| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) |
೪. ಅಗಾರಸುತ್ತವಣ್ಣನಾ
4. Agārasuttavaṇṇanā
೨೬೨. ಪುರತ್ಥಿಮಾತಿ ವಿಭತ್ತಿಲೋಪೇನ ನಿದ್ದೇಸೋ, ನಿಸ್ಸಕ್ಕೇ ವಾ ಏತಂ ಪಚ್ಚತ್ತವಚನಂ। ಪಠಮಜ್ಝಾನಾದಿವಸೇನಾತಿ ಪಠಮದುತಿಯಜ್ಝಾನವಸೇನ। ಅನುಸ್ಸತಿವಸೇನಾತಿ ನಿದಸ್ಸನಮತ್ತಂ ಅಞ್ಞಸ್ಸಪಿ ಉಪಚಾರಜ್ಝಾನಗ್ಗಹಿತಸ್ಸ ಸವಿತಕ್ಕಚಾರಸ್ಸ ನಿರಾಮಿಸಸ್ಸ ಸುಖಸ್ಸ ಲಬ್ಭನತೋ। ತಸ್ಸಪಿ ವಾ ಪಠಮಜ್ಝಾನಾದೀತಿ ಏತ್ಥ ಆದಿ-ಸದ್ದೇನ ಸಙ್ಗಹೋ ದಟ್ಠಬ್ಬೋ। ಕಾಮಹೇತು ದುಕ್ಖಪ್ಪತ್ತಾನಂ ದುಕ್ಖವೇದನಾ ಕಾಮಾಮಿಸೇನ ಸಾಮಿಸಾ ವೇದನಾ। ಅನುತ್ತರವಿಮೋಕ್ಖಾ ನಾಮ ಅರಹತ್ತಫಲಂ। ‘‘ಕುದಾಸ್ಸು ನಾಮಾಹಂ ತದಾಯತನಂ ಉಪಸಮ್ಪಜ್ಜ ವಿಹರಿಸ್ಸಾಮೀ’’ತಿ ಏವಂ ಪಿಹಂ ಉಪಟ್ಠಾಪಯತೋ ತಸ್ಮಿಂ ಅನಿಜ್ಝಮಾನೇ ಪಿಹಪ್ಪಚ್ಚಯಾ ಉಪ್ಪನ್ನದೋಮನಸ್ಸವೇದನಾ। ನೇಕ್ಖಮ್ಮನಿಸ್ಸಿತಾ ಉಪೇಕ್ಖಾವೇದನಾ ನಿರಾಮಿಸಾ ಅದುಕ್ಖಮಸುಖಾ ನಾಮ। ಸವಿಸೇಸಂ ಪನ ದಸ್ಸೇತುಂ ‘‘ಚತುತ್ಥಜ್ಝಾನವಸೇನ ಉಪ್ಪನ್ನಾ ಅದುಕ್ಖಮಸುಖವೇದನಾ’’ತಿ ವುತ್ತಂ।
262.Puratthimāti vibhattilopena niddeso, nissakke vā etaṃ paccattavacanaṃ. Paṭhamajjhānādivasenāti paṭhamadutiyajjhānavasena. Anussativasenāti nidassanamattaṃ aññassapi upacārajjhānaggahitassa savitakkacārassa nirāmisassa sukhassa labbhanato. Tassapi vā paṭhamajjhānādīti ettha ādi-saddena saṅgaho daṭṭhabbo. Kāmahetu dukkhappattānaṃ dukkhavedanā kāmāmisena sāmisā vedanā. Anuttaravimokkhā nāma arahattaphalaṃ. ‘‘Kudāssu nāmāhaṃ tadāyatanaṃ upasampajja viharissāmī’’ti evaṃ pihaṃ upaṭṭhāpayato tasmiṃ anijjhamāne pihappaccayā uppannadomanassavedanā. Nekkhammanissitā upekkhāvedanā nirāmisā adukkhamasukhā nāma. Savisesaṃ pana dassetuṃ ‘‘catutthajjhānavasena uppannā adukkhamasukhavedanā’’ti vuttaṃ.
ಅಗಾರಸುತ್ತವಣ್ಣನಾ ನಿಟ್ಠಿತಾ।
Agārasuttavaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya / ೪. ಅಗಾರಸುತ್ತಂ • 4. Agārasuttaṃ
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) / ೪. ಅಗಾರಸುತ್ತವಣ್ಣನಾ • 4. Agārasuttavaṇṇanā
