| Library / Tipiṭaka / တိပိဋက • Tipiṭaka / အင္ဂုတ္တရနိကာယ • Aṅguttaranikāya |
၇. အစိန္တေယ္ယသုတ္တံ
7. Acinteyyasuttaṃ
၇၇. ‘‘စတ္တာရိမာနိ, ဘိက္ခဝေ, အစိန္တေယ္ယာနိ, န စိန္တေတဗ္ဗာနိ; ယာနိ စိန္တေန္တော ဥမ္မာဒသ္သ ဝိဃာတသ္သ ဘာဂီ အသ္သ။ ကတမာနိ စတ္တာရိ? ဗုဒ္ဓာနံ, ဘိက္ခဝေ, ဗုဒ္ဓဝိသယော အစိန္တေယ္ယော, န စိန္တေတဗ္ဗော; ယံ စိန္တေန္တော ဥမ္မာဒသ္သ ဝိဃာတသ္သ ဘာဂီ အသ္သ။ ဈာယိသ္သ, ဘိက္ခဝေ, ဈာနဝိသယော အစိန္တေယ္ယော, န စိန္တေတဗ္ဗော; ယံ စိန္တေန္တော ဥမ္မာဒသ္သ ဝိဃာတသ္သ ဘာဂီ အသ္သ။ ကမ္မဝိပာကော, ဘိက္ခဝေ, အစိန္တေယ္ယော, န စိန္တေတဗ္ဗော; ယံ စိန္တေန္တော ဥမ္မာဒသ္သ ဝိဃာတသ္သ ဘာဂီ အသ္သ။ လောကစိန္တာ, ဘိက္ခဝေ, အစိန္တေယ္ယာ, န စိန္တေတဗ္ဗာ; ယံ စိန္တေန္တော ဥမ္မာဒသ္သ ဝိဃာတသ္သ ဘာဂီ အသ္သ။ ဣမာနိ ခော, ဘိက္ခဝေ, စတ္တာရိ အစိန္တေယ္ယာနိ, န စိန္တေတဗ္ဗာနိ; ယာနိ စိန္တေန္တော ဥမ္မာဒသ္သ ဝိဃာတသ္သ ဘာဂီ အသ္သာ’’တိ။ သတ္တမံ။
77. ‘‘Cattārimāni, bhikkhave, acinteyyāni, na cintetabbāni; yāni cintento ummādassa vighātassa bhāgī assa. Katamāni cattāri? Buddhānaṃ, bhikkhave, buddhavisayo acinteyyo, na cintetabbo; yaṃ cintento ummādassa vighātassa bhāgī assa. Jhāyissa, bhikkhave, jhānavisayo acinteyyo, na cintetabbo; yaṃ cintento ummādassa vighātassa bhāgī assa. Kammavipāko, bhikkhave, acinteyyo, na cintetabbo; yaṃ cintento ummādassa vighātassa bhāgī assa. Lokacintā, bhikkhave, acinteyyā, na cintetabbā; yaṃ cintento ummādassa vighātassa bhāgī assa. Imāni kho, bhikkhave, cattāri acinteyyāni, na cintetabbāni; yāni cintento ummādassa vighātassa bhāgī assā’’ti. Sattamaṃ.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / ၇. အစိန္တေယ္ယသုတ္တဝဏ္ဏနာ • 7. Acinteyyasuttavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၇. အစိန္တေယ္ယသုတ္တဝဏ္ဏနာ • 7. Acinteyyasuttavaṇṇanā
