| Library / Tipiṭaka / д̇ибидага • Tipiṭaka / махаавибхан̇г̇а • Mahāvibhaṅga |
8. ад̇хигаран̣асамат̇аа
8. Adhikaraṇasamathā
имз ко банааяасманд̇о сад̇д̇а ад̇хигаран̣асамат̇аа
Ime kho panāyasmanto satta adhikaraṇasamathā
д̇хаммаа уд̣̇д̣̇зсам̣ ааг̇ажчанд̇и.
Dhammā uddesaṃ āgacchanti.
655. уббаннуббаннаанам̣ ад̇хигаран̣аанам̣ самат̇ааяа вуубасамааяа саммукаавинаяо д̣̇аад̇аб̣б̣о, сад̇ивинаяо д̣̇аад̇аб̣б̣о, амуул̣хавинаяо д̣̇аад̇аб̣б̣о, бадин̃н̃ааяа гаарзд̇аб̣б̣ам̣, язбхуяяасигаа, д̇ассабаабияасигаа, д̇ин̣авад̇т̇аарагод̇и.
655. Uppannuppannānaṃ adhikaraṇānaṃ samathāya vūpasamāya sammukhāvinayo dātabbo, sativinayo dātabbo, amūḷhavinayo dātabbo, paṭiññāya kāretabbaṃ, yebhuyyasikā, tassapāpiyasikā, tiṇavatthārakoti.
уд̣̇д̣̇идтаа ко, ааяасманд̇о, сад̇д̇а ад̇хигаран̣асамат̇аа д̇хаммаа. д̇ад̇т̇ааяасманд̇з бужчаами – ‘‘гажжид̇т̇а барисуд̣̇д̇хаа’’? д̣̇уд̇ияамби бужчаами – ‘‘гажжид̇т̇а барисуд̣̇д̇хаа’’? д̇ад̇ияамби бужчаами – ‘‘гажжид̇т̇а барисуд̣̇д̇хаа’’? барисуд̣̇д̇хзд̇т̇ааяасманд̇о, д̇асмаа д̇ун̣хий, звамзд̇ам̣ д̇хаараяаамийд̇и.
Uddiṭṭhā kho, āyasmanto, satta adhikaraṇasamathā dhammā. Tatthāyasmante pucchāmi – ‘‘kaccittha parisuddhā’’? Dutiyampi pucchāmi – ‘‘kaccittha parisuddhā’’? Tatiyampi pucchāmi – ‘‘kaccittha parisuddhā’’? Parisuddhetthāyasmanto, tasmā tuṇhī, evametaṃ dhārayāmīti.
ад̇хигаран̣асамат̇аа нидтид̇аа.
Adhikaraṇasamathā niṭṭhitā.
уд̣̇д̣̇идтам̣ ко, ааяасманд̇о, нид̣̇аанам̣; уд̣̇д̣̇идтаа жад̇д̇ааро баарааж̇игаа д̇хаммаа; уд̣̇д̣̇идтаа д̇зраса сан̇гхаад̣̇исзсаа д̇хаммаа; уд̣̇д̣̇идтаа д̣̇вз анияад̇аа д̇хаммаа; уд̣̇д̣̇идтаа д̇им̣са ниссаг̇г̇ияаа баажид̇д̇ияаа д̇хаммаа; уд̣̇д̣̇идтаа д̣̇взнавуд̇и баажид̇д̇ияаа д̇хаммаа; уд̣̇д̣̇идтаа жад̇д̇ааро баадид̣̇зсанийяаа д̇хаммаа; уд̣̇д̣̇идтаа сзкияаа д̇хаммаа; уд̣̇д̣̇идтаа сад̇д̇а ад̇хигаран̣асамат̇аа д̇хаммаа. зд̇д̇агам̣ д̇асса бхаг̇авад̇о суд̇д̇ааг̇ад̇ам̣ суд̇д̇абарияаабаннам̣ анвад̣̇д̇хамаасам̣ уд̣̇д̣̇зсам̣ ааг̇ажчад̇и. д̇ад̇т̇а саб̣б̣зхзва самаг̇г̇зхи саммод̣̇амаанзхи авивад̣̇амаанзхи сигкид̇аб̣б̣анд̇и.
Uddiṭṭhaṃ kho, āyasmanto, nidānaṃ; uddiṭṭhā cattāro pārājikā dhammā; uddiṭṭhā terasa saṅghādisesā dhammā; uddiṭṭhā dve aniyatā dhammā; uddiṭṭhā tiṃsa nissaggiyā pācittiyā dhammā; uddiṭṭhā dvenavuti pācittiyā dhammā; uddiṭṭhā cattāro pāṭidesanīyā dhammā; uddiṭṭhā sekhiyā dhammā; uddiṭṭhā satta adhikaraṇasamathā dhammā. Ettakaṃ tassa bhagavato suttāgataṃ suttapariyāpannaṃ anvaddhamāsaṃ uddesaṃ āgacchati. Tattha sabbeheva samaggehi sammodamānehi avivadamānehi sikkhitabbanti.
махаавибхан̇г̇о нидтид̇о.
Mahāvibhaṅgo niṭṭhito.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 8. сад̇д̇аад̇хигаран̣асамат̇аа • 8. Sattādhikaraṇasamathā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 7. баад̣̇угаваг̇г̇аван̣н̣анаа • 7. Pādukavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 8. сад̇д̇аад̇хигаран̣асамат̇а-ад̇т̇аяож̇анаа • 8. Sattādhikaraṇasamatha-atthayojanā
