| Library / Tipiṭaka / तिपिटक • Tipiṭaka / अपदानपाळि • Apadānapāḷi |
६. अधिमुत्तत्थेरअपदानं
6. Adhimuttattheraapadānaṃ
८४.
84.
‘‘निब्बुते लोकनाथम्हि, अत्थदस्सीनरुत्तमे।
‘‘Nibbute lokanāthamhi, atthadassīnaruttame;
उपट्ठहिं भिक्खुसङ्घं, विप्पसन्नेन चेतसा॥
Upaṭṭhahiṃ bhikkhusaṅghaṃ, vippasannena cetasā.
८५.
85.
उच्छुना मण्डपं कत्वा, भोजेसिं सङ्घमुत्तमं॥
Ucchunā maṇḍapaṃ katvā, bhojesiṃ saṅghamuttamaṃ.
८६.
86.
‘‘यं यं योनुपपज्जामि, देवत्तं अथ मानुसं।
‘‘Yaṃ yaṃ yonupapajjāmi, devattaṃ atha mānusaṃ;
८७.
87.
‘‘अट्ठारसे कप्पसते, यं दानमददिं तदा।
‘‘Aṭṭhārase kappasate, yaṃ dānamadadiṃ tadā;
दुग्गतिं नाभिजानामि, उच्छुदानस्सिदं फलं॥
Duggatiṃ nābhijānāmi, ucchudānassidaṃ phalaṃ.
८८.
88.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा अधिमुत्तो थेरो इमा गाथायो अभासित्थाति।
Itthaṃ sudaṃ āyasmā adhimutto thero imā gāthāyo abhāsitthāti;
अधिमुत्तत्थेरस्सापदानं छट्ठं।
Adhimuttattherassāpadānaṃ chaṭṭhaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / ६. अधिमुत्तत्थेरअपदानवण्णना • 6. Adhimuttattheraapadānavaṇṇanā
