| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
3. ажчарияаб̣бхуд̇асуд̇д̇аван̣н̣анаа
3. Acchariyabbhutasuttavaṇṇanā
197. вибхад̇д̇ибад̇ируубагаа жа нибаад̇аа хонд̇ийд̇и яат̇аарахам̣ д̇ам̣д̇ам̣вибхад̇д̇иад̇т̇ад̣̇ийбагаа, ид̇ха бажжад̇д̇аважано яад̇расад̣̇д̣̇о, хисад̣̇д̣̇о хзд̇уад̇т̇о, наамасад̣̇д̣̇о ажчарияад̇т̇о, бад̣̇ад̇д̇аяасса бана ажчарияад̇т̇анид̣̇д̣̇идтад̇ааяа ‘‘ажчарияад̇т̇з нибаад̇о’’д̇и вуд̇д̇ам̣. згам̣сад̇о банзд̇ам̣ бад̣̇ад̇д̇аяам̣. д̇ат̇аа хи вагкад̇и, ‘‘яад̇раад̇и нибаад̇авасзна анааг̇ад̇аважана’’нд̇и. бабан̃жасад̣̇д̣̇о хздтаа вуд̇д̇о. чиннавадумзд̇и иминаа саб̣б̣агилзсаваддасса агусалагаммаваддасса жа чиннад̇д̇аа вибаагаваддасса жа убари вагкамаанад̇д̇аа ааха – ‘‘вадуманд̇и гусалаагусалагаммаваддам̣ вужжад̇ий’’д̇и. нибаад̇авасзна яад̇расад̣̇д̣̇аяог̇зна. анааг̇ад̇аважананд̇и ид̣̇ам̣ анааг̇ад̇аважанасад̣̇исад̇д̇аа вуд̇д̇ам̣. анааг̇ад̇ад̇т̇аваажий хи анааг̇ад̇аважанам̣, ад̇т̇о жзд̇т̇а ад̇ийд̇од̇и. ануссарийд̇и ид̣̇ам̣ ануссарид̇абхаавам̣ санд̇хааяа вуд̇д̇ам̣ – ‘‘на ануссариссад̇ий’’д̇и сад̣̇д̣̇абаяог̇асса ад̇ийд̇ависаяад̇д̇аа. яад̣̇аа бана д̇зхи бхигкуухи яаа гат̇аа бавад̇д̇ид̇аа, д̇ад̇о бажчааби бхаг̇авад̇о д̇зсам̣ б̣уд̣̇д̇хаанам̣ ануссаран̣ам̣ ход̇иязва.
197. Vibhattipatirūpakā ca nipātā hontīti yathārahaṃ taṃtaṃvibhattiatthadīpakā, idha paccattavacano yatrasaddo, hisaddo hetuattho, nāmasaddo acchariyattho, padattayassa pana acchariyatthaniddiṭṭhatāya ‘‘acchariyatthe nipāto’’ti vuttaṃ. Ekaṃsato panetaṃ padattayaṃ. Tathā hi vakkhati, ‘‘yatrāti nipātavasena anāgatavacana’’nti. Papañcasaddo heṭṭhā vutto. Chinnavaṭumeti iminā sabbakilesavaṭṭassa akusalakammavaṭṭassa ca chinnattā vipākavaṭṭassa ca upari vakkhamānattā āha – ‘‘vaṭumanti kusalākusalakammavaṭṭaṃ vuccatī’’ti. Nipātavasena yatrasaddayogena. Anāgatavacananti idaṃ anāgatavacanasadisattā vuttaṃ. Anāgatatthavācī hi anāgatavacanaṃ, attho cettha atītoti. Anussarīti idaṃ anussaritabhāvaṃ sandhāya vuttaṃ – ‘‘na anussarissatī’’ti saddapayogassa atītavisayattā. Yadā pana tehi bhikkhūhi yā kathā pavattitā, tato pacchāpi bhagavato tesaṃ buddhānaṃ anussaraṇaṃ hotiyeva.
кад̇д̇ияаж̇ажжаад̇иаад̣̇игаалад̇о бадтааяа асамбхиннааяа кад̇д̇ияаж̇аад̇ияаа уд̣̇ид̇од̣̇ид̇ааяа. б̣рахмаж̇ажжаад̇и б̣раахман̣аж̇ажжаа. звам̣г̇од̇д̇зби зсзва наяо. логияалогуд̇д̇арасийлзнаад̇и баарамид̇аасамбхууд̇зна б̣уд̣̇д̇хаавзн̣игад̇д̇аа анан̃н̃асаад̇хааран̣зна логиязна логуд̇д̇арзна жа сийлзна. звам̣сийлаад̇и анавасзсасийлаанам̣ висум̣ бажжавзгкан̣агаран̣зна звам̣сийлаад̇и ануссариссад̇и. зса наяо сзсзсу. яат̇аа виж̇ж̇аабхааг̇ияаа виж̇ж̇аасамбаяуд̇д̇ад̇хаммаа, звам̣ самаад̇хибагкаа самаад̇хисамбаяуд̇д̇ад̇хаммааби сад̇ивийрияаад̣̇аяод̇и ааха – ‘‘хздтаа самаад̇хибагкаанам̣ д̇хаммаанам̣ г̇ахид̇ад̇д̇аа вихааро г̇ахид̇оваа’’д̇и. д̇асмаа самаад̇хибагкад̇хаммавинимуд̇д̇о зва ид̇ха вихааро ад̇хиббзд̇од̇и вуд̇д̇ам̣ ‘‘ид̣̇ам̣ хий’’д̇иаад̣̇и.
Khattiyajaccātiādikālato paṭṭhāya asambhinnāya khattiyajātiyā uditoditāya. Brahmajaccāti brāhmaṇajaccā. Evaṃgottepi eseva nayo. Lokiyalokuttarasīlenāti pāramitāsambhūtena buddhāveṇikattā anaññasādhāraṇena lokiyena lokuttarena ca sīlena. Evaṃsīlāti anavasesasīlānaṃ visuṃ paccavekkhaṇakaraṇena evaṃsīlāti anussarissati. Esa nayo sesesu. Yathā vijjābhāgiyā vijjāsampayuttadhammā, evaṃ samādhipakkhā samādhisampayuttadhammāpi sativīriyādayoti āha – ‘‘heṭṭhā samādhipakkhānaṃ dhammānaṃ gahitattā vihāro gahitovā’’ti. Tasmā samādhipakkhadhammavinimutto eva idha vihāro adhippetoti vuttaṃ ‘‘idaṃ hī’’tiādi.
яат̇аа ваа адтасамаабад̇д̇ивибассанаамаг̇г̇апаласан̇г̇ахид̇аа логияалогуд̇д̇араа самаад̇хибан̃н̃аа ‘‘звам̣д̇хаммаа звам̣бан̃н̃аа’’д̇и бад̣̇зхи хздтаа г̇ахид̇ааби яат̇аасагам̣ бадибагкад̇о мужжанасса бавад̇д̇ивисзсам̣ убаад̣̇ааяа ‘‘звам̣вимуд̇д̇аа’’д̇и зд̇т̇а буна г̇ахид̇аа, д̇ат̇аа ‘‘звам̣д̇хаммаа’’д̇и зд̇т̇а г̇ахид̇ааби самаад̇хибагкад̇хаммаа д̣̇иб̣б̣аб̣рахмааанзн̃ж̇аарияавихаарасан̇каад̇ам̣ ад̇д̇ано бавад̇д̇ивисзсам̣ убаад̣̇ааяа, ‘‘звам̣вихаарий’’д̇и зд̇т̇а буна г̇ахид̇аад̇и вужжамаанз на гожи вирод̇хо. палад̇хаммаанам̣ бавад̇д̇игаалзби гилзсаанам̣ бадиббассад̣̇д̇хи на д̇ам̣аанубхааваж̇аад̇аа, ат̇а ко арияамаг̇г̇зна гилзсаанам̣ самужчиннад̇д̇аад̇и ааха – ‘‘маг̇г̇аанубхаавзна гилзсаанам̣ бадибассад̣̇д̇ханд̇з уббаннад̇д̇аа’’д̇и. яо яам̣ баж̇ахад̇и, со бахааяаго бахаад̇аб̣б̣ад̇о вимуд̇д̇од̇и вужжад̇и висам̣садтабхаавад̇од̇и бахаанавибхааг̇зна вужжамаанз абахааяагасса ниб̣б̣аанасса гат̇ам̣ вимуд̇д̇ад̇аа? висам̣садтаабхаавад̇о зва. д̇ан̃хи багад̇ияаава саб̣б̣асо гилзсзхи висам̣садтам̣ виниссадам̣ сувид̣̇ууравид̣̇уурз тид̇ам̣, д̇асмаасса д̇ад̇о ниссадад̇д̇аа ниссаран̣авимуд̇д̇и ниссаран̣абахаананд̇и вужжад̇ийд̇и ааха ‘‘ниб̣б̣аана’’нд̇иаад̣̇и.
Yathā vā aṭṭhasamāpattivipassanāmaggaphalasaṅgahitā lokiyalokuttarā samādhipaññā ‘‘evaṃdhammā evaṃpaññā’’ti padehi heṭṭhā gahitāpi yathāsakaṃ paṭipakkhato muccanassa pavattivisesaṃ upādāya ‘‘evaṃvimuttā’’ti ettha puna gahitā, tathā ‘‘evaṃdhammā’’ti ettha gahitāpi samādhipakkhadhammā dibbabrahmaāneñjaariyavihārasaṅkhātaṃ attano pavattivisesaṃ upādāya, ‘‘evaṃvihārī’’ti ettha puna gahitāti vuccamāne na koci virodho. Phaladhammānaṃ pavattikālepi kilesānaṃ paṭippassaddhi na taṃānubhāvajātā, atha kho ariyamaggena kilesānaṃ samucchinnattāti āha – ‘‘maggānubhāvena kilesānaṃ paṭipassaddhante uppannattā’’ti. Yo yaṃ pajahati, so pahāyako pahātabbato vimuttoti vuccati visaṃsaṭṭhabhāvatoti pahānavibhāgena vuccamāne apahāyakassa nibbānassa kathaṃ vimuttatā? Visaṃsaṭṭhābhāvato eva. Tañhi pakatiyāva sabbaso kilesehi visaṃsaṭṭhaṃ vinissaṭaṃ suvidūravidūre ṭhitaṃ, tasmāssa tato nissaṭattā nissaraṇavimutti nissaraṇapahānanti vuccatīti āha ‘‘nibbāna’’ntiādi.
199. имз д̇ат̇ааг̇ад̇асса ажчарияааб̣бхуд̇ад̇хаммаа, на саавагависаяаа, мама бана д̣̇зсанаа д̇аяаа суд̇аа зваад̇и д̇з т̇зрассзва бхаарам̣ гаронд̇о, ‘‘д̇ам̣ бхияяосомад̇д̇ааяа бадибханд̇уу’’д̇и ааха. сад̇о самбаж̇аанод̇и зд̇т̇а гаалабхзд̣̇авасзна лаб̣бхамаанамби самбаж̇аанабхаавам̣ анаамасид̇ваа г̇ад̇ивибхааг̇зна д̇ам̣ д̣̇ассзд̇ум̣, ‘‘д̣̇вз самбаж̇ан̃н̃ааний’’д̇иаад̣̇и вуд̇д̇ам̣ – адта варз г̇ан̣ханд̇од̇и зд̇т̇а гат̇ам̣ варам̣ д̣̇звад̇аа д̣̇зд̇и, барасса д̣̇ийяамаанан̃жа д̇ам̣ гат̇ам̣ барасса самиж̇жхад̇ийд̇и? гаммаб̣алзнзва. яад̣̇и хи д̇ам̣ гаммам̣ гад̇огаасам̣ яасса д̇ад̣̇абад̣̇зсзна палам̣ вибажжад̇и, звам̣ д̣̇звад̇ааяа д̇асса варам̣ д̣̇иннам̣, ид̇арзна жа лад̣̇д̇ханд̇и вохааро ход̇ийд̇и. абижа барасса бад̇т̇ид̇авараани наама вибажжамаанасса гаммасса бажжаяабхууд̇о баяог̇ависзсод̇и д̣̇адтаб̣б̣ам̣. д̇аани вибажжанз зганд̇игааниби аббзсагкаа д̣̇звад̇аа – ‘‘аяамасса бад̇т̇анаа самиж̇жхиссад̇и, но’’д̇и на ж̇аананд̇и, сагго бана бан̃н̃аваа д̇аани згажжам̣ ж̇аанаад̇иязва. д̇зна вуд̇д̇ам̣ – ‘‘саггзна басийд̣̇ид̇ваа д̣̇иннз адта варз г̇ан̣ханд̇о’’д̇иаад̣̇и.
199. Ime tathāgatassa acchariyaabbhutadhammā, na sāvakavisayā, mama pana desanā tayā sutā evāti te therasseva bhāraṃ karonto, ‘‘taṃ bhiyyosomattāya paṭibhantū’’ti āha. Sato sampajānoti ettha kālabhedavasena labbhamānampi sampajānabhāvaṃ anāmasitvā gativibhāgena taṃ dassetuṃ, ‘‘dve sampajaññānī’’tiādi vuttaṃ – aṭṭha vare gaṇhantoti ettha kathaṃ varaṃ devatā deti, parassa dīyamānañca taṃ kathaṃ parassa samijjhatīti? Kammabaleneva. Yadi hi taṃ kammaṃ katokāsaṃ yassa tadapadesena phalaṃ vipaccati, evaṃ devatāya tassa varaṃ dinnaṃ, itarena ca laddhanti vohāro hotīti. Apica parassa patthitavarāni nāma vipaccamānassa kammassa paccayabhūto payogavisesoti daṭṭhabbaṃ. Tāni vipaccane ekantikānipi appesakkhā devatā – ‘‘ayamassa patthanā samijjhissati, no’’ti na jānanti, sakko pana paññavā tāni ekaccaṃ jānātiyeva. Tena vuttaṃ – ‘‘sakkena pasīditvā dinne aṭṭha vare gaṇhanto’’tiādi.
батамаж̇аванаваарзд̇и уббаннасса саб̣б̣абатамаж̇аванаваарз. со хи бадисанд̇хияаа аасаннабхаавад̇о ависад̣̇о ход̇и, д̣̇звабхаавз ниганд̇ивасзна уббаж̇ж̇анад̇о на ж̇аанаад̇и. ан̃н̃аахи д̣̇звад̇аахи асаад̇хааран̣аж̇аананам̣ ход̇и д̣̇уд̇ияаж̇аванаваарад̇о бадтааяа бавад̇д̇анад̇о.
Paṭhamajavanavāreti uppannassa sabbapaṭhamajavanavāre. So hi paṭisandhiyā āsannabhāvato avisado hoti, devabhāve nikantivasena uppajjanato na jānāti. Aññāhi devatāhi asādhāraṇajānanaṃ hoti dutiyajavanavārato paṭṭhāya pavattanato.
ан̃н̃зби д̣̇зваад̇иаад̣̇инаа б̣од̇хисад̇д̇асса д̇ад̇т̇а самбаж̇ан̃н̃знзва тид̇абхаавам̣ б̣яад̇ирзгамукзна вибхаавзд̇и. аахааруубажчзд̣̇зна гаалан̇гаронд̇ийд̇и ид̣̇ам̣ кид̣д̣аабад̣̇осигавасзна вуд̇д̇ам̣. ид̇арзсамби д̣̇иб̣б̣абхог̇зхи мужчид̇ад̇ам̣ аж̇жхаабаннаанам̣ д̇идтанд̇аанам̣ самбаж̇ан̃н̃аабхааво ход̇иязва. гим̣ д̇ат̇ааруубам̣ аарамман̣ам̣ над̇т̇ийд̇и яат̇ааруубам̣ ул̣аарам̣ бан̣ийд̇ан̃жа аарамман̣ам̣ бадижжа д̇з д̣̇зваа сам̣мужчид̇аа аахааруубажчзд̣̇амби гаронд̇и, гим̣ д̇ат̇ааруубам̣ ул̣аарам̣ бан̣ийд̇ан̃жа аарамман̣ам̣ б̣од̇хисад̇д̇асса над̇т̇ийд̇и б̣од̇хисад̇д̇асса самбаж̇ан̃н̃аанубхаавам̣ вибхаавзд̇ум̣ жод̣̇анам̣ самудтаабзд̇и? б̣од̇хисад̇д̇о хи яад̇т̇а яад̇т̇а ниб̣б̣ад̇д̇ад̇и, д̇ад̇т̇а д̇ад̇т̇а ан̃н̃з сад̇д̇з д̣̇асахи висзсзхи ад̇хиг̇г̇ан̣хаад̇и, баг̇зва д̇ад̇т̇а д̣̇звабхууд̇о, д̇ат̇ааби ‘‘сад̇о самбаж̇аано’’д̇и аяамзд̇т̇а ажчарияад̇хаммо вуд̇д̇о.
Aññepi devātiādinā bodhisattassa tattha sampajaññeneva ṭhitabhāvaṃ byatirekamukhena vibhāveti. Āhārūpacchedena kālaṅkarontīti idaṃ khiḍḍāpadosikavasena vuttaṃ. Itaresampi dibbabhogehi mucchitataṃ ajjhāpannānaṃ tiṭṭhantānaṃ sampajaññābhāvo hotiyeva. Kiṃ tathārūpaṃ ārammaṇaṃnatthīti yathārūpaṃ uḷāraṃ paṇītañca ārammaṇaṃ paṭicca te devā saṃmucchitā āhārūpacchedampi karonti, kiṃ tathārūpaṃ uḷāraṃ paṇītañca ārammaṇaṃ bodhisattassa natthīti bodhisattassa sampajaññānubhāvaṃ vibhāvetuṃ codanaṃ samuṭṭhāpeti? Bodhisatto hi yattha yattha nibbattati, tattha tattha aññe satte dasahi visesehi adhiggaṇhāti, pageva tattha devabhūto, tathāpi ‘‘sato sampajāno’’ti ayamettha acchariyadhammo vutto.
200. самбад̇д̇ибхавз д̣̇ийгхааяугад̇аа наама бан̃н̃ааб̣алзна ход̇и, б̣од̇хисад̇д̇о жа махаабан̃н̃о, д̇асмаа д̇ад̇т̇а д̇ад̇т̇а бхавз д̇зна д̣̇ийгхааяугзна бхавид̇аб̣б̣анд̇и ад̇хиббааязна, ‘‘сзсад̇д̇абхаавзсу гим̣ яаавад̇ааяугам̣ на д̇идтад̇ий’’д̇и жод̣̇зд̇и. ид̇аро ‘‘аама на д̇идтад̇ий’’д̇и бадиж̇аанид̇ваа, ‘‘ан̃н̃ад̣̇аа хий’’д̇иаад̣̇инаа д̇ад̇т̇а гааран̣амааха. ‘‘ид̇ха на бхависсаамий’’д̇и ад̇химужжанавасзна гаалагирияаа ад̇химуд̇д̇игаалагирияаа. баарамид̇хаммаанан̃хи уггам̣саббад̇д̇ияаа д̇асмим̣ д̇асмим̣ ад̇д̇абхаавз абхин̃н̃аасамаабад̇д̇ийхи санд̇аанасса висзсид̇ад̇д̇аа ад̇д̇асинзхасса д̇анубхаавзна сад̇д̇зсу жа махаагарун̣ааяа ул̣аарабхаавзна ад̇хидтаанасса д̇игкависад̣̇абхааваабад̇д̇ияаа б̣од̇хисад̇д̇аанам̣ ад̇хиббааяаа самиж̇жханд̇и, жид̇д̇з вияа гаммзсу жа д̇зсам̣ васибхааво, д̇асмаа яад̇т̇убабаннаанам̣ баарамияо саммад̣̇зва бариб̣руухзнд̇и, вуд̇д̇анаязна гаалам̣ гад̇ваа д̇ад̇т̇а убабаж̇ж̇анд̇и. д̇ат̇аа хи аяам̣ махаасад̇д̇о имасмим̣язва габбз наанааж̇аад̇ийсу абарихийнаж̇жхаано гаалам̣ гад̇ваа б̣рахмалогз ниб̣б̣ад̇д̇о аббагамзва гаалам̣ д̇ад̇т̇а тад̇ваа д̇ад̇о жавид̇ваа ид̇ха ниб̣б̣ад̇д̇о. д̇знааха – ‘‘аяам̣ гаалагирияаа ан̃н̃зсам̣ на ход̇ий’’д̇и. саб̣б̣абаарамийнам̣ буурид̇ад̇д̇аад̇и иминаа баяож̇анаабхаавад̇о д̇ад̇т̇а тад̇ваа ад̇химуд̇д̇игаалагирияаа наама на ход̇ийд̇и д̣̇ассзд̇и. абижа жаримабхавз жад̇умахаанид̇хисамудтаанабуб̣б̣игааяа д̣̇иб̣б̣асамбад̇д̇исад̣̇исааяа махаасамбад̇д̇ияаа ниб̣б̣ад̇д̇и вияа б̣уд̣̇д̇хабхууд̇асса асад̣̇исад̣̇аанаад̣̇ивасзна анан̃н̃асаад̇хааран̣алаабхуббад̇д̇и вияа жа ид̇о барам̣ махаабурисасса д̣̇иб̣б̣асамбад̇д̇ианубхаванам̣ наама над̇т̇ийд̇и яаавад̇ааяугадтаанам̣ уссаахаж̇аад̇асса бун̃н̃асамбхаарасса васзнаад̇и д̣̇адтаб̣б̣ам̣. аяан̃хзд̇т̇а д̇хаммад̇аа.
200. Sampattibhave dīghāyukatā nāma paññābalena hoti, bodhisatto ca mahāpañño, tasmā tattha tattha bhave tena dīghāyukena bhavitabbanti adhippāyena, ‘‘sesattabhāvesu kiṃ yāvatāyukaṃ na tiṭṭhatī’’ti codeti. Itaro ‘‘āma na tiṭṭhatī’’ti paṭijānitvā, ‘‘aññadā hī’’tiādinā tattha kāraṇamāha. ‘‘Idha na bhavissāmī’’ti adhimuccanavasena kālakiriyā adhimuttikālakiriyā. Pāramidhammānañhi ukkaṃsappattiyā tasmiṃ tasmiṃ attabhāve abhiññāsamāpattīhi santānassa visesitattā attasinehassa tanubhāvena sattesu ca mahākaruṇāya uḷārabhāvena adhiṭṭhānassa tikkhavisadabhāvāpattiyā bodhisattānaṃ adhippāyā samijjhanti, citte viya kammesu ca tesaṃ vasibhāvo, tasmā yatthupapannānaṃ pāramiyo sammadeva paribrūhenti, vuttanayena kālaṃ katvā tattha upapajjanti. Tathā hi ayaṃ mahāsatto imasmiṃyeva kappe nānājātīsu aparihīnajjhāno kālaṃ katvā brahmaloke nibbatto appakameva kālaṃ tattha ṭhatvā tato cavitvā idha nibbatto. Tenāha – ‘‘ayaṃ kālakiriyā aññesaṃ na hotī’’ti. Sabbapāramīnaṃ pūritattāti iminā payojanābhāvato tattha ṭhatvā adhimuttikālakiriyā nāma na hotīti dasseti. Apica carimabhave catumahānidhisamuṭṭhānapubbikāya dibbasampattisadisāya mahāsampattiyā nibbatti viya buddhabhūtassa asadisadānādivasena anaññasādhāraṇalābhuppatti viya ca ito paraṃ mahāpurisassa dibbasampattianubhavanaṃ nāma natthīti yāvatāyukaṭṭhānaṃ ussāhajātassa puññasambhārassa vasenāti daṭṭhabbaṃ. Ayañhettha dhammatā.
мануссаг̇ан̣анаавасзна, на д̣̇зваг̇ан̣анаавасзна. буб̣б̣анимид̇д̇аанийд̇и жуд̇ияаа буб̣б̣анимид̇д̇аани. амилааяид̇ваад̇и зд̇т̇а амилаад̇аг̇г̇ахан̣знзва д̇аасам̣ маалаанам̣ ван̣н̣асамбад̣̇ааби г̇анд̇хасамбад̣̇ааби собхаасамбад̣̇ааби д̣̇ассид̇аад̇и д̣̇адтаб̣б̣ам̣. б̣аахираб̣бханд̇араанам̣ раж̇ож̇аллаанам̣ лзсассаби абхаавад̇о д̣̇зваанам̣ сарийраг̇ад̇аани вад̇т̇аани саб̣б̣агаалам̣ барисуд̣̇д̇хабабхассараанзва худ̇ваа д̇идтанд̇ийд̇и ааха ‘‘вад̇т̇зсуби зсзва наяо’’д̇и. нзва сийд̇ам̣ на ун̣ханд̇и яасса сийд̇асса бад̇ийгааравасзна ад̇хигам̣ сзвияамаанам̣ ун̣хам̣, саяамзва ваа карад̇арам̣ худ̇ваа ад̇хибхаванд̇ам̣ сарийрз сзд̣̇ам̣ уббаад̣̇зяяа, д̇аад̣̇исам̣ нзва сийд̇ам̣ на ун̣хам̣ ход̇и. д̇асмим̣ гаалзд̇и яат̇аавуд̇д̇з маран̣аасаннагаалз. б̣инд̣̇уб̣инд̣̇увасзнаад̇и муд̇д̇аг̇ул̣игаа вияа б̣инд̣̇у б̣инд̣̇у худ̇ваа сзд̣̇аа мужжанд̇и. д̣̇анд̇аанам̣ кан̣д̣ид̇абхааво кан̣д̣ижжам̣. гзсаанам̣ балид̇абхааво баалижжам̣. аад̣̇и-сад̣̇д̣̇зна валид̇д̇ажад̇ам̣ сан̇г̇ан̣хаад̇и. гиланд̇аруубо ад̇д̇абхааво ход̇и, на бана кан̣д̣ижжабаалижжаад̣̇ийхийд̇и ад̇хиббааяо. угган̣тид̇аад̇и анабхирад̇и, саа над̇т̇и убаруубари ул̣аарул̣аараанамзва бхог̇аанам̣ висзсад̇о ружиж̇анагаанам̣ убад̇идтанад̇о.
Manussagaṇanāvasena, na devagaṇanāvasena. Pubbanimittānīti cutiyā pubbanimittāni. Amilāyitvāti ettha amilātaggahaṇeneva tāsaṃ mālānaṃ vaṇṇasampadāpi gandhasampadāpi sobhāsampadāpi dassitāti daṭṭhabbaṃ. Bāhirabbhantarānaṃ rajojallānaṃ lesassapi abhāvato devānaṃ sarīragatāni vatthāni sabbakālaṃ parisuddhapabhassarāneva hutvā tiṭṭhantīti āha ‘‘vatthesupi eseva nayo’’ti. Neva sītaṃ na uṇhanti yassa sītassa patīkāravasena adhikaṃ seviyamānaṃ uṇhaṃ, sayameva vā kharataraṃ hutvā adhibhavantaṃ sarīre sedaṃ uppādeyya, tādisaṃ neva sītaṃ na uṇhaṃ hoti. Tasmiṃ kāleti yathāvutte maraṇāsannakāle. Bindubinduvasenāti muttaguḷikā viya bindu bindu hutvā sedā muccanti. Dantānaṃ khaṇḍitabhāvo khaṇḍiccaṃ. Kesānaṃ palitabhāvo pāliccaṃ. Ādi-saddena valittacataṃ saṅgaṇhāti. Kilantarūpo attabhāvo hoti, na pana khaṇḍiccapāliccādīhīti adhippāyo. Ukkaṇṭhitāti anabhirati, sā natthi uparūpari uḷāruḷārānameva bhogānaṃ visesato rucijanakānaṃ upatiṭṭhanato.
бан̣д̣ид̇аа зваад̇и б̣уд̣̇д̇хисамбаннаа зва д̣̇звад̇аа. яат̇аа д̣̇звад̇аа ‘‘самбад̇и ж̇аад̇аа гийд̣̇исзна бун̃н̃агаммзна ид̇ха ниб̣б̣ад̇д̇аа’’д̇и жинд̇зд̇ваа, ‘‘иминаа наама бун̃н̃агаммзна ид̇ха ниб̣б̣ад̇д̇аа’’д̇и ж̇аананд̇и, звам̣ ад̇ийд̇абхавз ад̇д̇анаа гад̇ам̣ згажжам̣ ан̃н̃амби бун̃н̃ам̣ ж̇аананд̇иязва махаабун̃н̃аад̇и ааха – ‘‘яз махаабун̃н̃аа’’д̇иаад̣̇и.
Paṇḍitā evāti buddhisampannā eva devatā. Yathā devatā ‘‘sampati jātā kīdisena puññakammena idha nibbattā’’ti cintetvā, ‘‘iminā nāma puññakammena idha nibbattā’’ti jānanti, evaṃ atītabhave attanā kataṃ ekaccaṃ aññampi puññaṃ jānantiyeva mahāpuññāti āha – ‘‘ye mahāpuññā’’tiādi.
на бан̃н̃ааяанд̇и жирад̇арагаалад̇д̇аа барамааяуно. анияяааниганд̇и на нияяаанаавахам̣ сад̇д̇аанам̣ абхааж̇анабхаавад̇о. сад̇д̇аа на барамааяуно хонд̇и наама баабуссаннад̇ааяаад̇и ааха – ‘‘д̇ад̣̇аа хи сад̇д̇аа уссаннагилзсаа хонд̇ий’’д̇и. зд̇т̇ааха – ‘‘гасмаа самб̣уд̣̇д̇хаа мануссалогз зва уббаж̇ж̇анд̇и, на д̣̇зваб̣рахмалогзсуу’’д̇и. д̣̇звалогз д̇аава нуббаж̇ж̇анд̇и б̣рахмажарияаваасасса аногаасабхаавад̇о д̇ат̇аа анажчарияабхаавад̇о. ажчарияад̇хаммаа хи б̣уд̣̇д̇хаа бхаг̇аванд̇о, д̇зсам̣ саа ажчарияад̇хаммад̇аа д̣̇звад̇д̇абхаавз тид̇аанам̣ на баагадаа ход̇и яат̇аа мануссабхууд̇аанам̣. д̣̇звабхууд̇з хи саммаасамб̣уд̣̇д̇хз д̣̇иссамаанам̣ б̣уд̣̇д̇хаанубхаавам̣ д̣̇зваанубхаавад̇ова лого д̣̇ахад̇и, на б̣уд̣̇д̇хаанубхаавад̇о, д̇ат̇аа сад̇и саммаасамб̣уд̣̇д̇хз наад̇химужжад̇и на самбасийд̣̇ад̇и иссарагуд̇д̇аг̇г̇аахам̣ на виссаж̇ж̇зд̇и, д̣̇звад̇д̇абхаавасса жа жирагаалабавад̇д̇анад̇о згажжасассад̇аваад̣̇ад̇о на баримужжад̇и. ‘‘б̣рахмалогз нуббаж̇ж̇анд̇ий’’д̇и зд̇т̇ааби зсзва наяо. сад̇д̇аанам̣ д̇аад̣̇исаг̇аахавиможанад̇т̇ан̃хи б̣уд̣̇д̇хаа бхаг̇аванд̇о мануссасуг̇ад̇ияам̣язва уббаж̇ж̇анд̇и; на д̣̇звасуг̇ад̇ияам̣, мануссасуг̇ад̇ияам̣ уббаж̇ж̇анд̇ааби обабаад̇игаа на хонд̇и, сад̇и жа обабаад̇игуубабад̇д̇ияам̣ вуд̇д̇ад̣̇осаанад̇ивад̇д̇анад̇о. д̇хаммавзнзяяаанам̣ ад̇т̇ааяа д̇хаммад̇анд̇ияаа табанасса вияа д̇хаад̇увзнзяяаанам̣ ад̇т̇ааяа д̇хаад̇уунам̣ табанасса ижчид̇аб̣б̣ад̇д̇аа жа. на хи обабаад̇игаанам̣ бариниб̣б̣аанад̇о уд̣̇д̇хам̣ сарийрад̇хаад̇уяо д̇идтанд̇и, д̇асмаа на обабаад̇игаа хонд̇и, жаримабхавз жа махааб̣од̇хисад̇д̇аа, мануссабхаавасса баагадагаран̣ааяа д̣̇аарабариг̇г̇ахамби гаронд̇аа яаава буд̇д̇амукад̣̇ассанаа аг̇аарамаж̇жхз д̇идтанд̇и. барибаагаг̇ад̇асийланзгкаммабан̃н̃аад̣̇ибаарамигааби на абхинигкаманд̇и, гим̣ ваа зд̇ааяа гааран̣ажинд̇ааяа? саб̣б̣аб̣уд̣̇д̇хзхи аажин̣н̣асамаажин̣н̣аа, яад̣̇ид̣̇ам̣ мануссабхууд̇аанам̣язва абхисамб̣уж̇жханаа, на д̣̇звабхууд̇аананд̇и аяамзд̇т̇а д̇хаммад̇аа. д̇ат̇аа хи д̇ад̣̇ад̇т̇о махаабхинийхаароби мануссабхууд̇аанам̣язва иж̇жхад̇и, на ид̇арзсам̣.
Na paññāyanti ciratarakālattā paramāyuno. Aniyyānikanti na niyyānāvahaṃ sattānaṃ abhājanabhāvato. Sattā na paramāyuno honti nāma pāpussannatāyāti āha – ‘‘tadā hi sattā ussannakilesā hontī’’ti. Etthāha – ‘‘kasmā sambuddhā manussaloke eva uppajjanti, na devabrahmalokesū’’ti. Devaloke tāva nuppajjanti brahmacariyavāsassa anokāsabhāvato tathā anacchariyabhāvato. Acchariyadhammā hi buddhā bhagavanto, tesaṃ sā acchariyadhammatā devattabhāve ṭhitānaṃ na pākaṭā hoti yathā manussabhūtānaṃ. Devabhūte hi sammāsambuddhe dissamānaṃ buddhānubhāvaṃ devānubhāvatova loko dahati, na buddhānubhāvato, tathā sati sammāsambuddhe nādhimuccati na sampasīdati issarakuttaggāhaṃ na vissajjeti, devattabhāvassa ca cirakālapavattanato ekaccasassatavādato na parimuccati. ‘‘Brahmaloke nuppajjantī’’ti etthāpi eseva nayo. Sattānaṃ tādisagāhavimocanatthañhi buddhā bhagavanto manussasugatiyaṃyeva uppajjanti; na devasugatiyaṃ, manussasugatiyaṃ uppajjantāpi opapātikā na honti, sati ca opapātikūpapattiyaṃ vuttadosānativattanato. Dhammaveneyyānaṃ atthāya dhammatantiyā ṭhapanassa viya dhātuveneyyānaṃ atthāya dhātūnaṃ ṭhapanassa icchitabbattā ca. Na hi opapātikānaṃ parinibbānato uddhaṃ sarīradhātuyo tiṭṭhanti, tasmā na opapātikā honti, carimabhave ca mahābodhisattā, manussabhāvassa pākaṭakaraṇāya dārapariggahampi karontā yāva puttamukhadassanā agāramajjhe tiṭṭhanti. Paripākagatasīlanekkhammapaññādipāramikāpi na abhinikkhamanti, kiṃ vā etāya kāraṇacintāya? Sabbabuddhehi āciṇṇasamāciṇṇā, yadidaṃ manussabhūtānaṃyeva abhisambujjhanā, na devabhūtānanti ayamettha dhammatā. Tathā hi tadattho mahābhinīhāropi manussabhūtānaṃyeva ijjhati, na itaresaṃ.
гасмаа бана саммаасамб̣уд̣̇д̇хаа ж̇амб̣уд̣̇ийбзязва уббаж̇ж̇анд̇и, на сзсад̣̇ийбзсууд̇и? гзжи д̇аава ааху – ‘‘яасмаа бат̇авияаа наабхибхууд̇аа б̣уд̣̇д̇хаанубхаавасахид̇аа ажаладтаанабхууд̇аа б̣од̇химан̣д̣абхууми ж̇амб̣уд̣̇ийбзязва уббаж̇ж̇ад̇и, д̇асмаа ж̇амб̣уд̣̇ийбзязва уббаж̇ж̇анд̇ий’’д̇и; ‘‘д̇ат̇аа ид̇арзсамби авиж̇ахид̇адтаанаанам̣ д̇ад̇т̇зва лаб̣бхамаанад̇о’’д̇и. аяам̣ банзд̇т̇а амхаагам̣ канд̇и – яасмаа буримаб̣уд̣̇д̇хаанам̣ махааб̣од̇хисад̇д̇аанам̣ бажжзгаб̣уд̣̇д̇хаанан̃жа ниб̣б̣ад̇д̇ияаа саавагаб̣од̇хисад̇д̇аанам̣ саавагаб̣од̇хияаа абхинийхааро саавагабаарамийнам̣ самбхаран̣ам̣ барибаажанан̃жа б̣уд̣̇д̇хакзд̇д̇абхууд̇з имасмим̣ жаггаваал̣з ж̇амб̣уд̣̇ийбзязва иж̇жхад̇и, на ан̃н̃ад̇т̇а. взнзяяаанам̣ винаяанад̇т̇о жа б̣уд̣̇д̇хуббаад̣̇од̇и аг̇г̇асаавагаад̣̇ивзнзяяависзсаабзгкааяа згасмим̣ ж̇амб̣уд̣̇ийбзязва б̣уд̣̇д̇хаа ниб̣б̣ад̇д̇анд̇и, на сзсад̣̇ийбзсу. аяан̃жа наяо саб̣б̣аб̣уд̣̇д̇хаанам̣ аажин̣н̣асамаажин̣н̣од̇и д̇зсам̣ уд̇д̇амабурисаанам̣ д̇ад̇т̇зва уббад̇д̇и самбад̇д̇ижаггаанам̣ вияа ан̃н̃аман̃н̃убаниссаяад̇о абараабарам̣ вад̇д̇ад̇ийд̇и д̣̇адтаб̣б̣ам̣. д̇знааха – ‘‘д̇ийсу д̣̇ийбзсу б̣уд̣̇д̇хаа на ниб̣б̣ад̇д̇анд̇и, ж̇амб̣уд̣̇ийбзязва ниб̣б̣ад̇д̇анд̇ийд̇и д̣̇ийбам̣ бассад̇ий’’д̇и. иминаа наязна д̣̇зсанияамзби гааран̣ам̣ вад̇д̇аб̣б̣ам̣.
Kasmā pana sammāsambuddhā jambudīpeyeva uppajjanti, na sesadīpesūti? Keci tāva āhu – ‘‘yasmā pathaviyā nābhibhūtā buddhānubhāvasahitā acalaṭṭhānabhūtā bodhimaṇḍabhūmi jambudīpeyeva uppajjati, tasmā jambudīpeyeva uppajjantī’’ti; ‘‘tathā itaresampi avijahitaṭṭhānānaṃ tattheva labbhamānato’’ti. Ayaṃ panettha amhākaṃ khanti – yasmā purimabuddhānaṃ mahābodhisattānaṃ paccekabuddhānañca nibbattiyā sāvakabodhisattānaṃ sāvakabodhiyā abhinīhāro sāvakapāramīnaṃ sambharaṇaṃ paripācanañca buddhakhettabhūte imasmiṃ cakkavāḷe jambudīpeyeva ijjhati, na aññattha. Veneyyānaṃ vinayanattho ca buddhuppādoti aggasāvakādiveneyyavisesāpekkhāya ekasmiṃ jambudīpeyeva buddhā nibbattanti, na sesadīpesu. Ayañca nayo sabbabuddhānaṃ āciṇṇasamāciṇṇoti tesaṃ uttamapurisānaṃ tattheva uppatti sampatticakkānaṃ viya aññamaññupanissayato aparāparaṃ vattatīti daṭṭhabbaṃ. Tenāha – ‘‘tīsu dīpesu buddhā na nibbattanti, jambudīpeyeva nibbattantīti dīpaṃ passatī’’ti. Iminā nayena desaniyamepi kāraṇaṃ vattabbaṃ.
ид̣̇аани жа кад̇д̇ияагулам̣ логасаммад̇ам̣ б̣раахман̣аанамби бууж̇анийяабхаавад̇о. рааж̇аа мз бид̇аа бхависсад̇ийд̇и гулам̣ басси бид̇увасзна гуласса нид̣̇д̣̇исид̇аб̣б̣ад̇о . д̣̇асаннам̣ маасаанам̣ убари сад̇д̇а д̣̇ивасаанийд̇и басси д̇зна ад̇д̇ано анд̇арааяаабхаавам̣ ан̃н̃ааси, д̇ассаа жа д̇усид̇абхавз д̣̇иб̣б̣асамбад̇д̇ибажжанубхаванам̣.
Idāni ca khattiyakulaṃ lokasammataṃ brāhmaṇānampi pūjanīyabhāvato. Rājā me pitā bhavissatīti kulaṃ passi pituvasena kulassa niddisitabbato . Dasannaṃ māsānaṃ upari satta divasānīti passi tena attano antarāyābhāvaṃ aññāsi, tassā ca tusitabhave dibbasampattipaccanubhavanaṃ.
д̇аа д̣̇звад̇аад̇и д̣̇асасахассижаггаваал̣ад̣̇звад̇аа. гат̇ам̣ бана д̇аа б̣од̇хисад̇д̇асса буурид̇абаарамибхаавам̣ бхаавинан̃жа самб̣уд̣̇д̇хабхаавам̣ ж̇аананд̇ийд̇и? махзсагкаанам̣ д̣̇звад̇аанам̣ васзна, язбхуяязна жа д̇аа д̣̇звад̇аа абхисамаяабхааг̇ино. д̇ат̇аа хи бхаг̇авад̇о жа д̇хаммад̣̇аанасам̣вибхааг̇з анзгаваарам̣ д̣̇асасахассажаггаваал̣аваасид̣̇звад̇аасаннибаад̇о ахоси.
Tā devatāti dasasahassicakkavāḷadevatā. Kathaṃ pana tā bodhisattassa pūritapāramibhāvaṃ bhāvinañca sambuddhabhāvaṃ jānantīti? Mahesakkhānaṃ devatānaṃ vasena, yebhuyyena ca tā devatā abhisamayabhāgino. Tathā hi bhagavato ca dhammadānasaṃvibhāge anekavāraṃ dasasahassacakkavāḷavāsidevatāsannipāto ahosi.
жаваамийд̇и баж̇аанаад̇и жуд̇иаасаннаж̇аванзхи н̃аан̣асахид̇зхи жуд̇ияаа убадтид̇абхаавасса бадисам̣вид̣̇ид̇ад̇д̇аа. жуд̇ижид̇д̇ам̣ на ж̇аанаад̇и жуд̇ижид̇д̇агкан̣асса ид̇д̇арабхаавад̇о. д̇ат̇аа хи д̇ам̣ жуд̇уубабаад̇ан̃аан̣ассаби ависаяо зва. бадисанд̇хижид̇д̇зби зсзва наяо. ааваж̇ж̇анабарияааяод̇и ааваж̇ж̇анаггамо. яасмаа згаваарам̣ ааваж̇ж̇ид̇амад̇д̇зна аарамман̣ам̣ нижчинид̇ум̣ на саггаа, д̇асмаа д̇амзваарамман̣ам̣ д̣̇уд̇ияам̣ д̇ад̇ияан̃жа ааваж̇ж̇ид̇ваа нижчийяад̇и, ааваж̇ж̇анасийсзна жзд̇т̇а ж̇аванавааро г̇ахид̇о. д̇знааха – ‘‘д̣̇уд̇ияад̇ад̇ияажид̇д̇аваарзязва ж̇ааниссад̇ий’’д̇и. жуд̇ияаа бурзд̇арам̣ гад̇ибаяажид̇д̇аваарад̇о бадтааяа маран̣ам̣ мз аасаннанд̇и ж̇аананад̇о, ‘‘жуд̇игкан̣зби жаваамийд̇и баж̇аанаад̇ий’’д̇и вуд̇д̇ам̣. бадисанд̇хияаа бана абуб̣б̣абхаавад̇о бадисанд̇хижид̇д̇ам̣ на ж̇аанаад̇и. ниганд̇ияаа уббад̇д̇ид̇о барад̇о асугасмим̣ таанз маяаа бадисанд̇хи г̇ахид̇аад̇и баж̇аанаад̇и, д̣̇уд̇ияаж̇аванад̇о бадтааяа ж̇аанаад̇ийд̇и вуд̇д̇овааяамад̇т̇о. д̇асмим̣ гаалзд̇и бадисанд̇хиг̇г̇ахан̣агаалз. д̣̇асасахассий гамбад̇ийд̇и зд̇т̇а гамбанагааран̣ам̣ хздтаа вуд̇д̇амзва. махаагаарун̣игаа б̣уд̣̇д̇хаа бхаг̇аванд̇о сад̇д̇аанам̣ хид̇асукавид̇хаанад̇аббарад̇ааяа б̣ахулам̣ соманассигаава хонд̇ийд̇и д̇зсам̣ батамамахаавибаагажид̇д̇зна бадисанд̇хиг̇г̇ахан̣ам̣ адтагат̇ааяам̣ (д̣̇ий. ни. адта. 2.17; д̇ха. са. 498; ма. ни. адта. 3.199) вуд̇д̇ам̣. махаасийвад̇т̇зро бана яад̣̇иби махаагаарун̣игаа б̣уд̣̇д̇хаа бхаг̇аванд̇о сад̇д̇аанам̣ хид̇асукавид̇хаанад̇аббараа, вивзгаж̇жхаасаяаа бана висан̇каараниннаа саб̣б̣асан̇каарзсу аж̇жхубзгкан̣аб̣ахулаад̇и бан̃жамзна махаавибаагажид̇д̇зна бадисанд̇хиг̇г̇ахан̣амааха.
Cavāmīti pajānāti cutiāsannajavanehi ñāṇasahitehi cutiyā upaṭṭhitabhāvassa paṭisaṃviditattā. Cuticittaṃ na jānāti cuticittakkhaṇassa ittarabhāvato. Tathā hi taṃ cutūpapātañāṇassapi avisayo eva. Paṭisandhicittepi eseva nayo. Āvajjanapariyāyoti āvajjanakkamo. Yasmā ekavāraṃ āvajjitamattena ārammaṇaṃ nicchinituṃ na sakkā, tasmā tamevārammaṇaṃ dutiyaṃ tatiyañca āvajjitvā nicchīyati, āvajjanasīsena cettha javanavāro gahito. Tenāha – ‘‘dutiyatatiyacittavāreyeva jānissatī’’ti. Cutiyā puretaraṃ katipayacittavārato paṭṭhāya maraṇaṃ me āsannanti jānanato, ‘‘cutikkhaṇepi cavāmīti pajānātī’’ti vuttaṃ. Paṭisandhiyā pana apubbabhāvato paṭisandhicittaṃ na jānāti. Nikantiyā uppattito parato asukasmiṃ ṭhāne mayā paṭisandhi gahitāti pajānāti, dutiyajavanato paṭṭhāya jānātīti vuttovāyamattho. Tasmiṃ kāleti paṭisandhiggahaṇakāle. Dasasahassī kampatīti ettha kampanakāraṇaṃ heṭṭhā vuttameva. Mahākāruṇikā buddhā bhagavanto sattānaṃ hitasukhavidhānatapparatāya bahulaṃ somanassikāva hontīti tesaṃ paṭhamamahāvipākacittena paṭisandhiggahaṇaṃ aṭṭhakathāyaṃ (dī. ni. aṭṭha. 2.17; dha. sa. 498; ma. ni. aṭṭha. 3.199) vuttaṃ. Mahāsīvatthero pana yadipi mahākāruṇikā buddhā bhagavanto sattānaṃ hitasukhavidhānatapparā, vivekajjhāsayā pana visaṅkhāraninnā sabbasaṅkhāresu ajjhupekkhaṇabahulāti pañcamena mahāvipākacittena paṭisandhiggahaṇamāha.
бурз бун̣н̣амааяа сад̇д̇амад̣̇ивасад̇о бадтааяаад̇и бун̣н̣амааяа бурз сад̇д̇амад̣̇ивасад̇о бадтааяа, суггабагкз навамид̇о бадтааяаад̇и ад̇т̇о. сад̇д̇амз д̣̇ивасзд̇и аасаал̣хийбун̣н̣амааяа. ид̣̇ам̣ субинанд̇и ид̣̇аани вужжамаанаагаарам̣ субинам̣. нзсам̣ д̣̇звияод̇и махаарааж̇уунам̣ д̣̇звияо.
Pure puṇṇamāya sattamadivasato paṭṭhāyāti puṇṇamāya pure sattamadivasato paṭṭhāya, sukkapakkhe navamito paṭṭhāyāti attho. Sattame divaseti āsāḷhīpuṇṇamāya. Idaṃ supinanti idāni vuccamānākāraṃ supinaṃ. Nesaṃ deviyoti mahārājūnaṃ deviyo.
со жа ко бурисаг̇аб̣бхо, на ид̇т̇иг̇аб̣бхо, буд̇д̇о д̇з бхависсад̇ийд̇и зд̇д̇агамзва д̇з б̣раахман̣аа ад̇д̇ано субинасад̇т̇анаязна гат̇зсум̣. сажз аг̇аарам̣ аж̇жхаавасиссад̇ийд̇иаад̣̇и бана д̣̇звад̇аавиг̇г̇ахзна бхаавинамад̇т̇ам̣ яаат̇аавад̇о бавзд̣̇зсум̣.
So ca kho purisagabbho, na itthigabbho, putto te bhavissatīti ettakameva te brāhmaṇā attano supinasatthanayena kathesuṃ. Sace agāraṃ ajjhāvasissatītiādi pana devatāviggahena bhāvinamatthaṃ yāthāvato pavedesuṃ.
г̇аб̣бхаавагганд̇ияод̇и зд̇т̇а г̇аб̣бхо вужжад̇и маад̇угужчи, д̇ад̇т̇а уббад̇д̇и авагганд̇и, д̇аава г̇аб̣бхаавагганд̇и, яаава на нигкамад̇и. тид̇агаава нигкаманд̇и д̇хаммаасанад̇о од̇аранд̇о д̇хаммагат̇иго вияа.
Gabbhāvakkantiyoti ettha gabbho vuccati mātukucchi, tattha uppatti avakkanti, tāva gabbhāvakkanti, yāva na nikkhamati. Ṭhitakāva nikkhamanti dhammāsanato otaranto dhammakathiko viya.
201. вад̇д̇амаанасамийбз вад̇д̇амаанз вияа вохарийяад̇ийд̇и оггамад̇ийд̇и вуд̇д̇анд̇и ааха – ‘‘огганд̇о ход̇ийд̇и ад̇т̇о’’д̇и. звам̣ ход̇ийд̇и звам̣ вуд̇д̇аббагаарзнасса самбаж̇аананаа ход̇и. на оггамамаанз бадисанд̇хигкан̣асса д̣̇увин̃н̃зяяад̇д̇аа. д̇ат̇аа жа вуд̇д̇ам̣ – ‘‘бадисанд̇хижид̇д̇ам̣ на ж̇аанаад̇ий’’д̇и. д̣̇асасахассажаггаваал̣абад̇т̇аран̣зна ваа аббамаан̣о. ад̇ивияа самуж̇ж̇алабхаавзна ул̣ааро. д̣̇зваанубхааванд̇и д̣̇зваанам̣ бабхаанубхаавам̣. д̣̇зваанан̃хи бабхам̣со обхаасо ад̇хибхавад̇и, на д̇зсам̣ аад̇хибажжам̣. д̇знааха ‘‘д̣̇зваана’’нд̇иаад̣̇и.
201. Vattamānasamīpe vattamāne viya voharīyatīti okkamatīti vuttanti āha – ‘‘okkanto hotīti attho’’ti. Evaṃ hotīti evaṃ vuttappakārenassa sampajānanā hoti. Na okkamamāne paṭisandhikkhaṇassa duviññeyyattā. Tathā ca vuttaṃ – ‘‘paṭisandhicittaṃ na jānātī’’ti. Dasasahassacakkavāḷapattharaṇena vā appamāṇo. Ativiya samujjalabhāvena uḷāro. Devānubhāvanti devānaṃ pabhānubhāvaṃ. Devānañhi pabhaṃso obhāso adhibhavati, na tesaṃ ādhipaccaṃ. Tenāha ‘‘devāna’’ntiādi.
ругкаг̇ажчаад̣̇инаа гзнажи на хан̃н̃ад̇ийд̇и агхаа, аб̣аад̇хаа. д̇знааха ‘‘нижжавивадаа’’д̇и. асам̣вуд̇аад̇и хздтаа убари жа гзна жи на бихид̇аа. д̇знааха ‘‘хздтааби аббад̇идтаа’’д̇и. д̇ад̇т̇а би-сад̣̇д̣̇зна яат̇аа хздтаа уд̣̇агасса бид̇хааяигаа бат̇авий над̇т̇ийд̇и асам̣вуд̇аа логанд̇аригаа, звам̣ убариби жаггаваал̣зсу вияа д̣̇звавимаанаанам̣ абхаавад̇о асам̣вуд̇аа аббад̇идтаад̇и д̣̇ассзд̇и. анд̇хагааро зд̇т̇а ад̇т̇ийд̇и анд̇хагаараа. жагкувин̃н̃аан̣ам̣ на ж̇ааяад̇и аалогассаабхаавад̇о, на жагкуно. д̇ат̇аа хи ‘‘д̇зна обхаасзна ан̃н̃аман̃н̃ам̣ сан̃ж̇аананд̇ий’’д̇и вуд̇д̇ам̣. ж̇амб̣уд̣̇ийбз тид̇амаж̇жханхигавзлааяам̣ буб̣б̣авид̣̇зхаваасийнам̣ ад̇т̇ан̇г̇аманавасзна убад̣дхам̣ суурияаман̣д̣алам̣ бан̃н̃ааяад̇и, абараг̇ояаанаваасийнам̣ уг̇г̇аманавасзна, звам̣ сзсад̣̇ийбзсубийд̇и ааха – ‘‘згаббахаарзнзва д̇ийсу д̣̇ийбзсу бан̃н̃ааяанд̇ий’’д̇и. ид̇о ан̃н̃ат̇аа бана д̣̇вийсу зва д̣̇ийбзсу згаббахаарзнзва бан̃н̃ааяад̇ийд̇и. згзгааяа д̣̇исааяа нава нава яож̇анасад̇асахассаани анд̇хагааравид̇хаманамби иминаа наязна д̣̇адтаб̣б̣ам̣. бабхааяа наббахонд̇ийд̇и ад̇д̇ано бабхааяа обхаасид̇ум̣ на абхисамбхун̣анд̇и. яуг̇анд̇харабаб̣б̣ад̇амад̇т̇агаббамаан̣з аагаасз вижаран̣ад̇о, ‘‘жаггаваал̣абаб̣б̣ад̇асса взмаж̇жхзна жаранд̇ий’’д̇и вуд̇д̇ам̣.
Rukkhagacchādinā kenaci na haññatīti aghā, abādhā. Tenāha ‘‘niccavivaṭā’’ti. Asaṃvutāti heṭṭhā upari ca kena ci na pihitā. Tenāha ‘‘heṭṭhāpi appatiṭṭhā’’ti. Tattha pi-saddena yathā heṭṭhā udakassa pidhāyikā pathavī natthīti asaṃvutā lokantarikā, evaṃ uparipi cakkavāḷesu viya devavimānānaṃ abhāvato asaṃvutā appatiṭṭhāti dasseti. Andhakāro ettha atthīti andhakārā. Cakkhuviññāṇaṃ na jāyati ālokassābhāvato, na cakkhuno. Tathā hi ‘‘tena obhāsena aññamaññaṃ sañjānantī’’ti vuttaṃ. Jambudīpe ṭhitamajjhanhikavelāyaṃ pubbavidehavāsīnaṃ atthaṅgamanavasena upaḍḍhaṃ sūriyamaṇḍalaṃ paññāyati, aparagoyānavāsīnaṃ uggamanavasena, evaṃ sesadīpesupīti āha – ‘‘ekappahāreneva tīsu dīpesu paññāyantī’’ti. Ito aññathā pana dvīsu eva dīpesu ekappahāreneva paññāyatīti. Ekekāya disāya nava nava yojanasatasahassāni andhakāravidhamanampi iminā nayena daṭṭhabbaṃ. Pabhāya nappahontīti attano pabhāya obhāsituṃ na abhisambhuṇanti. Yugandharapabbatamatthakappamāṇe ākāse vicaraṇato, ‘‘cakkavāḷapabbatassa vemajjhena carantī’’ti vuttaṃ.
ваавадаад̇и каад̣̇анад̇т̇ам̣ г̇ан̣хид̇ум̣ убаггаманд̇аа. вибаривад̇д̇ид̇ваад̇и виваддид̇ваа. чиж̇ж̇ид̇ваад̇и мужчаабад̇д̇ияаа тид̇адтаанад̇о мужжид̇ваа, ан̇г̇абажжан̇г̇ажчзд̣̇анавасзна ваа чиж̇ж̇ид̇ваа. ажжанд̇акаарзд̇и аад̇абасанд̇аабаабхаавзна ад̇исийд̇абхаавам̣ санд̇хааяа ажжанд̇акаарад̇аа вуд̇д̇аа сияаа. на хи д̇ам̣ габбасан̣таанауд̣̇агам̣ самбад̇д̇игарамахаамзгхавудтам̣ бат̇авийсанд̇хаарагам̣ габбавинаасагауд̣̇агам̣ вияа каарам̣ бхавид̇умарахад̇и. д̇ат̇аа хи сад̇и бат̇авийби вилийязяяа. д̇зсам̣ ваа баабагаммаб̣алзна бзд̇аанам̣ багад̇иуд̣̇агасса буб̣б̣акзл̣абхааваабад̇д̇и вияа д̇асса уд̣̇агасса д̇ад̣̇аа каарабхааваабад̇д̇и ход̇ийд̇и вуд̇д̇ам̣ ‘‘ажжанд̇акаарз уд̣̇агз’’д̇и. саманд̇ад̇од̇и саб̣б̣абхааг̇ад̇о чаббагаарамби.
Vāvaṭāti khādanatthaṃ gaṇhituṃ upakkamantā. Viparivattitvāti vivaṭṭitvā. Chijjitvāti mucchāpattiyā ṭhitaṭṭhānato muccitvā, aṅgapaccaṅgacchedanavasena vā chijjitvā. Accantakhāreti ātapasantāpābhāvena atisītabhāvaṃ sandhāya accantakhāratā vuttā siyā. Na hi taṃ kappasaṇṭhānaudakaṃ sampattikaramahāmeghavuṭṭhaṃ pathavīsandhārakaṃ kappavināsakaudakaṃ viya khāraṃ bhavitumarahati. Tathā hi sati pathavīpi vilīyeyya. Tesaṃ vā pāpakammabalena petānaṃ pakatiudakassa pubbakheḷabhāvāpatti viya tassa udakassa tadā khārabhāvāpatti hotīti vuttaṃ ‘‘accantakhāre udake’’ti. Samantatoti sabbabhāgato chappakārampi.
202. жад̇уннам̣ махаарааж̇уунам̣ васзнаад̇и взссаван̣аад̣̇ижад̇умахаарааж̇абхаавасааман̃н̃зна.
202.Catunnaṃ mahārājūnaṃ vasenāti vessavaṇādicatumahārājabhāvasāmaññena.
203. сабхаавзнзваад̇и барасса санд̇игз г̇ахан̣зна винаа ад̇д̇ано сабхаавзнзва саяамзва ад̇хидтахид̇ваа сийласамбаннаа.
203.Sabhāvenevāti parassa santike gahaṇena vinā attano sabhāveneva sayameva adhiṭṭhahitvā sīlasampannā.
мануссзсууд̇и ид̣̇ам̣ багад̇ижаарид̇д̇авасзна вуд̇д̇ам̣ – ‘‘мануссид̇т̇ияаа наама мануссабурисзсу бурисаад̇хиббааяажид̇д̇ам̣ уббаж̇ж̇зяяаа’’д̇и, б̣од̇хисад̇д̇амаад̇у бана д̣̇звзсууби д̇аад̣̇исам̣ жид̇д̇ам̣ нуббаж̇ж̇ад̇зва. яат̇аа б̣од̇хисад̇д̇асса аанубхаавзна б̣од̇хисад̇д̇асса маад̇у бурисаад̇хиббааяажид̇д̇ам̣ нуббаж̇ж̇ад̇и, звам̣ д̇асса аанубхаавзнзва саа гзнажи бурисзна анад̇иггаманийяаад̇и ааха – ‘‘баад̣̇аа на ваханд̇и, д̣̇иб̣б̣асан̇калигаа вияа б̣аж̇жханд̇ий’’д̇и.
Manussesūti idaṃ pakaticārittavasena vuttaṃ – ‘‘manussitthiyā nāma manussapurisesu purisādhippāyacittaṃ uppajjeyyā’’ti, bodhisattamātu pana devesūpi tādisaṃ cittaṃ nuppajjateva. Yathā bodhisattassa ānubhāvena bodhisattassa mātu purisādhippāyacittaṃ nuppajjati, evaṃ tassa ānubhāveneva sā kenaci purisena anatikkamanīyāti āha – ‘‘pādā na vahanti, dibbasaṅkhalikā viya bajjhantī’’ti.
буб̣б̣з ‘‘гаамаг̇ун̣уубасам̣хид̇ам̣ жид̇д̇ам̣ нуббаж̇ж̇ад̇ий’’д̇и вуд̇д̇ам̣, буна ‘‘бан̃жахи гаамаг̇ун̣зхи самаббид̇аа саман̇г̇ийбхууд̇аа барижаарзд̇ий’’д̇и вуд̇д̇ам̣, гат̇амид̣̇ам̣ ан̃н̃аман̃н̃ам̣ на вируж̇жхад̇ийд̇и ааха ‘‘буб̣б̣з’’д̇иаад̣̇и. вад̇т̇убадигкзбод̇и аб̣рахмажарияавад̇т̇убадисзд̇хо. д̇знааха ‘‘бурисаад̇хиббааяавасзнаа’’д̇и. аарамман̣абадилаабход̇и руубаад̣̇ибан̃жагаамаг̇ун̣аарамман̣ассзва бадилаабхо.
Pubbe ‘‘kāmaguṇūpasaṃhitaṃ cittaṃ nuppajjatī’’ti vuttaṃ, puna ‘‘pañcahi kāmaguṇehi samappitā samaṅgībhūtā paricāretī’’ti vuttaṃ, kathamidaṃ aññamaññaṃ na virujjhatīti āha ‘‘pubbe’’tiādi. Vatthupaṭikkhepoti abrahmacariyavatthupaṭisedho. Tenāha ‘‘purisādhippāyavasenā’’ti. Ārammaṇapaṭilābhoti rūpādipañcakāmaguṇārammaṇasseva paṭilābho.
204. гиламат̇од̇и кзд̣̇о. гааяасса хи г̇арубхаавагатинабхааваад̣̇аяоби д̇ассаа д̇ад̣̇аа на хонд̇и зва. ‘‘д̇ирогужчиг̇ад̇ам̣ бассад̇ий’’д̇и вуд̇д̇ам̣, гад̣̇аа бадтааяа бассад̇ийд̇и ааха – ‘‘галалаад̣̇игаалам̣ ад̇иггамид̇ваа’’д̇иаад̣̇и. д̣̇ассанз баяож̇анам̣ саяамзва вад̣̇ад̇и, д̇асса абхаавад̇о галалаад̣̇игаалз на бассад̇и. буд̇д̇знаад̇и д̣̇ахарзна манд̣̇зна уд̇д̇аанасзяяагзна. яам̣ д̇ам̣ маад̇ууд̇иаад̣̇и багад̇ижаарид̇д̇авасзна вуд̇д̇ам̣. жаггавад̇д̇иг̇аб̣бхад̇оби хи сависзсам̣ б̣од̇хисад̇д̇аг̇аб̣бхо барихаарам̣ лабхад̇и бун̃н̃асамбхаарасса саад̇исаяад̇д̇аа, д̇асмаа б̣од̇хисад̇д̇амаад̇аа ад̇ивияа саббааяаахаараажаараа жа худ̇ваа саггажжам̣ барихарад̇и. бурад̇т̇аабхимукод̇и маад̇у бурад̇т̇аабхимуко. ид̣̇аани д̇ирогужчиг̇ад̇асса д̣̇иссамаанад̇ааяа аб̣бханд̇арам̣ б̣аахиран̃жа гааран̣ам̣ д̣̇ассзд̇ум̣, ‘‘буб̣б̣з гад̇агамма’’нд̇иаад̣̇и вуд̇д̇ам̣. ассаад̇и д̣̇звияаа. вад̇т̇унд̇и гужчим̣. палигааб̣бхабадалаад̣̇ино вияа б̣од̇хисад̇д̇амаад̇угужчид̇ажасса бадалабхаавзна аалогасса виб̣анд̇хаабхаавад̇о яат̇аа б̣од̇хисад̇д̇амаад̇аа гужчиг̇ад̇ам̣ б̣од̇хисад̇д̇ам̣ бассад̇и, гимзвам̣ б̣од̇хисад̇д̇оби маад̇арам̣ ан̃н̃ан̃жа бурад̇о руубаг̇ад̇ам̣ бассад̇и, нод̇и ааха, ‘‘б̣од̇хисад̇д̇о банаа’’д̇иаад̣̇и. гасмаа бана сад̇и жагкумхи аалогз жа на бассад̇ийд̇и ааха – ‘‘на хи анд̇огужчияам̣ жагкувин̃н̃аан̣ам̣ уббаж̇ж̇ад̇ий’’д̇и. ассаасабассаасаа вияа хи д̇ад̇т̇а жагкувин̃н̃аан̣амби на уббаж̇ж̇ад̇и д̇аж̇ж̇аасаманнаахаарассаабхаавад̇о.
204.Kilamathoti khedo. Kāyassa hi garubhāvakaṭhinabhāvādayopi tassā tadā na honti eva. ‘‘Tirokucchigataṃ passatī’’ti vuttaṃ, kadā paṭṭhāya passatīti āha – ‘‘kalalādikālaṃ atikkamitvā’’tiādi. Dassane payojanaṃ sayameva vadati, tassa abhāvato kalalādikāle na passati. Puttenāti daharena mandena uttānaseyyakena. Yaṃ taṃ mātūtiādi pakaticārittavasena vuttaṃ. Cakkavattigabbhatopi hi savisesaṃ bodhisattagabbho parihāraṃ labhati puññasambhārassa sātisayattā, tasmā bodhisattamātā ativiya sappāyāhārācārā ca hutvā sakkaccaṃ pariharati. Puratthābhimukhoti mātu puratthābhimukho. Idāni tirokucchigatassa dissamānatāya abbhantaraṃ bāhirañca kāraṇaṃ dassetuṃ, ‘‘pubbe katakamma’’ntiādi vuttaṃ. Assāti deviyā. Vatthunti kucchiṃ. Phalikaabbhapaṭalādino viya bodhisattamātukucchitacassa paṭalabhāvena ālokassa vibandhābhāvato yathā bodhisattamātā kucchigataṃ bodhisattaṃ passati, kimevaṃ bodhisattopi mātaraṃ aññañca purato rūpagataṃ passati, noti āha, ‘‘bodhisatto panā’’tiādi. Kasmā pana sati cakkhumhi āloke ca na passatīti āha – ‘‘na hi antokucchiyaṃ cakkhuviññāṇaṃ uppajjatī’’ti. Assāsapassāsā viya hi tattha cakkhuviññāṇampi na uppajjati tajjāsamannāhārassābhāvato.
205. яат̇аа ан̃н̃аа ид̇т̇ияо виж̇аад̇абажжаяаа д̇аад̣̇исзна рог̇зна абхибхууд̇ааби худ̇ваа маранд̇и, б̣од̇хисад̇д̇амаад̇у бана б̣од̇хисад̇д̇з гужчиг̇ад̇з на гожи рог̇о уббаж̇ж̇ад̇и; гзвалам̣ ааяубаригкаязнзва гаалам̣ гарод̇и, свааяамад̇т̇о хздтаа вуд̇д̇оязва. б̣од̇хисад̇д̇зна васид̇адтаанам̣ хийд̇иаад̣̇инаа д̇ад̇т̇а гааран̣амааха. абанзд̇ваад̇и аг̇г̇амахзсидтаанад̇о нийхарид̇ваа. анурагкид̇ум̣ на саггод̇ийд̇и саммаа г̇аб̣бхабарихаарам̣ наануяун̃ж̇ад̇и, д̇зна г̇аб̣бхо б̣ахвааб̣аад̇хо ход̇и. вад̇т̇увисад̣̇ам̣ ход̇ийд̇и г̇аб̣бхаасаяо барисуд̣̇д̇хо ход̇и. маад̇у маж̇жхимаваяасса д̇ад̇ияагодтаасз б̣од̇хисад̇д̇асса г̇аб̣бхоггаманамби д̇ассаа ааяубаримаан̣авилоганзнзва сан̇г̇ахид̇ам̣ ваяовасзна уббаж̇ж̇анагавигаарасса бариваж̇ж̇анад̇о, ид̇т̇исабхаавзна уббаж̇ж̇анагавигааро бана б̣од̇хисад̇д̇асса аанубхаавзнзва вуубасаммад̇и.
205. Yathā aññā itthiyo vijātapaccayā tādisena rogena abhibhūtāpi hutvā maranti, bodhisattamātu pana bodhisatte kucchigate na koci rogo uppajjati; kevalaṃ āyuparikkhayeneva kālaṃ karoti, svāyamattho heṭṭhā vuttoyeva. Bodhisattena vasitaṭṭhānaṃ hītiādinā tattha kāraṇamāha. Apanetvāti aggamahesiṭṭhānato nīharitvā. Anurakkhituṃ na sakkotīti sammā gabbhaparihāraṃ nānuyuñjati, tena gabbho bahvābādho hoti. Vatthuvisadaṃ hotīti gabbhāsayo parisuddho hoti. Mātu majjhimavayassa tatiyakoṭṭhāse bodhisattassa gabbhokkamanampi tassā āyuparimāṇavilokaneneva saṅgahitaṃ vayovasena uppajjanakavikārassa parivajjanato, itthisabhāvena uppajjanakavikāro pana bodhisattassa ānubhāveneva vūpasammati.
сад̇д̇амаасаж̇аад̇од̇и бадисанд̇хиг̇г̇ахан̣ад̇о сад̇д̇амз маасз ж̇аад̇о. со сийд̇ун̣хагкамо на ход̇и ад̇ивияа сукумаалад̇ааяа. адтамаасаж̇аад̇о гаамам̣ сад̇д̇амаасаж̇аад̇ад̇о б̣уд̣̇д̇хиаваяаво, згажжз бана жаммабад̣̇зсаа б̣уд̣̇д̇хим̣ баабун̣анд̇аа гхадданам̣ на саханд̇и, д̇зна со на ж̇ийвад̇и. сад̇д̇амаасаж̇аад̇асса бана на д̇аава д̇з ж̇аад̇аад̇и вад̣̇анд̇и.
Sattamāsajātoti paṭisandhiggahaṇato sattame māse jāto. So sītuṇhakkhamo na hoti ativiya sukhumālatāya. Aṭṭhamāsajāto kāmaṃ sattamāsajātato buddhiavayavo, ekacce pana cammapadesā buddhiṃ pāpuṇantā ghaṭṭanaṃ na sahanti, tena so na jīvati. Sattamāsajātassa pana na tāva te jātāti vadanti.
тид̇аава худ̇ваад̇и нид̣̇д̣̇угкад̇ааяа тид̇аа зва худ̇ваа. д̣̇угкасса хи б̣алавабхаавад̇о д̇ам̣ д̣̇угкам̣ асахамаанаа ан̃н̃аа ид̇т̇ияо нисиннаа ваа нибаннаа ваа виж̇ааяанд̇и. убавиж̇ан̃н̃аад̇и убаг̇ад̇авиж̇ааяанагаалаа. сагаланаг̇араваасинод̇и габилавад̇т̇ум̣ бариваарзд̇ваа тид̇зсу д̣̇звад̣̇ахаад̣̇ийсу часу наг̇арзсу васанд̇аа.
Ṭhitāva hutvāti niddukkhatāya ṭhitā eva hutvā. Dukkhassa hi balavabhāvato taṃ dukkhaṃ asahamānā aññā itthiyo nisinnā vā nipannā vā vijāyanti. Upavijaññāti upagatavijāyanakālā. Sakalanagaravāsinoti kapilavatthuṃ parivāretvā ṭhitesu devadahādīsu chasu nagaresu vasantā.
д̣̇зваа нам̣ батамам̣ бадиг̇г̇ан̣ханд̇ийд̇и логанаат̇ам̣ махаабурисам̣ маяамзва батамам̣ бадиг̇г̇ан̣хаамаад̇и сан̃ж̇аад̇аг̇аараваб̣ахумаанаа ад̇д̇ано бийд̇им̣ бавзд̣̇знд̇аа кийн̣аасаваа суд̣̇д̇хааваасаб̣рахмаано аад̣̇ид̇о бадиг̇г̇ан̣ханд̇и. сууд̇ивзсанд̇и сууд̇иж̇аг̇г̇анад̇хаад̇ивзсам̣. згзд̇и уд̇д̇аравихаараваасино. мажчагкисад̣̇исам̣ чавивасзна.
Devā naṃ paṭhamaṃ paṭiggaṇhantīti lokanāthaṃ mahāpurisaṃ mayameva paṭhamaṃ paṭiggaṇhāmāti sañjātagāravabahumānā attano pītiṃ pavedentā khīṇāsavā suddhāvāsabrahmāno ādito paṭiggaṇhanti. Sūtivesanti sūtijagganadhātivesaṃ. Eketi uttaravihāravāsino. Macchakkhisadisaṃ chavivasena.
206. аж̇инаббавзн̣ияаад̇и аж̇инажаммзхи сиб̣б̣зд̇ваа гад̇абавзн̣ияаа. махаад̇зж̇од̇и махаанубхааво. махааяасод̇и махаабаривааро вибулагид̇д̇игхосо жа.
206.Ajinappaveṇiyāti ajinacammehi sibbetvā katapaveṇiyā. Mahātejoti mahānubhāvo. Mahāyasoti mahāparivāro vipulakittighoso ca.
бхаг̇г̇авибхаг̇г̇аад̇и самб̣аад̇хадтаанад̇о нигкаманзна вибхаавид̇ад̇д̇аа бхаг̇г̇аа вибхаг̇г̇аа вияа жа худ̇ваа. д̇зна нзсам̣ ависад̣̇абхаавамзва д̣̇ассзд̇и. алаг̇г̇о худ̇ваад̇и г̇аб̣бхаасаяз яонибад̣̇зсз жа гад̇т̇ажи алаг̇г̇о асад̇д̇о худ̇ваа. уд̣̇агзнаад̇и г̇аб̣бхаасаяаг̇ад̇зна уд̣̇агзна амагкид̇о нигкамад̇и саммагкид̇асса д̇аад̣̇исасса уд̣̇агасзмхаад̣̇игассзва д̇ад̇т̇а абхаавад̇о. б̣од̇хисад̇д̇асса хи бун̃н̃аанубхаавзна бадисанд̇хиг̇г̇ахан̣ад̇о бадтааяа д̇ам̣ таанам̣ висуд̣̇д̇хам̣ барамасуг̇анд̇хаг̇анд̇хагуди вияа жанд̣̇анаг̇анд̇хам̣ вааяанд̇ам̣ д̇идтад̇и. уд̣̇агаваддияод̇и уд̣̇агагканд̇хаа.
Bhaggavibhaggāti sambādhaṭṭhānato nikkhamanena vibhāvitattā bhaggā vibhaggā viya ca hutvā. Tena nesaṃ avisadabhāvameva dasseti. Alaggo hutvāti gabbhāsaye yonipadese ca katthaci alaggo asatto hutvā. Udakenāti gabbhāsayagatena udakena amakkhito nikkhamati sammakkhitassa tādisassa udakasemhādikasseva tattha abhāvato. Bodhisattassa hi puññānubhāvena paṭisandhiggahaṇato paṭṭhāya taṃ ṭhānaṃ visuddhaṃ paramasugandhagandhakuṭi viya candanagandhaṃ vāyantaṃ tiṭṭhati. Udakavaṭṭiyoti udakakkhandhā.
207. мухуд̇д̇аж̇аад̇од̇и мухуд̇д̇зна ж̇аад̇о худ̇ваа мухуд̇д̇амад̇д̇ова. ануд̇хаарияамаанзд̇и анугуулавасзна нийяамаанз. ааг̇ад̇аанзваад̇и д̇ам̣ таанам̣ убаг̇ад̇аани зва.
207.Muhuttajātoti muhuttena jāto hutvā muhuttamattova. Anudhāriyamāneti anukūlavasena nīyamāne. Āgatānevāti taṃ ṭhānaṃ upagatāni eva.
анзгасааканд̇и рад̇анамаяаанзгасад̇абад̇идтаанахийрагам̣. сахассаман̣д̣аланд̇и д̇зсам̣ убари бад̇идтид̇ам̣ анзгасахассаман̣д̣алахийрагам̣. марууд̇и д̣̇зваа.
Anekasākhanti ratanamayānekasatapatiṭṭhānahīrakaṃ. Sahassamaṇḍalanti tesaṃ upari patiṭṭhitaṃ anekasahassamaṇḍalahīrakaṃ. Marūti devā.
на ко банзвам̣ д̣̇адтаб̣б̣анд̇и сад̇д̇абад̣̇авийд̇ихаарад̇о баг̇зва д̣̇исаавилоганасса гад̇ад̇д̇аа. д̇знааха ‘‘махаасад̇д̇о хий’’д̇иаад̣̇и. зган̇г̇ан̣аанийд̇и вивадабхаавзна вихааран̇г̇ан̣абаривзн̣ан̇г̇ан̣аани вияа зган̇г̇ан̣асад̣̇исаани ахзсум̣. сад̣̇исоби над̇т̇ийд̇и д̇умхаагам̣ ид̣̇ам̣ вилоганам̣ висидтз бассид̇ум̣ ид̇ха д̇умхзхи сад̣̇исоби над̇т̇и, гуд̇о уд̇д̇арид̇арод̇и аахам̣су. саб̣б̣абатамод̇и саб̣б̣аббад̇хаано. бад̇хаанабарияааяо хи ид̇ха батамасад̣̇д̣̇о. д̇знааха ‘‘ид̇арааний’’д̇иаад̣̇и. зд̇т̇а жа махзсагкаа д̇аава д̣̇зваа д̇ат̇аа вад̣̇анд̇и, ид̇арз бана гат̇анд̇и? махаасад̇д̇асса аанубхаавад̣̇ассанзнзва. махзсагкаанан̃хи д̣̇зваанам̣ махаасад̇д̇асса аанубхааво вияа д̇зна сад̣̇исаанамби аанубхааво бажжагко ахоси. ид̇арз бана д̇зсам̣ важанам̣ суд̇ваа сад̣̇д̣̇аханд̇аа ануминанд̇аа д̇ат̇аа аахам̣су.
Nakho panevaṃ daṭṭhabbanti sattapadavītihārato pageva disāvilokanassa katattā. Tenāha ‘‘mahāsatto hī’’tiādi. Ekaṅgaṇānīti vivaṭabhāvena vihāraṅgaṇapariveṇaṅgaṇāni viya ekaṅgaṇasadisāni ahesuṃ. Sadisopi natthīti tumhākaṃ idaṃ vilokanaṃ visiṭṭhe passituṃ idha tumhehi sadisopi natthi, kuto uttaritaroti āhaṃsu. Sabbapaṭhamoti sabbappadhāno. Padhānapariyāyo hi idha paṭhamasaddo. Tenāha ‘‘itarānī’’tiādi. Ettha ca mahesakkhā tāva devā tathā vadanti, itare pana kathanti? Mahāsattassa ānubhāvadassaneneva. Mahesakkhānañhi devānaṃ mahāsattassa ānubhāvo viya tena sadisānampi ānubhāvo paccakkho ahosi. Itare pana tesaṃ vacanaṃ sutvā saddahantā anuminantā tathā āhaṃsu.
ж̇аад̇амад̇д̇ассзва б̣од̇хисад̇д̇асса таанаад̣̇ийни язсам̣ висзсаад̇хиг̇амаанам̣ буб̣б̣анимид̇д̇абхууд̇аанийд̇и д̇з нид̣̇д̇хаарзд̇ваа д̣̇ассзнд̇о, ‘‘зд̇т̇а жаа’’д̇иаад̣̇имааха. д̇ад̇т̇а бад̇идтаанам̣ жад̇уид̣̇д̇хибаад̣̇абадилаабхасса буб̣б̣анимид̇д̇ам̣ ид̣̇д̇хибаад̣̇авасзна логуд̇д̇арад̇хаммзсу суббад̇идтид̇абхаавасамиж̇жханад̇о. уд̇д̇араабхимукабхааво логасса уд̇д̇аран̣авасзна г̇аманасса буб̣б̣анимид̇д̇ам̣. сад̇д̇абад̣̇аг̇аманам̣ сад̇д̇аб̣ож̇жхан̇г̇аад̣̇иг̇аманасса буб̣б̣анимид̇д̇ам̣, висуд̣̇д̇хачад̇д̇ад̇хааран̣ам̣ сувисуд̣̇д̇хавимуд̇д̇ичад̇д̇ад̇хааран̣асса буб̣б̣анимид̇д̇ам̣, бан̃жарааж̇агагуд̇хабхан̣д̣аани бан̃жавид̇хавимуд̇д̇иг̇ун̣абариваарад̇ааяа буб̣б̣анимид̇д̇ам̣, анаавадад̣̇исаанувилоганам̣ анаавадан̃аан̣ад̇ааяа буб̣б̣анимид̇д̇ам̣, ‘‘аг̇г̇охамасмий’’д̇иаад̣̇иважанам̣ аббадивад̇д̇ияад̇хаммажаггабавад̇д̇анасса буб̣б̣анимид̇д̇ам̣; аяаманд̇имаа ж̇аад̇ийд̇и ааяад̇им̣ ж̇аад̇ияаа абхаавагид̇д̇анаа анубаад̣̇и…бз… буб̣б̣анимид̇д̇анд̇и взд̣̇ид̇аб̣б̣ам̣; д̇асса д̇асса анааг̇ад̇з лад̣̇д̇хаб̣б̣ависзсасса д̇ам̣ д̇ам̣ нимид̇д̇ам̣ аб̣яабхижаарийнимид̇д̇анд̇и д̣̇адтаб̣б̣ам̣. на ааг̇ад̇од̇и имасмим̣ суд̇д̇з ан̃н̃ад̇т̇а жа вагкамаанааяа анубуб̣б̣ияаа анааг̇ад̇ад̇ам̣ санд̇хааяа вуд̇д̇ам̣. аахарид̇ваад̇и д̇асмим̣ д̇асмим̣ суд̇д̇з адтагат̇аасу жа ааг̇ад̇анаязна аахарид̇ваа д̣̇ийбзд̇аб̣б̣о.
Jātamattasseva bodhisattassa ṭhānādīni yesaṃ visesādhigamānaṃ pubbanimittabhūtānīti te niddhāretvā dassento, ‘‘ettha cā’’tiādimāha. Tattha patiṭṭhānaṃ catuiddhipādapaṭilābhassa pubbanimittaṃ iddhipādavasena lokuttaradhammesu suppatiṭṭhitabhāvasamijjhanato. Uttarābhimukhabhāvo lokassa uttaraṇavasena gamanassa pubbanimittaṃ. Sattapadagamanaṃ sattabojjhaṅgādigamanassa pubbanimittaṃ, visuddhachattadhāraṇaṃ suvisuddhavimuttichattadhāraṇassa pubbanimittaṃ, pañcarājakakudhabhaṇḍāni pañcavidhavimuttiguṇaparivāratāya pubbanimittaṃ, anāvaṭadisānuvilokanaṃ anāvaṭañāṇatāya pubbanimittaṃ, ‘‘aggohamasmī’’tiādivacanaṃ appaṭivattiyadhammacakkapavattanassa pubbanimittaṃ; ayamantimā jātīti āyatiṃ jātiyā abhāvakittanā anupādi…pe… pubbanimittanti veditabbaṃ; tassa tassa anāgate laddhabbavisesassa taṃ taṃ nimittaṃ abyabhicārīnimittanti daṭṭhabbaṃ. Na āgatoti imasmiṃ sutte aññattha ca vakkhamānāya anupubbiyā anāgatataṃ sandhāya vuttaṃ. Āharitvāti tasmiṃ tasmiṃ sutte aṭṭhakathāsu ca āgatanayena āharitvā dīpetabbo.
д̣̇асасахассилогад̇хаад̇у гамбийд̇и бана ид̣̇ам̣ сад̇иби ид̇ха баал̣ияам̣ ааг̇ад̇ад̇д̇з вагкамаанаанамажчарияаанам̣ муулабхууд̇ам̣ д̣̇ассзд̇ум̣ вуд̇д̇ам̣, звам̣ ан̃н̃амбийд̣̇исам̣ д̣̇адтаб̣б̣ам̣. д̇анд̇и б̣ад̣̇д̇хаа вийн̣аа, жаммаб̣ад̣̇д̇хаа бхзрияод̇и бан̃жан̇г̇игад̇уурияасса нид̣̇ассанамад̇д̇ам̣, жа-сад̣̇д̣̇зна ваа ид̇арзсамби сан̇г̇ахо д̣̇адтаб̣б̣о. бхиж̇ж̇им̣сууд̇и баад̣̇зсу б̣ад̣̇д̇хадтаанзсуязва бхиж̇ж̇им̣су. виг̇ажчим̣сууд̇и вуубасамим̣су. сагад̇зж̇обхаасид̇аанийд̇и ад̇ивияа самуж̇ж̇алааяа ад̇д̇ано бабхааяа обхаасид̇аани ахзсум̣. на бавад̇д̇ийд̇и на санд̣̇ий. ваад̇о на вааяийд̇и каро ваад̇о на вааяи, муд̣̇усуко бана сад̇д̇аанам̣ сукаавахо вааяи. бат̇авийг̇ад̇аа ахзсум̣ ужжадтаанз таад̇ум̣ ависаханд̇аа. уд̇усамбаннод̇и анун̣хаасийд̇ад̇аасан̇каад̇зна уд̇унаа самбанно. ваамахад̇т̇ам̣ урз табзд̇ваа д̣̇агкин̣зна бут̇убаан̣инаа хад̇т̇ад̇аал̣анзна сад̣̇д̣̇агаран̣ам̣ абподанам̣. мукзна уссзл̣анам̣ сад̣̇д̣̇амун̃жанам̣ сзл̣анам̣. згад̣̇д̇хаж̇амаалаа ахосийд̇и зд̇т̇а ид̇и-сад̣̇д̣̇о аад̣̇иад̇т̇о. д̇зна вижид̇д̇абубпасуг̇анд̇хабубпавассад̣̇зваа вассим̣су, суурияз д̣̇иб̣б̣амаанз зва д̇аарагаа обхаасим̣су, ажчам̣ виббасаннам̣ уд̣̇агам̣ бат̇авид̇о уб̣бхиж̇ж̇и, б̣илаасаяаа д̣̇арисаяаа д̇иражчаанаа аасаяад̇о нигкамим̣су; рааг̇ад̣̇осамохааби д̇ану бхавим̣су, бат̇авияам̣ раж̇о вуубасами, анидтаг̇анд̇хо виг̇ажчи, д̣̇иб̣б̣аг̇анд̇хо вааяи, руубино д̣̇зваа саруубзнзва мануссаанам̣ аабаат̇амаг̇амам̣су , сад̇д̇аанам̣ жуд̇убабаад̇аа наахзсунд̇и имзсам̣ сан̇г̇ахо д̣̇адтаб̣б̣о. яаани махаабхинийхаарасамаяз уббаннаани д̣̇вад̇д̇им̣са буб̣б̣анимид̇д̇аани, д̇аани анавасзсаани д̇ад̣̇аа ахзсунд̇и.
Dasasahassilokadhātu kampīti pana idaṃ satipi idha pāḷiyaṃ āgatatte vakkhamānānamacchariyānaṃ mūlabhūtaṃ dassetuṃ vuttaṃ, evaṃ aññampīdisaṃ daṭṭhabbaṃ. Tanti baddhā vīṇā, cammabaddhā bheriyoti pañcaṅgikatūriyassa nidassanamattaṃ, ca-saddena vā itaresampi saṅgaho daṭṭhabbo. Bhijjiṃsūti pādesu baddhaṭṭhānesuyeva bhijjiṃsu. Vigacchiṃsūti vūpasamiṃsu. Sakatejobhāsitānīti ativiya samujjalāya attano pabhāya obhāsitāni ahesuṃ. Na pavattīti na sandī. Vāto na vāyīti kharo vāto na vāyi, mudusukho pana sattānaṃ sukhāvaho vāyi. Pathavīgatā ahesuṃ uccaṭṭhāne ṭhātuṃ avisahantā. Utusampannoti anuṇhāsītatāsaṅkhātena utunā sampanno. Vāmahatthaṃ ure ṭhapetvā dakkhiṇena puthupāṇinā hatthatāḷanena saddakaraṇaṃ apphoṭanaṃ. Mukhena usseḷanaṃ saddamuñcanaṃ seḷanaṃ. Ekaddhajamālā ahosīti ettha iti-saddo ādiattho. Tena vicittapupphasugandhapupphavassadevā vassiṃsu, sūriye dibbamāne eva tārakā obhāsiṃsu, acchaṃ vippasannaṃ udakaṃ pathavito ubbhijji, bilāsayā darisayā tiracchānā āsayato nikkhamiṃsu; rāgadosamohāpi tanu bhaviṃsu, pathaviyaṃ rajo vūpasami, aniṭṭhagandho vigacchi, dibbagandho vāyi, rūpino devā sarūpeneva manussānaṃ āpāthamagamaṃsu , sattānaṃ cutupapātā nāhesunti imesaṃ saṅgaho daṭṭhabbo. Yāni mahābhinīhārasamaye uppannāni dvattiṃsa pubbanimittāni, tāni anavasesāni tadā ahesunti.
д̇ад̇раабийд̇и д̇зсуби бат̇авигамбаад̣̇ийсу звам̣ буб̣б̣анимид̇д̇абхааво взд̣̇ид̇аб̣б̣о, на гзвалам̣ самбад̇иж̇аад̇асса таанаад̣̇ийсу зваад̇и ад̇хиббааяо. саб̣б̣ан̃н̃уд̇ан̃н̃аан̣абадилаабхасса буб̣б̣анимид̇д̇ам̣ саб̣б̣асса н̃зяяасса д̇ид̇т̇агарамад̇асса жа жааланад̇о. гзнажи ануссаахид̇аанам̣язва имасмим̣язва згажаггаваал̣з саннибаад̇о, гзнажи ануссаахид̇аанам̣язва згаббахаарзнзва саннибад̇ид̇ваа д̇хаммабадиг̇г̇ан̣ханасса буб̣б̣анимид̇д̇ам̣, батамам̣ д̣̇звад̇аанам̣ бадиг̇г̇ахан̣ам̣ д̣̇иб̣б̣авихаарабадилаабхасса, бажчаа мануссаанам̣ бадиг̇г̇ахан̣ам̣ д̇ад̇т̇зва таанасса нижжаласабхаавад̇о аанзн̃ж̇авихаарабадилаабхасса буб̣б̣анимид̇д̇ам̣. вийн̣аанам̣ саяам̣ важ̇ж̇анам̣ баруубад̣̇зсзна винаа саяамзва анубуб̣б̣авихаарабадилаабхасса буб̣б̣анимид̇д̇ам̣. бхзрийнам̣ важ̇ж̇анам̣ жаггаваал̣абарияанд̇ааяа барисааяа бавзд̣̇анасамад̇т̇асса д̇хаммабхзрияаа анусааванасса амад̇ад̣̇унд̣̇убхигхосанасса буб̣б̣анимид̇д̇ам̣. анд̣̇уб̣анд̇ханаад̣̇ийнам̣ чзд̣̇о маанавиниб̣анд̇хачзд̣̇анасса буб̣б̣анимид̇д̇ам̣; субадданасамбаабун̣анам̣ ад̇т̇аад̣̇и ануруубам̣ ад̇т̇аад̣̇ийсу н̃аан̣асса бхзд̣̇аад̇хиг̇амасса буб̣б̣анимид̇д̇ам̣.
Tatrāpīti tesupi pathavikampādīsu evaṃ pubbanimittabhāvo veditabbo, na kevalaṃ sampatijātassa ṭhānādīsu evāti adhippāyo. Sabbaññutaññāṇapaṭilābhassa pubbanimittaṃ sabbassa ñeyyassa titthakaramatassa ca cālanato. Kenaci anussāhitānaṃyeva imasmiṃyeva ekacakkavāḷe sannipāto, kenaci anussāhitānaṃyeva ekappahāreneva sannipatitvā dhammapaṭiggaṇhanassa pubbanimittaṃ, paṭhamaṃ devatānaṃ paṭiggahaṇaṃ dibbavihārapaṭilābhassa, pacchā manussānaṃ paṭiggahaṇaṃ tattheva ṭhānassa niccalasabhāvato āneñjavihārapaṭilābhassa pubbanimittaṃ. Vīṇānaṃ sayaṃ vajjanaṃ parūpadesena vinā sayameva anupubbavihārapaṭilābhassa pubbanimittaṃ. Bherīnaṃ vajjanaṃ cakkavāḷapariyantāya parisāya pavedanasamatthassa dhammabheriyā anusāvanassa amatadundubhighosanassa pubbanimittaṃ. Andubandhanādīnaṃ chedo mānavinibandhachedanassa pubbanimittaṃ; supaṭṭanasampāpuṇanaṃ atthādi anurūpaṃ atthādīsu ñāṇassa bhedādhigamassa pubbanimittaṃ.
ниб̣б̣аанарасзнаад̇и гилзсаанам̣ ниб̣б̣ааяанарасзна. згарасабхаавассаад̇и саасанасса саб̣б̣ад̇т̇а згарасабхаавасса. ваад̇асса авааяанам̣ гисса буб̣б̣анимид̇д̇анд̇и ааха ‘‘д̣̇ваасадтид̣̇идтиг̇ад̇абхинд̣̇анассаа’’д̇и. аагаасаад̣̇иаббад̇идтависамажан̃жаладтаанам̣ бахааяа сагун̣аанам̣ бат̇авийг̇аманам̣ д̇аад̣̇исам̣ мижчааг̇аахам̣ бахааяа сад̇д̇аанам̣ баан̣зхи рад̇анад̇д̇аяасаран̣аг̇аманасса буб̣б̣анимид̇д̇ам̣. д̣̇звад̇аанам̣ абподанаад̣̇ийхи гийл̣анам̣ бамод̣̇ануббад̇д̇иуд̣̇аанасса бхававанд̇аг̇аманзна д̇хаммасабхааваб̣од̇ханзна жа бамод̣̇авибхааванасса буб̣б̣анимид̇д̇ам̣. д̇хаммавзг̇авассанассаад̇и д̣̇зсанаан̃аан̣авзг̇зна д̇хаммаамад̇асса вассанасса буб̣б̣анимид̇д̇ам̣. гааяаг̇ад̇аасад̇ивасзна лад̣̇д̇хаж̇жхаанам̣ баад̣̇агам̣ гад̇ваа уббаад̣̇ид̇амаг̇г̇апаласукаанубхаво гааяаг̇ад̇аасад̇иамад̇абадилаабхо, д̇асса бана гааяассаби ад̇аббагасукаавахад̇д̇аа куд̣̇аабибаасаабийл̣анаабхааво буб̣б̣анимид̇д̇ам̣ вуд̇д̇о. арияад̣̇д̇хаж̇амаалаамаалид̇ааяаад̇и сад̣̇звагасса логасса арияамаг̇г̇аб̣ож̇жхан̇г̇ад̇хаж̇амаалаахи маалид̇абхаавасса буб̣б̣анимид̇д̇ам̣. яам̣ банзд̇т̇а ануд̣̇д̇хадам̣, д̇ам̣ сувин̃н̃зяяамзва.
Nibbānarasenāti kilesānaṃ nibbāyanarasena. Ekarasabhāvassāti sāsanassa sabbattha ekarasabhāvassa. Vātassa avāyanaṃ kissa pubbanimittanti āha ‘‘dvāsaṭṭhidiṭṭhigatabhindanassā’’ti. Ākāsādiappatiṭṭhavisamacañcalaṭṭhānaṃ pahāya sakuṇānaṃ pathavīgamanaṃ tādisaṃ micchāgāhaṃ pahāya sattānaṃ pāṇehi ratanattayasaraṇagamanassa pubbanimittaṃ. Devatānaṃ apphoṭanādīhi kīḷanaṃ pamodanuppattiudānassa bhavavantagamanena dhammasabhāvabodhanena ca pamodavibhāvanassa pubbanimittaṃ. Dhammavegavassanassāti desanāñāṇavegena dhammāmatassa vassanassa pubbanimittaṃ. Kāyagatāsativasena laddhajjhānaṃ pādakaṃ katvā uppāditamaggaphalasukhānubhavo kāyagatāsatiamatapaṭilābho, tassa pana kāyassapi atappakasukhāvahattā khudāpipāsāpīḷanābhāvo pubbanimittaṃ vutto. Ariyaddhajamālāmālitāyāti sadevakassa lokassa ariyamaggabojjhaṅgadhajamālāhi mālitabhāvassa pubbanimittaṃ. Yaṃ panettha anuddhaṭaṃ, taṃ suviññeyyameva.
зд̇т̇аад̇и ‘‘самбад̇иж̇аад̇о’’д̇иаад̣̇инаа ааг̇ад̇з имасмим̣ таанз. виссаж̇ж̇ид̇ова, д̇асмаа амхзхи ид̇ха абуб̣б̣ам̣ вад̇д̇аб̣б̣ам̣ над̇т̇ийд̇и ад̇хиббааяо. д̇ад̣̇аа бат̇авияам̣ г̇ажчанд̇оби махаасад̇д̇о аагаасзна г̇ажчанд̇о вияа махааж̇анасса убадтаасийд̇и аяамзд̇т̇а нияад̇и д̇хамманияаамо б̣од̇хисад̇д̇аанам̣ д̇хаммад̇аад̇и ид̣̇ам̣ нияад̇иваад̣̇авасзна гат̇анам̣. ‘‘буб̣б̣з буримаж̇аад̇ийсу д̇аад̣̇исасса бун̃н̃асамбхаарагаммасса гад̇ад̇д̇аа убажид̇ад̇д̇аа махааж̇анасса д̇ат̇аа убадтаасий’’д̇и ид̣̇ам̣ буб̣б̣згад̇агаммаваад̣̇авасзна гат̇анам̣. имзсам̣ сад̇д̇аанам̣ убари ийсанасийлад̇ааяа яат̇аасагам̣ гаммамзва иссаро наама, д̇асса ниммаанам̣ ад̇д̇ано паласса ниб̣б̣ад̇д̇анам̣, махаабурисоби сад̣̇звагам̣ логам̣ абхибхавид̇ум̣ самад̇т̇зна ул̣аарзна бун̃н̃агаммунаа ниб̣б̣ад̇д̇ид̇о д̇зна иссарзна ниммид̇о наама, д̇асса жааяам̣ ниммаанависзсо, яад̣̇ид̣̇ам̣ махаанубхаавад̇аа. яааяа махааж̇анасса д̇ат̇аа убадтаасийд̇и ид̣̇ам̣ иссараниммаанаваад̣̇авасзна гат̇анам̣. звам̣ д̇ам̣ д̇ам̣ б̣ахум̣ вад̇ваа гим̣ имааяа барияааяагат̇ааяаад̇и авасаанз уж̇угамзва звам̣ б̣яаагааси. самбад̇иж̇аад̇о бат̇авияам̣ гат̇ам̣ бад̣̇асаа г̇ажчад̇и, звам̣махаанубхааво аагаасзна ман̃н̃з г̇ажчад̇ийд̇и баригаббанасса васзна аагаасзна г̇ажчанд̇о вияа ахоси. сийгхад̇арам̣ бана сад̇д̇абад̣̇авийд̇ихаарзна г̇ад̇ад̇д̇аа д̣̇иссамаанаруубоби махааж̇анасса ад̣̇иссамаано вияа ахоси. ажзлагабхааво куд̣̇д̣̇агасарийрад̇аа жа д̇аад̣̇исасса ирияаабат̇асса ананужчавигаад̇и гаммаанубхаавасан̃ж̇анид̇абаадихаарияавасзна алан̇гаарабадияад̇д̇о вияа; сол̣асавассуд̣̇д̣̇зсиго вияа жа махааж̇анасса убадтаасийд̇и взд̣̇ид̇аб̣б̣ам̣; б̣уд̣̇д̇хабхааваанужчавигасса б̣од̇хисад̇д̇аанубхаавасса яаат̇аавад̇о бавзд̣̇ид̇ад̇д̇аа б̣уд̣̇д̇хзна вияа…бз… ад̇д̇аманаа ахоси.
Etthāti ‘‘sampatijāto’’tiādinā āgate imasmiṃ ṭhāne. Vissajjitova, tasmā amhehi idha apubbaṃ vattabbaṃ natthīti adhippāyo. Tadā pathaviyaṃ gacchantopi mahāsatto ākāsena gacchanto viya mahājanassa upaṭṭhāsīti ayamettha niyati dhammaniyāmo bodhisattānaṃ dhammatāti idaṃ niyativādavasena kathanaṃ. ‘‘Pubbe purimajātīsu tādisassa puññasambhārakammassa katattā upacitattā mahājanassa tathā upaṭṭhāsī’’ti idaṃ pubbekatakammavādavasena kathanaṃ. Imesaṃ sattānaṃ upari īsanasīlatāya yathāsakaṃ kammameva issaro nāma, tassa nimmānaṃ attano phalassa nibbattanaṃ, mahāpurisopi sadevakaṃ lokaṃ abhibhavituṃ samatthena uḷārena puññakammunā nibbattito tena issarena nimmito nāma, tassa cāyaṃ nimmānaviseso, yadidaṃ mahānubhāvatā. Yāya mahājanassa tathā upaṭṭhāsīti idaṃ issaranimmānavādavasena kathanaṃ. Evaṃ taṃ taṃ bahuṃ vatvā kiṃ imāya pariyāyakathāyāti avasāne ujukameva evaṃ byākāsi. Sampatijāto pathaviyaṃ kathaṃ padasā gacchati, evaṃmahānubhāvo ākāsena maññe gacchatīti parikappanassa vasena ākāsena gacchanto viya ahosi. Sīghataraṃ pana sattapadavītihārena gatattā dissamānarūpopi mahājanassa adissamāno viya ahosi. Acelakabhāvo khuddakasarīratā ca tādisassa iriyāpathassa ananucchavikāti kammānubhāvasañjanitapāṭihāriyavasena alaṅkārapaṭiyatto viya; soḷasavassuddesiko viya ca mahājanassa upaṭṭhāsīti veditabbaṃ; buddhabhāvānucchavikassa bodhisattānubhāvassa yāthāvato paveditattā buddhena viya…pe… attamanā ahosi.
баагадаа худ̇ваад̇и вибхууд̇аа худ̇ваа. б̣уд̣̇д̇хаанам̣ яз яз сан̇каарз вавад̇т̇абзд̇угаамаа, д̇з д̇з уббаад̣̇агкан̣зби саб̣б̣асо суббадивид̣̇ид̇аа субаагадаа хад̇т̇ад̇алз аамалагам̣ вияа судту вибхууд̇аа зва худ̇ваа убадтаханд̇и. д̇знааха ‘‘яат̇аа хий’’д̇иаад̣̇и. аногаасаг̇ад̇зд̇и бариг̇г̇ахасса аногаасагаалз бавад̇д̇з. ниббад̣̇зсзд̇и ниравасзсз. огаасаббад̇д̇зд̇и таанаг̇аманаад̣̇игаалз уббаннз, д̇з хи саммасанасса яог̇яагаалз уббад̇д̇ияаа огаасаббад̇д̇аад̇и ад̇хиббааяо. сад̇д̇ад̣̇ивасаб̣бханд̇арзд̇и ид̣̇ам̣ б̣уд̣̇д̇хаанам̣ баагад̇игасаммасанавасзна вуд̇д̇ам̣, ааган̇канд̇аа бана д̇з яад̣̇аа гад̣̇аажи уббаннасан̇каарз саммасанд̇иязва. сзсам̣ сувин̃н̃зяяамзва.
Pākaṭā hutvāti vibhūtā hutvā. Buddhānaṃ ye ye saṅkhāre vavatthapetukāmā, te te uppādakkhaṇepi sabbaso suppaṭividitā supākaṭā hatthatale āmalakaṃ viya suṭṭhu vibhūtā eva hutvā upaṭṭhahanti. Tenāha ‘‘yathā hī’’tiādi. Anokāsagateti pariggahassa anokāsakāle pavatte. Nippadeseti niravasese. Okāsappatteti ṭhānagamanādikāle uppanne, te hi sammasanassa yogyakāle uppattiyā okāsappattāti adhippāyo. Sattadivasabbhantareti idaṃ buddhānaṃ pākatikasammasanavasena vuttaṃ, ākaṅkhantā pana te yadā kadāci uppannasaṅkhāre sammasantiyeva. Sesaṃ suviññeyyameva.
ажчарияаб̣бхуд̇асуд̇д̇аван̣н̣анааяа лийнад̇т̇аббагаасанаа самад̇д̇аа.
Acchariyabbhutasuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 3. ажчарияааб̣бхуд̇асуд̇д̇ам̣ • 3. Acchariyaabbhutasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 3. ажчарияааб̣бхуд̇асуд̇д̇аван̣н̣анаа • 3. Acchariyaabbhutasuttavaṇṇanā
