Library / Tipiṭaka / д̇ибидага • Tipiṭaka / махааваг̇г̇а-адтагат̇аа • Mahāvagga-aṭṭhakathā

аад̣̇ааяасад̇д̇агагат̇аа

Ādāyasattakakathā

311. на бажжзссанд̇и на буна ааг̇амиссам̣. зд̇асмим̣ бана баггамананд̇игз гат̇инуд̣̇д̇хаарз батамам̣ жийварабалиб̣од̇хо чиж̇ж̇ад̇и, бажчаа ааваасабалиб̣од̇хо. звам̣ баггамад̇о хи жийварабалиб̣од̇хо анд̇осиймааяамзва чиж̇ж̇ад̇и, ааваасабалиб̣од̇хо сиймаад̇иггамз. вуд̇д̇амби жзд̇ам̣ бариваарз –

311.Na paccessanti na puna āgamissaṃ. Etasmiṃ pana pakkamanantike kathinuddhāre paṭhamaṃ cīvarapalibodho chijjati, pacchā āvāsapalibodho. Evaṃ pakkamato hi cīvarapalibodho antosīmāyameva chijjati, āvāsapalibodho sīmātikkame. Vuttampi cetaṃ parivāre –

‘‘баггамананд̇иго гат̇инуд̣̇д̇хааро, вуд̇д̇о аад̣̇ижжаб̣анд̇хунаа;

‘‘Pakkamanantiko kathinuddhāro, vutto ādiccabandhunā;

зд̇ан̃жа д̇аахам̣ виссаж̇ж̇иссам̣, жийварабалиб̣од̇хо батамам̣ чиж̇ж̇ад̇и;

Etañca tāhaṃ vissajjissaṃ, cīvarapalibodho paṭhamaṃ chijjati;

бажчаа ааваасабалиб̣од̇хо чиж̇ж̇ад̇ий’’д̇и. (бари. 415);

Pacchā āvāsapalibodho chijjatī’’ti. (pari. 415);

жийварам̣ аад̣̇ааяаад̇и агад̇ажийварам̣ аад̣̇ааяа. б̣ахисиймаг̇ад̇ассаад̇и ан̃н̃ам̣ сааманд̇авихаарам̣ г̇ад̇асса. звам̣ ход̇ийд̇и д̇асмим̣ вихаарз сзнаасанапаасугам̣ ваа сахааяасамбад̇д̇им̣ ваа д̣̇исваа звам̣ ход̇и . зд̇асмим̣ бана нидтаананд̇игз гат̇инуд̣̇д̇хаарз ааваасабалиб̣од̇хо батамам̣ чиж̇ж̇ад̇и, со хи ‘‘на бажжзсса’’нд̇и жид̇д̇з уббаннамад̇д̇зязва чиж̇ж̇ад̇и. вуд̇д̇амби жзд̇ам̣ –

Cīvaraṃ ādāyāti akatacīvaraṃ ādāya. Bahisīmagatassāti aññaṃ sāmantavihāraṃ gatassa. Evaṃ hotīti tasmiṃ vihāre senāsanaphāsukaṃ vā sahāyasampattiṃ vā disvā evaṃ hoti . Etasmiṃ pana niṭṭhānantike kathinuddhāre āvāsapalibodho paṭhamaṃ chijjati, so hi ‘‘na paccessa’’nti citte uppannamatteyeva chijjati. Vuttampi cetaṃ –

‘‘нидтаананд̇иго гат̇инуд̣̇д̇хааро, вуд̇д̇о аад̣̇ижжаб̣анд̇хунаа;

‘‘Niṭṭhānantiko kathinuddhāro, vutto ādiccabandhunā;

зд̇ан̃жа д̇аахам̣ виссаж̇ж̇иссам̣, ааваасабалиб̣од̇хо батамам̣ чиж̇ж̇ад̇и;

Etañca tāhaṃ vissajjissaṃ, āvāsapalibodho paṭhamaṃ chijjati;

жийварз нидтид̇з жийварабалиб̣од̇хо чиж̇ж̇ад̇ий’’д̇и.

Cīvare niṭṭhite cīvarapalibodho chijjatī’’ti.

зд̇зна наязна сзсамаад̇игаавибхаж̇анзби ад̇т̇о взд̣̇ид̇аб̣б̣о. аяам̣ бана висзсо – ‘‘саннидтаананд̇игз д̣̇взби балиб̣од̇хаа нзвимам̣ жийварам̣ гаарзссам̣, на бажжзссанд̇и жид̇д̇з уббаннамад̇д̇зязва згад̇о чиж̇ж̇анд̇ийд̇и. вуд̇д̇ан̃хзд̇ам̣ –

Etena nayena sesamātikāvibhajanepi attho veditabbo. Ayaṃ pana viseso – ‘‘sanniṭṭhānantike dvepi palibodhā nevimaṃ cīvaraṃ kāressaṃ, na paccessanti citte uppannamatteyeva ekato chijjantīti. Vuttañhetaṃ –

‘‘саннидтаананд̇иго гат̇инуд̣̇д̇хааро, вуд̇д̇о аад̣̇ижжаб̣анд̇хунаа;

‘‘Sanniṭṭhānantiko kathinuddhāro, vutto ādiccabandhunā;

зд̇ан̃жа д̇аахам̣ виссаж̇ж̇иссам̣, д̣̇вз балиб̣од̇хаа абуб̣б̣ам̣ ажаримам̣ чиж̇ж̇анд̇ий’’д̇и.

Etañca tāhaṃ vissajjissaṃ, dve palibodhā apubbaṃ acarimaṃ chijjantī’’ti.

звам̣ саб̣б̣агат̇инуд̣̇д̇хаарзсу балиб̣од̇хубажчзд̣̇о взд̣̇ид̇аб̣б̣о. со бана яасмаа иминаа жа вуд̇д̇анаязна бариваарз жа ааг̇ад̇абхаавзна саггаа ж̇аанид̇ум̣, д̇асмаа вид̇т̇аарад̇о на вуд̇д̇о. аяам̣ банзд̇т̇а сан̇кзбо – наасананд̇игз ааваасабалиб̣од̇хо батамам̣ чиж̇ж̇ад̇и, жийварз надтз жийварабалиб̣од̇хо чиж̇ж̇ад̇и. яасмаа жийварз надтз жийварабалиб̣од̇хо чиж̇ж̇ад̇и, д̇асмаа ‘‘наасананд̇иго’’д̇и вуд̇д̇ам̣.

Evaṃ sabbakathinuddhāresu palibodhupacchedo veditabbo. So pana yasmā iminā ca vuttanayena parivāre ca āgatabhāvena sakkā jānituṃ, tasmā vitthārato na vutto. Ayaṃ panettha saṅkhepo – nāsanantike āvāsapalibodho paṭhamaṃ chijjati, cīvare naṭṭhe cīvarapalibodho chijjati. Yasmā cīvare naṭṭhe cīvarapalibodho chijjati, tasmā ‘‘nāsanantiko’’ti vuttaṃ.

савананд̇игз жийварабалиб̣од̇хо батамам̣ чиж̇ж̇ад̇и, д̇асмаа д̇асса саха саванзна ааваасабалиб̣од̇хо чиж̇ж̇ад̇и.

Savanantike cīvarapalibodho paṭhamaṃ chijjati, tasmā tassa saha savanena āvāsapalibodho chijjati.

аасааважчзд̣̇игз ааваасабалиб̣од̇хо батамам̣ чиж̇ж̇ад̇и. жийвараасааяа убажчиннааяа жийварабалиб̣од̇хо чиж̇ж̇ад̇и. аяам̣ бана яасмаа ‘‘анаасааяа лабхад̇и; аасааяа на лабхад̇и; д̇асса звам̣ ход̇и ‘ид̇хзвимам̣ жийварам̣ гаарзссам̣, на бажжзсса’’’нд̇иаад̣̇инаа наязна ид̇арзхи уд̣̇д̇хаарзхи сад̣̇д̇хим̣ вомиссагад̣̇зсано анзгаббабхзд̣̇о ход̇и, д̇асмаа барад̇о висум̣ вид̇т̇аарзд̇ваа вуд̇д̇о, ид̇ха на вуд̇д̇о. ид̇ха бана савананд̇игасса ананд̇арам̣ сиймаад̇игганд̇иго вуд̇д̇о. д̇ад̇т̇а жийварабалиб̣од̇хо батамам̣ чиж̇ж̇ад̇и, д̇асса б̣ахисиймз ааваасабалиб̣од̇хо чиж̇ж̇ад̇и. сахуб̣бхаарз д̣̇вз балиб̣од̇хаа абуб̣б̣ам̣ ажаримам̣ чиж̇ж̇анд̇ийд̇и.

Āsāvacchedike āvāsapalibodho paṭhamaṃ chijjati. Cīvarāsāya upacchinnāya cīvarapalibodho chijjati. Ayaṃ pana yasmā ‘‘anāsāya labhati; āsāya na labhati; tassa evaṃ hoti ‘idhevimaṃ cīvaraṃ kāressaṃ, na paccessa’’’ntiādinā nayena itarehi uddhārehi saddhiṃ vomissakadesano anekappabhedo hoti, tasmā parato visuṃ vitthāretvā vutto, idha na vutto. Idha pana savanantikassa anantaraṃ sīmātikkantiko vutto. Tattha cīvarapalibodho paṭhamaṃ chijjati, tassa bahisīme āvāsapalibodho chijjati. Sahubbhāre dve palibodhā apubbaṃ acarimaṃ chijjantīti.

316-325. звам̣ аад̣̇ааяаваарз сад̇д̇агат̇инуд̣̇д̇хаарз д̣̇ассзд̇ваа буна самаад̣̇ааяаваарзби виббагад̇ажийварасса аад̣̇ааяасамаад̣̇ааяаваарзсуби яат̇аасамбхавам̣ д̇зязва д̣̇ассид̇аа. д̇ад̇о барам̣ анд̇осиймааяам̣ ‘‘бажжзссам̣ на бажжзсса’’нд̇и имам̣ вид̇хим̣ анаамасид̇ваава ‘‘на бажжзсса’’нд̇и имамзва аамасид̇ваа анад̇хидтид̇знаа’’д̇иаад̣̇инаа наязна жа яз яз яуж̇ж̇анд̇и, д̇з д̇з д̣̇ассид̇аа. д̇ад̇о барам̣ ‘‘жийвараасааяа баггамад̇ий’’д̇иаад̣̇инаа наязна ид̇арзхи сад̣̇д̇хим̣ вомиссаганаязна анзгагкад̇д̇ум̣ аасааважчзд̣̇игам̣ д̣̇ассзд̇ваа буна д̣̇исам̣г̇амияавасзна жа паасувихааригавасзна жа нидтаананд̇игзсу яуж̇ж̇амаанаа гат̇инуд̣̇д̇хаараа д̣̇ассид̇аа. звам̣ бабхзд̣̇ад̇о гат̇инуд̣̇д̇хаарам̣ д̣̇ассзд̇ваа ид̣̇аани яз д̇зна д̇зна гат̇инуд̣̇д̇хаарзна балиб̣од̇хаа чиж̇ж̇анд̇ийд̇и вуд̇д̇аа, д̇зсам̣ бадибагкз д̣̇ассзнд̇о д̣̇взмз бхигкавз гат̇инасса балиб̣од̇хаад̇иаад̣̇имааха. д̇ад̇т̇а жад̇д̇знаад̇и язна жид̇д̇зна со ааваасо жад̇д̇о ход̇и, д̇ам̣ жад̇д̇ам̣ наама, д̇зна жад̇д̇зна. ванд̇амуд̇д̇зсуби зсзва наяо. сзсам̣ саб̣б̣ад̇т̇а уд̇д̇аанамзваад̇и.

316-325. Evaṃ ādāyavāre sattakathinuddhāre dassetvā puna samādāyavārepi vippakatacīvarassa ādāyasamādāyavāresupi yathāsambhavaṃ teyeva dassitā. Tato paraṃ antosīmāyaṃ ‘‘paccessaṃ na paccessa’’nti imaṃ vidhiṃ anāmasitvāva ‘‘na paccessa’’nti imameva āmasitvā anadhiṭṭhitenā’’tiādinā nayena ca ye ye yujjanti, te te dassitā. Tato paraṃ ‘‘cīvarāsāya pakkamatī’’tiādinā nayena itarehi saddhiṃ vomissakanayena anekakkhattuṃ āsāvacchedikaṃ dassetvā puna disaṃgamiyavasena ca phāsuvihārikavasena ca niṭṭhānantikesu yujjamānā kathinuddhārā dassitā. Evaṃ pabhedato kathinuddhāraṃ dassetvā idāni ye tena tena kathinuddhārena palibodhā chijjantīti vuttā, tesaṃ paṭipakkhe dassento dveme bhikkhave kathinassa palibodhātiādimāha. Tattha cattenāti yena cittena so āvāso catto hoti, taṃ cattaṃ nāma, tena cattena. Vantamuttesupi eseva nayo. Sesaṃ sabbattha uttānamevāti.

гат̇инагканд̇хагаван̣н̣анаа нидтид̇аа.

Kathinakkhandhakavaṇṇanā niṭṭhitā.

Next: 8. жийварагканд̇хагам̣ • 8. Cīvarakkhandhakaṃ

дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / аад̣̇ааяасад̇д̇агаад̣̇игат̇ааван̣н̣анаа • Ādāyasattakādikathāvaṇṇanā

дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / аад̣̇ааяасад̇д̇агагат̇ааван̣н̣анаа • Ādāyasattakakathāvaṇṇanā

дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / аад̣̇ааяасад̇д̇агагат̇ааван̣н̣анаа • Ādāyasattakakathāvaṇṇanā

дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 188. аад̣̇ааяасад̇д̇агагат̇аа • 188. Ādāyasattakakathā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact