
3. அபி⁴ஸமயகதா²
3. Abhisamayakathā
19. அபி⁴ஸமயோதி . கேன அபி⁴ஸமேதி? சித்தேன அபி⁴ஸமேதி.
19.Abhisamayoti . Kena abhisameti? Cittena abhisameti.
ஹஞ்சி சித்தேன அபி⁴ஸமேதி, தேன ஹி அஞ்ஞாணீ அபி⁴ஸமேதி? ந அஞ்ஞாணீ அபி⁴ஸமேதி. ஞாணேன அபி⁴ஸமேதி.
Hañci cittena abhisameti, tena hi aññāṇī abhisameti? Na aññāṇī abhisameti. Ñāṇena abhisameti.
ஹஞ்சி ஞாணேன அபி⁴ஸமேதி, தேன ஹி அசித்தேன ச ஞாணேன ச அசித்தகோ 1 அபி⁴ஸமேதி? ந அசித்தகோ அபி⁴ஸமேதி. சித்தேன ச ஞாணேன ச அபி⁴ஸமேதி.
Hañci ñāṇena abhisameti, tena hi acittena ca ñāṇena ca acittako 2 abhisameti? Na acittako abhisameti. Cittena ca ñāṇena ca abhisameti.
ஹஞ்சி சித்தேன ச ஞாணேன ச அபி⁴ஸமேதி, தேன ஹி காமாவசரசித்தேன ச ஞாணேன ச அபி⁴ஸமேதி? ந காமாவசரசித்தேன ச ஞாணேன ச அபி⁴ஸமேதி.
Hañci cittena ca ñāṇena ca abhisameti, tena hi kāmāvacaracittena ca ñāṇena ca abhisameti? Na kāmāvacaracittena ca ñāṇena ca abhisameti.
தேன ஹி ரூபாவசரசித்தேன ச ஞாணேன ச அபி⁴ஸமேதி? ந ரூபாவசரசித்தேன ச ஞாணேன ச அபி⁴ஸமேதி.
Tena hi rūpāvacaracittena ca ñāṇena ca abhisameti? Na rūpāvacaracittena ca ñāṇena ca abhisameti.
தேன ஹி அரூபாவசரசித்தேன ச ஞாணேன ச அபி⁴ஸமேதி? ந அரூபாவசரசித்தேன ச ஞாணேன ச அபி⁴ஸமேதி.
Tena hi arūpāvacaracittena ca ñāṇena ca abhisameti? Na arūpāvacaracittena ca ñāṇena ca abhisameti.
தேன ஹி கம்மஸ்ஸகதசித்தேன ச ஞாணேன ச அபி⁴ஸமேதி? ந கம்மஸ்ஸகதசித்தேன ச ஞாணேன ச அபி⁴ஸமேதி.
Tena hi kammassakatacittena ca ñāṇena ca abhisameti? Na kammassakatacittena ca ñāṇena ca abhisameti.
தேன ஹி ஸச்சானுலோமிகசித்தேன ச ஞாணேன ச அபி⁴ஸமேதி? ந ஸச்சானுலோமிகசித்தேன ச ஞாணேன ச அபி⁴ஸமேதி.
Tena hi saccānulomikacittena ca ñāṇena ca abhisameti? Na saccānulomikacittena ca ñāṇena ca abhisameti.
தேன ஹி அதீதசித்தேன ச ஞாணேன ச அபி⁴ஸமேதி? ந அதீதசித்தேன ச ஞாணேன ச அபி⁴ஸமேதி.
Tena hi atītacittena ca ñāṇena ca abhisameti? Na atītacittena ca ñāṇena ca abhisameti.
தேன ஹி அனாக³தசித்தேன ச ஞாணேன ச அபி⁴ஸமேதி? ந அனாக³தசித்தேன ச ஞாணேன ச அபி⁴ஸமேதி.
Tena hi anāgatacittena ca ñāṇena ca abhisameti? Na anāgatacittena ca ñāṇena ca abhisameti.
தேன ஹி பச்சுப்பன்னலோகியசித்தேன ச ஞாணேன ச அபி⁴ஸமேதி? ந பச்சுப்பன்னலோகியசித்தேன ச ஞாணேன ச அபி⁴ஸமேதி. லோகுத்தரமக்³க³க்க²ணே பச்சுப்பன்னசித்தேன ச ஞாணேன ச அபி⁴ஸமேதி.
Tena hi paccuppannalokiyacittena ca ñāṇena ca abhisameti? Na paccuppannalokiyacittena ca ñāṇena ca abhisameti. Lokuttaramaggakkhaṇe paccuppannacittena ca ñāṇena ca abhisameti.
கத²ங் லோகுத்தரமக்³க³க்க²ணே பச்சுப்பன்னசித்தேன ச ஞாணேன ச அபி⁴ஸமேதி? லோகுத்தரமக்³க³க்க²ணே உப்பாதா³தி⁴பதெய்யங் சித்தங் ஞாணஸ்ஸ ஹேது பச்சயோ ச. தங்ஸம்பயுத்தங் நிரோத⁴கோ³சரங் த³ஸ்ஸனாதி⁴பதெய்யங் ஞாணங் சித்தஸ்ஸ ஹேது பச்சயோ ச. தங்ஸம்பயுத்தங் ஞாணங் நிரோத⁴கோ³சரங். ஏவங் லோகுத்தரமக்³க³க்க²ணே பச்சுப்பன்னசித்தேன ச ஞாணேன ச அபி⁴ஸமேதி.
Kathaṃ lokuttaramaggakkhaṇe paccuppannacittena ca ñāṇena ca abhisameti? Lokuttaramaggakkhaṇe uppādādhipateyyaṃ cittaṃ ñāṇassa hetu paccayo ca. Taṃsampayuttaṃ nirodhagocaraṃ dassanādhipateyyaṃ ñāṇaṃ cittassa hetu paccayo ca. Taṃsampayuttaṃ ñāṇaṃ nirodhagocaraṃ. Evaṃ lokuttaramaggakkhaṇe paccuppannacittena ca ñāṇena ca abhisameti.
20. கிங் நு எத்தகோயேவ அபி⁴ஸமயோதி? ந ஹி. லோகுத்தரமக்³க³க்க²ணே த³ஸ்ஸனாபி⁴ஸமயோ ஸம்மாதி³ட்டி², அபி⁴னிரோபனாபி⁴ஸமயோ ஸம்மாஸங்கப்போ, பரிக்³க³ஹாபி⁴ஸமயோ ஸம்மாவாசா, ஸமுட்டா²னாபி⁴ஸமயோ ஸம்மாகம்மந்தோ, வோதா³னாபி⁴ஸமயோ ஸம்மாஆஜீவோ, பக்³க³ஹாபி⁴ஸமயோ ஸம்மாவாயாமோ, உபட்டா²னாபி⁴ஸமயோ ஸம்மாஸதி, அவிக்கே²பாபி⁴ஸமயோ ஸம்மாஸமாதி⁴; உபட்டா²னாபி⁴ஸமயோ ஸதிஸம்பொ³ஜ்ஜ²ங்கோ³, பவிசயாபி⁴ஸமயோ த⁴ம்மவிசயஸம்பொ³ஜ்ஜ²ங்கோ³, பக்³க³ஹாபி⁴ஸமயோ வீரியஸம்பொ³ஜ்ஜ²ங்கோ³, ப²ரணாபி⁴ஸமயோ பீதிஸம்பொ³ஜ்ஜ²ங்கோ³, உபஸமாபி⁴ஸமயோ பஸ்ஸத்³தி⁴ஸம்பொ³ஜ்ஜ²ங்கோ³, அவிக்கே²பாபி⁴ஸமயோ ஸமாதி⁴ஸம்பொ³ஜ்ஜ²ங்கோ³, படிஸங்கா²னாபி⁴ஸமயோ உபெக்கா²ஸம்பொ³ஜ்ஜ²ங்கோ³; அஸ்ஸத்³தி⁴யே அகம்பியாபி⁴ஸமயோ ஸத்³தா⁴ப³லங், கோஸஜ்ஜே அகம்பியாபி⁴ஸமயோ வீரியப³லங், பமாதே³ அகம்பியாபி⁴ஸமயோ ஸதிப³லங், உத்³த⁴ச்சே அகம்பியாபி⁴ஸமயோ ஸமாதி⁴ப³லங், அவிஜ்ஜாய அகம்பியாபி⁴ஸமயோ பஞ்ஞாப³லங்; அதி⁴மொக்கா²பி⁴ஸமயோ ஸத்³தி⁴ந்த்³ரியங், பக்³க³ஹாபி⁴ஸமயோ வீரியிந்த்³ரியங், உபட்டா²னாபி⁴ஸமயோ ஸதிந்த்³ரியங், அவிக்கே²பாபி⁴ஸமயோ ஸமாதி⁴ந்த்³ரியங், த³ஸ்ஸனாபி⁴ஸமயோ பஞ்ஞிந்த்³ரியங். ஆதி⁴பதெய்யட்டே²ன இந்த்³ரியாபி⁴ஸமயோ, அகம்பியட்டே²ன ப³லாபி⁴ஸமயோ, நிய்யானட்டே²ன பொ³ஜ்ஜ²ங்கா³பி⁴ஸமயோ, ஹேதுட்டே²ன மக்³கா³பி⁴ஸமயோ, உபட்டா²னட்டே²ன ஸதிபட்டா²னாபி⁴ஸமயோ, பத³ஹட்டே²ன ஸம்மப்பதா⁴னாபி⁴ஸமயோ , இஜ்ஜ²னட்டே²ன இத்³தி⁴பாதா³பி⁴ஸமயோ, தத²ட்டே²ன ஸச்சாபி⁴ஸமயோ, அவிக்கே²பட்டே²ன ஸமதா²பி⁴ஸமயோ, அனுபஸ்ஸனட்டே²ன விபஸ்ஸனாபி⁴ஸமயோ, ஏகரஸட்டே²ன ஸமத²விபஸ்ஸனாபி⁴ஸமயோ, அனதிவத்தனட்டே²ன யுக³னத்³தா⁴பி⁴ஸமயோ, ஸங்வரட்டே²ன ஸீலவிஸுத்³தி⁴அபி⁴ஸமயோ, அவிக்கே²பட்டே²ன விஸுத்³தி⁴அபி⁴ஸமயோ, த³ஸ்ஸனட்டே²ன தி³ட்டி²விஸுத்³தி⁴அபி⁴ஸமயோ, முத்தட்டே²ன விமொக்கா²பி⁴ஸமயோ, படிவேத⁴ட்டே²ன விஜ்ஜாபி⁴ஸமயோ, பரிச்சாக³ட்டே²ன விமுத்திஅபி⁴ஸமயோ, ஸமுச்சே²த³ட்டே²ன க²யே ஞாணங் அபி⁴ஸமயோ. ச²ந்தோ³ மூலட்டே²ன அபி⁴ஸமயோ, மனஸிகாரோ ஸமுட்டா²னட்டே²ன அபி⁴ஸமயோ, ப²ஸ்ஸோ ஸமோதா⁴னட்டே²ன அபி⁴ஸமயோ, வேத³னா ஸமோஸரணட்டே²ன அபி⁴ஸமயோ, ஸமாதி⁴ பமுக²ட்டே²ன அபி⁴ஸமயோ , ஸதி ஆதி⁴பதெய்யட்டே²ன அபி⁴ஸமயோ, பஞ்ஞா ததுத்தரட்டே²ன அபி⁴ஸமயோ, விமுத்தி ஸாரட்டே²ன அபி⁴ஸமயோ, அமதோக³த⁴ங் நிப்³பா³னங் பரியோஸானட்டே²ன அபி⁴ஸமயோ.
20.Kiṃnu ettakoyeva abhisamayoti? Na hi.Lokuttaramaggakkhaṇe dassanābhisamayo sammādiṭṭhi, abhiniropanābhisamayo sammāsaṅkappo, pariggahābhisamayo sammāvācā, samuṭṭhānābhisamayo sammākammanto, vodānābhisamayo sammāājīvo, paggahābhisamayo sammāvāyāmo, upaṭṭhānābhisamayo sammāsati, avikkhepābhisamayo sammāsamādhi; upaṭṭhānābhisamayo satisambojjhaṅgo, pavicayābhisamayo dhammavicayasambojjhaṅgo, paggahābhisamayo vīriyasambojjhaṅgo, pharaṇābhisamayo pītisambojjhaṅgo, upasamābhisamayo passaddhisambojjhaṅgo, avikkhepābhisamayo samādhisambojjhaṅgo, paṭisaṅkhānābhisamayo upekkhāsambojjhaṅgo; assaddhiye akampiyābhisamayo saddhābalaṃ, kosajje akampiyābhisamayo vīriyabalaṃ, pamāde akampiyābhisamayo satibalaṃ, uddhacce akampiyābhisamayo samādhibalaṃ, avijjāya akampiyābhisamayo paññābalaṃ; adhimokkhābhisamayo saddhindriyaṃ, paggahābhisamayo vīriyindriyaṃ, upaṭṭhānābhisamayo satindriyaṃ, avikkhepābhisamayo samādhindriyaṃ, dassanābhisamayo paññindriyaṃ. Ādhipateyyaṭṭhena indriyābhisamayo, akampiyaṭṭhena balābhisamayo, niyyānaṭṭhena bojjhaṅgābhisamayo, hetuṭṭhena maggābhisamayo, upaṭṭhānaṭṭhena satipaṭṭhānābhisamayo, padahaṭṭhena sammappadhānābhisamayo , ijjhanaṭṭhena iddhipādābhisamayo, tathaṭṭhena saccābhisamayo, avikkhepaṭṭhena samathābhisamayo, anupassanaṭṭhena vipassanābhisamayo, ekarasaṭṭhena samathavipassanābhisamayo, anativattanaṭṭhena yuganaddhābhisamayo, saṃvaraṭṭhena sīlavisuddhiabhisamayo, avikkhepaṭṭhena visuddhiabhisamayo, dassanaṭṭhena diṭṭhivisuddhiabhisamayo, muttaṭṭhena vimokkhābhisamayo, paṭivedhaṭṭhena vijjābhisamayo, pariccāgaṭṭhena vimuttiabhisamayo, samucchedaṭṭhena khaye ñāṇaṃ abhisamayo. Chando mūlaṭṭhena abhisamayo, manasikāro samuṭṭhānaṭṭhena abhisamayo, phasso samodhānaṭṭhena abhisamayo, vedanā samosaraṇaṭṭhena abhisamayo, samādhi pamukhaṭṭhena abhisamayo , sati ādhipateyyaṭṭhena abhisamayo, paññā tatuttaraṭṭhena abhisamayo, vimutti sāraṭṭhena abhisamayo, amatogadhaṃ nibbānaṃ pariyosānaṭṭhena abhisamayo.
21. கிங் நு எத்தகோயேவ அபி⁴ஸமயோதி? ந ஹி. ஸோதாபத்திமக்³க³க்க²ணே த³ஸ்ஸனாபி⁴ஸமயோ ஸம்மாதி³ட்டி²…பே॰… அமதோக³த⁴ங் நிப்³பா³னங் பரியோஸானட்டே²ன அபி⁴ஸமயோ.
21. Kiṃ nu ettakoyeva abhisamayoti? Na hi. Sotāpattimaggakkhaṇe dassanābhisamayo sammādiṭṭhi…pe… amatogadhaṃ nibbānaṃ pariyosānaṭṭhena abhisamayo.
கிங் நு எத்தகோயேவ அபி⁴ஸமயோதி? ந ஹி. ஸோதாபத்திப²லக்க²ணே த³ஸ்ஸனாபி⁴ஸமயோ ஸம்மாதி³ட்டி²…பே॰… படிப்பஸ்ஸத்³த⁴ட்டே²ன அனுப்பாதே³ ஞாணங் அபி⁴ஸமயோ. ச²ந்தோ³ மூலட்டே²ன அபி⁴ஸமயோ…பே॰… அமதோக³த⁴ங் 5 நிப்³பா³னங் பரியோஸானட்டே²ன அபி⁴ஸமயோ.
Kiṃ nu ettakoyeva abhisamayoti? Na hi. Sotāpattiphalakkhaṇe dassanābhisamayo sammādiṭṭhi…pe… paṭippassaddhaṭṭhena anuppāde ñāṇaṃ abhisamayo. Chando mūlaṭṭhena abhisamayo…pe… amatogadhaṃ 5 nibbānaṃ pariyosānaṭṭhena abhisamayo.
கிங் நு எத்தகோயேவ அபி⁴ஸமயோதி?
Kiṃ nu ettakoyeva abhisamayoti?
ந ஹி. ஸகதா³கா³மிமக்³க³க்க²ணே…பே॰… ஸகதா³கா³மிப²லக்க²ணே… அனாகா³மிமக்³க³க்க²ணே… அனாகா³மிப²லக்க²ணே… அரஹத்தமக்³க³க்க²ணே…பே॰… அரஹத்தப²லக்க²ணே த³ஸ்ஸனாபி⁴ஸமயோ ஸம்மாதி³ட்டி², அபி⁴னிரோபனாபி⁴ஸமயோ ஸம்மாஸங்கப்போ…பே॰… படிப்பஸ்ஸத்³த⁴ட்டே²ன அனுப்பாதே³ ஞாணங் அபி⁴ஸமயோ. ச²ந்தோ³ மூலட்டே²ன அபி⁴ஸமயோ…பே॰… அமதோக³த⁴ங் நிப்³பா³னங் பரியோஸானட்டே²ன அபி⁴ஸமயோ.
Na hi. Sakadāgāmimaggakkhaṇe…pe… sakadāgāmiphalakkhaṇe… anāgāmimaggakkhaṇe… anāgāmiphalakkhaṇe… arahattamaggakkhaṇe…pe… arahattaphalakkhaṇe dassanābhisamayo sammādiṭṭhi, abhiniropanābhisamayo sammāsaṅkappo…pe… paṭippassaddhaṭṭhena anuppāde ñāṇaṃ abhisamayo. Chando mūlaṭṭhena abhisamayo…pe… amatogadhaṃ nibbānaṃ pariyosānaṭṭhena abhisamayo.
ய்வாயங் 3 கிலேஸே பஜஹதி, அதீதே கிலேஸே பஜஹதி…பே॰… அனாக³தே கிலேஸே பஜஹதி, பச்சுப்பன்னே கிலேஸே பஜஹதி, அதீதே கிலேஸே பஜஹதீதி. ஹஞ்சி அதீதே கிலேஸே பஜஹதி, தேன ஹி கீ²ணங் கே²பேதி, நிருத்³த⁴ங் நிரோதே⁴தி, விக³தங் விக³மேதி, அத்த²ங்க³தங் அத்த²ங்க³மேதி, அதீதங் யங் ந அத்தி² தங் பஜஹதீதி? ந அதீதே கிலேஸே பஜஹதீதி. அனாக³தே கிலேஸே பஜஹதீதி. ஹஞ்சி அனாக³தே கிலேஸே பஜஹதி, தேன ஹி அஜாதங் பஜஹதி, அனிப்³ப³த்தங் பஜஹதி, அனுப்பன்னங் பஜஹதி, அபாதுபூ⁴தங் பஜஹதி, அனாக³தங் யங் ந அத்தி² தங் பஜஹதீதி? ந அனாக³தே கிலேஸே பஜஹதீதி. பச்சுப்பன்னே கிலேஸே பஜஹதீதி. ஹஞ்சி பச்சுப்பன்னே கிலேஸே பஜஹதி, தேன ஹி ரத்தோ ராக³ங் பஜஹதி, து³ட்டோ² தோ³ஸங் பஜஹதி, மூள்ஹோ மோஹங் பஜஹதி, வினிப³த்³தோ⁴ மானங் பஜஹதி, பராமட்டோ² தி³ட்டி²ங் பஜஹதி ,
Yvāyaṃ 4 kilese pajahati, atīte kilese pajahati…pe… anāgate kilese pajahati, paccuppanne kilese pajahati, atīte kilese pajahatīti. Hañci atīte kilese pajahati, tena hi khīṇaṃ khepeti, niruddhaṃ nirodheti, vigataṃ vigameti, atthaṅgataṃ atthaṅgameti, atītaṃ yaṃ na atthi taṃ pajahatīti? Na atīte kilese pajahatīti. Anāgate kilese pajahatīti. Hañci anāgate kilese pajahati, tena hi ajātaṃ pajahati, anibbattaṃ pajahati, anuppannaṃ pajahati, apātubhūtaṃ pajahati, anāgataṃ yaṃ na atthi taṃ pajahatīti? Na anāgate kilese pajahatīti. Paccuppanne kilese pajahatīti. Hañci paccuppanne kilese pajahati, tena hi ratto rāgaṃ pajahati, duṭṭho dosaṃ pajahati, mūḷho mohaṃ pajahati, vinibaddho mānaṃ pajahati, parāmaṭṭho diṭṭhiṃ pajahati ,
விக்கே²பக³தோ உத்³த⁴ச்சங் பஜஹதி, அனிட்ட²ங்க³தோ விசிகிச்ச²ங் பஜஹதி, தா²மக³தோ அனுஸயங் பஜஹதி, கண்ஹஸுக்கத⁴ம்மா யுக³னத்³தா⁴ ஸமமேவ வத்தந்தி, ஸங்கிலேஸிகா 5 மக்³க³பா⁴வனா ஹோதி?
Vikkhepagato uddhaccaṃ pajahati, aniṭṭhaṅgato vicikicchaṃ pajahati, thāmagato anusayaṃ pajahati, kaṇhasukkadhammā yuganaddhā samameva vattanti, saṃkilesikā 6 maggabhāvanā hoti?
ந ஹி அதீதே கிலேஸே பஜஹதி, ந அனாக³தே கிலேஸே பஜஹதி, ந பச்சுப்பன்னே கிலேஸே பஜஹதீதி. ஹஞ்சி ந அதீதே கிலேஸே பஜஹதி, ந அனாக³தே…பே॰… ந பச்சுப்பன்னே கிலேஸே பஜஹதி, தேன ஹி நத்தி² மக்³க³பா⁴வனா, நத்தி² ப²லஸச்சி²கிரியா, நத்தி² கிலேஸப்பஹானங், நத்தி² த⁴ம்மாபி⁴ஸமயோதி? அத்தி² மக்³க³பா⁴வனா, அத்தி² ப²லஸச்சி²கிரியா, அத்தி² கிலேஸப்பஹானங், அத்தி² த⁴ம்மாபி⁴ஸமயோ. யதா² கத²ங் விய? ஸெய்யதா²பி தருணோ ருக்கோ² அஜாதப²லோ. தமேனங் புரிஸோ மூலங் சி²ந்தெ³ய்ய. யே தஸ்ஸ ருக்க²ஸ்ஸ அஜாதப²லா, தே அஜாதாயேவ ந ஜாயந்தி, அனிப்³ப³த்தாயேவ ந நிப்³ப³த்தந்தி, அனுப்பன்னாயேவ ந உப்பஜ்ஜந்தி, அபாதுபூ⁴தாயேவ ந பாதுப⁴வந்தி. ஏவமேவங் உப்பாதோ³ ஹேது, உப்பாதோ³ பச்சயோ கிலேஸானங் நிப்³ப³த்தியாதி. உப்பாதே³ ஆதீ³னவங் தி³ஸ்வா அனுப்பாதே³ சித்தங் பக்க²ந்த³தி. அனுப்பாதே³ சித்தஸ்ஸ பக்க²ந்த³த்தா யே உப்பாத³பச்சயா கிலேஸா நிப்³ப³த்தெய்யுங், தே அஜாதாயேவ ந ஜாயந்தி, அனிப்³ப³த்தாயேவ ந நிப்³ப³த்தந்தி, அனுப்பன்னாயேவ ந உப்பஜ்ஜந்தி, அபாதுபூ⁴தாயேவ ந பாதுப⁴வந்தி. ஏவங் ஹேதுனிரோதா⁴ து³க்க²னிரோதோ⁴. பவத்தங் ஹேது, நிமித்தங் ஹேது, ஆயூஹனா ஹேது. ஆயூஹனா பச்சயோ கிலேஸானங் நிப்³ப³த்தியாதி. ஆயூஹனே ஆதீ³னவங் தி³ஸ்வா அனாயூஹனே சித்தங் பக்க²ந்த³தி. அனாயூஹனே சித்தஸ்ஸ பக்க²ந்த³த்தா, யே ஆயூஹனபச்சயா கிலேஸா நிப்³ப³த்தெய்யுங், தே அஜாதாயேவ ந ஜாயந்தி, அனிப்³ப³த்தாயேவ ந நிப்³ப³த்தந்தி, அனுப்பன்னாயேவ ந உப்பஜ்ஜந்தி, அபாதுபூ⁴தாயேவ ந பாதுப⁴வந்தி. ஏவங் ஹேதுனிரோதா⁴ து³க்க²னிரோதோ⁴. ஏவங் அத்தி² மக்³க³பா⁴வனா, அத்தி² ப²லஸச்சி²கிரியா, அத்தி² கிலேஸப்பஹானங், அத்தி² த⁴ம்மாபி⁴ஸமயோதி.
Na hi atīte kilese pajahati, na anāgate kilese pajahati, na paccuppanne kilese pajahatīti. Hañci na atīte kilese pajahati, na anāgate…pe… na paccuppanne kilese pajahati, tena hi natthi maggabhāvanā, natthi phalasacchikiriyā, natthi kilesappahānaṃ, natthi dhammābhisamayoti? Atthi maggabhāvanā, atthi phalasacchikiriyā, atthi kilesappahānaṃ, atthi dhammābhisamayo. Yathā kathaṃ viya? Seyyathāpi taruṇo rukkho ajātaphalo. Tamenaṃ puriso mūlaṃ chindeyya. Ye tassa rukkhassa ajātaphalā, te ajātāyeva na jāyanti, anibbattāyeva na nibbattanti, anuppannāyeva na uppajjanti, apātubhūtāyeva na pātubhavanti. Evamevaṃ uppādo hetu, uppādo paccayo kilesānaṃ nibbattiyāti. Uppāde ādīnavaṃ disvā anuppāde cittaṃ pakkhandati. Anuppāde cittassa pakkhandattā ye uppādapaccayā kilesā nibbatteyyuṃ, te ajātāyeva na jāyanti, anibbattāyeva na nibbattanti, anuppannāyeva na uppajjanti, apātubhūtāyeva na pātubhavanti. Evaṃ hetunirodhā dukkhanirodho. Pavattaṃ hetu, nimittaṃ hetu, āyūhanā hetu. Āyūhanā paccayo kilesānaṃ nibbattiyāti. Āyūhane ādīnavaṃ disvā anāyūhane cittaṃ pakkhandati. Anāyūhane cittassa pakkhandattā, ye āyūhanapaccayā kilesā nibbatteyyuṃ, te ajātāyeva na jāyanti, anibbattāyeva na nibbattanti, anuppannāyeva na uppajjanti, apātubhūtāyeva na pātubhavanti. Evaṃ hetunirodhā dukkhanirodho. Evaṃ atthi maggabhāvanā, atthi phalasacchikiriyā, atthi kilesappahānaṃ, atthi dhammābhisamayoti.
அபி⁴ஸமயகதா² நிட்டி²தா.
Abhisamayakathā niṭṭhitā.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / படிஸம்பி⁴தா³மக்³க³-அட்ட²கதா² • Paṭisambhidāmagga-aṭṭhakathā / அபி⁴ஸமயகதா²வண்ணனா • Abhisamayakathāvaṇṇanā
