| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā |
੧੫. ਆਹਾਰਪਚ੍ਚਯਨਿਦ੍ਦੇਸવਣ੍ਣਨਾ
15. Āhārapaccayaniddesavaṇṇanā
੧੫. ਕੇવਲਾਯ ਓਜਾਯ ਅਜ੍ਝੋਹਰਣਸ੍ਸ ਅਭਾવਾ ‘‘ਅਸਿਤਪੀਤਾਦਿવਤ੍ਥੂਹਿ ਸਹ ਅਜ੍ਝੋਹਰਿਤੋવਾ’’ਤਿ વੁਤ੍ਤਂ। ਖਾਦਨੀਯਭੋਜਨੀਯਪ੍ਪਭੇਦੇ ਅਸਿਤੇ ਤਾવ ਕਬਲ਼ੀਕਾਰਤਾ ਹੋਤੁ, ਪਾਤਬ੍ਬਾਦਿਕੇ ਪਨ ਕਥਨ੍ਤਿ ਆਹ ‘‘ਪਾਤਬ੍ਬ…ਪੇ॰… ਹੋਨ੍ਤੀ’’ਤਿ। ਯੇਭੁਯ੍ਯવਸੇਨ વਾ ਏવਂ વੁਤ੍ਤਨ੍ਤਿ વੇਦਿਤਬ੍ਬਂ।
15. Kevalāya ojāya ajjhoharaṇassa abhāvā ‘‘asitapītādivatthūhi saha ajjhoharitovā’’ti vuttaṃ. Khādanīyabhojanīyappabhede asite tāva kabaḷīkāratā hotu, pātabbādike pana kathanti āha ‘‘pātabba…pe… hontī’’ti. Yebhuyyavasena vā evaṃ vuttanti veditabbaṃ.
ਅਨੁਪਾਲਕੋਤਿ ਉਪਤ੍ਥਮ੍ਭਕੋ। ਚਿਤ੍ਤਸਮੁਟ੍ਠਾਨਸ੍ਸ ਕਾਯਸ੍ਸ ਆਹਾਰਪਚ੍ਚਯਭਾવੋ ਕਬਲ਼ੀਕਾਰਾਹਾਰਸ੍ਸ વਿਚਾਰੇਤ੍વਾ ਗਹੇਤਬ੍ਬੋ। ਕਸ੍ਮਾਤਿ ਚੇ? ਏਤ੍ਥ ਕਾਰਣਮਾਹ ‘‘ਨ ਹੀ’’ਤਿਆਦਿਨਾ। ਸਤਿ ਹਿ ਪਚ੍ਚਯਭਾવੇ ‘‘ਚਿਤ੍ਤਸਮੁਟ੍ਠਾਨੋ ਕਬਲ਼ੀਕਾਰਾਹਾਰੋ ਚਿਤ੍ਤਸਮੁਟ੍ਠਾਨਸ੍ਸ ਕਾਯਸ੍ਸ ਆਹਾਰਪਚ੍ਚਯੇਨ ਪਚ੍ਚਯੋ’’ਤਿਆਦਿ વਤ੍ਤਬ੍ਬਂ ਸਿਯਾ, ਨ ਪਨ વੁਤ੍ਤਂ, ਨੋਚਿਤ੍ਤਸਮੁਟ੍ਠਾਨਸ੍ਸ ਪਨ વੁਤ੍ਤਂ। ਤੇਨਾਹ ‘‘ਤਿવਿਧੋਪਿ…ਪੇ॰… વੁਤ੍ਤੋ’’ਤਿ।
Anupālakoti upatthambhako. Cittasamuṭṭhānassa kāyassa āhārapaccayabhāvo kabaḷīkārāhārassa vicāretvā gahetabbo. Kasmāti ce? Ettha kāraṇamāha ‘‘na hī’’tiādinā. Sati hi paccayabhāve ‘‘cittasamuṭṭhāno kabaḷīkārāhāro cittasamuṭṭhānassa kāyassa āhārapaccayena paccayo’’tiādi vattabbaṃ siyā, na pana vuttaṃ, nocittasamuṭṭhānassa pana vuttaṃ. Tenāha ‘‘tividhopi…pe… vutto’’ti.
ਆਹਾਰਪਚ੍ਚਯਨਿਦ੍ਦੇਸવਣ੍ਣਨਾ ਨਿਟ੍ਠਿਤਾ।
Āhārapaccayaniddesavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਪਟ੍ਠਾਨਪਾਲ਼ਿ • Paṭṭhānapāḷi / (੨) ਪਚ੍ਚਯਨਿਦ੍ਦੇਸੋ • (2) Paccayaniddeso
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੧੫. ਆਹਾਰਪਚ੍ਚਯਨਿਦ੍ਦੇਸવਣ੍ਣਨਾ • 15. Āhārapaccayaniddesavaṇṇanā
