| Library / Tipiṭaka / તિપિટક • Tipiṭaka / અઙ્ગુત્તરનિકાય (ટીકા) • Aṅguttaranikāya (ṭīkā) |
૧૦. આઘાતપટિવિનયસુત્તવણ્ણના
10. Āghātapaṭivinayasuttavaṇṇanā
૩૦. દસમે તં કુતેત્થ લબ્ભાતિ એત્થ તન્તિ કિરિયાપરામસનં. પદજ્ઝાહારેન ચ અત્થો વેદિતબ્બોતિ ‘‘તં અનત્થચરણં મા અહોસી’’તિઆદિમાહ. કેન કારણેન લદ્ધબ્બં નિરત્થકભાવતો. કમ્મસ્સકા હિ સત્તા. તે કસ્સ રુચિયા દુક્ખિતા સુખિતા વા ભવન્તિ, તસ્મા કેવલં તસ્મિં મય્હં અનત્થચરણં, તં કુતેત્થ લબ્ભાતિ અધિપ્પાયો. અથ વા તં કોપકારણં એત્થ પુગ્ગલે કુતો લબ્ભા પરમત્થતો કુજ્ઝિતબ્બસ્સ કુજ્ઝનકસ્સ ચ અભાવતો. સઙ્ખારમત્તઞ્હેતં, યદિદં ખન્ધપઞ્ચકં યં ‘‘સત્તો’’તિ વુચ્ચતિ, તે સઙ્ખારા ઇત્તરખણિકા, કસ્સ કો કુજ્ઝતીતિ અત્થો. લાભા નામ કે સિયું અઞ્ઞત્ર અનત્થુપ્પત્તિતો.
30. Dasame taṃ kutettha labbhāti ettha tanti kiriyāparāmasanaṃ. Padajjhāhārena ca attho veditabboti ‘‘taṃ anatthacaraṇaṃ mā ahosī’’tiādimāha. Kena kāraṇena laddhabbaṃ niratthakabhāvato. Kammassakā hi sattā. Te kassa ruciyā dukkhitā sukhitā vā bhavanti, tasmā kevalaṃ tasmiṃ mayhaṃ anatthacaraṇaṃ, taṃ kutettha labbhāti adhippāyo. Atha vā taṃ kopakāraṇaṃ ettha puggale kuto labbhā paramatthato kujjhitabbassa kujjhanakassa ca abhāvato. Saṅkhāramattañhetaṃ, yadidaṃ khandhapañcakaṃ yaṃ ‘‘satto’’ti vuccati, te saṅkhārā ittarakhaṇikā, kassa ko kujjhatīti attho. Lābhā nāma ke siyuṃ aññatra anatthuppattito.
આઘાતપટિવિનયસુત્તવણ્ણના નિટ્ઠિતા.
Āghātapaṭivinayasuttavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / અઙ્ગુત્તરનિકાય • Aṅguttaranikāya / ૧૦. આઘાતપટિવિનયસુત્તં • 10. Āghātapaṭivinayasuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) / ૧૦-૧૧. આઘાતપટિવિનયસુત્તાદિવણ્ણના • 10-11. Āghātapaṭivinayasuttādivaṇṇanā
