Library / Tipiṭaka / ತಿಪಿಟಕ • Tipiṭaka / ಜಾತಕಪಾಳಿ • Jātakapāḷi |
೪೨೪. ಆದಿತ್ತಜಾತಕಂ (೮)
424. Ādittajātakaṃ (8)
೬೯.
69.
ಆದಿತ್ತಸ್ಮಿಂ ಅಗಾರಸ್ಮಿಂ, ಯಂ ನೀಹರತಿ ಭಾಜನಂ।
Ādittasmiṃ agārasmiṃ, yaṃ nīharati bhājanaṃ;
ತಂ ತಸ್ಸ ಹೋತಿ ಅತ್ಥಾಯ, ನೋ ಚ ಯಂ ತತ್ಥ ಡಯ್ಹತಿ॥
Taṃ tassa hoti atthāya, no ca yaṃ tattha ḍayhati.
೭೦.
70.
ಏವಾಮಾದೀಪಿತೋ ಲೋಕೋ, ಜರಾಯ ಮರಣೇನ ಚ।
Evāmādīpito loko, jarāya maraṇena ca;
೭೧.
71.
ಯೋ ಧಮ್ಮಲದ್ಧಸ್ಸ ದದಾತಿ ದಾನಂ, ಉಟ್ಠಾನವೀರಿಯಾಧಿಗತಸ್ಸ ಜನ್ತು।
Yo dhammaladdhassa dadāti dānaṃ, uṭṭhānavīriyādhigatassa jantu;
ಅತಿಕ್ಕಮ್ಮ ಸೋ ವೇತರಣಿಂ 3 ಯಮಸ್ಸ, ದಿಬ್ಬಾನಿ ಠಾನಾನಿ ಉಪೇತಿ ಮಚ್ಚೋ॥
Atikkamma so vetaraṇiṃ 4 yamassa, dibbāni ṭhānāni upeti macco.
೭೨.
72.
ದಾನಞ್ಚ ಯುದ್ಧಞ್ಚ ಸಮಾನಮಾಹು, ಅಪ್ಪಾಪಿ ಸನ್ತಾ ಬಹುಕೇ ಜಿನನ್ತಿ।
Dānañca yuddhañca samānamāhu, appāpi santā bahuke jinanti;
ಅಪ್ಪಮ್ಪಿ ಚೇ ಸದ್ದಹಾನೋ ದದಾತಿ, ತೇನೇವ ಸೋ ಹೋತಿ ಸುಖೀ ಪರತ್ಥ॥
Appampi ce saddahāno dadāti, teneva so hoti sukhī parattha.
೭೩.
73.
ವಿಚೇಯ್ಯ ದಾನಂ ಸುಗತಪ್ಪಸತ್ಥಂ, ಯೇ ದಕ್ಖಿಣೇಯ್ಯಾ ಇಧ ಜೀವಲೋಕೇ।
Viceyya dānaṃ sugatappasatthaṃ, ye dakkhiṇeyyā idha jīvaloke;
ಏತೇಸು ದಿನ್ನಾನಿ ಮಹಪ್ಫಲಾನಿ, ಬೀಜಾನಿ ವುತ್ತಾನಿ ಯಥಾ ಸುಖೇತ್ತೇ॥
Etesu dinnāni mahapphalāni, bījāni vuttāni yathā sukhette.
೭೪.
74.
ಯೋ ಪಾಣಭೂತಾನಿ ಅಹೇಠಯಂ ಚರಂ, ಪರೂಪವಾದಾ ನ ಕರೋತಿ ಪಾಪಂ।
Yo pāṇabhūtāni aheṭhayaṃ caraṃ, parūpavādā na karoti pāpaṃ;
ಭೀರುಂ ಪಸಂಸನ್ತಿ ನ ತತ್ಥ ಸೂರಂ, ಭಯಾ ಹಿ ಸನ್ತೋ ನ ಕರೋನ್ತಿ ಪಾಪಂ॥
Bhīruṃ pasaṃsanti na tattha sūraṃ, bhayā hi santo na karonti pāpaṃ.
೭೫.
75.
ಹೀನೇನ ಬ್ರಹ್ಮಚರಿಯೇನ, ಖತ್ತಿಯೇ ಉಪಪಜ್ಜತಿ।
Hīnena brahmacariyena, khattiye upapajjati;
ಮಜ್ಝಿಮೇನ ಚ ದೇವತ್ತಂ, ಉತ್ತಮೇನ ವಿಸುಜ್ಝತಿ॥
Majjhimena ca devattaṃ, uttamena visujjhati.
೭೬.
76.
ಅದ್ಧಾ ಹಿ ದಾನಂ ಬಹುಧಾ ಪಸತ್ಥಂ, ದಾನಾ ಚ ಖೋ ಧಮ್ಮಪದಂವ ಸೇಯ್ಯೋ।
Addhā hi dānaṃ bahudhā pasatthaṃ, dānā ca kho dhammapadaṃva seyyo;
ಪುಬ್ಬೇವ ಹಿ ಪುಬ್ಬತರೇವ ಸನ್ತೋ 5, ನಿಬ್ಬಾನಮೇವಜ್ಝಗಮುಂ ಸಪಞ್ಞಾತಿ॥
Pubbeva hi pubbatareva santo 6, nibbānamevajjhagamuṃ sapaññāti.
ಆದಿತ್ತಜಾತಕಂ ಅಟ್ಠಮಂ।
Ādittajātakaṃ aṭṭhamaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಜಾತಕ-ಅಟ್ಠಕಥಾ • Jātaka-aṭṭhakathā / [೪೨೪] ೮. ಆದಿತ್ತಜಾತಕವಣ್ಣನಾ • [424] 8. Ādittajātakavaṇṇanā