| Library / Tipiṭaka / തിപിടക • Tipiṭaka / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) |
൪. അദന്തവഗ്ഗവണ്ണനാ
4. Adantavaggavaṇṇanā
൩൧. ചതുത്ഥസ്സ പഠമേ അദന്തന്തി സവിസേവനം അദന്തഹത്ഥിഅസ്സാദിസദിസം. ചിത്തന്തി വട്ടവസേന ഉപ്പന്നചിത്തമേവ.
31. Catutthassa paṭhame adantanti savisevanaṃ adantahatthiassādisadisaṃ. Cittanti vaṭṭavasena uppannacittameva.
൩൨. ദുതിയേ ദന്തന്തി നിബ്ബിസേവനം ദന്തഹത്ഥിഅസ്സാദിസദിസം. ഇമസ്മിമ്പി സുത്തദ്വയേ വട്ടവിവട്ടവസേന ഉപ്പന്നചിത്തമേവ കഥിതം. യഥാ ചേത്ഥ, ഏവം ഇതോ പരേസുപീതി.
32. Dutiye dantanti nibbisevanaṃ dantahatthiassādisadisaṃ. Imasmimpi suttadvaye vaṭṭavivaṭṭavasena uppannacittameva kathitaṃ. Yathā cettha, evaṃ ito paresupīti.
൩൩. തതിയേ അഗുത്തന്തി അഗോപിതം സതിസംവരരഹിതം അഗുത്തഹത്ഥിഅസ്സാദിസദിസം.
33. Tatiye aguttanti agopitaṃ satisaṃvararahitaṃ aguttahatthiassādisadisaṃ.
൩൪. ചതുത്ഥേ ഗുത്തന്തി ഗോപിതം അവിസ്സട്ഠസതിസംവരം ഗുത്തഹത്ഥിഅസ്സാദിസദിസം.
34. Catutthe guttanti gopitaṃ avissaṭṭhasatisaṃvaraṃ guttahatthiassādisadisaṃ.
൩൫-൩൬. പഞ്ചമഛട്ഠാനി അരക്ഖിതം രക്ഖിതന്തി പദവസേന ബുജ്ഝനകാനം അജ്ഝാസയേന വുത്താനി. അത്ഥോ പനേത്ഥ പുരിമസദിസോയേവ.
35-36. Pañcamachaṭṭhāni arakkhitaṃ rakkhitanti padavasena bujjhanakānaṃ ajjhāsayena vuttāni. Attho panettha purimasadisoyeva.
൩൭-൩൮. സത്തമട്ഠമേസുപി ഏസേവ നയോ. ഉപമാ പനേത്ഥ അസംവുതഘരദ്വാരാദിവസേന വേദിതബ്ബാ.
37-38. Sattamaṭṭhamesupi eseva nayo. Upamā panettha asaṃvutagharadvārādivasena veditabbā.
൩൯-൪൦. നവമദസമാനി ചതൂഹിപി പദേഹി യോജേത്വാ വുത്താനി. ഇമസ്മിമ്പി വഗ്ഗേ വട്ടവിവട്ടമേവ കഥിതന്തി.
39-40. Navamadasamāni catūhipi padehi yojetvā vuttāni. Imasmimpi vagge vaṭṭavivaṭṭameva kathitanti.
അദന്തവഗ്ഗവണ്ണനാ.
Adantavaggavaṇṇanā.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / അങ്ഗുത്തരനികായ • Aṅguttaranikāya / ൪. അദന്തവഗ്ഗോ • 4. Adantavaggo
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā) / ൪. അദന്തവഗ്ഗവണ്ണനാ • 4. Adantavaggavaṇṇanā
