| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[129] 9. аг̇г̇игабхаарад̣̇вааж̇аж̇аад̇агаван̣н̣анаа
[129] 9. Aggikabhāradvājajātakavaṇṇanā
нааяам̣ сикаа бун̃н̃ахзд̇ууд̇и ид̣̇ам̣ сад̇т̇аа ж̇зд̇аванз вихаранд̇о гухаган̃н̃зва бхигкум̣ аараб̣бха гат̇зси.
Nāyaṃsikhā puññahetūti idaṃ satthā jetavane viharanto kuhakaññeva bhikkhuṃ ārabbha kathesi.
ад̇ийд̇асмин̃хи б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о муусигарааж̇аа худ̇ваа аран̃н̃з васад̇и. ат̇зго син̇г̇аало д̣̇авад̣аахз удтид̇з балааяид̇ум̣ асаггонд̇о згасмим̣ ругкз сийсам̣ аахажжа адтааси. д̇асса сагаласарийрз ломаани жхааяим̣су, ругкам̣ аахажжа тид̇адтаанз бана мад̇т̇агз жуул̣аа вияа т̇огаани ломаани адтам̣су. со згад̣̇ивасам̣ сон̣д̣ияам̣ баанийяам̣ биванд̇о чааяам̣ ологзнд̇о жуул̣ам̣ д̣̇исваа ‘‘уббаннам̣ д̣̇аани мз бхан̣д̣амуула’’нд̇и аран̃н̃з вижаранд̇о д̇ам̣ муусигаад̣̇арим̣ д̣̇исваа ‘‘имаа муусигаа ван̃жзд̇ваа каад̣̇иссаамий’’д̇и хздтаа вуд̇д̇анаязнзва авид̣̇уурз адтааси. ат̇а нам̣ б̣од̇хисад̇д̇о г̇ожарааяа жаранд̇о д̣̇исваа ‘‘сийлаваа аяа’’нд̇и сан̃н̃ааяа убасан̇гамид̇ваа ‘‘д̇вам̣ гиннаамосий’’д̇и бужчи. ‘‘ахам̣ аг̇г̇игабхаарад̣̇вааж̇о наамаа’’д̇и. ‘‘ат̇а гасмаа ааг̇ад̇осий’’д̇и? ‘‘д̇умхаагам̣ рагканад̇т̇ааяаа’’д̇и. ‘‘гинд̇и гад̇ваа амхз рагкиссасий’’д̇и? ‘‘ахам̣ ан̇г̇удтаг̇ан̣анам̣ наама ж̇аанаами, д̇умхаагам̣ баад̇ова нигкамид̇ваа г̇ожарааяа г̇аманагаалз ‘зд̇д̇агаа’д̇и г̇ан̣зд̇ваа бажжааг̇аманагаалзби г̇ан̣зссаами, звам̣ сааяам̣ баад̇ам̣ г̇ан̣знд̇о рагкиссаамий’’д̇и. ‘‘д̇зна хи рагка маад̇улаа’’д̇и. со ‘‘саад̇хуу’’д̇и самбадижчид̇ваа нигкаманагаалз ‘‘зго д̣̇вз д̇аяо’’д̇и г̇ан̣зд̇ваа бажжааг̇аманагаалзби д̇ат̇зва г̇ан̣зд̇ваа саб̣б̣абажчимам̣ г̇ахзд̇ваа каад̣̇ад̇и. сзсам̣ буримасад̣̇исамзва.
Atītasmiñhi bārāṇasiyaṃ brahmadatte rajjaṃ kārente bodhisatto mūsikarājā hutvā araññe vasati. Atheko siṅgālo davaḍāhe uṭṭhite palāyituṃ asakkonto ekasmiṃ rukkhe sīsaṃ āhacca aṭṭhāsi. Tassa sakalasarīre lomāni jhāyiṃsu, rukkhaṃ āhacca ṭhitaṭṭhāne pana matthake cūḷā viya thokāni lomāni aṭṭhaṃsu. So ekadivasaṃ soṇḍiyaṃ pānīyaṃ pivanto chāyaṃ olokento cūḷaṃ disvā ‘‘uppannaṃ dāni me bhaṇḍamūla’’nti araññe vicaranto taṃ mūsikādariṃ disvā ‘‘imā mūsikā vañcetvā khādissāmī’’ti heṭṭhā vuttanayeneva avidūre aṭṭhāsi. Atha naṃ bodhisatto gocarāya caranto disvā ‘‘sīlavā aya’’nti saññāya upasaṅkamitvā ‘‘tvaṃ kinnāmosī’’ti pucchi. ‘‘Ahaṃ aggikabhāradvājo nāmā’’ti. ‘‘Atha kasmā āgatosī’’ti? ‘‘Tumhākaṃ rakkhanatthāyā’’ti. ‘‘Kinti katvā amhe rakkhissasī’’ti? ‘‘Ahaṃ aṅguṭṭhagaṇanaṃ nāma jānāmi, tumhākaṃ pātova nikkhamitvā gocarāya gamanakāle ‘ettakā’ti gaṇetvā paccāgamanakālepi gaṇessāmi, evaṃ sāyaṃ pātaṃ gaṇento rakkhissāmī’’ti. ‘‘Tena hi rakkha mātulā’’ti. So ‘‘sādhū’’ti sampaṭicchitvā nikkhamanakāle ‘‘eko dve tayo’’ti gaṇetvā paccāgamanakālepi tatheva gaṇetvā sabbapacchimaṃ gahetvā khādati. Sesaṃ purimasadisameva.
ид̇ха бана муусигарааж̇аа нивад̇д̇ид̇ваа тид̇о ‘‘бхо аг̇г̇игабхаарад̣̇вааж̇а, нааяам̣ д̇ава д̇хаммасуд̇хаммад̇ааяа мад̇т̇агз жуул̣аа табид̇аа, гужчигааран̣аа бана табид̇аа’’д̇и вад̇ваа имам̣ г̇аат̇амааха –
Idha pana mūsikarājā nivattitvā ṭhito ‘‘bho aggikabhāradvāja, nāyaṃ tava dhammasudhammatāya matthake cūḷā ṭhapitā, kucchikāraṇā pana ṭhapitā’’ti vatvā imaṃ gāthamāha –
129.
129.
‘‘нааяам̣ сикаа бун̃н̃ахзд̇у, гхаасахзд̇у аяам̣ сикаа;
‘‘Nāyaṃ sikhā puññahetu, ghāsahetu ayaṃ sikhā;
нааг̇удтиг̇ан̣анам̣ яаад̇и, алам̣ д̇з ход̇у аг̇г̇игаа’’д̇и.
Nāguṭṭhigaṇanaṃ yāti, alaṃ te hotu aggikā’’ti.
д̇ад̇т̇а нааг̇удтиг̇ан̣анам̣ яаад̇ийд̇и ‘‘ан̇г̇удтиг̇ан̣анаа’’д̇и ан̇г̇удтаг̇ан̣анаа вужжад̇и, аяам̣ муусигаг̇ан̣о ан̇г̇удтаг̇ан̣анам̣ на г̇ажчад̇и на убзд̇и на буурзд̇и, баригкаяам̣ г̇ажчад̇ийд̇и ад̇т̇о. алам̣ д̇з ход̇у аг̇г̇игаад̇и син̇г̇аалам̣ наамзна аалабанд̇о ааха. зд̇д̇аавад̇аа д̇з алам̣ ход̇у, на ид̇о барам̣ муусигз каад̣̇иссаси . амхзхи ваа д̇аяаа сад̣̇д̇хим̣ сам̣ваасо алам̣ ход̇у, на маяам̣ ид̣̇аани д̇аяаа сад̣̇д̇хим̣ васиссаамаад̇иби ад̇т̇о. сзсам̣ буримасад̣̇исамзва.
Tattha nāguṭṭhigaṇanaṃ yātīti ‘‘aṅguṭṭhigaṇanā’’ti aṅguṭṭhagaṇanā vuccati, ayaṃ mūsikagaṇo aṅguṭṭhagaṇanaṃ na gacchati na upeti na pūreti, parikkhayaṃ gacchatīti attho. Alaṃ te hotu aggikāti siṅgālaṃ nāmena ālapanto āha. Ettāvatā te alaṃ hotu, na ito paraṃ mūsike khādissasi . Amhehi vā tayā saddhiṃ saṃvāso alaṃ hotu, na mayaṃ idāni tayā saddhiṃ vasissāmātipi attho. Sesaṃ purimasadisameva.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси ‘‘д̇ад̣̇аа син̇г̇аало аяам̣ бхигку ахоси, муусигарааж̇аа бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi ‘‘tadā siṅgālo ayaṃ bhikkhu ahosi, mūsikarājā pana ahameva ahosi’’nti.
аг̇г̇игабхаарад̣̇вааж̇аж̇аад̇агаван̣н̣анаа навамаа.
Aggikabhāradvājajātakavaṇṇanā navamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 129. аг̇г̇игабхаарад̣̇вааж̇аж̇аад̇агам̣ • 129. Aggikabhāradvājajātakaṃ
