| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੧੦. ਆਧਿਪਤੇਯ੍ਯਸੁਤ੍ਤવਣ੍ਣਨਾ
10. Ādhipateyyasuttavaṇṇanā
੪੦. ਦਸਮੇ ਅਭਿਭવਿਤ੍વਾ ਪવਤ੍ਤਨਟ੍ਠੇਨ ਅਧਿਪਤਿ ਯਂ ਕਿਞ੍ਚਿ ਜੇਟ੍ਠਕਂ ਨ ਕਾਰਕਂ ਅਤ੍ਤਾਨਂ ਅਧਿਪਤੀਤਿ ਕਤ੍વਾ ਅਤ੍ਤਾ ਏવ ਅਧਿਪਤਿ, ਤਤੋ ਆਗਤਂ ਅਤ੍ਤਾਧਿਪਤੇਯ੍ਯਂ। ਤੇਨਾਹ ‘‘ਅਤ੍ਤਾਨ’’ਨ੍ਤਿਆਦਿ। ਲੋਕਨ੍ਤਿ ਸਤ੍ਤਲੋਕਂ। ਸੋ ਚ ਖੋ ਇਦ੍ਧਿવਿਧਾਦਿਗੁਣવਿਸੇਸਯੁਤ੍ਤੋ ਅਧਿਪ੍ਪੇਤੋ ਅਧਿਪਤਿਭਾવਸ੍ਸ ਅਧਿਪ੍ਪੇਤਤ੍ਤਾ। ਨવવਿਧਂ ਲੋਕੁਤ੍ਤਰਧਮ੍ਮਨ੍ਤਿ ਉਕ੍ਕਟ੍ਠਨਿਦ੍ਦੇਸੇਨ વੁਤ੍ਤਂ। ਇਤਿ ਭવੋਤਿ ਏવਂ ਸਮ੍ਪਤ੍ਤਿਭવੋ, ਤਤ੍ਥ ਏવਂ ਅਭਿવੁਦ੍ਧੀਤਿ। ਸਮ੍ਪਤ੍ਤਿਭવਸ੍ਸ ਹੇਤੂਤਿ ਤਂਤਂਸਮ੍ਪਤ੍ਤਿਭવਸ੍ਸ ਤਤ੍ਥ ਚ ਅਭਿવੁਦ੍ਧਿਯਾ ਹੇਤੁ। ਜਾਤਿਨਿਮਿਤ੍ਤਸ੍ਸ ਕਮ੍ਮਭવਸ੍ਸ ਕਤੂਪਚਿਤਤ੍ਤਾ ਜਾਤਿ ਅਨ੍ਤੋਪવਿਟ੍ਠਾ। ਜਰਾਦੀਸੁਪਿ ਏਸੇવ ਨਯੋ ਹੇਤੁਸਿਦ੍ਧਿਯਾ ਫਲਸਿਦ੍ਧਿਤੋ।
40. Dasame abhibhavitvā pavattanaṭṭhena adhipati yaṃ kiñci jeṭṭhakaṃ na kārakaṃ attānaṃ adhipatīti katvā attā eva adhipati, tato āgataṃ attādhipateyyaṃ. Tenāha ‘‘attāna’’ntiādi. Lokanti sattalokaṃ. So ca kho iddhividhādiguṇavisesayutto adhippeto adhipatibhāvassa adhippetattā. Navavidhaṃ lokuttaradhammanti ukkaṭṭhaniddesena vuttaṃ. Iti bhavoti evaṃ sampattibhavo, tattha evaṃ abhivuddhīti. Sampattibhavassa hetūti taṃtaṃsampattibhavassa tattha ca abhivuddhiyā hetu. Jātinimittassa kammabhavassa katūpacitattā jāti antopaviṭṭhā. Jarādīsupi eseva nayo hetusiddhiyā phalasiddhito.
ਅਸਲ੍ਲੀਨਨ੍ਤਿ ਨ ਸਙ੍ਕੋਚਪ੍ਪਤ੍ਤਂ। ਉਪਟ੍ਠਿਤਾਤਿ ਕਾਯਾਦਿਸਭਾવਸਲ੍ਲਕ੍ਖਣવਸੇਨ ਉਪਟ੍ਠਿਤਾ। ਅਸਮ੍ਮੁਟ੍ਠਾ ਸਮ੍ਮੋਸਾਭਾવਤੋ। ਅਸਾਰਦ੍ਧੋਤਿ ਸਾਰਮ੍ਭਸ੍ਸ ਸਾਰਮ੍ਭਹੇਤੂਨਞ੍ਚ વਿਕ੍ਖਮ੍ਭਨੇਨ ਅਸਾਰਦ੍ਧੋ। ਏਕਗ੍ਗਂ ਅਨੇਕਗ੍ਗਭਾવਸ੍ਸ ਦੂਰਸਮੁਸ੍ਸਾਪਿਤਤ੍ਤਾ। ਨਿਮ੍ਮਲਂ ਕਤ੍વਾਤਿ ਰਾਗਾਦਿਮਲਾਨਂ ਅਪਨਯਨੇਨ ਮਲਰਹਿਤਂ ਕਤ੍વਾ। ਗੋਪਾਯਤੀਤਿ ਸਂਕਿਲੇਸਾਨਤ੍ਥਤੋ ਰਕ੍ਖਤਿ। ਅਯਨ੍ਤਿ ਏવਂਪਟਿਪਨ੍ਨੋ ਭਿਕ੍ਖੁ। ਸੁਦ੍ਧਮਤ੍ਤਾਨਂ ਪਰਿਹਰਤਿ ਅਸੁਦ੍ਧਭਾવਸ੍ਸ ਕਿਲੇਸਸ੍ਸਪਿ ਅਭਾવਤੋ।
Asallīnanti na saṅkocappattaṃ. Upaṭṭhitāti kāyādisabhāvasallakkhaṇavasena upaṭṭhitā. Asammuṭṭhā sammosābhāvato. Asāraddhoti sārambhassa sārambhahetūnañca vikkhambhanena asāraddho. Ekaggaṃ anekaggabhāvassa dūrasamussāpitattā. Nimmalaṃ katvāti rāgādimalānaṃ apanayanena malarahitaṃ katvā. Gopāyatīti saṃkilesānatthato rakkhati. Ayanti evaṃpaṭipanno bhikkhu. Suddhamattānaṃ pariharati asuddhabhāvassa kilesassapi abhāvato.
ਅਤਿਕ੍ਕਮਿਤ੍વਾ ਮਞ੍ਞਸੀਤਿ ਅਸਕ੍ਖਿਂ ਕਤ੍વਾ ਮਞ੍ਞਸਿ। ਤਾਯ ਤਣ੍ਹਾਯ ਨਿਬ੍ਬਤ੍ਤੋਤਿ ਤਮ੍ਮਯੋ, ਤਣ੍ਹਾવਸਿਕੋ। ਤਸ੍ਸ ਭਾવੋ ਤਮ੍ਮਯਤਾ, ਤਸ੍ਸਾ ਤਮ੍ਮਯਤਾਯ ਅਭਾવੇਨ। ਨ ਹਾਯਤਿ ਪਞ੍ਞਾਦਿਗੁਣવੇਪੁਲ੍ਲਪ੍ਪਤ੍ਤਿਯਾ।
Atikkamitvāmaññasīti asakkhiṃ katvā maññasi. Tāya taṇhāya nibbattoti tammayo, taṇhāvasiko. Tassa bhāvo tammayatā, tassā tammayatāya abhāvena. Na hāyati paññādiguṇavepullappattiyā.
ਆਧਿਪਤੇਯ੍ਯਸੁਤ੍ਤવਣ੍ਣਨਾ ਨਿਟ੍ਠਿਤਾ।
Ādhipateyyasuttavaṇṇanā niṭṭhitā.
ਦੇવਦੂਤવਗ੍ਗવਣ੍ਣਨਾ ਨਿਟ੍ਠਿਤਾ।
Devadūtavaggavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੧੦. ਆਧਿਪਤੇਯ੍ਯਸੁਤ੍ਤਂ • 10. Ādhipateyyasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੧੦. ਆਧਿਪਤੇਯ੍ਯਸੁਤ੍ਤવਣ੍ਣਨਾ • 10. Ādhipateyyasuttavaṇṇanā
