| Library / Tipiṭaka / તિપિટક • Tipiṭaka / અઙ્ગુત્તરનિકાય (ટીકા) • Aṅguttaranikāya (ṭīkā) |
૧૦. અધમ્મિકસુત્તવણ્ણના
10. Adhammikasuttavaṇṇanā
૭૦. દસમે વિસમન્તિ ભાવનપુંસકમેતં. તેનાહ ‘‘વિસમા હુત્વા’’તિ. અસમયેનાતિ અકાલે. ભુમ્મત્થે હેતં કરણવચનં. પકટ્ઠં પધાનં અઞ્જસં એતેસન્તિ પઞ્જસા, અઞ્જસં પગતા પટિપન્નાતિ વા પઞ્જસા, પકતિમગ્ગગામિનો. ન પઞ્જસા અપઞ્જસા, અમગ્ગપ્પટિપન્ના. તે પન યસ્મા મગ્ગતો અપગતા નામ હોન્તિ, તસ્મા વુત્તં ‘‘મગ્ગતો અપગતા’’તિઆદિ.
70. Dasame visamanti bhāvanapuṃsakametaṃ. Tenāha ‘‘visamā hutvā’’ti. Asamayenāti akāle. Bhummatthe hetaṃ karaṇavacanaṃ. Pakaṭṭhaṃ padhānaṃ añjasaṃ etesanti pañjasā, añjasaṃ pagatā paṭipannāti vā pañjasā, pakatimaggagāmino. Na pañjasā apañjasā, amaggappaṭipannā. Te pana yasmā maggato apagatā nāma honti, tasmā vuttaṃ ‘‘maggato apagatā’’tiādi.
ગાથાસુ પન એવમેત્થ સમ્બન્ધો વેદિતબ્બો. ગુન્નં ચે તરમાનાનન્તિ ગાવીસુ મહોઘં તરન્તીસુ. જિમ્હં ગચ્છતિ પુઙ્ગવોતિ યદિ યૂથપતિ ઉસભો કુટિલં ગચ્છતિ. સબ્બા તા જિમ્હં ગચ્છન્તીતિ સબ્બા તા ગાવિયો કુટિલમેવ ગચ્છન્તિ. કસ્મા? નેત્તે જિમ્હં ગતે સતિ તસ્સ કુટિલગતત્તા. સો હિ તાસં પચ્ચયિકો ઉપદ્દવહરો ચ. એવમેવન્તિ યથા ચેતં, એવમેવ યો મનુસ્સેસુ પધાનસમ્મતો, યદિ સો અધમ્મચારી સિયા, યે તસ્સ અનુજીવિનો, સબ્બેપિ અધમ્મિકા હોન્તિ. સામિસમ્પદા હિ પકતિસમ્પદં સમ્પાદેતિ. યસ્મા એતદેવં, તસ્મા સબ્બં રટ્ઠં દુક્ખં સેતિ, રાજા ચે હોતિ અધમ્મિકો.
Gāthāsu pana evamettha sambandho veditabbo. Gunnaṃ ce taramānānanti gāvīsu mahoghaṃ tarantīsu. Jimhaṃ gacchati puṅgavoti yadi yūthapati usabho kuṭilaṃ gacchati. Sabbā tā jimhaṃ gacchantīti sabbā tā gāviyo kuṭilameva gacchanti. Kasmā? Nette jimhaṃ gate sati tassa kuṭilagatattā. So hi tāsaṃ paccayiko upaddavaharo ca. Evamevanti yathā cetaṃ, evameva yo manussesu padhānasammato, yadi so adhammacārī siyā, ye tassa anujīvino, sabbepi adhammikā honti. Sāmisampadā hi pakatisampadaṃ sampādeti. Yasmā etadevaṃ, tasmā sabbaṃ raṭṭhaṃ dukkhaṃ seti, rājā ce hoti adhammiko.
અધમ્મિકસુત્તવણ્ણના નિટ્ઠિતા.
Adhammikasuttavaṇṇanā niṭṭhitā.
પત્તકમ્મવગ્ગવણ્ણના નિટ્ઠિતા.
Pattakammavaggavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / અઙ્ગુત્તરનિકાય • Aṅguttaranikāya / ૧૦. અધમ્મિકસુત્તં • 10. Adhammikasuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) / ૧૦. અધમ્મિકસુત્તવણ્ણના • 10. Adhammikasuttavaṇṇanā
