| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
2. аг̇г̇иважчасуд̇д̇аван̣н̣анаа
2. Aggivacchasuttavaṇṇanā
187. звам̣ мз суд̇анд̇и аг̇г̇иважчасуд̇д̇ам̣. д̇ад̇т̇а на ко аханд̇и батамаваарз наахам̣ сассад̇ад̣̇идтигод̇и вад̣̇ад̇и, д̣̇уд̇ияз наахам̣ ужчзд̣̇ад̣̇идтигод̇и. звам̣ анд̇аананд̇игаад̣̇ивасзна саб̣б̣аваарзсу бадигкзбо взд̣̇ид̇аб̣б̣о. ход̇и жа на жа ход̇ийд̇и аяам̣ банзд̇т̇а згажжасассад̇аваад̣̇о. нзва ход̇и на на ход̇ийд̇и аяам̣ амараавигкзбод̇и взд̣̇ид̇аб̣б̣о.
187.Evaṃme sutanti aggivacchasuttaṃ. Tattha na kho ahanti paṭhamavāre nāhaṃ sassatadiṭṭhikoti vadati, dutiye nāhaṃ ucchedadiṭṭhikoti. Evaṃ antānantikādivasena sabbavāresu paṭikkhepo veditabbo. Hoti ca na ca hotīti ayaṃ panettha ekaccasassatavādo. Neva hoti na na hotīti ayaṃ amarāvikkhepoti veditabbo.
189. сад̣̇угканд̇и гилзсад̣̇угкзна жзва вибаагад̣̇угкзна жа сад̣̇угкам̣. савигхаад̇анд̇и д̇зсам̣язва д̣̇виннам̣ васзна саубагхаад̇агам̣. саубааяаасанд̇и д̇зсам̣язва васзна саубааяаасам̣. сабарил̣ааханд̇и д̇зсам̣язва васзна сабарил̣аахам̣.
189.Sadukkhanti kilesadukkhena ceva vipākadukkhena ca sadukkhaṃ. Savighātanti tesaṃyeva dvinnaṃ vasena saupaghātakaṃ. Saupāyāsanti tesaṃyeva vasena saupāyāsaṃ. Sapariḷāhanti tesaṃyeva vasena sapariḷāhaṃ.
гин̃жи д̣̇идтиг̇ад̇анд̇и гаажи згаа д̣̇идтиби ружжид̇ваа камаабзд̇ваа г̇ахид̇аа ад̇т̇ийд̇и бужчад̇и. абанийд̇анд̇и нийхадам̣ абавид̣̇д̇хам̣. д̣̇идтанд̇и бан̃н̃ааяа д̣̇идтам̣. д̇асмаад̇и яасмаа бан̃жаннам̣ канд̇хаанам̣ уд̣̇аяаваяам̣ ад̣̇д̣̇аса, д̇асмаа. саб̣б̣аман̃н̃ид̇аананд̇и саб̣б̣зсам̣ д̇ин̣н̣амби д̇ан̣хаад̣̇идтимаанаман̃н̃ид̇аанам̣. мат̇ид̇аананд̇и д̇зсам̣язва взважанам̣. ид̣̇аани д̇аани вибхаж̇ид̇ваа д̣̇ассзнд̇о саб̣б̣аахам̣гаара-мамам̣гаара-маанаанусаяаананд̇и ааха. зд̇т̇а хи ахам̣гааро д̣̇идти, мамам̣гааро д̇ан̣хаа, маанаанусаяо маано. анубаад̣̇аа вимуд̇д̇од̇и жад̇уухи убаад̣̇аанзхи ган̃жи д̇хаммам̣ анубаад̣̇ияид̇ваа вимуд̇д̇о.
Kiñci diṭṭhigatanti kāci ekā diṭṭhipi ruccitvā khamāpetvā gahitā atthīti pucchati. Apanītanti nīhaṭaṃ apaviddhaṃ. Diṭṭhanti paññāya diṭṭhaṃ. Tasmāti yasmā pañcannaṃ khandhānaṃ udayavayaṃ addasa, tasmā. Sabbamaññitānanti sabbesaṃ tiṇṇampi taṇhādiṭṭhimānamaññitānaṃ. Mathitānanti tesaṃyeva vevacanaṃ. Idāni tāni vibhajitvā dassento sabbaahaṃkāra-mamaṃkāra-mānānusayānanti āha. Ettha hi ahaṃkāro diṭṭhi, mamaṃkāro taṇhā, mānānusayo māno. Anupādā vimuttoti catūhi upādānehi kañci dhammaṃ anupādiyitvā vimutto.
190. на убзд̇ийд̇и на яуж̇ж̇ад̇и. зд̇т̇а жа ‘‘на убабаж̇ж̇ад̇ий’’д̇и ид̣̇ам̣ ануж̇аанид̇аб̣б̣ам̣ сияаа. яасмаа бана звам̣ вуд̇д̇з со бариб̣б̣ааж̇аго ужчзд̣̇ам̣ г̇ан̣хзяяа, убабаж̇ж̇ад̇ийд̇и бана сассад̇амзва, убабаж̇ж̇ад̇и жа на жа убабаж̇ж̇ад̇ийд̇и згажжасассад̇ам̣, нзва убабаж̇ж̇ад̇и на на убабаж̇ж̇ад̇ийд̇и амараавигкзбам̣, д̇асмаа бхаг̇аваа – ‘‘аяам̣ аббад̇идто анааламб̣о ход̇у, сукабавзсанадтаанам̣ маа лабхад̇уу’’д̇и ананун̃н̃ааяа тад̇ваа анун̃н̃амби бадигкиби. аланд̇и самад̇т̇ам̣ барияад̇д̇ам̣ . д̇хаммод̇и бажжаяаагаарад̇хаммо. ан̃н̃ад̇раяог̇знаад̇и ан̃н̃ад̇т̇а баяог̇зна. ан̃н̃ад̇раажарияагзнаад̇и бажжаяаагаарам̣ аж̇аананд̇аанам̣ ан̃н̃зсам̣ аажарияаанам̣ санд̇игз васанд̇зна.
190.Na upetīti na yujjati. Ettha ca ‘‘na upapajjatī’’ti idaṃ anujānitabbaṃ siyā. Yasmā pana evaṃ vutte so paribbājako ucchedaṃ gaṇheyya, upapajjatīti pana sassatameva, upapajjati ca na ca upapajjatīti ekaccasassataṃ, neva upapajjati na na upapajjatīti amarāvikkhepaṃ, tasmā bhagavā – ‘‘ayaṃ appatiṭṭho anālambo hotu, sukhapavesanaṭṭhānaṃ mā labhatū’’ti ananuññāya ṭhatvā anuññampi paṭikkhipi. Alanti samatthaṃ pariyattaṃ . Dhammoti paccayākāradhammo. Aññatrayogenāti aññattha payogena. Aññatrācariyakenāti paccayākāraṃ ajānantānaṃ aññesaṃ ācariyānaṃ santike vasantena.
191. д̇зна хи важчаад̇и яасмаа д̇вам̣ саммохамаабаад̣̇инд̇и вад̣̇аси, д̇асмаа д̇ам̣язвзд̇т̇а бадибужчиссаами. анаахааро ниб̣б̣уд̇од̇и аббажжаяо ниб̣б̣уд̇о.
191.Tena hi vacchāti yasmā tvaṃ sammohamāpādinti vadasi, tasmā taṃyevettha paṭipucchissāmi. Anāhāronibbutoti appaccayo nibbuto.
192. язна руубзнаад̇и язна руубзна сад̇д̇асан̇каад̇ам̣ д̇ат̇ааг̇ад̇ам̣ руубийд̇и бан̃н̃аабзяяа. г̇амбхийрод̇и г̇ун̣аг̇амбхийро. аббамзяяод̇и бамаан̣ам̣ г̇ан̣хид̇ум̣ на саггун̣зяяо. д̣̇уббарияог̇аал̣ход̇и д̣̇уог̇аахо д̣̇уж̇ж̇аано. сзяяат̇ааби махаасамуд̣̇д̣̇од̇и яат̇аа махаасамуд̣̇д̣̇о г̇амбхийро аббамзяяо д̣̇уж̇ж̇аано, звамзва кийн̣аасавоби. д̇ам̣ аараб̣бха убабаж̇ж̇ад̇ийд̇иаад̣̇и саб̣б̣ам̣ на яуж̇ж̇ад̇и. гат̇ам̣? яат̇аа бариниб̣б̣уд̇ам̣ аг̇г̇им̣ аараб̣бха бурад̇т̇имам̣ д̣̇исам̣ г̇ад̇од̇иаад̣̇и саб̣б̣ам̣ на яуж̇ж̇ад̇и, звам̣.
192.Yena rūpenāti yena rūpena sattasaṅkhātaṃ tathāgataṃ rūpīti paññāpeyya. Gambhīroti guṇagambhīro. Appameyyoti pamāṇaṃ gaṇhituṃ na sakkuṇeyyo. Duppariyogāḷhoti duogāho dujjāno. Seyyathāpi mahāsamuddoti yathā mahāsamuddo gambhīro appameyyo dujjāno, evameva khīṇāsavopi. Taṃ ārabbha upapajjatītiādi sabbaṃ na yujjati. Kathaṃ? Yathā parinibbutaṃ aggiṃ ārabbha puratthimaṃ disaṃ gatotiādi sabbaṃ na yujjati, evaṃ.
анижжад̇аад̇и анижжад̇ааяа. саарз бад̇идтид̇анд̇и логуд̇д̇арад̇хаммасаарз бад̇идтид̇ам̣. сзсам̣ саб̣б̣ад̇т̇а уд̇д̇аанамзваад̇и.
Aniccatāti aniccatāya. Sāre patiṭṭhitanti lokuttaradhammasāre patiṭṭhitaṃ. Sesaṃ sabbattha uttānamevāti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
аг̇г̇иважчасуд̇д̇аван̣н̣анаа нидтид̇аа.
Aggivacchasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 2. аг̇г̇иважчасуд̇д̇ам̣ • 2. Aggivacchasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 2. аг̇г̇иважчасуд̇д̇аван̣н̣анаа • 2. Aggivacchasuttavaṇṇanā
