| Library / Tipiṭaka / д̇ибидага • Tipiṭaka / махаавибхан̇г̇а • Mahāvibhaṅga |
8. ажжзгажийварасигкаабад̣̇ам̣
8. Accekacīvarasikkhāpadaṃ
646. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна ан̃н̃ад̇аро махаамад̇д̇о баваасам̣ г̇ажчанд̇о бхигкуунам̣ санд̇игз д̣̇ууд̇ам̣ баахзси – ‘‘ааг̇ажчанд̇у бхад̣̇анд̇аа вассааваасигам̣ д̣̇ассаамий’’д̇и. бхигкуу – ‘вассам̣вудтаанам̣ бхаг̇авад̇аа вассааваасигам̣ анун̃н̃аад̇а’нд̇и, гуггужжааяанд̇аа нааг̇амам̣су. ат̇а ко со махаамад̇д̇о уж̇жхааяад̇и кияяад̇и вибаажзд̇и – ‘‘гат̇ан̃хи наама бхад̣̇анд̇аа маяаа д̣̇ууд̇з бахид̇з нааг̇ажчиссанд̇и! ахан̃хи сзнааяа г̇ажчаами. д̣̇уж̇ж̇аанам̣ ж̇ийвид̇ам̣ д̣̇уж̇ж̇аанам̣ маран̣а’’нд̇и. ассосум̣ ко бхигкуу д̇асса махаамад̇д̇асса уж̇жхааяанд̇асса кияяанд̇асса вибаажзнд̇асса. ат̇а ко д̇з бхигкуу бхаг̇авад̇о зд̇амад̇т̇ам̣ аарожзсум̣. ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з д̇хаммим̣ гат̇ам̣ гад̇ваа бхигкуу ааманд̇зси – ‘‘ануж̇аанаами, бхигкавз, ажжзгажийварам̣ бадиг̇г̇ахзд̇ваа нигкибид̇у’’нд̇и.
646. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena aññataro mahāmatto pavāsaṃ gacchanto bhikkhūnaṃ santike dūtaṃ pāhesi – ‘‘āgacchantu bhadantā vassāvāsikaṃ dassāmī’’ti. Bhikkhū – ‘vassaṃvuṭṭhānaṃ bhagavatā vassāvāsikaṃ anuññāta’nti, kukkuccāyantā nāgamaṃsu. Atha kho so mahāmatto ujjhāyati khiyyati vipāceti – ‘‘kathañhi nāma bhadantā mayā dūte pahite nāgacchissanti! Ahañhi senāya gacchāmi. Dujjānaṃ jīvitaṃ dujjānaṃ maraṇa’’nti. Assosuṃ kho bhikkhū tassa mahāmattassa ujjhāyantassa khiyyantassa vipācentassa. Atha kho te bhikkhū bhagavato etamatthaṃ ārocesuṃ. Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘anujānāmi, bhikkhave, accekacīvaraṃ paṭiggahetvā nikkhipitu’’nti.
647. д̇зна ко бана самаязна бхигкуу – ‘‘бхаг̇авад̇аа анун̃н̃аад̇ам̣ ажжзгажийварам̣ бадиг̇г̇ахзд̇ваа нигкибид̇у’’нд̇и , ажжзгажийвараани бадиг̇г̇ахзд̇ваа жийварагааласамаяам̣ ад̇иггаамзнд̇и. д̇аани жийвараани жийваравам̣сз бхан̣д̣игааб̣ад̣̇д̇хаани д̇идтанд̇и. ад̣̇д̣̇аса ко ааяасмаа аананд̣̇о сзнаасанажааригам̣ аахин̣д̣анд̇о д̇аани жийвараани жийваравам̣сз бхан̣д̣игааб̣ад̣̇д̇хаани. д̇идтанд̇з д̣̇исваа бхигкуу зд̇ад̣̇авожа – ‘‘гассимаани, аавусо, жийвараани жийваравам̣сз бхан̣д̣игааб̣ад̣̇д̇хаани д̇идтанд̇ий’’д̇и? ‘‘амхаагам̣, аавусо, ажжзгажийварааний’’д̇и. ‘‘гийважирам̣ банаавусо, имаани жийвараани нигкид̇д̇ааний’’д̇и? ат̇а ко д̇з бхигкуу ааяасмад̇о аананд̣̇асса яат̇аанигкид̇д̇ам̣ аарожзсум̣. ааяасмаа аананд̣̇о уж̇жхааяад̇и кияяад̇и вибаажзд̇и – ‘‘гат̇ан̃хи наама бхигкуу ажжзгажийварам̣ бадиг̇г̇ахзд̇ваа жийварагааласамаяам̣ ад̇иггаамзссанд̇ий’’д̇и! ат̇а ко ааяасмаа аананд̣̇о д̇з бхигкуу анзгабарияааязна виг̇арахид̇ваа бхаг̇авад̇о зд̇амад̇т̇ам̣ аарожзси…бз… – ‘‘сажжам̣ гира, бхигкавз, бхигкуу ажжзгажийварам̣ бадиг̇г̇ахзд̇ваа жийварагааласамаяам̣ ад̇иггаамзнд̇ий’’д̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама д̇з, бхигкавз, могхабурисаа ажжзгажийварам̣ бадиг̇г̇ахзд̇ваа жийварагааласамаяам̣ ад̇иггаамзссанд̇и! нзд̇ам̣, бхигкавз, аббасаннаанам̣ ваа басаад̣̇ааяа…бз… зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –
647. Tena kho pana samayena bhikkhū – ‘‘bhagavatā anuññātaṃ accekacīvaraṃ paṭiggahetvā nikkhipitu’’nti , accekacīvarāni paṭiggahetvā cīvarakālasamayaṃ atikkāmenti. Tāni cīvarāni cīvaravaṃse bhaṇḍikābaddhāni tiṭṭhanti. Addasa kho āyasmā ānando senāsanacārikaṃ āhiṇḍanto tāni cīvarāni cīvaravaṃse bhaṇḍikābaddhāni. Tiṭṭhante disvā bhikkhū etadavoca – ‘‘kassimāni, āvuso, cīvarāni cīvaravaṃse bhaṇḍikābaddhāni tiṭṭhantī’’ti? ‘‘Amhākaṃ, āvuso, accekacīvarānī’’ti. ‘‘Kīvaciraṃ panāvuso, imāni cīvarāni nikkhittānī’’ti? Atha kho te bhikkhū āyasmato ānandassa yathānikkhittaṃ ārocesuṃ. Āyasmā ānando ujjhāyati khiyyati vipāceti – ‘‘kathañhi nāma bhikkhū accekacīvaraṃ paṭiggahetvā cīvarakālasamayaṃ atikkāmessantī’’ti! Atha kho āyasmā ānando te bhikkhū anekapariyāyena vigarahitvā bhagavato etamatthaṃ ārocesi…pe… – ‘‘saccaṃ kira, bhikkhave, bhikkhū accekacīvaraṃ paṭiggahetvā cīvarakālasamayaṃ atikkāmentī’’ti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma te, bhikkhave, moghapurisā accekacīvaraṃ paṭiggahetvā cīvarakālasamayaṃ atikkāmessanti! Netaṃ, bhikkhave, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –
648. ‘‘д̣̇асаахаанааг̇ад̇ам̣ гад̇д̇игад̇змаасигабун̣н̣амам̣ бхигкуно банзва ажжзгажийварам̣ уббаж̇ж̇зяяа, ажжзгам̣ ман̃н̃амаанзна бхигкунаа бадиг̇г̇ахзд̇аб̣б̣ам̣, бадиг̇г̇ахзд̇ваа яаава жийварагааласамаяам̣ нигкибид̇аб̣б̣ам̣. д̇ад̇о жз уд̇д̇ари нигкибзяяа, ниссаг̇г̇ияам̣ баажид̇д̇ияа’’нд̇и.
648.‘‘Dasāhānāgataṃ kattikatemāsikapuṇṇamaṃ bhikkhuno paneva accekacīvaraṃ uppajjeyya, accekaṃ maññamānena bhikkhunā paṭiggahetabbaṃ, paṭiggahetvā yāva cīvarakālasamayaṃ nikkhipitabbaṃ. Tato ce uttari nikkhipeyya, nissaggiyaṃ pācittiya’’nti.
649. д̣̇асаахаанааг̇ад̇анд̇и д̣̇асаахаанааг̇ад̇ааяа бавааран̣ааяа.
649.Dasāhānāgatanti dasāhānāgatāya pavāraṇāya.
гад̇д̇игад̇змаасигабун̣н̣аманд̇и бавааран̣аа гад̇д̇игаа вужжад̇и.
Kattikatemāsikapuṇṇamanti pavāraṇā kattikā vuccati.
ажжзгажийварам̣ наама сзнааяа ваа г̇анд̇угаамо ход̇и, баваасам̣ ваа г̇анд̇угаамо ход̇и, г̇илаано ваа ход̇и, г̇аб̣бхиний ваа ход̇и, ассад̣̇д̇хасса ваа сад̣̇д̇хаа уббаннаа ход̇и, аббасаннасса ваа басаад̣̇о уббанно ход̇и, со жз бхигкуунам̣ санд̇игз д̣̇ууд̇ам̣ бахин̣зяяа – ‘‘ааг̇ажчанд̇у бхад̣̇анд̇аа вассааваасигам̣ д̣̇ассаамий’’д̇и, зд̇ам̣ ажжзгажийварам̣ наама.
Accekacīvaraṃ nāma senāya vā gantukāmo hoti, pavāsaṃ vā gantukāmo hoti, gilāno vā hoti, gabbhinī vā hoti, assaddhassa vā saddhā uppannā hoti, appasannassa vā pasādo uppanno hoti, so ce bhikkhūnaṃ santike dūtaṃ pahiṇeyya – ‘‘āgacchantu bhadantā vassāvāsikaṃ dassāmī’’ti, etaṃ accekacīvaraṃ nāma.
ажжзгам̣ ман̃н̃амаанзна бхигкунаа бадиг̇г̇ахзд̇аб̣б̣ам̣ бадиг̇г̇ахзд̇ваа яаава жийварагааласамаяам̣ нигкибид̇аб̣б̣анд̇и сан̃н̃аан̣ам̣ гад̇ваа нигкибид̇аб̣б̣ам̣ – ‘‘ид̣̇ам̣ ажжзгажийвара’’нд̇и.
Accekaṃ maññamānena bhikkhunā paṭiggahetabbaṃ paṭiggahetvā yāva cīvarakālasamayaṃ nikkhipitabbanti saññāṇaṃ katvā nikkhipitabbaṃ – ‘‘idaṃ accekacīvara’’nti.
жийварагааласамаяо наама анад̇т̇ад̇з гат̇инз вассаанасса бажчимо маасо, ад̇т̇ад̇з гат̇инз бан̃жамаасаа.
Cīvarakālasamayo nāma anatthate kathine vassānassa pacchimo māso, atthate kathine pañcamāsā.
д̇ад̇о жз уд̇д̇ари нигкибзяяаад̇и анад̇т̇ад̇з гат̇инз вассаанасса бажчимам̣ д̣̇ивасам̣ ад̇иггаамзд̇и, ниссаг̇г̇ияам̣ баажид̇д̇ияам̣ 1. ад̇т̇ад̇з гат̇инз гат̇инуд̣̇д̇хаарад̣̇ивасам̣ ад̇иггаамзд̇и, ниссаг̇г̇ияам̣ ход̇и. ниссаж̇ж̇ид̇аб̣б̣ам̣ сан̇гхасса ваа г̇ан̣асса ваа буг̇г̇аласса ваа. зван̃жа бана, бхигкавз, ниссаж̇ж̇ид̇аб̣б̣ам̣…бз… ид̣̇ам̣ мз, бханд̇з, ажжзгажийварам̣ жийварагааласамаяам̣ ад̇иггаамид̇ам̣ ниссаг̇г̇ияам̣. имаахам̣ сан̇гхасса ниссаж̇ж̇аамийд̇и…бз… д̣̇ад̣̇зяяаад̇и…бз… д̣̇ад̣̇зяяунд̇и…бз… ааяасмад̇о д̣̇аммийд̇и.
Tatoce uttari nikkhipeyyāti anatthate kathine vassānassa pacchimaṃ divasaṃ atikkāmeti, nissaggiyaṃ pācittiyaṃ 2. Atthate kathine kathinuddhāradivasaṃ atikkāmeti, nissaggiyaṃ hoti. Nissajjitabbaṃ saṅghassa vā gaṇassa vā puggalassa vā. Evañca pana, bhikkhave, nissajjitabbaṃ…pe… idaṃ me, bhante, accekacīvaraṃ cīvarakālasamayaṃ atikkāmitaṃ nissaggiyaṃ. Imāhaṃ saṅghassa nissajjāmīti…pe… dadeyyāti…pe… dadeyyunti…pe… āyasmato dammīti.
650. ажжзгажийварз ажжзгажийварасан̃н̃ий жийварагааласамаяам̣ ад̇иггаамзд̇и, ниссаг̇г̇ияам̣ баажид̇д̇ияам̣. ажжзгажийварз взмад̇иго жийварагааласамаяам̣ ад̇иггаамзд̇и, ниссаг̇г̇ияам̣ баажид̇д̇ияам̣. ажжзгажийварз анажжзгажийварасан̃н̃ий жийварагааласамаяам̣ ад̇иггаамзд̇и, ниссаг̇г̇ияам̣ баажид̇д̇ияам̣. анад̇хидтид̇з ад̇хидтид̇асан̃н̃ий …бз… авигаббид̇з вигаббид̇асан̃н̃ий… ависсаж̇ж̇ид̇з виссаж̇ж̇ид̇асан̃н̃ий… анадтз надтасан̃н̃ий… авинадтз винадтасан̃н̃ий… ад̣̇ад̣дхз д̣̇ад̣дхасан̃н̃ий… авилуд̇д̇з вилуд̇д̇асан̃н̃ий жийварагааласамаяам̣ ад̇иггаамзд̇и, ниссаг̇г̇ияам̣ баажид̇д̇ияам̣.
650. Accekacīvare accekacīvarasaññī cīvarakālasamayaṃ atikkāmeti, nissaggiyaṃ pācittiyaṃ. Accekacīvare vematiko cīvarakālasamayaṃ atikkāmeti, nissaggiyaṃ pācittiyaṃ. Accekacīvare anaccekacīvarasaññī cīvarakālasamayaṃ atikkāmeti, nissaggiyaṃ pācittiyaṃ. Anadhiṭṭhite adhiṭṭhitasaññī …pe… avikappite vikappitasaññī… avissajjite vissajjitasaññī… anaṭṭhe naṭṭhasaññī… avinaṭṭhe vinaṭṭhasaññī… adaḍḍhe daḍḍhasaññī… avilutte viluttasaññī cīvarakālasamayaṃ atikkāmeti, nissaggiyaṃ pācittiyaṃ.
ниссаг̇г̇ияам̣ жийварам̣ аниссаж̇ж̇ид̇ваа барибхун̃ж̇ад̇и, аабад̇д̇и д̣̇уггадасса. анажжзгажийварз ажжзгажийварасан̃н̃ий, аабад̇д̇и д̣̇уггадасса. анажжзгажийварз взмад̇иго, аабад̇д̇и д̣̇уггадасса. анажжзгажийварз анажжзгажийварасан̃н̃ий, анаабад̇д̇и.
Nissaggiyaṃ cīvaraṃ anissajjitvā paribhuñjati, āpatti dukkaṭassa. Anaccekacīvare accekacīvarasaññī, āpatti dukkaṭassa. Anaccekacīvare vematiko, āpatti dukkaṭassa. Anaccekacīvare anaccekacīvarasaññī, anāpatti.
651. анаабад̇д̇и – анд̇осамаяз ад̇хидтзд̇и, вигаббзд̇и, виссаж̇ж̇зд̇и, нассад̇и, винассад̇и, д̣аяхад̇и, ажчинд̣̇ид̇ваа г̇ан̣ханд̇и, виссаасам̣ г̇ан̣ханд̇и, уммад̇д̇агасса, аад̣̇игаммигассаад̇и.
651. Anāpatti – antosamaye adhiṭṭheti, vikappeti, vissajjeti, nassati, vinassati, ḍayhati, acchinditvā gaṇhanti, vissāsaṃ gaṇhanti, ummattakassa, ādikammikassāti.
ажжзгажийварасигкаабад̣̇ам̣ нидтид̇ам̣ адтамам̣.
Accekacīvarasikkhāpadaṃ niṭṭhitaṃ aṭṭhamaṃ.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 8. ажжзгажийварасигкаабад̣̇аван̣н̣анаа • 8. Accekacīvarasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 8. ажжзгажийварасигкаабад̣̇аван̣н̣анаа • 8. Accekacīvarasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 8. ажжзгажийварасигкаабад̣̇аван̣н̣анаа • 8. Accekacīvarasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 8. ажжзгажийварасигкаабад̣̇аван̣н̣анаа • 8. Accekacīvarasikkhāpadavaṇṇanā
