| Library / Tipiṭaka / તિપિટક • Tipiṭaka / અઙ્ગુત્તરનિકાય (ટીકા) • Aṅguttaranikāya (ṭīkā) |
૬. અબ્યાકતવગ્ગો
6. Abyākatavaggo
૧-૨. અબ્યાકતસુત્તાદિવણ્ણના
1-2. Abyākatasuttādivaṇṇanā
૫૪-૫૫. છટ્ઠવગ્ગસ્સ પઠમં સુવિઞ્ઞેય્યમેવ. દુતિયે અતીતે અત્તભાવે નિબ્બત્તકં કમ્મન્તિ ‘‘પુરિમકમ્મભવસ્મિં મોહો અવિજ્જા, આયૂહના સઙ્ખારા, નિકન્તિ તણ્હા, ઉપગમનં ઉપાદાનં, ચેતના ભવો’’તિ એવમાગતં સપરિક્ખારં પઞ્ચવિધં કમ્મવટ્ટમાહ. એતરહિ મે અત્તભાવો ન સિયાતિ વિઞ્ઞાણનામરૂપસળાયતનફસ્સવેદનાસહિતં પચ્ચુપ્પન્નં પઞ્ચવિધં વિપાકવટ્ટમાહ. યં અત્થિકન્તિ યં પરમત્થતો વિજ્જમાનકં. તેનાહ ‘‘ભૂત’’ન્તિ. તઞ્હિ પચ્ચયનિબ્બત્તતાય ‘‘ભૂત’’ન્તિ વુચ્ચતિ. તં પજહામીતિ તપ્પટિબદ્ધચ્છન્દરાગપ્પહાનેન તતો એવ આયતિં અનુપ્પત્તિધમ્મતાપાદનવસેન પજહામિ પરિચ્ચજામિ. હરિતન્તન્તિ (મ॰ નિ॰ અટ્ઠ॰ ૧.૩૦૩) હરિતમેવ. અન્ત-સદ્દેન પદવડ્ઢનં કતં યથા ‘‘વનન્તં સુત્તન્ત’’ન્તિ, અલ્લતિણાદીનિ આગમ્મ નિબ્બાયતીતિ અત્થો. પથન્તન્તિ મહામગ્ગં. સેલન્તન્તિ પબ્બતં. ઉદકન્તન્તિ ઉદકં. રમણીયં વા ભૂમિભાગન્તિ તિણગુમ્બાદિરહિતં વિવિત્તં અબ્ભોકાસભૂમિભાગં. અનાહારાતિ અપચ્ચયા નિરુપાદાના. સેસમેત્થ ઉત્તાનમેવ.
54-55. Chaṭṭhavaggassa paṭhamaṃ suviññeyyameva. Dutiye atīte attabhāve nibbattakaṃ kammanti ‘‘purimakammabhavasmiṃ moho avijjā, āyūhanā saṅkhārā, nikanti taṇhā, upagamanaṃ upādānaṃ, cetanā bhavo’’ti evamāgataṃ saparikkhāraṃ pañcavidhaṃ kammavaṭṭamāha. Etarahi me attabhāvo na siyāti viññāṇanāmarūpasaḷāyatanaphassavedanāsahitaṃ paccuppannaṃ pañcavidhaṃ vipākavaṭṭamāha. Yaṃ atthikanti yaṃ paramatthato vijjamānakaṃ. Tenāha ‘‘bhūta’’nti. Tañhi paccayanibbattatāya ‘‘bhūta’’nti vuccati. Taṃ pajahāmīti tappaṭibaddhacchandarāgappahānena tato eva āyatiṃ anuppattidhammatāpādanavasena pajahāmi pariccajāmi. Haritantanti (ma. ni. aṭṭha. 1.303) haritameva. Anta-saddena padavaḍḍhanaṃ kataṃ yathā ‘‘vanantaṃ suttanta’’nti, allatiṇādīni āgamma nibbāyatīti attho. Pathantanti mahāmaggaṃ. Selantanti pabbataṃ. Udakantanti udakaṃ. Ramaṇīyaṃ vā bhūmibhāganti tiṇagumbādirahitaṃ vivittaṃ abbhokāsabhūmibhāgaṃ. Anāhārāti apaccayā nirupādānā. Sesamettha uttānameva.
અબ્યાકતસુત્તાદિવણ્ણના નિટ્ઠિતા.
Abyākatasuttādivaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / અઙ્ગુત્તરનિકાય • Aṅguttaranikāya
૧. અબ્યાકતસુત્તં • 1. Abyākatasuttaṃ
૨. પુરિસગતિસુત્તં • 2. Purisagatisuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā)
૧. અબ્યાકતસુત્તવણ્ણના • 1. Abyākatasuttavaṇṇanā
૨. પુરિસગતિસુત્તવણ્ણના • 2. Purisagatisuttavaṇṇanā
