| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੧੦. ਅਧਮ੍ਮਿਕਸੁਤ੍ਤવਣ੍ਣਨਾ
10. Adhammikasuttavaṇṇanā
੭੦. ਦਸਮੇ વਿਸਮਨ੍ਤਿ ਭਾવਨਪੁਂਸਕਮੇਤਂ। ਤੇਨਾਹ ‘‘વਿਸਮਾ ਹੁਤ੍વਾ’’ਤਿ। ਅਸਮਯੇਨਾਤਿ ਅਕਾਲੇ। ਭੁਮ੍ਮਤ੍ਥੇ ਹੇਤਂ ਕਰਣવਚਨਂ। ਪਕਟ੍ਠਂ ਪਧਾਨਂ ਅਞ੍ਜਸਂ ਏਤੇਸਨ੍ਤਿ ਪਞ੍ਜਸਾ, ਅਞ੍ਜਸਂ ਪਗਤਾ ਪਟਿਪਨ੍ਨਾਤਿ વਾ ਪਞ੍ਜਸਾ, ਪਕਤਿਮਗ੍ਗਗਾਮਿਨੋ। ਨ ਪਞ੍ਜਸਾ ਅਪਞ੍ਜਸਾ, ਅਮਗ੍ਗਪ੍ਪਟਿਪਨ੍ਨਾ। ਤੇ ਪਨ ਯਸ੍ਮਾ ਮਗ੍ਗਤੋ ਅਪਗਤਾ ਨਾਮ ਹੋਨ੍ਤਿ, ਤਸ੍ਮਾ વੁਤ੍ਤਂ ‘‘ਮਗ੍ਗਤੋ ਅਪਗਤਾ’’ਤਿਆਦਿ।
70. Dasame visamanti bhāvanapuṃsakametaṃ. Tenāha ‘‘visamā hutvā’’ti. Asamayenāti akāle. Bhummatthe hetaṃ karaṇavacanaṃ. Pakaṭṭhaṃ padhānaṃ añjasaṃ etesanti pañjasā, añjasaṃ pagatā paṭipannāti vā pañjasā, pakatimaggagāmino. Na pañjasā apañjasā, amaggappaṭipannā. Te pana yasmā maggato apagatā nāma honti, tasmā vuttaṃ ‘‘maggato apagatā’’tiādi.
ਗਾਥਾਸੁ ਪਨ ਏવਮੇਤ੍ਥ ਸਮ੍ਬਨ੍ਧੋ વੇਦਿਤਬ੍ਬੋ। ਗੁਨ੍ਨਂ ਚੇ ਤਰਮਾਨਾਨਨ੍ਤਿ ਗਾવੀਸੁ ਮਹੋਘਂ ਤਰਨ੍ਤੀਸੁ। ਜਿਮ੍ਹਂ ਗਚ੍ਛਤਿ ਪੁਙ੍ਗવੋਤਿ ਯਦਿ ਯੂਥਪਤਿ ਉਸਭੋ ਕੁਟਿਲਂ ਗਚ੍ਛਤਿ। ਸਬ੍ਬਾ ਤਾ ਜਿਮ੍ਹਂ ਗਚ੍ਛਨ੍ਤੀਤਿ ਸਬ੍ਬਾ ਤਾ ਗਾવਿਯੋ ਕੁਟਿਲਮੇવ ਗਚ੍ਛਨ੍ਤਿ। ਕਸ੍ਮਾ? ਨੇਤ੍ਤੇ ਜਿਮ੍ਹਂ ਗਤੇ ਸਤਿ ਤਸ੍ਸ ਕੁਟਿਲਗਤਤ੍ਤਾ। ਸੋ ਹਿ ਤਾਸਂ ਪਚ੍ਚਯਿਕੋ ਉਪਦ੍ਦવਹਰੋ ਚ। ਏવਮੇવਨ੍ਤਿ ਯਥਾ ਚੇਤਂ, ਏવਮੇવ ਯੋ ਮਨੁਸ੍ਸੇਸੁ ਪਧਾਨਸਮ੍ਮਤੋ, ਯਦਿ ਸੋ ਅਧਮ੍ਮਚਾਰੀ ਸਿਯਾ, ਯੇ ਤਸ੍ਸ ਅਨੁਜੀવਿਨੋ, ਸਬ੍ਬੇਪਿ ਅਧਮ੍ਮਿਕਾ ਹੋਨ੍ਤਿ। ਸਾਮਿਸਮ੍ਪਦਾ ਹਿ ਪਕਤਿਸਮ੍ਪਦਂ ਸਮ੍ਪਾਦੇਤਿ। ਯਸ੍ਮਾ ਏਤਦੇવਂ, ਤਸ੍ਮਾ ਸਬ੍ਬਂ ਰਟ੍ਠਂ ਦੁਕ੍ਖਂ ਸੇਤਿ, ਰਾਜਾ ਚੇ ਹੋਤਿ ਅਧਮ੍ਮਿਕੋ।
Gāthāsu pana evamettha sambandho veditabbo. Gunnaṃ ce taramānānanti gāvīsu mahoghaṃ tarantīsu. Jimhaṃ gacchati puṅgavoti yadi yūthapati usabho kuṭilaṃ gacchati. Sabbā tā jimhaṃ gacchantīti sabbā tā gāviyo kuṭilameva gacchanti. Kasmā? Nette jimhaṃ gate sati tassa kuṭilagatattā. So hi tāsaṃ paccayiko upaddavaharo ca. Evamevanti yathā cetaṃ, evameva yo manussesu padhānasammato, yadi so adhammacārī siyā, ye tassa anujīvino, sabbepi adhammikā honti. Sāmisampadā hi pakatisampadaṃ sampādeti. Yasmā etadevaṃ, tasmā sabbaṃ raṭṭhaṃ dukkhaṃ seti, rājā ce hoti adhammiko.
ਅਧਮ੍ਮਿਕਸੁਤ੍ਤવਣ੍ਣਨਾ ਨਿਟ੍ਠਿਤਾ।
Adhammikasuttavaṇṇanā niṭṭhitā.
ਪਤ੍ਤਕਮ੍ਮવਗ੍ਗવਣ੍ਣਨਾ ਨਿਟ੍ਠਿਤਾ।
Pattakammavaggavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੧੦. ਅਧਮ੍ਮਿਕਸੁਤ੍ਤਂ • 10. Adhammikasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੧੦. ਅਧਮ੍ਮਿਕਸੁਤ੍ਤવਣ੍ਣਨਾ • 10. Adhammikasuttavaṇṇanā
