| Library / Tipiṭaka / તિપિટક • Tipiṭaka / અઙ્ગુત્તરનિકાય • Aṅguttaranikāya |
૧૦. આઘાતપટિવિનયસુત્તં
10. Āghātapaṭivinayasuttaṃ
૮૦. ‘‘દસયિમે , ભિક્ખવે, આઘાતપટિવિનયા. કતમે દસ? ‘અનત્થં મે અચરિ, તં કુતેત્થ લબ્ભા’તિ આઘાતં પટિવિનેતિ , ‘અનત્થં મે ચરતિ, તં કુતેત્થ લબ્ભા’તિ આઘાતં પટિવિનેતિ, ‘અનત્થં મે ચરિસ્સતિ, તં કુતેત્થ લબ્ભા’તિ આઘાતં પટિવિનેતિ, પિયસ્સ મે મનાપસ્સ અનત્થં અચરિ…પે॰… ચરતિ…પે॰… ચરિસ્સતિ, તં કુતેત્થ લબ્ભાતિ આઘાતં પટિવિનેતિ , અપ્પિયસ્સ મે અમનાપસ્સ અત્થં અચરિ…પે॰… અત્થં ચરતિ…પે॰… અત્થં ચરિસ્સતિ, તં કુતેત્થ લબ્ભાતિ આઘાતં પટિવિનેતિ, અટ્ઠાને ચ ન કુપ્પતિ – ઇમે ખો, ભિક્ખવે, દસ આઘાતપટિવિનયા’’તિ. દસમં.
80. ‘‘Dasayime , bhikkhave, āghātapaṭivinayā. Katame dasa? ‘Anatthaṃ me acari, taṃ kutettha labbhā’ti āghātaṃ paṭivineti , ‘anatthaṃ me carati, taṃ kutettha labbhā’ti āghātaṃ paṭivineti, ‘anatthaṃ me carissati, taṃ kutettha labbhā’ti āghātaṃ paṭivineti, piyassa me manāpassa anatthaṃ acari…pe… carati…pe… carissati, taṃ kutettha labbhāti āghātaṃ paṭivineti , appiyassa me amanāpassa atthaṃ acari…pe… atthaṃ carati…pe… atthaṃ carissati, taṃ kutettha labbhāti āghātaṃ paṭivineti, aṭṭhāne ca na kuppati – ime kho, bhikkhave, dasa āghātapaṭivinayā’’ti. Dasamaṃ.
આકઙ્ખવગ્ગો તતિયો.
Ākaṅkhavaggo tatiyo.
તસ્સુદ્દાનં –
Tassuddānaṃ –
આકઙ્ખો કણ્ટકો ઇટ્ઠા, વડ્ઢિ ચ મિગસાલાય;
Ākaṅkho kaṇṭako iṭṭhā, vaḍḍhi ca migasālāya;
તયો ધમ્મા ચ કાકો ચ, નિગણ્ઠા દ્વે ચ આઘાતાતિ.
Tayo dhammā ca kāko ca, nigaṇṭhā dve ca āghātāti.
Related texts:
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૫-૧૦. મિગસાલાસુત્તાદિવણ્ણના • 5-10. Migasālāsuttādivaṇṇanā
