| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
4. аг̇г̇аббасаад̣̇асуд̇д̇ам̣
4. Aggappasādasuttaṃ
34. ‘‘жад̇д̇ааромз, бхигкавз, аг̇г̇аббасаад̣̇аа. гад̇амз жад̇д̇ааро? яаавад̇аа, бхигкавз, сад̇д̇аа абад̣̇аа ваа д̣̇вибад̣̇аа 1 ваа жад̇уббад̣̇аа ваа б̣ахуббад̣̇аа ваа руубино ваа аруубино ваа сан̃н̃ино ваа асан̃н̃ино ваа нзвасан̃н̃инаасан̃н̃ино ваа, д̇ат̇ааг̇ад̇о д̇зсам̣ аг̇г̇амагкааяад̇и арахам̣ саммаасамб̣уд̣̇д̇хо. яз, бхигкавз, б̣уд̣̇д̇хз басаннаа, аг̇г̇з д̇з басаннаа. аг̇г̇з ко бана басаннаанам̣ аг̇г̇о вибааго ход̇и.
34. ‘‘Cattārome, bhikkhave, aggappasādā. Katame cattāro? Yāvatā, bhikkhave, sattā apadā vā dvipadā 2 vā catuppadā vā bahuppadā vā rūpino vā arūpino vā saññino vā asaññino vā nevasaññināsaññino vā, tathāgato tesaṃ aggamakkhāyati arahaṃ sammāsambuddho. Ye, bhikkhave, buddhe pasannā, agge te pasannā. Agge kho pana pasannānaṃ aggo vipāko hoti.
‘‘яаавад̇аа, бхигкавз, д̇хаммаа сан̇кад̇аа, арияо адтан̇г̇иго маг̇г̇о д̇зсам̣ аг̇г̇амагкааяад̇и. яз, бхигкавз, арияз адтан̇г̇игз маг̇г̇з басаннаа, аг̇г̇з д̇з басаннаа. аг̇г̇з ко бана басаннаанам̣ аг̇г̇о вибааго ход̇и.
‘‘Yāvatā, bhikkhave, dhammā saṅkhatā, ariyo aṭṭhaṅgiko maggo tesaṃ aggamakkhāyati. Ye, bhikkhave, ariye aṭṭhaṅgike magge pasannā, agge te pasannā. Agge kho pana pasannānaṃ aggo vipāko hoti.
‘‘яаавад̇аа, бхигкавз, д̇хаммаа сан̇кад̇аа ваа асан̇кад̇аа ваа, вирааг̇о д̇зсам̣ аг̇г̇амагкааяад̇и, яад̣̇ид̣̇ам̣ мад̣̇аниммад̣̇ано бибаасавинаяо аалаяасамуг̇гхаад̇о ваддубажчзд̣̇о д̇ан̣хаагкаяо вирааг̇о нирод̇хо ниб̣б̣аанам̣. яз, бхигкавз, вирааг̇з д̇хаммз басаннаа, аг̇г̇з д̇з басаннаа. аг̇г̇з ко бана басаннаанам̣ аг̇г̇о вибааго ход̇и.
‘‘Yāvatā, bhikkhave, dhammā saṅkhatā vā asaṅkhatā vā, virāgo tesaṃ aggamakkhāyati, yadidaṃ madanimmadano pipāsavinayo ālayasamugghāto vaṭṭupacchedo taṇhākkhayo virāgo nirodho nibbānaṃ. Ye, bhikkhave, virāge dhamme pasannā, agge te pasannā. Agge kho pana pasannānaṃ aggo vipāko hoti.
‘‘яаавад̇аа , бхигкавз, сан̇гхаа ваа г̇ан̣аа ваа, д̇ат̇ааг̇ад̇асаавагасан̇гхо д̇зсам̣ аг̇г̇амагкааяад̇и, яад̣̇ид̣̇ам̣ жад̇д̇аари бурисаяуг̇аани адта бурисабуг̇г̇алаа зса бхаг̇авад̇о саавагасан̇гхо аахунзяяо баахунзяяо д̣̇агкин̣зяяо ан̃ж̇алигаран̣ийяо ануд̇д̇арам̣ бун̃н̃агкзд̇д̇ам̣ логасса. яз , бхигкавз, сан̇гхз басаннаа , аг̇г̇з д̇з басаннаа. аг̇г̇з ко бана басаннаанам̣ аг̇г̇о вибааго ход̇и. имз ко, бхигкавз, жад̇д̇ааро аг̇г̇аббасаад̣̇аа’’д̇и.
‘‘Yāvatā , bhikkhave, saṅghā vā gaṇā vā, tathāgatasāvakasaṅgho tesaṃ aggamakkhāyati, yadidaṃ cattāri purisayugāni aṭṭha purisapuggalā esa bhagavato sāvakasaṅgho āhuneyyo pāhuneyyo dakkhiṇeyyo añjalikaraṇīyo anuttaraṃ puññakkhettaṃ lokassa. Ye , bhikkhave, saṅghe pasannā , agge te pasannā. Agge kho pana pasannānaṃ aggo vipāko hoti. Ime kho, bhikkhave, cattāro aggappasādā’’ti.
‘‘аг̇г̇ад̇о вз басаннаанам̣, аг̇г̇ам̣ д̇хаммам̣ виж̇аанад̇ам̣;
‘‘Aggato ve pasannānaṃ, aggaṃ dhammaṃ vijānataṃ;
аг̇г̇з б̣уд̣̇д̇хз басаннаанам̣, д̣̇агкин̣зяяз ануд̇д̇арз.
Agge buddhe pasannānaṃ, dakkhiṇeyye anuttare.
‘‘аг̇г̇з д̇хаммз басаннаанам̣, вирааг̇уубасамз сукз;
‘‘Agge dhamme pasannānaṃ, virāgūpasame sukhe;
аг̇г̇з сан̇гхз басаннаанам̣, бун̃н̃агкзд̇д̇з ануд̇д̇арз.
Agge saṅghe pasannānaṃ, puññakkhette anuttare.
‘‘аг̇г̇асмим̣ д̣̇аанам̣ д̣̇ад̣̇ад̇ам̣, аг̇г̇ам̣ бун̃н̃ам̣ бавад̣дхад̇и;
‘‘Aggasmiṃ dānaṃ dadataṃ, aggaṃ puññaṃ pavaḍḍhati;
аг̇г̇ам̣ ааяу жа ван̣н̣о жа, яасо гид̇д̇и сукам̣ б̣алам̣.
Aggaṃ āyu ca vaṇṇo ca, yaso kitti sukhaṃ balaṃ.
‘‘аг̇г̇асса д̣̇аад̇аа мзд̇хаавий, аг̇г̇ад̇хаммасамаахид̇о;
‘‘Aggassa dātā medhāvī, aggadhammasamāhito;
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 4. басаад̣̇асуд̇д̇аван̣н̣анаа • 4. Pasādasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 4. аг̇г̇абасаад̣̇асуд̇д̇аван̣н̣анаа • 4. Aggapasādasuttavaṇṇanā
