| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
2. ад̇хивуд̇д̇ибад̣̇асуд̇д̇ам̣
2. Adhivuttipadasuttaṃ
22. ат̇а ко ааяасмаа аананд̣̇о язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко ааяасманд̇ам̣ аананд̣̇ам̣ бхаг̇аваа зд̇ад̣̇авожа –
22. Atha kho āyasmā ānando yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinnaṃ kho āyasmantaṃ ānandaṃ bhagavā etadavoca –
‘‘яз д̇з, аананд̣̇а, д̇хаммаа д̇зсам̣ д̇зсам̣ ад̇хивуд̇д̇ибад̣̇аанам̣ 1 абхин̃н̃аа сажчигирияааяа сам̣вад̇д̇анд̇и, висаарад̣̇о ахам̣, аананд̣̇а, д̇ад̇т̇а бадиж̇аанаами. ‘д̇зсам̣ д̇зсам̣ д̇ат̇аа д̇ат̇аа д̇хаммам̣ д̣̇зсзд̇ум̣ яат̇аа яат̇аа бадибанно санд̇ам̣ ваа ад̇т̇ийд̇и н̃ассад̇и, асанд̇ам̣ ваа над̇т̇ийд̇и н̃ассад̇и, хийнам̣ ваа хийнанд̇и н̃ассад̇и , бан̣ийд̇ам̣ ваа бан̣ийд̇анд̇и н̃ассад̇и, сауд̇д̇арам̣ ваа сауд̇д̇аранд̇и н̃ассад̇и, ануд̇д̇арам̣ ваа ануд̇д̇аранд̇и н̃ассад̇и; яат̇аа яат̇аа ваа бана д̇ам̣ н̃аад̇зяяам̣ ваа д̣̇адтзяяам̣ ваа сажчигарзяяам̣ ваа, д̇ат̇аа д̇ат̇аа н̃ассад̇и ваа д̣̇агкад̇и ваа сажчигариссад̇и ваа’д̇и таанамзд̇ам̣ виж̇ж̇ад̇и. зд̇ад̣̇аануд̇д̇арияам̣, аананд̣̇а, н̃аан̣аанам̣ яад̣̇ид̣̇ам̣ д̇ад̇т̇а д̇ад̇т̇а яат̇аабхууд̇ан̃аан̣ам̣. зд̇асмаа жаахам̣, аананд̣̇а, н̃аан̣аа ан̃н̃ам̣ н̃аан̣ам̣ уд̇д̇арид̇арам̣ ваа бан̣ийд̇ад̇арам̣ ваа над̇т̇ийд̇и вад̣̇аами.
‘‘Ye te, ānanda, dhammā tesaṃ tesaṃ adhivuttipadānaṃ 2 abhiññā sacchikiriyāya saṃvattanti, visārado ahaṃ, ānanda, tattha paṭijānāmi. ‘Tesaṃ tesaṃ tathā tathā dhammaṃ desetuṃ yathā yathā paṭipanno santaṃ vā atthīti ñassati, asantaṃ vā natthīti ñassati, hīnaṃ vā hīnanti ñassati , paṇītaṃ vā paṇītanti ñassati, sauttaraṃ vā sauttaranti ñassati, anuttaraṃ vā anuttaranti ñassati; yathā yathā vā pana taṃ ñāteyyaṃ vā daṭṭheyyaṃ vā sacchikareyyaṃ vā, tathā tathā ñassati vā dakkhati vā sacchikarissati vā’ti ṭhānametaṃ vijjati. Etadānuttariyaṃ, ānanda, ñāṇānaṃ yadidaṃ tattha tattha yathābhūtañāṇaṃ. Etasmā cāhaṃ, ānanda, ñāṇā aññaṃ ñāṇaṃ uttaritaraṃ vā paṇītataraṃ vā natthīti vadāmi.
‘‘д̣̇асаяимаани, аананд̣̇а, д̇ат̇ааг̇ад̇асса д̇ат̇ааг̇ад̇аб̣алаани, язхи б̣алзхи саманнааг̇ад̇о д̇ат̇ааг̇ад̇о аасабхам̣ таанам̣ бадиж̇аанаад̇и, барисаасу сийханаад̣̇ам̣ над̣̇ад̇и, б̣рахмажаггам̣ бавад̇д̇зд̇и. гад̇амаани д̣̇аса? ид̇хаананд̣̇а, д̇ат̇ааг̇ад̇о таанан̃жа таанад̇о адтаанан̃жа адтаанад̇о яат̇аабхууд̇ам̣ баж̇аанаад̇и. яамбаананд̣̇а, д̇ат̇ааг̇ад̇о таанан̃жа таанад̇о адтаанан̃жа адтаанад̇о яат̇аабхууд̇ам̣ баж̇аанаад̇и, ид̣̇амбаананд̣̇а, д̇ат̇ааг̇ад̇асса д̇ат̇ааг̇ад̇аб̣алам̣ ход̇и, яам̣ б̣алам̣ ааг̇амма д̇ат̇ааг̇ад̇о аасабхам̣ таанам̣ бадиж̇аанаад̇и, барисаасу сийханаад̣̇ам̣ над̣̇ад̇и, б̣рахмажаггам̣ бавад̇д̇зд̇и.
‘‘Dasayimāni, ānanda, tathāgatassa tathāgatabalāni, yehi balehi samannāgato tathāgato āsabhaṃ ṭhānaṃ paṭijānāti, parisāsu sīhanādaṃ nadati, brahmacakkaṃ pavatteti. Katamāni dasa? Idhānanda, tathāgato ṭhānañca ṭhānato aṭṭhānañca aṭṭhānato yathābhūtaṃ pajānāti. Yampānanda, tathāgato ṭhānañca ṭhānato aṭṭhānañca aṭṭhānato yathābhūtaṃ pajānāti, idampānanda, tathāgatassa tathāgatabalaṃ hoti, yaṃ balaṃ āgamma tathāgato āsabhaṃ ṭhānaṃ paṭijānāti, parisāsu sīhanādaṃ nadati, brahmacakkaṃ pavatteti.
‘‘буна жабарам̣, аананд̣̇а, д̇ат̇ааг̇ад̇о ад̇ийд̇аанааг̇ад̇абажжуббаннаанам̣ гаммасамаад̣̇аанаанам̣ таанасо хзд̇усо вибаагам̣ яат̇аабхууд̇ам̣ баж̇аанаад̇и. яамбаананд̣̇а…бз… ид̣̇амбаананд̣̇а…бз….
‘‘Puna caparaṃ, ānanda, tathāgato atītānāgatapaccuppannānaṃ kammasamādānānaṃ ṭhānaso hetuso vipākaṃ yathābhūtaṃ pajānāti. Yampānanda…pe… idampānanda…pe….
‘‘буна жабарам̣, аананд̣̇а, д̇ат̇ааг̇ад̇о саб̣б̣ад̇т̇аг̇ааминим̣ бадибад̣̇ам̣ яат̇аабхууд̇ам̣ баж̇аанаад̇и. яамбаананд̣̇а…бз… ид̣̇амбаананд̣̇а…бз….
‘‘Puna caparaṃ, ānanda, tathāgato sabbatthagāminiṃ paṭipadaṃ yathābhūtaṃ pajānāti. Yampānanda…pe… idampānanda…pe….
‘‘буна жабарам̣, аананд̣̇а, д̇ат̇ааг̇ад̇о анзгад̇хаад̇ум̣ наанаад̇хаад̇ум̣ логам̣ яат̇аабхууд̇ам̣ баж̇аанаад̇и. яамбаананд̣̇а …бз… ид̣̇амбаананд̣̇а…бз….
‘‘Puna caparaṃ, ānanda, tathāgato anekadhātuṃ nānādhātuṃ lokaṃ yathābhūtaṃ pajānāti. Yampānanda …pe… idampānanda…pe….
‘‘буна жабарам̣, аананд̣̇а, д̇ат̇ааг̇ад̇о сад̇д̇аанам̣ наанаад̇химуд̇д̇игад̇ам̣ яат̇аабхууд̇ам̣ баж̇аанаад̇и. яамбаананд̣̇а…бз… ид̣̇амбаананд̣̇а…бз….
‘‘Puna caparaṃ, ānanda, tathāgato sattānaṃ nānādhimuttikataṃ yathābhūtaṃ pajānāti. Yampānanda…pe… idampānanda…pe….
‘‘буна жабарам̣, аананд̣̇а, д̇ат̇ааг̇ад̇о барасад̇д̇аанам̣ барабуг̇г̇алаанам̣ инд̣̇рияабаробарияад̇д̇ам̣ яат̇аабхууд̇ам̣ баж̇аанаад̇и. яамбаананд̣̇а…бз… ид̣̇амбаананд̣̇а…бз….
‘‘Puna caparaṃ, ānanda, tathāgato parasattānaṃ parapuggalānaṃ indriyaparopariyattaṃ yathābhūtaṃ pajānāti. Yampānanda…pe… idampānanda…pe….
‘‘буна жабарам̣, аананд̣̇а, д̇ат̇ааг̇ад̇о жхаанавимогкасамаад̇хисамаабад̇д̇ийнам̣ сам̣гилзсам̣ вод̣̇аанам̣ вудтаанам̣ яат̇аабхууд̇ам̣ баж̇аанаад̇и. яамбаананд̣̇а…бз… ид̣̇амбаананд̣̇а…бз….
‘‘Puna caparaṃ, ānanda, tathāgato jhānavimokkhasamādhisamāpattīnaṃ saṃkilesaṃ vodānaṃ vuṭṭhānaṃ yathābhūtaṃ pajānāti. Yampānanda…pe… idampānanda…pe….
‘‘буна жабарам̣, аананд̣̇а, д̇ат̇ааг̇ад̇о анзгавихид̇ам̣ буб̣б̣зниваасам̣ ануссарад̇и, сзяяат̇ид̣̇ам̣ – згамби ж̇аад̇им̣ д̣̇взби ж̇аад̇ияо…бз… ид̇и саагаарам̣ сауд̣̇д̣̇зсам̣ анзгавихид̇ам̣ буб̣б̣зниваасам̣ ануссарад̇и. яамбаананд̣̇а…бз… ид̣̇амбаананд̣̇а…бз….
‘‘Puna caparaṃ, ānanda, tathāgato anekavihitaṃ pubbenivāsaṃ anussarati, seyyathidaṃ – ekampi jātiṃ dvepi jātiyo…pe… iti sākāraṃ sauddesaṃ anekavihitaṃ pubbenivāsaṃ anussarati. Yampānanda…pe… idampānanda…pe….
‘‘буна жабарам̣, аананд̣̇а, д̇ат̇ааг̇ад̇о д̣̇иб̣б̣зна жагкунаа висуд̣̇д̇хзна ад̇игганд̇амаанусагзна…бз… яат̇аагаммуубаг̇з сад̇д̇з баж̇аанаад̇и. яамбаананд̣̇а…бз… ид̣̇амбаананд̣̇а…бз….
‘‘Puna caparaṃ, ānanda, tathāgato dibbena cakkhunā visuddhena atikkantamānusakena…pe… yathākammūpage satte pajānāti. Yampānanda…pe… idampānanda…pe….
‘‘буна жабарам̣, аананд̣̇а, д̇ат̇ааг̇ад̇о аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихарад̇и. яамбаананд̣̇а, д̇ат̇ааг̇ад̇о аасаваанам̣ каяаа анаасавам̣ жзд̇овимуд̇д̇им̣…бз… сажчигад̇ваа убасамбаж̇ж̇а вихарад̇и. ид̣̇амбаананд̣̇а, д̇ат̇ааг̇ад̇асса д̇ат̇ааг̇ад̇аб̣алам̣ ход̇и, яам̣ б̣алам̣ ааг̇амма д̇ат̇ааг̇ад̇о аасабхам̣ таанам̣ бадиж̇аанаад̇и, барисаасу сийханаад̣̇ам̣ над̣̇ад̇и, б̣рахмажаггам̣ бавад̇д̇зд̇и.
‘‘Puna caparaṃ, ānanda, tathāgato āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharati. Yampānanda, tathāgato āsavānaṃ khayā anāsavaṃ cetovimuttiṃ…pe… sacchikatvā upasampajja viharati. Idampānanda, tathāgatassa tathāgatabalaṃ hoti, yaṃ balaṃ āgamma tathāgato āsabhaṃ ṭhānaṃ paṭijānāti, parisāsu sīhanādaṃ nadati, brahmacakkaṃ pavatteti.
‘‘имаани ко, аананд̣̇а, д̣̇аса д̇ат̇ааг̇ад̇асса д̇ат̇ааг̇ад̇аб̣алаани, язхи б̣алзхи саманнааг̇ад̇о д̇ат̇ааг̇ад̇о аасабхам̣ таанам̣ бадиж̇аанаад̇и , барисаасу сийханаад̣̇ам̣ над̣̇ад̇и, б̣рахмажаггам̣ бавад̇д̇зд̇ий’’д̇и. д̣̇уд̇ияам̣.
‘‘Imāni kho, ānanda, dasa tathāgatassa tathāgatabalāni, yehi balehi samannāgato tathāgato āsabhaṃ ṭhānaṃ paṭijānāti , parisāsu sīhanādaṃ nadati, brahmacakkaṃ pavattetī’’ti. Dutiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 2. ад̇хивуд̇д̇ибад̣̇асуд̇д̇аван̣н̣анаа • 2. Adhivuttipadasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 2-4. ад̇хивуд̇д̇ибад̣̇асуд̇д̇аад̣̇иван̣н̣анаа • 2-4. Adhivuttipadasuttādivaṇṇanā
