| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
2. ад̇хигаран̣аваг̇г̇о
2. Adhikaraṇavaggo
11. ‘‘д̣̇взмаани , бхигкавз, б̣алаани. гад̇амаани д̣̇вз? бадисан̇каанаб̣алан̃жа бхааванааб̣алан̃жа. гад̇аман̃жа, бхигкавз, бадисан̇каанаб̣алам̣? ид̇ха, бхигкавз, згажжо ид̇и бадисан̃жигкад̇и – ‘гааяад̣̇ужжарид̇асса ко баабаго вибааго д̣̇идтз жзва д̇хаммз абхисамбарааяан̃жа, важийд̣̇ужжарид̇асса баабаго вибааго д̣̇идтз жзва д̇хаммз абхисамбарааяан̃жа, манод̣̇ужжарид̇асса баабаго вибааго д̣̇идтз жзва д̇хаммз абхисамбарааяан̃жаа’д̇и. со ид̇и бадисан̇кааяа гааяад̣̇ужжарид̇ам̣ бахааяа гааяасужарид̇ам̣ бхаавзд̇и, важийд̣̇ужжарид̇ам̣ бахааяа важийсужарид̇ам̣ бхаавзд̇и, манод̣̇ужжарид̇ам̣ бахааяа маносужарид̇ам̣ бхаавзд̇и, суд̣̇д̇хам̣ ад̇д̇аанам̣ барихарад̇и. ид̣̇ам̣ вужжад̇и, бхигкавз, бадисан̇каанаб̣алам̣.
11. ‘‘Dvemāni , bhikkhave, balāni. Katamāni dve? Paṭisaṅkhānabalañca bhāvanābalañca. Katamañca, bhikkhave, paṭisaṅkhānabalaṃ? Idha, bhikkhave, ekacco iti paṭisañcikkhati – ‘kāyaduccaritassa kho pāpako vipāko diṭṭhe ceva dhamme abhisamparāyañca, vacīduccaritassa pāpako vipāko diṭṭhe ceva dhamme abhisamparāyañca, manoduccaritassa pāpako vipāko diṭṭhe ceva dhamme abhisamparāyañcā’ti. So iti paṭisaṅkhāya kāyaduccaritaṃ pahāya kāyasucaritaṃ bhāveti, vacīduccaritaṃ pahāya vacīsucaritaṃ bhāveti, manoduccaritaṃ pahāya manosucaritaṃ bhāveti, suddhaṃ attānaṃ pariharati. Idaṃ vuccati, bhikkhave, paṭisaṅkhānabalaṃ.
‘‘гад̇аман̃жа, бхигкавз, бхааванааб̣алам̣. д̇ад̇ра, бхигкавз, яамид̣̇ам̣ 1 бхааванааб̣алам̣ сзкаанамзд̇ам̣ 2 б̣алам̣. сзкан̃хи со, бхигкавз, б̣алам̣ ааг̇амма рааг̇ам̣ баж̇ахад̇и, д̣̇осам̣ баж̇ахад̇и, мохам̣ баж̇ахад̇и. рааг̇ам̣ бахааяа, д̣̇осам̣ бахааяа, мохам̣ бахааяа яам̣ агусалам̣ на д̇ам̣ гарод̇и, яам̣ баабам̣ на д̇ам̣ сзвад̇и. ид̣̇ам̣ вужжад̇и, бхигкавз, бхааванааб̣алам̣. имаани ко, бхигкавз, д̣̇вз б̣алааний’’д̇и.
‘‘Katamañca, bhikkhave, bhāvanābalaṃ. Tatra, bhikkhave, yamidaṃ 3 bhāvanābalaṃ sekhānametaṃ 4 balaṃ. Sekhañhi so, bhikkhave, balaṃ āgamma rāgaṃ pajahati, dosaṃ pajahati, mohaṃ pajahati. Rāgaṃ pahāya, dosaṃ pahāya, mohaṃ pahāya yaṃ akusalaṃ na taṃ karoti, yaṃ pāpaṃ na taṃ sevati. Idaṃ vuccati, bhikkhave, bhāvanābalaṃ. Imāni kho, bhikkhave, dve balānī’’ti.
12. ‘‘д̣̇взмаани, бхигкавз, б̣алаани. гад̇амаани д̣̇вз? бадисан̇каанаб̣алан̃жа бхааванааб̣алан̃жа. гад̇аман̃жа, бхигкавз, бадисан̇каанаб̣алам̣? ид̇ха, бхигкавз, згажжо ид̇и бадисан̃жигкад̇и – ‘гааяад̣̇ужжарид̇асса ко баабаго вибааго д̣̇идтз жзва д̇хаммз абхисамбарааяан̃жа, важийд̣̇ужжарид̇асса баабаго вибааго д̣̇идтз жзва д̇хаммз абхисамбарааяан̃жа, манод̣̇ужжарид̇асса баабаго вибааго д̣̇идтз жзва д̇хаммз абхисамбарааяан̃жаа’д̇и. со ид̇и бадисан̇кааяа гааяад̣̇ужжарид̇ам̣ бахааяа гааяасужарид̇ам̣ бхаавзд̇и, важийд̣̇ужжарид̇ам̣ бахааяа важийсужарид̇ам̣ бхаавзд̇и, манод̣̇ужжарид̇ам̣ бахааяа маносужарид̇ам̣ бхаавзд̇и, суд̣̇д̇хам̣ ад̇д̇аанам̣ барихарад̇и. ид̣̇ам̣ вужжад̇и, бхигкавз, бадисан̇каанаб̣алам̣.
12. ‘‘Dvemāni, bhikkhave, balāni. Katamāni dve? Paṭisaṅkhānabalañca bhāvanābalañca. Katamañca, bhikkhave, paṭisaṅkhānabalaṃ? Idha, bhikkhave, ekacco iti paṭisañcikkhati – ‘kāyaduccaritassa kho pāpako vipāko diṭṭhe ceva dhamme abhisamparāyañca, vacīduccaritassa pāpako vipāko diṭṭhe ceva dhamme abhisamparāyañca, manoduccaritassa pāpako vipāko diṭṭhe ceva dhamme abhisamparāyañcā’ti. So iti paṭisaṅkhāya kāyaduccaritaṃ pahāya kāyasucaritaṃ bhāveti, vacīduccaritaṃ pahāya vacīsucaritaṃ bhāveti, manoduccaritaṃ pahāya manosucaritaṃ bhāveti, suddhaṃ attānaṃ pariharati. Idaṃ vuccati, bhikkhave, paṭisaṅkhānabalaṃ.
‘‘гад̇аман̃жа, бхигкавз, бхааванааб̣алам̣? ид̇ха, бхигкавз, бхигку сад̇исамб̣ож̇жхан̇г̇ам̣ бхаавзд̇и вивзганиссид̇ам̣ вирааг̇аниссид̇ам̣ нирод̇ханиссид̇ам̣ восаг̇г̇абарин̣аамим̣, д̇хаммавижаяасамб̣ож̇жхан̇г̇ам̣ бхаавзд̇и… вийрияасамб̣ож̇жхан̇г̇ам̣ бхаавзд̇и… бийд̇исамб̣ож̇жхан̇г̇ам̣ бхаавзд̇и… бассад̣̇д̇хисамб̣ож̇жхан̇г̇ам̣ бхаавзд̇и… самаад̇хисамб̣ож̇жхан̇г̇ам̣ бхаавзд̇и… убзгкаасамб̣ож̇жхан̇г̇ам̣ бхаавзд̇и вивзганиссид̇ам̣ вирааг̇аниссид̇ам̣ нирод̇ханиссид̇ам̣ восаг̇г̇абарин̣аамим̣ . ид̣̇ам̣ вужжад̇и, бхигкавз, бхааванааб̣алам̣. имаани ко, бхигкавз, д̣̇вз б̣алааний’’д̇и.
‘‘Katamañca, bhikkhave, bhāvanābalaṃ? Idha, bhikkhave, bhikkhu satisambojjhaṅgaṃ bhāveti vivekanissitaṃ virāganissitaṃ nirodhanissitaṃ vosaggapariṇāmiṃ, dhammavicayasambojjhaṅgaṃ bhāveti… vīriyasambojjhaṅgaṃ bhāveti… pītisambojjhaṅgaṃ bhāveti… passaddhisambojjhaṅgaṃ bhāveti… samādhisambojjhaṅgaṃ bhāveti… upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ vosaggapariṇāmiṃ . Idaṃ vuccati, bhikkhave, bhāvanābalaṃ. Imāni kho, bhikkhave, dve balānī’’ti.
13. ‘‘д̣̇взмаани, бхигкавз, б̣алаани. гад̇амаани д̣̇вз? бадисан̇каанаб̣алан̃жа бхааванааб̣алан̃жа. гад̇аман̃жа, бхигкавз, бадисан̇каанаб̣алам̣? ид̇ха, бхигкавз , згажжо ид̇и бадисан̃жигкад̇и – ‘гааяад̣̇ужжарид̇асса ко баабаго вибааго д̣̇идтз жзва д̇хаммз абхисамбарааяан̃жа, важийд̣̇ужжарид̇асса ко баабаго вибааго д̣̇идтз жзва д̇хаммз абхисамбарааяан̃жа, манод̣̇ужжарид̇асса ко баабаго вибааго д̣̇идтз жзва д̇хаммз абхисамбарааяан̃жаа’д̇и. со ид̇и бадисан̇кааяа гааяад̣̇ужжарид̇ам̣ бахааяа гааяасужарид̇ам̣ бхаавзд̇и, важийд̣̇ужжарид̇ам̣ бахааяа важийсужарид̇ам̣ бхаавзд̇и, манод̣̇ужжарид̇ам̣ бахааяа маносужарид̇ам̣ бхаавзд̇и, суд̣̇д̇хам̣ ад̇д̇аанам̣ барихарад̇и. ид̣̇ам̣ вужжад̇и, бхигкавз, бадисан̇каанаб̣алам̣.
13. ‘‘Dvemāni, bhikkhave, balāni. Katamāni dve? Paṭisaṅkhānabalañca bhāvanābalañca. Katamañca, bhikkhave, paṭisaṅkhānabalaṃ? Idha, bhikkhave , ekacco iti paṭisañcikkhati – ‘kāyaduccaritassa kho pāpako vipāko diṭṭhe ceva dhamme abhisamparāyañca, vacīduccaritassa kho pāpako vipāko diṭṭhe ceva dhamme abhisamparāyañca, manoduccaritassa kho pāpako vipāko diṭṭhe ceva dhamme abhisamparāyañcā’ti. So iti paṭisaṅkhāya kāyaduccaritaṃ pahāya kāyasucaritaṃ bhāveti, vacīduccaritaṃ pahāya vacīsucaritaṃ bhāveti, manoduccaritaṃ pahāya manosucaritaṃ bhāveti, suddhaṃ attānaṃ pariharati. Idaṃ vuccati, bhikkhave, paṭisaṅkhānabalaṃ.
‘‘гад̇аман̃жа, бхигкавз, бхааванааб̣алам̣? ид̇ха, бхигкавз, бхигку вивижжзва гаамзхи, вивижжа агусалзхи д̇хаммзхи савид̇аггам̣ савижаарам̣ вивзгаж̇ам̣ бийд̇исукам̣ батамам̣ жхаанам̣ убасамбаж̇ж̇а вихарад̇и. вид̇аггавижаараанам̣ вуубасамаа аж̇жхад̇д̇ам̣ самбасаад̣̇анам̣ жзд̇асо згод̣̇ибхаавам̣ авид̇аггам̣ авижаарам̣ самаад̇хиж̇ам̣ бийд̇исукам̣ д̣̇уд̇ияам̣ жхаанам̣ убасамбаж̇ж̇а вихарад̇и. бийд̇ияаа жа вирааг̇аа убзгкаго жа вихарад̇и сад̇о жа самбаж̇аано, сукан̃жа гааязна бадисам̣взд̣̇зд̇и, яам̣ д̇ам̣ арияаа аажигканд̇и – ‘убзгкаго сад̇имаа сукавихаарий’д̇и д̇ад̇ияам̣ жхаанам̣ убасамбаж̇ж̇а вихарад̇и. сукасса жа бахаанаа д̣̇угкасса жа бахаанаа буб̣б̣зва соманассад̣̇оманассаанам̣ ад̇т̇ан̇г̇амаа ад̣̇угкамасукам̣ убзгкаасад̇ибаарисуд̣̇д̇хим̣ жад̇уд̇т̇ам̣ жхаанам̣ убасамбаж̇ж̇а вихарад̇и. ид̣̇ам̣ вужжад̇и, бхигкавз, бхааванааб̣алам̣. имаани ко, бхигкавз, д̣̇вз б̣алааний’’д̇и.
‘‘Katamañca, bhikkhave, bhāvanābalaṃ? Idha, bhikkhave, bhikkhu vivicceva kāmehi, vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja viharati. Vitakkavicārānaṃ vūpasamā ajjhattaṃ sampasādanaṃ cetaso ekodibhāvaṃ avitakkaṃ avicāraṃ samādhijaṃ pītisukhaṃ dutiyaṃ jhānaṃ upasampajja viharati. Pītiyā ca virāgā upekkhako ca viharati sato ca sampajāno, sukhañca kāyena paṭisaṃvedeti, yaṃ taṃ ariyā ācikkhanti – ‘upekkhako satimā sukhavihārī’ti tatiyaṃ jhānaṃ upasampajja viharati. Sukhassa ca pahānā dukkhassa ca pahānā pubbeva somanassadomanassānaṃ atthaṅgamā adukkhamasukhaṃ upekkhāsatipārisuddhiṃ catutthaṃ jhānaṃ upasampajja viharati. Idaṃ vuccati, bhikkhave, bhāvanābalaṃ. Imāni kho, bhikkhave, dve balānī’’ti.
14. ‘‘д̣̇взмаа, бхигкавз, д̇ат̇ааг̇ад̇асса д̇хаммад̣̇зсанаа. гад̇амаа д̣̇вз? сам̣кид̇д̇зна жа вид̇т̇аарзна жа. имаа ко, бхигкавз, д̣̇вз д̇ат̇ааг̇ад̇асса д̇хаммад̣̇зсанаа’’д̇и.
14. ‘‘Dvemā, bhikkhave, tathāgatassa dhammadesanā. Katamā dve? Saṃkhittena ca vitthārena ca. Imā kho, bhikkhave, dve tathāgatassa dhammadesanā’’ti.
15. ‘‘яасмим̣ , бхигкавз, ад̇хигаран̣з аабанно 5 жа бхигку жод̣̇аго жа бхигку на саад̇хугам̣ ад̇д̇анаава ад̇д̇аанам̣ бажжавзгкад̇и д̇асмзд̇ам̣, бхигкавз, ад̇хигаран̣з баадиган̇кам̣ д̣̇ийгхад̇д̇ааяа карад̇д̇ааяа ваал̣ад̇д̇ааяа сам̣вад̇д̇иссад̇и, бхигкуу жа на паасум̣ 6 вихариссанд̇ийд̇и 7. яасмин̃жа ко, бхигкавз, ад̇хигаран̣з аабанно жа бхигку жод̣̇аго жа бхигку саад̇хугам̣ ад̇д̇анаава ад̇д̇аанам̣ бажжавзгкад̇и д̇асмзд̇ам̣, бхигкавз, ад̇хигаран̣з баадиган̇кам̣ на д̣̇ийгхад̇д̇ааяа карад̇д̇ааяа ваал̣ад̇д̇ааяа сам̣вад̇д̇иссад̇и, бхигкуу жа паасум̣ вихариссанд̇ийд̇и.
15. ‘‘Yasmiṃ , bhikkhave, adhikaraṇe āpanno 8 ca bhikkhu codako ca bhikkhu na sādhukaṃ attanāva attānaṃ paccavekkhati tasmetaṃ, bhikkhave, adhikaraṇe pāṭikaṅkhaṃ dīghattāya kharattāya vāḷattāya saṃvattissati, bhikkhū ca na phāsuṃ 9 viharissantīti 10. Yasmiñca kho, bhikkhave, adhikaraṇe āpanno ca bhikkhu codako ca bhikkhu sādhukaṃ attanāva attānaṃ paccavekkhati tasmetaṃ, bhikkhave, adhikaraṇe pāṭikaṅkhaṃ na dīghattāya kharattāya vāḷattāya saṃvattissati, bhikkhū ca phāsuṃ viharissantīti.
‘‘гат̇ан̃жа, бхигкавз, аабанно бхигку саад̇хугам̣ ад̇д̇анаава ад̇д̇аанам̣ бажжавзгкад̇и? ид̇ха, бхигкавз, аабанно бхигку ид̇и бадисан̃жигкад̇и – ‘ахам̣ ко агусалам̣ аабанно ган̃жид̣̇зва 11 д̣̇зсам̣ гааязна. мам̣ со 12 бхигку ад̣̇д̣̇аса агусалам̣ аабаж̇ж̇амаанам̣ гин̃жид̣̇зва д̣̇зсам̣ гааязна. но жз ахам̣ агусалам̣ аабаж̇ж̇зяяам̣ гин̃жид̣̇зва д̣̇зсам̣ гааязна, на мам̣ со бхигку бассзяяа агусалам̣ аабаж̇ж̇амаанам̣ гин̃жид̣̇зва д̣̇зсам̣ гааязна. яасмаа жа ко, ахам̣ агусалам̣ аабанно гин̃жид̣̇зва д̣̇зсам̣ гааязна, д̇асмаа мам̣ со бхигку ад̣̇д̣̇аса агусалам̣ аабаж̇ж̇амаанам̣ гин̃жид̣̇зва д̣̇зсам̣ гааязна. д̣̇исваа жа бана мам̣ со бхигку агусалам̣ аабаж̇ж̇амаанам̣ гин̃жид̣̇зва д̣̇зсам̣ гааязна анад̇д̇амано ахоси. анад̇д̇амано самаано анад̇д̇аманаважанам̣ 13 мам̣ со бхигку аважа. анад̇д̇аманаважанаахам̣ 14 д̇зна бхигкунаа вуд̇д̇о самаано анад̇д̇амано 15 ахосим̣. анад̇д̇амано самаано барзсам̣ аарожзсим̣. ид̇и мамзва д̇ад̇т̇а ажжаяо ажжаг̇амаа сун̇гад̣̇ааяагам̣ва бхан̣д̣асминд̇и. звам̣ ко, бхигкавз, аабанно бхигку саад̇хугам̣ ад̇д̇анаава ад̇д̇аанам̣ бажжавзгкад̇и.
‘‘Kathañca, bhikkhave, āpanno bhikkhu sādhukaṃ attanāva attānaṃ paccavekkhati? Idha, bhikkhave, āpanno bhikkhu iti paṭisañcikkhati – ‘ahaṃ kho akusalaṃ āpanno kañcideva 16 desaṃ kāyena. Maṃ so 17 bhikkhu addasa akusalaṃ āpajjamānaṃ kiñcideva desaṃ kāyena. No ce ahaṃ akusalaṃ āpajjeyyaṃ kiñcideva desaṃ kāyena, na maṃ so bhikkhu passeyya akusalaṃ āpajjamānaṃ kiñcideva desaṃ kāyena. Yasmā ca kho, ahaṃ akusalaṃ āpanno kiñcideva desaṃ kāyena, tasmā maṃ so bhikkhu addasa akusalaṃ āpajjamānaṃ kiñcideva desaṃ kāyena. Disvā ca pana maṃ so bhikkhu akusalaṃ āpajjamānaṃ kiñcideva desaṃ kāyena anattamano ahosi. Anattamano samāno anattamanavacanaṃ 18 maṃ so bhikkhu avaca. Anattamanavacanāhaṃ 19 tena bhikkhunā vutto samāno anattamano 20 ahosiṃ. Anattamano samāno paresaṃ ārocesiṃ. Iti mameva tattha accayo accagamā suṅkadāyakaṃva bhaṇḍasminti. Evaṃ kho, bhikkhave, āpanno bhikkhu sādhukaṃ attanāva attānaṃ paccavekkhati.
‘‘гат̇ан̃жа, бхигкавз, жод̣̇аго бхигку саад̇хугам̣ ад̇д̇анаава ад̇д̇аанам̣ бажжавзгкад̇и? ид̇ха, бхигкавз, жод̣̇аго бхигку ид̇и бадисан̃жигкад̇и – ‘аяам̣ ко бхигку агусалам̣ аабанно гин̃жид̣̇зва д̣̇зсам̣ гааязна. ахам̣ имам̣ бхигкум̣ ад̣̇д̣̇асам̣ агусалам̣ аабаж̇ж̇амаанам̣ гин̃жид̣̇зва д̣̇зсам̣ гааязна. но жз аяам̣ бхигку агусалам̣ аабаж̇ж̇зяяа гин̃жид̣̇зва д̣̇зсам̣ гааязна, наахам̣ имам̣ бхигкум̣ бассзяяам̣ агусалам̣ аабаж̇ж̇амаанам̣ гин̃жид̣̇зва д̣̇зсам̣ гааязна. яасмаа жа ко, аяам̣ бхигку агусалам̣ аабанно гин̃жид̣̇зва д̣̇зсам̣ гааязна, д̇асмаа ахам̣ имам̣ бхигкум̣ ад̣̇д̣̇асам̣ агусалам̣ аабаж̇ж̇амаанам̣ гин̃жид̣̇зва д̣̇зсам̣ гааязна. д̣̇исваа жа банаахам̣ имам̣ бхигкум̣ агусалам̣ аабаж̇ж̇амаанам̣ гин̃жид̣̇зва д̣̇зсам̣ гааязна анад̇д̇амано ахосим̣. анад̇д̇амано самаано анад̇д̇аманаважанаахам̣ имам̣ бхигкум̣ аважам̣. анад̇д̇аманаважанааяам̣ бхигку маяаа вуд̇д̇о самаано анад̇д̇амано ахоси. анад̇д̇амано самаано барзсам̣ аарожзси. ид̇и мамзва д̇ад̇т̇а ажжаяо ажжаг̇амаа сун̇гад̣̇ааяагам̣ва бхан̣д̣асминд̇и. звам̣ ко, бхигкавз, жод̣̇аго бхигку саад̇хугам̣ ад̇д̇анаава ад̇д̇аанам̣ бажжавзгкад̇и.
‘‘Kathañca, bhikkhave, codako bhikkhu sādhukaṃ attanāva attānaṃ paccavekkhati? Idha, bhikkhave, codako bhikkhu iti paṭisañcikkhati – ‘ayaṃ kho bhikkhu akusalaṃ āpanno kiñcideva desaṃ kāyena. Ahaṃ imaṃ bhikkhuṃ addasaṃ akusalaṃ āpajjamānaṃ kiñcideva desaṃ kāyena. No ce ayaṃ bhikkhu akusalaṃ āpajjeyya kiñcideva desaṃ kāyena, nāhaṃ imaṃ bhikkhuṃ passeyyaṃ akusalaṃ āpajjamānaṃ kiñcideva desaṃ kāyena. Yasmā ca kho, ayaṃ bhikkhu akusalaṃ āpanno kiñcideva desaṃ kāyena, tasmā ahaṃ imaṃ bhikkhuṃ addasaṃ akusalaṃ āpajjamānaṃ kiñcideva desaṃ kāyena. Disvā ca panāhaṃ imaṃ bhikkhuṃ akusalaṃ āpajjamānaṃ kiñcideva desaṃ kāyena anattamano ahosiṃ. Anattamano samāno anattamanavacanāhaṃ imaṃ bhikkhuṃ avacaṃ. Anattamanavacanāyaṃ bhikkhu mayā vutto samāno anattamano ahosi. Anattamano samāno paresaṃ ārocesi. Iti mameva tattha accayo accagamā suṅkadāyakaṃva bhaṇḍasminti. Evaṃ kho, bhikkhave, codako bhikkhu sādhukaṃ attanāva attānaṃ paccavekkhati.
‘‘яасмим̣, бхигкавз, ад̇хигаран̣з аабанно жа бхигку жод̣̇аго жа бхигку на саад̇хугам̣ ад̇д̇анаава ад̇д̇аанам̣ бажжавзгкад̇и д̇асмзд̇ам̣, бхигкавз, ад̇хигаран̣з баадиган̇кам̣ д̣̇ийгхад̇д̇ааяа карад̇д̇ааяа ваал̣ад̇д̇ааяа сам̣вад̇д̇иссад̇и, бхигкуу жа на паасум̣ вихариссанд̇ийд̇и. яасмин̃жа ко, бхигкавз, ад̇хигаран̣з аабанно жа бхигку жод̣̇аго жа бхигку саад̇хугам̣ ад̇д̇анаава ад̇д̇аанам̣ бажжавзгкад̇и д̇асмзд̇ам̣, бхигкавз, ад̇хигаран̣з баадиган̇кам̣ на д̣̇ийгхад̇д̇ааяа карад̇д̇ааяа ваал̣ад̇д̇ааяа сам̣вад̇д̇иссад̇и, бхигкуу жа паасу вихариссанд̇ий’’д̇и.
‘‘Yasmiṃ, bhikkhave, adhikaraṇe āpanno ca bhikkhu codako ca bhikkhu na sādhukaṃ attanāva attānaṃ paccavekkhati tasmetaṃ, bhikkhave, adhikaraṇe pāṭikaṅkhaṃ dīghattāya kharattāya vāḷattāya saṃvattissati, bhikkhū ca na phāsuṃ viharissantīti. Yasmiñca kho, bhikkhave, adhikaraṇe āpanno ca bhikkhu codako ca bhikkhu sādhukaṃ attanāva attānaṃ paccavekkhati tasmetaṃ, bhikkhave, adhikaraṇe pāṭikaṅkhaṃ na dīghattāya kharattāya vāḷattāya saṃvattissati, bhikkhū ca phāsu viharissantī’’ti.
16. ат̇а ко ан̃н̃ад̇аро б̣раахман̣о язна бхаг̇аваа д̇знубасан̇гами; убасан̇гамид̇ваа бхаг̇авад̇аа сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко со б̣раахман̣о бхаг̇аванд̇ам̣ зд̇ад̣̇авожа – ‘‘го ну ко, бхо г̇од̇ама, хзд̇у го бажжаяо язна мид̇хзгажжз сад̇д̇аа гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇анд̇ий’’д̇и? ‘‘ад̇хаммажарияаависамажарияаахзд̇у ко, б̣раахман̣а, звамид̇хзгажжз сад̇д̇аа гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇анд̇ий’’д̇и.
16. Atha kho aññataro brāhmaṇo yena bhagavā tenupasaṅkami; upasaṅkamitvā bhagavatā saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho so brāhmaṇo bhagavantaṃ etadavoca – ‘‘ko nu kho, bho gotama, hetu ko paccayo yena midhekacce sattā kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjantī’’ti? ‘‘Adhammacariyāvisamacariyāhetu kho, brāhmaṇa, evamidhekacce sattā kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjantī’’ti.
‘‘го ну ко, бхо г̇од̇ама, хзд̇у го бажжаяо язна мид̇хзгажжз сад̇д̇аа гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇анд̇ий’’д̇и? ‘‘д̇хаммажарияаасамажарияаахзд̇у ко, б̣раахман̣а , звамид̇хзгажжз сад̇д̇аа гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇анд̇ий’’д̇и.
‘‘Ko nu kho, bho gotama, hetu ko paccayo yena midhekacce sattā kāyassa bhedā paraṃ maraṇā sugatiṃ saggaṃ lokaṃ upapajjantī’’ti? ‘‘Dhammacariyāsamacariyāhetu kho, brāhmaṇa , evamidhekacce sattā kāyassa bhedā paraṃ maraṇā sugatiṃ saggaṃ lokaṃ upapajjantī’’ti.
‘‘абхигганд̇ам̣, бхо г̇од̇ама! абхигганд̇ам̣, бхо г̇од̇ама! сзяяат̇ааби, бхо г̇од̇ама, ниггуж̇ж̇ид̇ам̣ 21 ваа уггуж̇ж̇зяяа, бадижчаннам̣ ваа виварзяяа, муул̣хасса ваа маг̇г̇ам̣ аажигкзяяа, анд̇хагаарз ваа д̇злабаж̇ж̇од̇ам̣ д̇хаарзяяа – ‘жагкуманд̇о руубаани д̣̇агканд̇ий’д̇и, звамзвам̣ бход̇аа г̇од̇амзна анзгабарияааязна д̇хаммо багаасид̇о. зсаахам̣ бхаванд̇ам̣ г̇од̇амам̣ саран̣ам̣ г̇ажчаами д̇хамман̃жа бхигкусан̇гхан̃жа . убаасагам̣ мам̣ бхавам̣ г̇од̇амо д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇а’’нд̇и.
‘‘Abhikkantaṃ, bho gotama! Abhikkantaṃ, bho gotama! Seyyathāpi, bho gotama, nikkujjitaṃ 22 vā ukkujjeyya, paṭicchannaṃ vā vivareyya, mūḷhassa vā maggaṃ ācikkheyya, andhakāre vā telapajjotaṃ dhāreyya – ‘cakkhumanto rūpāni dakkhantī’ti, evamevaṃ bhotā gotamena anekapariyāyena dhammo pakāsito. Esāhaṃ bhavantaṃ gotamaṃ saraṇaṃ gacchāmi dhammañca bhikkhusaṅghañca . Upāsakaṃ maṃ bhavaṃ gotamo dhāretu ajjatagge pāṇupetaṃ saraṇaṃ gata’’nti.
17. ат̇а ко ж̇аан̣уссон̣и 23 б̣раахман̣о язна бхаг̇аваа д̇знубасан̇гами; убасан̇гамид̇ваа бхаг̇авад̇аа сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко ж̇аан̣уссон̣и б̣раахман̣о бхаг̇аванд̇ам̣ зд̇ад̣̇авожа – ‘‘го ну ко, бхо г̇од̇ама, хзд̇у го бажжаяо язна мид̇хзгажжз сад̇д̇аа гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇анд̇ий’’д̇и? ‘‘гад̇ад̇д̇аа жа, б̣раахман̣а, агад̇ад̇д̇аа жа. звамид̇хзгажжз сад̇д̇аа гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇анд̇ий’’д̇и. ‘‘го бана, бхо г̇од̇ама, хзд̇у го бажжаяо язна мид̇хзгажжз сад̇д̇аа гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇анд̇ий’’д̇и? ‘‘гад̇ад̇д̇аа жа, б̣раахман̣а, агад̇ад̇д̇аа жа. звамид̇хзгажжз сад̇д̇аа гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇анд̇ий’’д̇и. ‘‘на ко ахам̣ имасса бход̇о г̇од̇амасса сам̣кид̇д̇зна бхаасид̇асса вид̇т̇аарзна ад̇т̇ам̣ авибхад̇д̇асса вид̇т̇аарзна ад̇т̇ам̣ ааж̇аанаами. саад̇ху мз бхавам̣ г̇од̇амо д̇ат̇аа д̇хаммам̣ д̣̇зсзд̇у яат̇аа ахам̣ имасса бход̇о г̇од̇амасса сам̣кид̇д̇зна бхаасид̇асса вид̇т̇аарзна ад̇т̇ам̣ авибхад̇д̇асса вид̇т̇аарзна ад̇т̇ам̣ ааж̇аанзяяа’’нд̇и. ‘‘д̇зна хи, б̣раахман̣а, сун̣аахи, саад̇хугам̣ манаси гарохи; бхаасиссаамий’’д̇и. ‘‘звам̣ бхо’’д̇и ко ж̇аан̣уссон̣и б̣раахман̣о бхаг̇авад̇о бажжассоси. бхаг̇аваа зд̇ад̣̇авожа –
17. Atha kho jāṇussoṇi 24 brāhmaṇo yena bhagavā tenupasaṅkami; upasaṅkamitvā bhagavatā saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho jāṇussoṇi brāhmaṇo bhagavantaṃ etadavoca – ‘‘ko nu kho, bho gotama, hetu ko paccayo yena midhekacce sattā kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjantī’’ti? ‘‘Katattā ca, brāhmaṇa, akatattā ca. Evamidhekacce sattā kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjantī’’ti. ‘‘Ko pana, bho gotama, hetu ko paccayo yena midhekacce sattā kāyassa bhedā paraṃ maraṇā sugatiṃ saggaṃ lokaṃ upapajjantī’’ti? ‘‘Katattā ca, brāhmaṇa, akatattā ca. Evamidhekacce sattā kāyassa bhedā paraṃ maraṇā sugatiṃ saggaṃ lokaṃ upapajjantī’’ti. ‘‘Na kho ahaṃ imassa bhoto gotamassa saṃkhittena bhāsitassa vitthārena atthaṃ avibhattassa vitthārena atthaṃ ājānāmi. Sādhu me bhavaṃ gotamo tathā dhammaṃ desetu yathā ahaṃ imassa bhoto gotamassa saṃkhittena bhāsitassa vitthārena atthaṃ avibhattassa vitthārena atthaṃ ājāneyya’’nti. ‘‘Tena hi, brāhmaṇa, suṇāhi, sādhukaṃ manasi karohi; bhāsissāmī’’ti. ‘‘Evaṃ bho’’ti kho jāṇussoṇi brāhmaṇo bhagavato paccassosi. Bhagavā etadavoca –
‘‘ид̇ха, б̣раахман̣а, згажжасса гааяад̣̇ужжарид̇ам̣ гад̇ам̣ ход̇и, агад̇ам̣ ход̇и гааяасужарид̇ам̣; важийд̣̇ужжарид̇ам̣ гад̇ам̣ ход̇и, агад̇ам̣ ход̇и важийсужарид̇ам̣; манод̣̇ужжарид̇ам̣ гад̇ам̣ ход̇и, агад̇ам̣ ход̇и маносужарид̇ам̣. звам̣ ко, б̣раахман̣а, гад̇ад̇д̇аа жа агад̇ад̇д̇аа жа звамид̇хзгажжз сад̇д̇аа гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇анд̇и. ид̇ха бана, б̣раахман̣а, згажжасса гааяасужарид̇ам̣ гад̇ам̣ ход̇и, агад̇ам̣ ход̇и гааяад̣̇ужжарид̇ам̣; важийсужарид̇ам̣ гад̇ам̣ ход̇и, агад̇ам̣ ход̇и важийд̣̇ужжарид̇ам̣; маносужарид̇ам̣ гад̇ам̣ ход̇и, агад̇ам̣ ход̇и манод̣̇ужжарид̇ам̣. звам̣ ко, б̣раахман̣а, гад̇ад̇д̇аа жа агад̇ад̇д̇аа жа звамид̇хзгажжз сад̇д̇аа гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇анд̇ий’’д̇и.
‘‘Idha, brāhmaṇa, ekaccassa kāyaduccaritaṃ kataṃ hoti, akataṃ hoti kāyasucaritaṃ; vacīduccaritaṃ kataṃ hoti, akataṃ hoti vacīsucaritaṃ; manoduccaritaṃ kataṃ hoti, akataṃ hoti manosucaritaṃ. Evaṃ kho, brāhmaṇa, katattā ca akatattā ca evamidhekacce sattā kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjanti. Idha pana, brāhmaṇa, ekaccassa kāyasucaritaṃ kataṃ hoti, akataṃ hoti kāyaduccaritaṃ; vacīsucaritaṃ kataṃ hoti, akataṃ hoti vacīduccaritaṃ; manosucaritaṃ kataṃ hoti, akataṃ hoti manoduccaritaṃ. Evaṃ kho, brāhmaṇa, katattā ca akatattā ca evamidhekacce sattā kāyassa bhedā paraṃ maraṇā sugatiṃ saggaṃ lokaṃ upapajjantī’’ti.
‘‘абхигганд̇ам̣ , бхо г̇од̇ама…бз… убаасагам̣ мам̣ бхавам̣ г̇од̇амо д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇а’’нд̇и.
‘‘Abhikkantaṃ , bho gotama…pe… upāsakaṃ maṃ bhavaṃ gotamo dhāretu ajjatagge pāṇupetaṃ saraṇaṃ gata’’nti.
18. ат̇а ко ааяасмаа аананд̣̇о язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко ааяасманд̇ам̣ аананд̣̇ам̣ бхаг̇аваа зд̇ад̣̇авожа – ‘‘згам̣сзнаахам̣, аананд̣̇а, агаран̣ийяам̣ вад̣̇аами гааяад̣̇ужжарид̇ам̣ важийд̣̇ужжарид̇ам̣ манод̣̇ужжарид̇а’’нд̇и. ‘‘яамид̣̇ам̣, бханд̇з, бхаг̇авад̇аа згам̣сзна агаран̣ийяам̣ агкаад̇ам̣ гааяад̣̇ужжарид̇ам̣ важийд̣̇ужжарид̇ам̣ манод̣̇ужжарид̇ам̣ д̇асмим̣ агаран̣ийяз гаяирамаанз го аад̣̇ийнаво баадиган̇ко’’д̇и? ‘‘яамид̣̇ам̣, аананд̣̇а, маяаа згам̣сзна агаран̣ийяам̣ агкаад̇ам̣ гааяад̣̇ужжарид̇ам̣ важийд̣̇ужжарид̇ам̣ манод̣̇ужжарид̇ам̣ д̇асмим̣ агаран̣ийяз гаяирамаанз аяам̣ аад̣̇ийнаво баадиган̇ко – ад̇д̇ааби ад̇д̇аанам̣ убавад̣̇ад̇и, анувижжа вин̃н̃уу г̇араханд̇и, баабаго гид̇д̇исад̣̇д̣̇о аб̣бхуг̇г̇ажчад̇и, саммуул̣хо гаалам̣ гарод̇и, гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇ад̇и. яамид̣̇ам̣, аананд̣̇а, маяаа згам̣сзна агаран̣ийяам̣ агкаад̇ам̣ гааяад̣̇ужжарид̇ам̣ важийд̣̇ужжарид̇ам̣ манод̣̇ужжарид̇ам̣ д̇асмим̣ агаран̣ийяз гаяирамаанз аяам̣ аад̣̇ийнаво баадиган̇ко’’д̇и.
18. Atha kho āyasmā ānando yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinnaṃ kho āyasmantaṃ ānandaṃ bhagavā etadavoca – ‘‘ekaṃsenāhaṃ, ānanda, akaraṇīyaṃ vadāmi kāyaduccaritaṃ vacīduccaritaṃ manoduccarita’’nti. ‘‘Yamidaṃ, bhante, bhagavatā ekaṃsena akaraṇīyaṃ akkhātaṃ kāyaduccaritaṃ vacīduccaritaṃ manoduccaritaṃ tasmiṃ akaraṇīye kayiramāne ko ādīnavo pāṭikaṅkho’’ti? ‘‘Yamidaṃ, ānanda, mayā ekaṃsena akaraṇīyaṃ akkhātaṃ kāyaduccaritaṃ vacīduccaritaṃ manoduccaritaṃ tasmiṃ akaraṇīye kayiramāne ayaṃ ādīnavo pāṭikaṅkho – attāpi attānaṃ upavadati, anuvicca viññū garahanti, pāpako kittisaddo abbhuggacchati, sammūḷho kālaṃ karoti, kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati. Yamidaṃ, ānanda, mayā ekaṃsena akaraṇīyaṃ akkhātaṃ kāyaduccaritaṃ vacīduccaritaṃ manoduccaritaṃ tasmiṃ akaraṇīye kayiramāne ayaṃ ādīnavo pāṭikaṅkho’’ti.
‘‘згам̣сзнаахам̣, аананд̣̇а, гаран̣ийяам̣ вад̣̇аами гааяасужарид̇ам̣ важийсужарид̇ам̣ маносужарид̇а’’нд̇и. ‘‘яамид̣̇ам̣, бханд̇з, бхаг̇авад̇аа згам̣сзна гаран̣ийяам̣ агкаад̇ам̣ гааяасужарид̇ам̣ важийсужарид̇ам̣ маносужарид̇ам̣ д̇асмим̣ гаран̣ийяз гаяирамаанз го аанисам̣со баадиган̇ко’’д̇и? ‘‘яамид̣̇ам̣, аананд̣̇а, маяаа згам̣сзна гаран̣ийяам̣ агкаад̇ам̣ гааяасужарид̇ам̣ важийсужарид̇ам̣ маносужарид̇ам̣ д̇асмим̣ гаран̣ийяз гаяирамаанз аяам̣ аанисам̣со баадиган̇ко – ад̇д̇ааби ад̇д̇аанам̣ на убавад̣̇ад̇и, анувижжа вин̃н̃уу басам̣санд̇и, галяаан̣о гид̇д̇исад̣̇д̣̇о аб̣бхуг̇г̇ажчад̇и, асаммуул̣хо гаалам̣ гарод̇и, гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇ад̇и. яамид̣̇ам̣, аананд̣̇а, маяаа згам̣сзна гаран̣ийяам̣ агкаад̇ам̣ гааяасужарид̇ам̣ важийсужарид̇ам̣ маносужарид̇ам̣ д̇асмим̣ гаран̣ийяз гаяирамаанз аяам̣ аанисам̣со баадиган̇ко’’д̇и.
‘‘Ekaṃsenāhaṃ, ānanda, karaṇīyaṃ vadāmi kāyasucaritaṃ vacīsucaritaṃ manosucarita’’nti. ‘‘Yamidaṃ, bhante, bhagavatā ekaṃsena karaṇīyaṃ akkhātaṃ kāyasucaritaṃ vacīsucaritaṃ manosucaritaṃ tasmiṃ karaṇīye kayiramāne ko ānisaṃso pāṭikaṅkho’’ti? ‘‘Yamidaṃ, ānanda, mayā ekaṃsena karaṇīyaṃ akkhātaṃ kāyasucaritaṃ vacīsucaritaṃ manosucaritaṃ tasmiṃ karaṇīye kayiramāne ayaṃ ānisaṃso pāṭikaṅkho – attāpi attānaṃ na upavadati, anuvicca viññū pasaṃsanti, kalyāṇo kittisaddo abbhuggacchati, asammūḷho kālaṃ karoti, kāyassa bhedā paraṃ maraṇā sugatiṃ saggaṃ lokaṃ upapajjati. Yamidaṃ, ānanda, mayā ekaṃsena karaṇīyaṃ akkhātaṃ kāyasucaritaṃ vacīsucaritaṃ manosucaritaṃ tasmiṃ karaṇīye kayiramāne ayaṃ ānisaṃso pāṭikaṅkho’’ti.
19. ‘‘агусалам̣, бхигкавз, баж̇ахат̇а. саггаа, бхигкавз, агусалам̣ баж̇ахид̇ум̣. но жзд̣̇ам̣ 25, бхигкавз, саггаа абхависса агусалам̣ баж̇ахид̇ум̣, наахам̣ звам̣ вад̣̇зяяам̣ – ‘агусалам̣, бхигкавз, баж̇ахат̇аа’д̇и. яасмаа жа ко, бхигкавз, саггаа агусалам̣ баж̇ахид̇ум̣ д̇асмаахам̣ звам̣ вад̣̇аами – ‘агусалам̣, бхигкавз, баж̇ахат̇аа’д̇и. агусалан̃жа хид̣̇ам̣, бхигкавз 26, бахийнам̣ ахид̇ааяа д̣̇угкааяа сам̣вад̇д̇зяяа наахам̣ звам̣ вад̣̇зяяам̣ – ‘агусалам̣, бхигкавз, баж̇ахат̇аа’д̇и. яасмаа жа ко, бхигкавз, агусалам̣ бахийнам̣ хид̇ааяа сукааяа сам̣вад̇д̇ад̇и д̇асмаахам̣ звам̣ вад̣̇аами – ‘агусалам̣ , бхигкавз, баж̇ахат̇аа’’’д̇и.
19. ‘‘Akusalaṃ, bhikkhave, pajahatha. Sakkā, bhikkhave, akusalaṃ pajahituṃ. No cedaṃ 27, bhikkhave, sakkā abhavissa akusalaṃ pajahituṃ, nāhaṃ evaṃ vadeyyaṃ – ‘akusalaṃ, bhikkhave, pajahathā’ti. Yasmā ca kho, bhikkhave, sakkā akusalaṃ pajahituṃ tasmāhaṃ evaṃ vadāmi – ‘akusalaṃ, bhikkhave, pajahathā’ti. Akusalañca hidaṃ, bhikkhave 28, pahīnaṃ ahitāya dukkhāya saṃvatteyya nāhaṃ evaṃ vadeyyaṃ – ‘akusalaṃ, bhikkhave, pajahathā’ti. Yasmā ca kho, bhikkhave, akusalaṃ pahīnaṃ hitāya sukhāya saṃvattati tasmāhaṃ evaṃ vadāmi – ‘akusalaṃ , bhikkhave, pajahathā’’’ti.
‘‘гусалам̣ , бхигкавз, бхаавзт̇а. саггаа, бхигкавз, гусалам̣ бхаавзд̇ум̣. но жзд̣̇ам̣, бхигкавз, саггаа абхависса гусалам̣ бхаавзд̇ум̣, наахам̣ звам̣ вад̣̇зяяам̣ – ‘гусалам̣, бхигкавз, бхаавзт̇аа’д̇и. яасмаа жа ко, бхигкавз, саггаа гусалам̣ бхаавзд̇ум̣ д̇асмаахам̣ звам̣ вад̣̇аами – ‘гусалам̣, бхигкавз, бхаавзт̇аа’д̇и. гусалан̃жа хид̣̇ам̣, бхигкавз, бхаавид̇ам̣ ахид̇ааяа д̣̇угкааяа сам̣вад̇д̇зяяа, наахам̣ звам̣ вад̣̇зяяам̣ – ‘гусалам̣, бхигкавз, бхаавзт̇аа’д̇и. яасмаа жа ко, бхигкавз, гусалам̣ бхаавид̇ам̣ хид̇ааяа сукааяа сам̣вад̇д̇ад̇и д̇асмаахам̣ звам̣ вад̣̇аами – ‘гусалам̣, бхигкавз, бхаавзт̇аа’’’д̇и.
‘‘Kusalaṃ , bhikkhave, bhāvetha. Sakkā, bhikkhave, kusalaṃ bhāvetuṃ. No cedaṃ, bhikkhave, sakkā abhavissa kusalaṃ bhāvetuṃ, nāhaṃ evaṃ vadeyyaṃ – ‘kusalaṃ, bhikkhave, bhāvethā’ti. Yasmā ca kho, bhikkhave, sakkā kusalaṃ bhāvetuṃ tasmāhaṃ evaṃ vadāmi – ‘kusalaṃ, bhikkhave, bhāvethā’ti. Kusalañca hidaṃ, bhikkhave, bhāvitaṃ ahitāya dukkhāya saṃvatteyya, nāhaṃ evaṃ vadeyyaṃ – ‘kusalaṃ, bhikkhave, bhāvethā’ti. Yasmā ca kho, bhikkhave, kusalaṃ bhāvitaṃ hitāya sukhāya saṃvattati tasmāhaṃ evaṃ vadāmi – ‘kusalaṃ, bhikkhave, bhāvethā’’’ti.
20. ‘‘д̣̇взмз, бхигкавз, д̇хаммаа сад̣̇д̇хаммасса саммосааяа анд̇арад̇хаанааяа сам̣вад̇д̇анд̇и. гад̇амз д̣̇вз? д̣̇уннигкид̇д̇ан̃жа бад̣̇аб̣яан̃ж̇анам̣ ад̇т̇о жа д̣̇уннийд̇о. д̣̇уннигкид̇д̇асса , бхигкавз, бад̣̇аб̣яан̃ж̇анасса ад̇т̇оби д̣̇уннаяо ход̇и. имз ко, бхигкавз, д̣̇вз д̇хаммаа сад̣̇д̇хаммасса саммосааяа анд̇арад̇хаанааяа сам̣вад̇д̇анд̇ий’’д̇и.
20. ‘‘Dveme, bhikkhave, dhammā saddhammassa sammosāya antaradhānāya saṃvattanti. Katame dve? Dunnikkhittañca padabyañjanaṃ attho ca dunnīto. Dunnikkhittassa , bhikkhave, padabyañjanassa atthopi dunnayo hoti. Ime kho, bhikkhave, dve dhammā saddhammassa sammosāya antaradhānāya saṃvattantī’’ti.
21. ‘‘д̣̇взмз, бхигкавз, д̇хаммаа сад̣̇д̇хаммасса тид̇ияаа асаммосааяа ананд̇арад̇хаанааяа сам̣вад̇д̇анд̇и. гад̇амз д̣̇вз? сунигкид̇д̇ан̃жа бад̣̇аб̣яан̃ж̇анам̣ ад̇т̇о жа сунийд̇о. сунигкид̇д̇асса, бхигкавз, бад̣̇аб̣яан̃ж̇анасса ад̇т̇оби сунаяо ход̇и. имз ко, бхигкавз, д̣̇вз д̇хаммаа сад̣̇д̇хаммасса тид̇ияаа асаммосааяа ананд̇арад̇хаанааяа сам̣вад̇д̇анд̇ий’’д̇и.
21. ‘‘Dveme, bhikkhave, dhammā saddhammassa ṭhitiyā asammosāya anantaradhānāya saṃvattanti. Katame dve? Sunikkhittañca padabyañjanaṃ attho ca sunīto. Sunikkhittassa, bhikkhave, padabyañjanassa atthopi sunayo hoti. Ime kho, bhikkhave, dve dhammā saddhammassa ṭhitiyā asammosāya anantaradhānāya saṃvattantī’’ti.
ад̇хигаран̣аваг̇г̇о д̣̇уд̇ияо.
Adhikaraṇavaggo dutiyo.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 2. ад̇хигаран̣аваг̇г̇аван̣н̣анаа • 2. Adhikaraṇavaggavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 2. ад̇хигаран̣аваг̇г̇аван̣н̣анаа • 2. Adhikaraṇavaggavaṇṇanā
