| Library / Tipiṭaka / തിപിടക • Tipiṭaka / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) |
൭. അചിന്തേയ്യസുത്തവണ്ണനാ
7. Acinteyyasuttavaṇṇanā
൭൭. സത്തമേ അചിന്തേയ്യാനീതി ചിന്തേതും അയുത്താനി. ന ചിന്തേതബ്ബാനീതി അചിന്തേയ്യത്തായേവ ന ചിന്തേതബ്ബാനി. യാനി ചിന്തേന്തോതി യാനി കാരണാനി ചിന്തേന്തോ. ഉമ്മാദസ്സാതി ഉമ്മത്തകഭാവസ്സ. വിഘാതസ്സാതി ദുക്ഖസ്സ. ബുദ്ധവിസയോതി ബുദ്ധാനം വിസയോ, സബ്ബഞ്ഞുതഞ്ഞാണാദീനം ബുദ്ധഗുണാനം പവത്തി ച ആനുഭാവോ ച. ഝാനവിസയോതി അഭിഞ്ഞാഝാനവിസയോ. കമ്മവിപാകോതി ദിട്ഠധമ്മവേദനീയാദീനം കമ്മാനം വിപാകോ. ലോകചിന്താതി ‘‘കേന നു ഖോ ചന്ദിമസൂരിയാ കതാ, കേന മഹാപഥവീ, കേന മഹാസമുദ്ദോ, കേന സത്താ ഉപ്പാദിതാ, കേന പബ്ബതാ, കേന അമ്ബതാലനാളികേരാദയോ’’തി ഏവരൂപാ ലോകചിന്താ.
77. Sattame acinteyyānīti cintetuṃ ayuttāni. Na cintetabbānīti acinteyyattāyeva na cintetabbāni. Yāni cintentoti yāni kāraṇāni cintento. Ummādassāti ummattakabhāvassa. Vighātassāti dukkhassa. Buddhavisayoti buddhānaṃ visayo, sabbaññutaññāṇādīnaṃ buddhaguṇānaṃ pavatti ca ānubhāvo ca. Jhānavisayoti abhiññājhānavisayo. Kammavipākoti diṭṭhadhammavedanīyādīnaṃ kammānaṃ vipāko. Lokacintāti ‘‘kena nu kho candimasūriyā katā, kena mahāpathavī, kena mahāsamuddo, kena sattā uppāditā, kena pabbatā, kena ambatālanāḷikerādayo’’ti evarūpā lokacintā.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / അങ്ഗുത്തരനികായ • Aṅguttaranikāya / ൭. അചിന്തേയ്യസുത്തം • 7. Acinteyyasuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā) / ൭. അചിന്തേയ്യസുത്തവണ്ണനാ • 7. Acinteyyasuttavaṇṇanā
