| Library / Tipiṭaka / તિપિટક • Tipiṭaka / અઙ્ગુત્તરનિકાય (ટીકા) • Aṅguttaranikāya (ṭīkā) |
૨-૪. અધિવુત્તિપદસુત્તાદિવણ્ણના
2-4. Adhivuttipadasuttādivaṇṇanā
૨૨-૨૪. દુતિયે અધિવચનપદાનન્તિ પઞ્ઞત્તિપદાનં. દાસાદીસુ સિરિવડ્ઢકાદિસદ્દા વિય વચનમત્તમેવ અધિકારં કત્વા પવત્તિયા અધિવચનં પઞ્ઞત્તિ. અથ વા અધિસદ્દો ઉપરિભાગે. વુચ્ચતીતિ વચનં, ઉપરિ વચનં અધિવચનં, ઉપાદાભૂતરૂપાદીનં ઉપરિ પઞ્ઞપિયમાના ઉપાદાપઞ્ઞત્તીતિ અત્થો, તસ્મા પઞ્ઞત્તિદીપકપદાનીતિ અત્થો દટ્ઠબ્બો. તસ્સ પદાનિ પદટ્ઠાનાનિ અધિવચનપદાનિ. તેનાહ ‘‘તેસં યે’’તિઆદિ. તેસન્તિ અધિવચનાનં. યેતિ ખન્ધાદયો. અધિવુત્તિતાય અધિવુત્તિયોતિ દિટ્ઠિયો વુચ્ચન્તિ. અધિકઞ્હિ સભાવધમ્મેસુ સસ્સતાદિં, પકતિઆદિં, દ્રબ્યાદિં, જીવાદિં, કાયાદિઞ્ચ, અભૂતં અત્થં અજ્ઝારોપેત્વા દિટ્ઠિયો પવત્તન્તીતિ. તેનાહ ‘‘અથ વા’’તિઆદિ. તતિયચતુત્થાનિ સુવિઞ્ઞેય્યાનિ.
22-24. Dutiye adhivacanapadānanti paññattipadānaṃ. Dāsādīsu sirivaḍḍhakādisaddā viya vacanamattameva adhikāraṃ katvā pavattiyā adhivacanaṃ paññatti. Atha vā adhisaddo uparibhāge. Vuccatīti vacanaṃ, upari vacanaṃ adhivacanaṃ, upādābhūtarūpādīnaṃ upari paññapiyamānā upādāpaññattīti attho, tasmā paññattidīpakapadānīti attho daṭṭhabbo. Tassa padāni padaṭṭhānāni adhivacanapadāni. Tenāha ‘‘tesaṃ ye’’tiādi. Tesanti adhivacanānaṃ. Yeti khandhādayo. Adhivuttitāya adhivuttiyoti diṭṭhiyo vuccanti. Adhikañhi sabhāvadhammesu sassatādiṃ, pakatiādiṃ, drabyādiṃ, jīvādiṃ, kāyādiñca, abhūtaṃ atthaṃ ajjhāropetvā diṭṭhiyo pavattantīti. Tenāha ‘‘atha vā’’tiādi. Tatiyacatutthāni suviññeyyāni.
અધિવુત્તિપદસુત્તાદિવણ્ણના નિટ્ઠિતા.
Adhivuttipadasuttādivaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / અઙ્ગુત્તરનિકાય • Aṅguttaranikāya
૨. અધિવુત્તિપદસુત્તં • 2. Adhivuttipadasuttaṃ
૩. કાયસુત્તં • 3. Kāyasuttaṃ
૪. મહાચુન્દસુત્તં • 4. Mahācundasuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā)
૨. અધિવુત્તિપદસુત્તવણ્ણના • 2. Adhivuttipadasuttavaṇṇanā
૩. કાયસુત્તવણ્ણના • 3. Kāyasuttavaṇṇanā
૪. મહાચુન્દસુત્તવણ્ણના • 4. Mahācundasuttavaṇṇanā
