| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੬. ਅਬ੍ਯਾਕਤવਗ੍ਗੋ
6. Abyākatavaggo
੧-੨. ਅਬ੍ਯਾਕਤਸੁਤ੍ਤਾਦਿવਣ੍ਣਨਾ
1-2. Abyākatasuttādivaṇṇanā
੫੪-੫੫. ਛਟ੍ਠવਗ੍ਗਸ੍ਸ ਪਠਮਂ ਸੁવਿਞ੍ਞੇਯ੍ਯਮੇવ। ਦੁਤਿਯੇ ਅਤੀਤੇ ਅਤ੍ਤਭਾવੇ ਨਿਬ੍ਬਤ੍ਤਕਂ ਕਮ੍ਮਨ੍ਤਿ ‘‘ਪੁਰਿਮਕਮ੍ਮਭવਸ੍ਮਿਂ ਮੋਹੋ ਅવਿਜ੍ਜਾ, ਆਯੂਹਨਾ ਸਙ੍ਖਾਰਾ, ਨਿਕਨ੍ਤਿ ਤਣ੍ਹਾ, ਉਪਗਮਨਂ ਉਪਾਦਾਨਂ, ਚੇਤਨਾ ਭવੋ’’ਤਿ ਏવਮਾਗਤਂ ਸਪਰਿਕ੍ਖਾਰਂ ਪਞ੍ਚવਿਧਂ ਕਮ੍ਮવਟ੍ਟਮਾਹ। ਏਤਰਹਿ ਮੇ ਅਤ੍ਤਭਾવੋ ਨ ਸਿਯਾਤਿ વਿਞ੍ਞਾਣਨਾਮਰੂਪਸਲ਼ਾਯਤਨਫਸ੍ਸવੇਦਨਾਸਹਿਤਂ ਪਚ੍ਚੁਪ੍ਪਨ੍ਨਂ ਪਞ੍ਚવਿਧਂ વਿਪਾਕવਟ੍ਟਮਾਹ। ਯਂ ਅਤ੍ਥਿਕਨ੍ਤਿ ਯਂ ਪਰਮਤ੍ਥਤੋ વਿਜ੍ਜਮਾਨਕਂ। ਤੇਨਾਹ ‘‘ਭੂਤ’’ਨ੍ਤਿ। ਤਞ੍ਹਿ ਪਚ੍ਚਯਨਿਬ੍ਬਤ੍ਤਤਾਯ ‘‘ਭੂਤ’’ਨ੍ਤਿ વੁਚ੍ਚਤਿ। ਤਂ ਪਜਹਾਮੀਤਿ ਤਪ੍ਪਟਿਬਦ੍ਧਚ੍ਛਨ੍ਦਰਾਗਪ੍ਪਹਾਨੇਨ ਤਤੋ ਏવ ਆਯਤਿਂ ਅਨੁਪ੍ਪਤ੍ਤਿਧਮ੍ਮਤਾਪਾਦਨવਸੇਨ ਪਜਹਾਮਿ ਪਰਿਚ੍ਚਜਾਮਿ। ਹਰਿਤਨ੍ਤਨ੍ਤਿ (ਮ॰ ਨਿ॰ ਅਟ੍ਠ॰ ੧.੩੦੩) ਹਰਿਤਮੇવ। ਅਨ੍ਤ-ਸਦ੍ਦੇਨ ਪਦવਡ੍ਢਨਂ ਕਤਂ ਯਥਾ ‘‘વਨਨ੍ਤਂ ਸੁਤ੍ਤਨ੍ਤ’’ਨ੍ਤਿ, ਅਲ੍ਲਤਿਣਾਦੀਨਿ ਆਗਮ੍ਮ ਨਿਬ੍ਬਾਯਤੀਤਿ ਅਤ੍ਥੋ। ਪਥਨ੍ਤਨ੍ਤਿ ਮਹਾਮਗ੍ਗਂ। ਸੇਲਨ੍ਤਨ੍ਤਿ ਪਬ੍ਬਤਂ। ਉਦਕਨ੍ਤਨ੍ਤਿ ਉਦਕਂ। ਰਮਣੀਯਂ વਾ ਭੂਮਿਭਾਗਨ੍ਤਿ ਤਿਣਗੁਮ੍ਬਾਦਿਰਹਿਤਂ વਿવਿਤ੍ਤਂ ਅਬ੍ਭੋਕਾਸਭੂਮਿਭਾਗਂ। ਅਨਾਹਾਰਾਤਿ ਅਪਚ੍ਚਯਾ ਨਿਰੁਪਾਦਾਨਾ। ਸੇਸਮੇਤ੍ਥ ਉਤ੍ਤਾਨਮੇવ।
54-55. Chaṭṭhavaggassa paṭhamaṃ suviññeyyameva. Dutiye atīte attabhāve nibbattakaṃ kammanti ‘‘purimakammabhavasmiṃ moho avijjā, āyūhanā saṅkhārā, nikanti taṇhā, upagamanaṃ upādānaṃ, cetanā bhavo’’ti evamāgataṃ saparikkhāraṃ pañcavidhaṃ kammavaṭṭamāha. Etarahi me attabhāvo na siyāti viññāṇanāmarūpasaḷāyatanaphassavedanāsahitaṃ paccuppannaṃ pañcavidhaṃ vipākavaṭṭamāha. Yaṃ atthikanti yaṃ paramatthato vijjamānakaṃ. Tenāha ‘‘bhūta’’nti. Tañhi paccayanibbattatāya ‘‘bhūta’’nti vuccati. Taṃ pajahāmīti tappaṭibaddhacchandarāgappahānena tato eva āyatiṃ anuppattidhammatāpādanavasena pajahāmi pariccajāmi. Haritantanti (ma. ni. aṭṭha. 1.303) haritameva. Anta-saddena padavaḍḍhanaṃ kataṃ yathā ‘‘vanantaṃ suttanta’’nti, allatiṇādīni āgamma nibbāyatīti attho. Pathantanti mahāmaggaṃ. Selantanti pabbataṃ. Udakantanti udakaṃ. Ramaṇīyaṃ vā bhūmibhāganti tiṇagumbādirahitaṃ vivittaṃ abbhokāsabhūmibhāgaṃ. Anāhārāti apaccayā nirupādānā. Sesamettha uttānameva.
ਅਬ੍ਯਾਕਤਸੁਤ੍ਤਾਦਿવਣ੍ਣਨਾ ਨਿਟ੍ਠਿਤਾ।
Abyākatasuttādivaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya
੧. ਅਬ੍ਯਾਕਤਸੁਤ੍ਤਂ • 1. Abyākatasuttaṃ
੨. ਪੁਰਿਸਗਤਿਸੁਤ੍ਤਂ • 2. Purisagatisuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā)
੧. ਅਬ੍ਯਾਕਤਸੁਤ੍ਤવਣ੍ਣਨਾ • 1. Abyākatasuttavaṇṇanā
੨. ਪੁਰਿਸਗਤਿਸੁਤ੍ਤવਣ੍ਣਨਾ • 2. Purisagatisuttavaṇṇanā
