| Library / Tipiṭaka / તિપિટક • Tipiṭaka / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) |
૪. અદન્તવગ્ગવણ્ણના
4. Adantavaggavaṇṇanā
૩૧. ચતુત્થસ્સ પઠમે અદન્તન્તિ સવિસેવનં અદન્તહત્થિઅસ્સાદિસદિસં. ચિત્તન્તિ વટ્ટવસેન ઉપ્પન્નચિત્તમેવ.
31. Catutthassa paṭhame adantanti savisevanaṃ adantahatthiassādisadisaṃ. Cittanti vaṭṭavasena uppannacittameva.
૩૨. દુતિયે દન્તન્તિ નિબ્બિસેવનં દન્તહત્થિઅસ્સાદિસદિસં. ઇમસ્મિમ્પિ સુત્તદ્વયે વટ્ટવિવટ્ટવસેન ઉપ્પન્નચિત્તમેવ કથિતં. યથા ચેત્થ, એવં ઇતો પરેસુપીતિ.
32. Dutiye dantanti nibbisevanaṃ dantahatthiassādisadisaṃ. Imasmimpi suttadvaye vaṭṭavivaṭṭavasena uppannacittameva kathitaṃ. Yathā cettha, evaṃ ito paresupīti.
૩૩. તતિયે અગુત્તન્તિ અગોપિતં સતિસંવરરહિતં અગુત્તહત્થિઅસ્સાદિસદિસં.
33. Tatiye aguttanti agopitaṃ satisaṃvararahitaṃ aguttahatthiassādisadisaṃ.
૩૪. ચતુત્થે ગુત્તન્તિ ગોપિતં અવિસ્સટ્ઠસતિસંવરં ગુત્તહત્થિઅસ્સાદિસદિસં.
34. Catutthe guttanti gopitaṃ avissaṭṭhasatisaṃvaraṃ guttahatthiassādisadisaṃ.
૩૫-૩૬. પઞ્ચમછટ્ઠાનિ અરક્ખિતં રક્ખિતન્તિ પદવસેન બુજ્ઝનકાનં અજ્ઝાસયેન વુત્તાનિ. અત્થો પનેત્થ પુરિમસદિસોયેવ.
35-36. Pañcamachaṭṭhāni arakkhitaṃ rakkhitanti padavasena bujjhanakānaṃ ajjhāsayena vuttāni. Attho panettha purimasadisoyeva.
૩૭-૩૮. સત્તમટ્ઠમેસુપિ એસેવ નયો. ઉપમા પનેત્થ અસંવુતઘરદ્વારાદિવસેન વેદિતબ્બા.
37-38. Sattamaṭṭhamesupi eseva nayo. Upamā panettha asaṃvutagharadvārādivasena veditabbā.
૩૯-૪૦. નવમદસમાનિ ચતૂહિપિ પદેહિ યોજેત્વા વુત્તાનિ. ઇમસ્મિમ્પિ વગ્ગે વટ્ટવિવટ્ટમેવ કથિતન્તિ.
39-40. Navamadasamāni catūhipi padehi yojetvā vuttāni. Imasmimpi vagge vaṭṭavivaṭṭameva kathitanti.
અદન્તવગ્ગવણ્ણના.
Adantavaggavaṇṇanā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / અઙ્ગુત્તરનિકાય • Aṅguttaranikāya / ૪. અદન્તવગ્ગો • 4. Adantavaggo
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૪. અદન્તવગ્ગવણ્ણના • 4. Adantavaggavaṇṇanā
