Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya

    5. ад̇хиг̇амасуд̇д̇ам̣

    5. Adhigamasuttaṃ

    79. ‘‘чахи, бхигкавз, д̇хаммзхи саманнааг̇ад̇о бхигку абхаб̣б̣о анад̇хиг̇ад̇ам̣ ваа гусалам̣ д̇хаммам̣ ад̇хиг̇анд̇ум̣, ад̇хиг̇ад̇ам̣ ваа гусалам̣ д̇хаммам̣ паад̇им̣ гаад̇ум̣ 1. гад̇амзхи чахи? ид̇ха, бхигкавз, бхигку на ааяагусало жа ход̇и, на абааяагусало жа ход̇и, на убааяагусало жа ход̇и, анад̇хиг̇ад̇аанам̣ гусалаанам̣ д̇хаммаанам̣ ад̇хиг̇амааяа на чанд̣̇ам̣ ж̇анзд̇и, ад̇хиг̇ад̇з гусалз д̇хаммз на аарагкад̇и 2, саад̇ажжагирияааяа на самбаад̣̇зд̇и. имзхи ко, бхигкавз, чахи д̇хаммзхи саманнааг̇ад̇о бхигку абхаб̣б̣о анад̇хиг̇ад̇ам̣ ваа гусалам̣ д̇хаммам̣ ад̇хиг̇анд̇ум̣, ад̇хиг̇ад̇ам̣ ваа гусалам̣ д̇хаммам̣ паад̇им̣ гаад̇ум̣.

    79. ‘‘Chahi, bhikkhave, dhammehi samannāgato bhikkhu abhabbo anadhigataṃ vā kusalaṃ dhammaṃ adhigantuṃ, adhigataṃ vā kusalaṃ dhammaṃ phātiṃ kātuṃ 3. Katamehi chahi? Idha, bhikkhave, bhikkhu na āyakusalo ca hoti, na apāyakusalo ca hoti, na upāyakusalo ca hoti, anadhigatānaṃ kusalānaṃ dhammānaṃ adhigamāya na chandaṃ janeti, adhigate kusale dhamme na ārakkhati 4, sātaccakiriyāya na sampādeti. Imehi kho, bhikkhave, chahi dhammehi samannāgato bhikkhu abhabbo anadhigataṃ vā kusalaṃ dhammaṃ adhigantuṃ, adhigataṃ vā kusalaṃ dhammaṃ phātiṃ kātuṃ.

    ‘‘чахи , бхигкавз, д̇хаммзхи саманнааг̇ад̇о бхигку бхаб̣б̣о анад̇хиг̇ад̇ам̣ ваа гусалам̣ д̇хаммам̣ ад̇хиг̇анд̇ум̣, ад̇хиг̇ад̇ам̣ ваа гусалам̣ д̇хаммам̣ паад̇им̣ гаад̇ум̣. гад̇амзхи чахи? ид̇ха, бхигкавз, бхигку ааяагусало жа ход̇и, абааяагусало жа ход̇и, убааяагусало жа ход̇и, анад̇хиг̇ад̇аанам̣ гусалаанам̣ д̇хаммаанам̣ ад̇хиг̇амааяа чанд̣̇ам̣ ж̇анзд̇и, ад̇хиг̇ад̇з гусалз д̇хаммз аарагкад̇и, саад̇ажжагирияааяа самбаад̣̇зд̇и. имзхи ко, бхигкавз, чахи д̇хаммзхи саманнааг̇ад̇о бхигку бхаб̣б̣о анад̇хиг̇ад̇ам̣ ваа гусалам̣ д̇хаммам̣ ад̇хиг̇анд̇ум̣, ад̇хиг̇ад̇ам̣ ваа гусалам̣ д̇хаммам̣ паад̇им̣ гаад̇у’’нд̇и. бан̃жамам̣.

    ‘‘Chahi , bhikkhave, dhammehi samannāgato bhikkhu bhabbo anadhigataṃ vā kusalaṃ dhammaṃ adhigantuṃ, adhigataṃ vā kusalaṃ dhammaṃ phātiṃ kātuṃ. Katamehi chahi? Idha, bhikkhave, bhikkhu āyakusalo ca hoti, apāyakusalo ca hoti, upāyakusalo ca hoti, anadhigatānaṃ kusalānaṃ dhammānaṃ adhigamāya chandaṃ janeti, adhigate kusale dhamme ārakkhati, sātaccakiriyāya sampādeti. Imehi kho, bhikkhave, chahi dhammehi samannāgato bhikkhu bhabbo anadhigataṃ vā kusalaṃ dhammaṃ adhigantuṃ, adhigataṃ vā kusalaṃ dhammaṃ phātiṃ kātu’’nti. Pañcamaṃ.




    Next: 6. маханд̇ад̇д̇асуд̇д̇ам̣ • 6. Mahantattasuttaṃ




    Footnotes:
    1. паад̇игад̇д̇ум̣ (сий.), паад̇игаад̇ум̣ (сяаа. гам̣. бий.)
    2. саарагкад̇и (сий. сяаа. гам̣. бий)
    3. phātikattuṃ (sī.), phātikātuṃ (syā. kaṃ. pī.)
    4. sārakkhati (sī. syā. kaṃ. pī)



    Related texts:



    адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 5. ад̇хиг̇амасуд̇д̇аван̣н̣анаа • 5. Adhigamasuttavaṇṇanā

    дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 5. ад̇хиг̇амасуд̇д̇аван̣н̣анаа • 5. Adhigamasuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact