| Library / Tipiṭaka / တိပိဋက • Tipiṭaka / အင္ဂုတ္တရနိကာယ (ဋီကာ) • Aṅguttaranikāya (ṭīkā) |
၂-၄. အဓိဝုတ္တိပဒသုတ္တာဒိဝဏ္ဏနာ
2-4. Adhivuttipadasuttādivaṇṇanā
၂၂-၂၄. ဒုတိယေ အဓိဝစနပဒာနန္တိ ပညတ္တိပဒာနံ။ ဒာသာဒီသု သိရိဝဍ္ဎကာဒိသဒ္ဒာ ဝိယ ဝစနမတ္တမေဝ အဓိကာရံ ကတ္ဝာ ပဝတ္တိယာ အဓိဝစနံ ပညတ္တိ။ အထ ဝာ အဓိသဒ္ဒော ဥပရိဘာဂေ။ ဝုစ္စတီတိ ဝစနံ, ဥပရိ ဝစနံ အဓိဝစနံ, ဥပာဒာဘူတရူပာဒီနံ ဥပရိ ပညပိယမာနာ ဥပာဒာပညတ္တီတိ အတ္ထော, တသ္မာ ပညတ္တိဒီပကပဒာနီတိ အတ္ထော ဒဋ္ဌဗ္ဗော။ တသ္သ ပဒာနိ ပဒဋ္ဌာနာနိ အဓိဝစနပဒာနိ။ တေနာဟ ‘‘တေသံ ယေ’’တိအာဒိ။ တေသန္တိ အဓိဝစနာနံ။ ယေတိ ခန္ဓာဒယော။ အဓိဝုတ္တိတာယ အဓိဝုတ္တိယောတိ ဒိဋ္ဌိယော ဝုစ္စန္တိ။ အဓိကဉ္ဟိ သဘာဝဓမ္မေသု သသ္သတာဒိံ, ပကတိအာဒိံ, ဒ္ရဗ္ယာဒိံ, ဇီဝာဒိံ, ကာယာဒိဉ္စ, အဘူတံ အတ္ထံ အဇ္ဈာရောပေတ္ဝာ ဒိဋ္ဌိယော ပဝတ္တန္တီတိ။ တေနာဟ ‘‘အထ ဝာ’’တိအာဒိ။ တတိယစတုတ္ထာနိ သုဝိညေယ္ယာနိ။
22-24. Dutiye adhivacanapadānanti paññattipadānaṃ. Dāsādīsu sirivaḍḍhakādisaddā viya vacanamattameva adhikāraṃ katvā pavattiyā adhivacanaṃ paññatti. Atha vā adhisaddo uparibhāge. Vuccatīti vacanaṃ, upari vacanaṃ adhivacanaṃ, upādābhūtarūpādīnaṃ upari paññapiyamānā upādāpaññattīti attho, tasmā paññattidīpakapadānīti attho daṭṭhabbo. Tassa padāni padaṭṭhānāni adhivacanapadāni. Tenāha ‘‘tesaṃ ye’’tiādi. Tesanti adhivacanānaṃ. Yeti khandhādayo. Adhivuttitāya adhivuttiyoti diṭṭhiyo vuccanti. Adhikañhi sabhāvadhammesu sassatādiṃ, pakatiādiṃ, drabyādiṃ, jīvādiṃ, kāyādiñca, abhūtaṃ atthaṃ ajjhāropetvā diṭṭhiyo pavattantīti. Tenāha ‘‘atha vā’’tiādi. Tatiyacatutthāni suviññeyyāni.
အဓိဝုတ္တိပဒသုတ္တာဒိဝဏ္ဏနာ နိဋ္ဌိတာ။
Adhivuttipadasuttādivaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya
၂. အဓိဝုတ္တိပဒသုတ္တံ • 2. Adhivuttipadasuttaṃ
၃. ကာယသုတ္တံ • 3. Kāyasuttaṃ
၄. မဟာစုန္ဒသုတ္တံ • 4. Mahācundasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā)
၂. အဓိဝုတ္တိပဒသုတ္တဝဏ္ဏနာ • 2. Adhivuttipadasuttavaṇṇanā
၃. ကာယသုတ္တဝဏ္ဏနာ • 3. Kāyasuttavaṇṇanā
၄. မဟာစုန္ဒသုတ္တဝဏ္ဏနာ • 4. Mahācundasuttavaṇṇanā
