| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
2. аг̇г̇иважчасуд̇д̇аван̣н̣анаа
2. Aggivacchasuttavaṇṇanā
187. логасса сассад̇ад̇аабавад̇д̇ибадигкзбавасзна бавад̇д̇о ваад̣̇о ужчзд̣̇аваад̣̇о зва ход̇ийд̇и сассад̇аг̇г̇аахаабхаавз ужчзд̣̇аг̇г̇аахабхаавад̇о буна бариб̣б̣ааж̇агзна ‘‘асассад̇о лого’’д̇и вад̣̇анд̇зна ужчзд̣̇аг̇г̇аахо бужчид̇о, бхаг̇авад̇ааби со зва бадигкид̇д̇од̇и ааха ‘‘д̣̇уд̇ияз наахам̣ ужчзд̣̇ад̣̇идтиго’’д̇и. анд̇аананд̇игаад̣̇ивасзнаад̇и зд̇т̇а анд̇аананд̇игаг̇г̇ахан̣зна анд̇аваа лого ананд̇аваа логод̇и имам̣ ваад̣̇ад̣̇ваяамааха. аад̣̇и-сад̣̇д̣̇зна ‘‘д̇ам̣ ж̇ийвам̣ д̇ам̣ сарийра’’нд̇иаад̣̇иваад̣̇ажад̇уггам̣ сан̇г̇ан̣хаад̇и, ид̇арам̣ бана д̣̇ваяам̣ саруубзнзва г̇ахид̇анд̇и. бадигкзбо взд̣̇ид̇аб̣б̣од̇и ‘‘д̇ад̇ияз наахам̣ анд̇аваад̣̇идтиго, жад̇уд̇т̇з наахам̣ ананд̇аваад̣̇идтиго’’д̇и звамаад̣̇инаа бадигкзбо взд̣̇ид̇аб̣б̣о. ‘‘ход̇и д̇ат̇ааг̇ад̇о барам̣ маран̣аа’’д̇и аяамби сассад̇аваад̣̇о, со жа ко абаранд̇агаббигавасзна, ‘‘сассад̇о лого’’д̇и бана буб̣б̣анд̇агаббигавасзнаад̇и аяамзд̇зсам̣ висзсо. ‘‘на ход̇и д̇ат̇ааг̇ад̇о барам̣ маран̣аа’’д̇и аяамби ужчзд̣̇аваад̣̇о, со жа ко сад̇д̇авасзна, ‘‘асассад̇о лого’’д̇и бана сад̇д̇асан̇кааравасзнаад̇и вад̣̇анд̇и.
187. Lokassa sassatatāpavattipaṭikkhepavasena pavatto vādo ucchedavādo eva hotīti sassataggāhābhāve ucchedaggāhabhāvato puna paribbājakena ‘‘asassato loko’’ti vadantena ucchedaggāho pucchito, bhagavatāpi so eva paṭikkhittoti āha ‘‘dutiye nāhaṃ ucchedadiṭṭhiko’’ti. Antānantikādivasenāti ettha antānantikaggahaṇena antavā loko anantavā lokoti imaṃ vādadvayamāha. Ādi-saddena ‘‘taṃ jīvaṃ taṃ sarīra’’ntiādivādacatukkaṃ saṅgaṇhāti, itaraṃ pana dvayaṃ sarūpeneva gahitanti. Paṭikkhepo veditabboti ‘‘tatiye nāhaṃ antavādiṭṭhiko, catutthe nāhaṃ anantavādiṭṭhiko’’ti evamādinā paṭikkhepo veditabbo. ‘‘Hoti tathāgato paraṃ maraṇā’’ti ayampi sassatavādo, so ca kho aparantakappikavasena, ‘‘sassato loko’’ti pana pubbantakappikavasenāti ayametesaṃ viseso. ‘‘Na hoti tathāgato paraṃ maraṇā’’ti ayampi ucchedavādo, so ca kho sattavasena, ‘‘asassato loko’’ti pana sattasaṅkhāravasenāti vadanti.
189. саббад̇ибхаяам̣ уббаж̇ж̇анад̇о саха д̣̇угкзнаад̇и сад̣̇угкам̣. д̇знааха ‘‘гилзсад̣̇угкзнаа’’д̇иаад̣̇и. д̇зсам̣язваад̇и гилзсад̣̇угкавибаагад̣̇угкаанам̣язва. саубагхаад̇аганд̇и саб̣аад̇хам̣. саубааяаасанд̇и сабариссамам̣ саубад̇аабам̣ сабийл̣ам̣. сабарил̣ааханд̇и сад̣̇арат̇ам̣.
189. Sappatibhayaṃ uppajjanato saha dukkhenāti sadukkhaṃ. Tenāha ‘‘kilesadukkhenā’’tiādi. Tesaṃyevāti kilesadukkhavipākadukkhānaṃyeva. Saupaghātakanti sabādhaṃ. Saupāyāsanti saparissamaṃ saupatāpaṃ sapīḷaṃ. Sapariḷāhanti sadarathaṃ.
гин̃жи д̣̇идтиг̇ад̇анд̇и имаа д̇аава адта д̣̇идтияо маа хонд̇у, ад̇т̇и бана, бхо г̇од̇ама, яам̣ гин̃жи д̣̇идтиг̇ад̇ам̣ г̇ахид̇ам̣. на хи д̇ааяа д̣̇идтияаа винаа ган̃жи самаяам̣ бавад̇д̇зд̇ум̣ яуж̇ж̇ад̇ийд̇и ад̇хиббааязна бужчад̇и. абавид̣̇д̇ханд̇и самужчзд̣̇аббахаанавасзна чад̣д̣ид̇ам̣. бан̃н̃ааяа д̣̇идтанд̇и вибассанаабан̃н̃аасахид̇ааяа маг̇г̇абан̃н̃ааяа бхаг̇авад̇аа бадивид̣̇д̇хам̣. яад̇т̇а уббаж̇ж̇анд̇и, д̇ам̣ сад̇д̇ам̣ мат̇знд̇и саммад̣̇д̣̇анд̇ийд̇и мат̇ид̇аад̇и ааха ‘‘мат̇ид̇аананд̇и д̇зсам̣язва взважана’’нд̇и. ган̃жи д̇хамманд̇и руубад̇хаммам̣ аруубад̇хаммам̣ ваа. анубаад̣̇ияид̇ваад̇и аг̇г̇ахзд̇ваа.
Kiñci diṭṭhigatanti imā tāva aṭṭha diṭṭhiyo mā hontu, atthi pana, bho gotama, yaṃ kiñci diṭṭhigataṃ gahitaṃ. Na hi tāya diṭṭhiyā vinā kañci samayaṃ pavattetuṃ yujjatīti adhippāyena pucchati. Apaviddhanti samucchedappahānavasena chaḍḍitaṃ. Paññāya diṭṭhanti vipassanāpaññāsahitāya maggapaññāya bhagavatā paṭividdhaṃ. Yattha uppajjanti, taṃ sattaṃ mathenti sammaddantīti mathitāti āha ‘‘mathitānanti tesaṃyeva vevacana’’nti. Kañci dhammanti rūpadhammaṃ arūpadhammaṃ vā. Anupādiyitvāti aggahetvā.
190. на убзд̇ийд̇и сан̇кам̣ на г̇ажчад̇ийд̇и ад̇т̇од̇и ааха ‘‘на яуж̇ж̇ад̇ий’’д̇и. ануж̇аанид̇аб̣б̣ам̣ сияаа анубаад̣̇аавимуд̇д̇асса ган̃жиби уббад̇д̇ияаа абхаавад̇о. ‘‘звам̣ вимуд̇д̇ажид̇д̇о на убабаж̇ж̇ад̇ий’’д̇и гааман̃жзд̇ам̣ сабхаавабавзд̣̇анам̣ бариниб̣б̣аанам̣, згз бана ужчзд̣̇аваад̣̇ино ‘‘маяамби ‘сад̇д̇о ааяад̇им̣ на убабаж̇ж̇ад̇ий’д̇и вад̣̇аама, саман̣о г̇од̇амоби д̇ат̇аа вад̣̇ад̇ий’’д̇и ужчзд̣̇абхаавзязва бад̇идтахиссанд̇и, д̇асмаа бхаг̇аваа ‘‘на убабаж̇ж̇ад̇ийд̇и ко важча на убзд̇ий’’д̇и ааха. ‘‘убабаж̇ж̇ад̇ий’’д̇и бана вуд̇д̇з сассад̇амзва г̇ан̣хзяяаад̇и яож̇анаа. сзсад̣̇ваязби зсзва наяо. аббад̇идтод̇и ужчзд̣̇аваад̣̇аад̣̇ивасзна бад̇идтаарахид̇о. анааламб̣од̇и д̇зсам̣язва ваад̣̇аанам̣ оламб̣аарамман̣асса абхаавзна анааламб̣о. сукабавзсанадтаананд̇и д̇зсан̃н̃зва ваад̣̇аанам̣ сукабавзсаногаасам̣ маа лабхад̇ууд̇и. ананун̃н̃ааяа тад̇ваад̇и ‘‘на убабаж̇ж̇ад̇ий’’д̇иаад̣̇инаа ануж̇аанид̇аб̣б̣ааяа бадин̃н̃ааяа таанахзд̇у. анун̃н̃амбийд̇и ануж̇аанид̇аб̣б̣амби д̣̇уд̇ияабан̃хам̣ бадигкиби. барияад̇д̇о бана д̇хаммо ад̇т̇ад̇о бажжаяаагааро зваад̇и ааха ‘‘д̇хаммод̇и бажжаяаагаарад̇хаммо’’д̇и. ан̃н̃ад̇т̇а баяог̇знаад̇и имамхаа нияяаанигасаасанаа ан̃н̃асмим̣ мижчаасамаяз бавад̇д̇аббаяог̇зна, анияяаанигам̣ вивид̇хам̣ мижчаабадибад̇д̇им̣ бадибаж̇ж̇анд̇знаад̇и ад̇т̇о. ‘‘ан̃н̃аваад̣̇ияагзнаа’’д̇иби баато, бажжаяаагаарад̇о ан̃н̃аагаарад̣̇ийбагааажарияаваад̣̇ам̣ баг̇г̇аяха д̇идтанд̇знаад̇и ад̇т̇о.
190.Na upetīti saṅkhaṃ na gacchatīti atthoti āha ‘‘na yujjatī’’ti. Anujānitabbaṃ siyā anupādāvimuttassa kañcipi uppattiyā abhāvato. ‘‘Evaṃ vimuttacitto na upapajjatī’’ti kāmañcetaṃ sabhāvapavedanaṃ parinibbānaṃ, eke pana ucchedavādino ‘‘mayampi ‘satto āyatiṃ na upapajjatī’ti vadāma, samaṇo gotamopi tathā vadatī’’ti ucchedabhāveyeva patiṭṭhahissanti, tasmā bhagavā ‘‘na upapajjatīti kho vaccha na upetī’’ti āha. ‘‘Upapajjatī’’ti pana vutte sassatameva gaṇheyyāti yojanā. Sesadvayepi eseva nayo. Appatiṭṭhoti ucchedavādādivasena patiṭṭhārahito. Anālamboti tesaṃyeva vādānaṃ olambārammaṇassa abhāvena anālambo. Sukhapavesanaṭṭhānanti tesaññeva vādānaṃ sukhapavesanokāsaṃ mā labhatūti. Ananuññāya ṭhatvāti ‘‘na upapajjatī’’tiādinā anujānitabbāya paṭiññāya ṭhānahetu. Anuññampīti anujānitabbampi dutiyapañhaṃ paṭikkhipi. Pariyatto pana dhammo atthato paccayākāro evāti āha ‘‘dhammoti paccayākāradhammo’’ti. Aññattha payogenāti imamhā niyyānikasāsanā aññasmiṃ micchāsamaye pavattappayogena, aniyyānikaṃ vividhaṃ micchāpaṭipattiṃ paṭipajjantenāti attho. ‘‘Aññavādiyakenā’’tipi pāṭho, paccayākārato aññākāradīpakaācariyavādaṃ paggayha tiṭṭhantenāti attho.
191. аббажжаяод̇и анубаад̣̇аано, ниринд̇ханод̇и ад̇т̇о.
191.Appaccayoti anupādāno, nirindhanoti attho.
192. язна руубзнаад̇и язна бхууд̇убаад̣̇аад̣̇ибхзд̣̇зна руубад̇хаммзна. д̇ам̣ руубам̣ д̇аббадиб̣ад̣̇д̇хасам̣яож̇анаббахаанзна кийн̣аасава-д̇ат̇ааг̇ад̇асса бахийнам̣ ануббад̇д̇ид̇хаммад̇ам̣ аабаннам̣. д̇зна вуд̇д̇ам̣ баал̣ияам̣ ‘‘ануббаад̣̇ад̇хамма’’нд̇иаад̣̇и. ан̃н̃зсам̣ ж̇аананааяа абхааваг̇ун̣ад̇ааяа г̇ун̣аг̇амбхийро. ‘‘зд̇д̇агаа г̇ун̣аа’’д̇и бамаан̣ам̣ г̇ан̣хид̇ум̣ на саггун̣зяяо. ‘‘ийд̣̇исаа зд̇асса г̇ун̣аа’’д̇и барияог̇аахид̇ум̣ асаггун̣зяяад̇ааяа д̣̇уббарияог̇аал̣ход̇и. д̣̇уж̇ж̇аанод̇и аг̇аад̇хад̇ааяа г̇амбхийро ‘‘зд̇д̇агаани уд̣̇агал̣хагасад̇ааний’’д̇иаад̣̇инаа бамзд̇ум̣ на саггаад̇и аббамзяяо, д̇ад̇о зва д̣̇уж̇ж̇аано. звамзваанд̇и яат̇аа махаасамуд̣̇д̣̇о г̇амбхийро аббамзяяо д̣̇уж̇ж̇аано, звамзва кийн̣аасавоби г̇ун̣авасзна, д̇асмаа аяам̣ руубаад̣̇им̣ г̇ахзд̇ваа руубийд̇иаад̣̇ивохааро бхавзяяа, бариниб̣б̣уд̇асса бана д̇ад̣̇абхааваа д̇ат̇аа бан̃н̃аабзд̇ум̣ на саггаа, д̇ад̇о д̇ам̣ аараб̣бха убабаж̇ж̇ад̇ийд̇иаад̣̇и на яуж̇ж̇зяяа. яат̇аа бана виж̇ж̇амаано зва ж̇аад̇авзд̣̇о б̣яад̇д̇зна бурисзна нийяамаано бурад̇т̇имаад̣̇ид̣̇исам̣ г̇ад̇од̇и вужжзяяа, на ниб̣б̣уд̇о, звам̣ кийн̣аасавобийд̇и д̣̇ассзнд̇о ‘‘звамзваа’’д̇иаад̣̇имааха.
192.Yena rūpenāti yena bhūtupādādibhedena rūpadhammena. Taṃ rūpaṃ tappaṭibaddhasaṃyojanappahānena khīṇāsava-tathāgatassa pahīnaṃ anuppattidhammataṃ āpannaṃ. Tena vuttaṃ pāḷiyaṃ ‘‘anuppādadhamma’’ntiādi. Aññesaṃ jānanāya abhāvaguṇatāya guṇagambhīro. ‘‘Ettakā guṇā’’ti pamāṇaṃ gaṇhituṃ na sakkuṇeyyo. ‘‘Īdisā etassa guṇā’’ti pariyogāhituṃ asakkuṇeyyatāya duppariyogāḷhoti. Dujjānoti agādhatāya gambhīro ‘‘ettakāni udakaḷhakasatānī’’tiādinā pametuṃ na sakkāti appameyyo, tato eva dujjāno. Evamevānti yathā mahāsamuddo gambhīro appameyyo dujjāno, evameva khīṇāsavopi guṇavasena, tasmā ayaṃ rūpādiṃ gahetvā rūpītiādivohāro bhaveyya, parinibbutassa pana tadabhāvā tathā paññāpetuṃ na sakkā, tato taṃ ārabbha upapajjatītiādi na yujjeyya. Yathā pana vijjamāno eva jātavedo byattena purisena nīyamāno puratthimādidisaṃ gatoti vucceyya, na nibbuto, evaṃ khīṇāsavopīti dassento ‘‘evamevā’’tiādimāha.
анижжад̇аад̇и зд̇т̇а анижжад̇ааг̇ахан̣ам̣ асааранид̣̇ассанам̣. д̇зна яат̇аа со сааларугко саакаабалаасаад̣̇иасаараабаг̇амзна суд̣̇д̇хо саарз бад̇идтид̇о, звамаяам̣ д̇хаммавинаяо саасавасан̇каад̇аасааравиг̇амзна логуд̇д̇арад̇хаммасаарз бад̇идтид̇од̇и д̣̇ассзд̇и. сзсам̣ сувин̃н̃зяяамзва.
Aniccatāti ettha aniccatāgahaṇaṃ asāranidassanaṃ. Tena yathā so sālarukkho sākhāpalāsādiasārāpagamena suddho sāre patiṭṭhito, evamayaṃ dhammavinayo sāsavasaṅkhātaasāravigamena lokuttaradhammasāre patiṭṭhitoti dasseti. Sesaṃ suviññeyyameva.
аг̇г̇иважчасуд̇д̇аван̣н̣анааяа лийнад̇т̇аббагаасанаа самад̇д̇аа.
Aggivacchasuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 2. аг̇г̇иважчасуд̇д̇ам̣ • 2. Aggivacchasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 2. аг̇г̇иважчасуд̇д̇аван̣н̣анаа • 2. Aggivacchasuttavaṇṇanā
