| Library / Tipiṭaka / તિપિટક • Tipiṭaka / પરિવારપાળિ • Parivārapāḷi |
૩. અધિકરણમૂલાદિ
3. Adhikaraṇamūlādi
૩૪૩. ચતુન્નં અધિકરણાનં કતિ મૂલાનિ, કતિ સમુટ્ઠાના? ચતુન્નં અધિકરણાનં તેત્તિંસ મૂલાનિ, તેત્તિંસ સમુટ્ઠાના.
343. Catunnaṃ adhikaraṇānaṃ kati mūlāni, kati samuṭṭhānā? Catunnaṃ adhikaraṇānaṃ tettiṃsa mūlāni, tettiṃsa samuṭṭhānā.
ચતુન્નં અધિકરણાનં કતમાનિ તેત્તિંસ મૂલાનિ? વિવાદાધિકરણસ્સ દ્વાદસ મૂલાનિ, અનુવાદાધિકરણસ્સ ચુદ્દસ મૂલાનિ, આપત્તાધિકરણસ્સ છ મૂલાનિ, કિચ્ચાધિકરણસ્સ એકં મૂલં, સઙ્ઘો – ચતુન્નં અધિકરણાનં ઇમાનિ તેત્તિંસ મૂલાનિ.
Catunnaṃ adhikaraṇānaṃ katamāni tettiṃsa mūlāni? Vivādādhikaraṇassa dvādasa mūlāni, anuvādādhikaraṇassa cuddasa mūlāni, āpattādhikaraṇassa cha mūlāni, kiccādhikaraṇassa ekaṃ mūlaṃ, saṅgho – catunnaṃ adhikaraṇānaṃ imāni tettiṃsa mūlāni.
ચતુન્નં અધિકરણાનં કતમે તેત્તિંસ સમુટ્ઠાના? વિવાદાધિકરણસ્સ અટ્ઠારસભેદકરવત્થૂનિ સમુટ્ઠાના, અનુવાદાધિકરણસ્સ ચતસ્સો વિપત્તિયો સમુટ્ઠાના, આપત્તાધિકરણસ્સ સત્તાપત્તિક્ખન્ધા સમુટ્ઠાના, કિચ્ચાધિકરણસ્સ ચત્તારિ કમ્માનિ સમુટ્ઠાના – ચતુન્નં અધિકરણાનં ઇમે તેત્તિંસ સમુટ્ઠાના.
Catunnaṃ adhikaraṇānaṃ katame tettiṃsa samuṭṭhānā? Vivādādhikaraṇassa aṭṭhārasabhedakaravatthūni samuṭṭhānā, anuvādādhikaraṇassa catasso vipattiyo samuṭṭhānā, āpattādhikaraṇassa sattāpattikkhandhā samuṭṭhānā, kiccādhikaraṇassa cattāri kammāni samuṭṭhānā – catunnaṃ adhikaraṇānaṃ ime tettiṃsa samuṭṭhānā.
Related texts:
અટ્ઠકથા • Aṭṭhakathā / વિનયપિટક (અટ્ઠકથા) • Vinayapiṭaka (aṭṭhakathā) / પરિવાર-અટ્ઠકથા • Parivāra-aṭṭhakathā / અધિકરણનિદાનાદિવણ્ણના • Adhikaraṇanidānādivaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / સારત્થદીપની-ટીકા • Sāratthadīpanī-ṭīkā / અધિકરણભેદવણ્ણના • Adhikaraṇabhedavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વજિરબુદ્ધિ-ટીકા • Vajirabuddhi-ṭīkā / અધિકરણનિદાનાદિવણ્ણના • Adhikaraṇanidānādivaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / પાચિત્યાદિયોજનાપાળિ • Pācityādiyojanāpāḷi / અધિકરણનિદાનાદિવણ્ણના • Adhikaraṇanidānādivaṇṇanā
