| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੮-੯. ਅਗ੍ਗਿਕ੍ਖਨ੍ਧੋਪਮਸੁਤ੍ਤਾਦਿવਣ੍ਣਨਾ
8-9. Aggikkhandhopamasuttādivaṇṇanā
੭੨-੭੩. ਅਟ੍ਠਮੇ ਪਸ੍ਸਥ ਨੂਤਿ ਅਪਿ ਪਸ੍ਸਥ। ਮਹਨ੍ਤਨ੍ਤਿ વਿਪੁਲਂ। ਅਗ੍ਗਿਕ੍ਖਨ੍ਧਨ੍ਤਿ ਅਗ੍ਗਿਸਮੂਹਂ। ਆਦਿਤ੍ਤਨ੍ਤਿ ਪਦਿਤ੍ਤਂ। ਸਮ੍ਪਜ੍ਜਲਿਤਨ੍ਤਿ ਸਮਨ੍ਤਤੋ ਪਜ੍ਜਲਿਤਂ ਅਚ੍ਚਿવਿਪ੍ਫੁਲਿਙ੍ਗਾਨਿ ਮੁਞ੍ਚਨ੍ਤਂ। ਸਜੋਤਿਭੂਤਨ੍ਤਿ ਸਮਨ੍ਤਤੋ ਉਟ੍ਠਿਤਾਹਿ ਜਾਲਾਹਿ ਏਕਪ੍ਪਭਾਸਮੁਦਯਭੂਤਂ। ਤਂ ਕਿਂ ਮਞ੍ਞਥਾਤਿ ਤਂ ਇਦਾਨਿ ਮਯਾ વੁਚ੍ਚਮਾਨਤ੍ਥਂ ਕਿਂ ਮਞ੍ਞਥਾਤਿ ਅਨੁਮਤਿਗ੍ਗਹਣਤ੍ਥਂ ਪੁਚ੍ਛਤਿ। ਯਦੇਤ੍ਥ ਸਤ੍ਥਾ ਅਗ੍ਗਿਕ੍ਖਨ੍ਧਾਲਿਙ੍ਗਨਂ ਕਞ੍ਞਾਲਿਙ੍ਗਨਞ੍ਚ ਆਨੇਸਿ, ਤਮਤ੍ਥਂ વਿਭਾવੇਤੁਂ ‘‘ਆਰੋਚਯਾਮੀ’’ਤਿਆਦਿਮਾਹ।
72-73. Aṭṭhame passatha nūti api passatha. Mahantanti vipulaṃ. Aggikkhandhanti aggisamūhaṃ. Ādittanti padittaṃ. Sampajjalitanti samantato pajjalitaṃ accivipphuliṅgāni muñcantaṃ. Sajotibhūtanti samantato uṭṭhitāhi jālāhi ekappabhāsamudayabhūtaṃ. Taṃ kiṃ maññathāti taṃ idāni mayā vuccamānatthaṃ kiṃ maññathāti anumatiggahaṇatthaṃ pucchati. Yadettha satthā aggikkhandhāliṅganaṃ kaññāliṅganañca ānesi, tamatthaṃ vibhāvetuṃ ‘‘ārocayāmī’’tiādimāha.
ਦੁਸ੍ਸੀਲਸ੍ਸਾਤਿ ਨਿਸ੍ਸੀਲਸ੍ਸ ਸੀਲવਿਰਹਿਤਸ੍ਸ। ਪਾਪਧਮ੍ਮਸ੍ਸਾਤਿ ਦੁਸ੍ਸੀਲਤ੍ਤਾ ਏવ ਹੀਨਜ੍ਝਾਸਯਤਾਯ ਲਾਮਕਸਭਾવਸ੍ਸ। ਅਸੁਚਿਸਙ੍ਕਸ੍ਸਰਸਮਾਚਾਰਸ੍ਸਾਤਿ ਅਪਰਿਸੁਦ੍ਧਤਾਯ ਅਸੁਚਿ ਹੁਤ੍વਾ ਸਙ੍ਕਾਯ ਸਰਿਤਬ੍ਬਸਮਾਚਾਰਸ੍ਸ। ਦੁਸ੍ਸੀਲੋ ਹਿ ਕਿਞ੍ਚਿਦੇવ ਅਸਾਰੁਪ੍ਪਂ ਦਿਸ੍વਾ ‘‘ਇਦਂ ਅਸੁਕੇਨ ਕਤਂ ਭવਿਸ੍ਸਤੀ’’ਤਿ ਪਰੇਸਂ ਆਸਙ੍ਕਾ ਹੋਤਿ। ਕੇਨਚਿਦੇવ ਕਰਣੀਯੇਨ ਮਨ੍ਤਯਨ੍ਤੇ ਭਿਕ੍ਖੂ ਦਿਸ੍વਾ ‘‘ਕਚ੍ਚਿ ਨੁ ਖੋ ਇਮੇ ਮਯਾ ਕਤਕਮ੍ਮਂ ਜਾਨਿਤ੍વਾ ਮਨ੍ਤੇਨ੍ਤੀ’’ਤਿ ਅਤ੍ਤਨੋਯੇવ ਸਙ੍ਕਾਯ ਸਰਿਤਬ੍ਬਸਮਾਚਾਰੋ । ਪਟਿਚ੍ਛਨ੍ਨਕਮ੍ਮਨ੍ਤਸ੍ਸਾਤਿ ਲਜ੍ਜਿਤਬ੍ਬਤਾਯ ਪਟਿਚ੍ਛਾਦੇਤਬ੍ਬਕਮ੍ਮਨ੍ਤਸ੍ਸ। ਅਸ੍ਸਮਣਸ੍ਸਾਤਿ ਨ ਸਮਣਸ੍ਸ। ਸਲਾਕਗ੍ਗਹਣਾਦੀਸੁ ‘‘ਅਹਮ੍ਪਿ ਸਮਣੋ’’ਤਿ ਮਿਚ੍ਛਾਪਟਿਞ੍ਞਾਯ ਸਮਣਪਟਿਞ੍ਞਸ੍ਸ। ਅਸੇਟ੍ਠਚਾਰਿਤਾਯ ਅਬ੍ਰਹ੍ਮਚਾਰਿਸ੍ਸ। ਉਪੋਸਥਾਦੀਸੁ ‘‘ਅਹਮ੍ਪਿ ਬ੍ਰਹ੍ਮਚਾਰੀ’’ਤਿ ਮਿਚ੍ਛਾਪਟਿਞ੍ਞਾਯ ਬ੍ਰਹ੍ਮਚਾਰਿਪਟਿਞ੍ਞਸ੍ਸ। ਪੂਤਿਨਾ ਕਮ੍ਮੇਨ ਸੀਲવਿਪਤ੍ਤਿਯਾ ਅਨ੍ਤੋ ਅਨੁਪવਿਟ੍ਠਤ੍ਤਾ ਅਨ੍ਤੋਪੂਤਿਕਸ੍ਸ। ਛਦ੍વਾਰੇਹਿ ਰਾਗਾਦਿਕਿਲੇਸਾਨੁਸ੍ਸવਨੇਨ ਤਿਨ੍ਤਤ੍ਤਾ ਅવਸ੍ਸੁਤਸ੍ਸ। ਸਞ੍ਜਾਤਰਾਗਾਦਿਕਚવਰਤ੍ਤਾ ਸੀਲવਨ੍ਤੇਹਿ ਛਡ੍ਡੇਤਬ੍ਬਤ੍ਤਾ ਚ ਕਸਮ੍ਬੁਜਾਤਸ੍ਸ।
Dussīlassāti nissīlassa sīlavirahitassa. Pāpadhammassāti dussīlattā eva hīnajjhāsayatāya lāmakasabhāvassa. Asucisaṅkassarasamācārassāti aparisuddhatāya asuci hutvā saṅkāya saritabbasamācārassa. Dussīlo hi kiñcideva asāruppaṃ disvā ‘‘idaṃ asukena kataṃ bhavissatī’’ti paresaṃ āsaṅkā hoti. Kenacideva karaṇīyena mantayante bhikkhū disvā ‘‘kacci nu kho ime mayā katakammaṃ jānitvā mantentī’’ti attanoyeva saṅkāya saritabbasamācāro . Paṭicchannakammantassāti lajjitabbatāya paṭicchādetabbakammantassa. Assamaṇassāti na samaṇassa. Salākaggahaṇādīsu ‘‘ahampi samaṇo’’ti micchāpaṭiññāya samaṇapaṭiññassa. Aseṭṭhacāritāya abrahmacārissa. Uposathādīsu ‘‘ahampi brahmacārī’’ti micchāpaṭiññāya brahmacāripaṭiññassa. Pūtinā kammena sīlavipattiyā anto anupaviṭṭhattā antopūtikassa. Chadvārehi rāgādikilesānussavanena tintattā avassutassa. Sañjātarāgādikacavarattā sīlavantehi chaḍḍetabbattā ca kasambujātassa.
વਾਲਰਜ੍ਜੁਯਾਤਿ વਾਲੇਹਿ ਕਤਰਜ੍ਜੁਯਾ। ਸਾ ਹਿ ਖਰਤਰਾ ਹੋਤਿ। ਘਂਸੇਯ੍ਯਾਤਿ ਮਥਨવਸੇਨ ਘਂਸੇਯ੍ਯ। ਤੇਲਧੋਤਾਯਾਤਿ ਤੇਲੇਨ ਨਿਸਿਤਾਯ। ਪਚ੍ਚੋਰਸ੍ਮਿਨ੍ਤਿ ਪਤਿਉਰਸ੍ਮਿਂ, ਅਭਿਮੁਖੇ ਉਰਮਜ੍ਝੇਤਿ ਅਧਿਪ੍ਪਾਯੋ। ਅਯੋਸਙ੍ਕੁਨਾਤਿ ਸਣ੍ਡਾਸੇਨ। ਫੇਣੁਦ੍ਦੇਹਕਨ੍ਤਿ ਫੇਣਂ ਉਦ੍ਦੇਹੇਤ੍વਾ ਉਦ੍ਦੇਹੇਤ੍વਾ, ਅਨੇਕવਾਰਂ ਫੇਣਂ ਉਟ੍ਠਾਪੇਤ੍વਾਤਿ ਅਤ੍ਥੋ। ਏવਮੇਤ੍ਥ ਸਙ੍ਖੇਪਤੋ ਪਾਲ਼ਿવਣ੍ਣਨਾ વੇਦਿਤਬ੍ਬਾ। ਨવਮਂ ਉਤ੍ਤਾਨਮੇવ।
Vālarajjuyāti vālehi katarajjuyā. Sā hi kharatarā hoti. Ghaṃseyyāti mathanavasena ghaṃseyya. Teladhotāyāti telena nisitāya. Paccorasminti patiurasmiṃ, abhimukhe uramajjheti adhippāyo. Ayosaṅkunāti saṇḍāsena. Pheṇuddehakanti pheṇaṃ uddehetvā uddehetvā, anekavāraṃ pheṇaṃ uṭṭhāpetvāti attho. Evamettha saṅkhepato pāḷivaṇṇanā veditabbā. Navamaṃ uttānameva.
ਅਗ੍ਗਿਕ੍ਖਨ੍ਧੋਪਮਸੁਤ੍ਤਾਦਿવਣ੍ਣਨਾ ਨਿਟ੍ਠਿਤਾ।
Aggikkhandhopamasuttādivaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya
੮. ਅਗ੍ਗਿਕ੍ਖਨ੍ਧੋਪਮਸੁਤ੍ਤਂ • 8. Aggikkhandhopamasuttaṃ
੯. ਸੁਨੇਤ੍ਤਸੁਤ੍ਤਂ • 9. Sunettasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੮. ਅਗ੍ਗਿਕ੍ਖਨ੍ਧੋਪਮਸੁਤ੍ਤવਣ੍ਣਨਾ • 8. Aggikkhandhopamasuttavaṇṇanā
