| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ • Aṅguttaranikāya |
೧೦. ಆಹುನೇಯ್ಯವಗ್ಗೋ
10. Āhuneyyavaggo
೯೫. ‘‘ಸತ್ತಿಮೇ , ಭಿಕ್ಖವೇ, ಪುಗ್ಗಲಾ ಆಹುನೇಯ್ಯಾ…ಪೇ॰… ದಕ್ಖಿಣೇಯ್ಯಾ ಅಞ್ಜಲಿಕರಣೀಯಾ ಅನುತ್ತರಂ ಪುಞ್ಞಕ್ಖೇತ್ತಂ ಲೋಕಸ್ಸ। ಕತಮೇ ಸತ್ತ? ಇಧ, ಭಿಕ್ಖವೇ, ಏಕಚ್ಚೋ ಪುಗ್ಗಲೋ ಚಕ್ಖುಸ್ಮಿಂ ಅನಿಚ್ಚಾನುಪಸ್ಸೀ ವಿಹರತಿ ಅನಿಚ್ಚಸಞ್ಞೀ ಅನಿಚ್ಚಪಟಿಸಂವೇದೀ ಸತತಂ ಸಮಿತಂ ಅಬ್ಬೋಕಿಣ್ಣಂ ಚೇತಸಾ ಅಧಿಮುಚ್ಚಮಾನೋ ಪಞ್ಞಾಯ ಪರಿಯೋಗಾಹಮಾನೋ। ಸೋ ಆಸವಾನಂ ಖಯಾ ಅನಾಸವಂ ಚೇತೋವಿಮುತ್ತಿಂ ಪಞ್ಞಾವಿಮುತ್ತಿಂ ದಿಟ್ಠೇವ ಧಮ್ಮೇ ಸಯಂ ಅಭಿಞ್ಞಾ ಸಚ್ಛಿಕತ್ವಾ ಉಪಸಮ್ಪಜ್ಜ ವಿಹರತಿ। ಅಯಂ ಖೋ, ಭಿಕ್ಖವೇ, ಪಠಮೋ ಪುಗ್ಗಲೋ ಆಹುನೇಯ್ಯೋ ಪಾಹುನೇಯ್ಯೋ…ಪೇ॰… ಅನುತ್ತರಂ ಪುಞ್ಞಕ್ಖೇತ್ತಂ ಲೋಕಸ್ಸ।
95. ‘‘Sattime , bhikkhave, puggalā āhuneyyā…pe… dakkhiṇeyyā añjalikaraṇīyā anuttaraṃ puññakkhettaṃ lokassa. Katame satta? Idha, bhikkhave, ekacco puggalo cakkhusmiṃ aniccānupassī viharati aniccasaññī aniccapaṭisaṃvedī satataṃ samitaṃ abbokiṇṇaṃ cetasā adhimuccamāno paññāya pariyogāhamāno. So āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharati. Ayaṃ kho, bhikkhave, paṭhamo puggalo āhuneyyo pāhuneyyo…pe… anuttaraṃ puññakkhettaṃ lokassa.
‘‘ಪುನ ಚಪರಂ, ಭಿಕ್ಖವೇ, ಇಧೇಕಚ್ಚೋ ಪುಗ್ಗಲೋ ಚಕ್ಖುಸ್ಮಿಂ ಅನಿಚ್ಚಾನುಪಸ್ಸೀ ವಿಹರತಿ ಅನಿಚ್ಚಸಞ್ಞೀ ಅನಿಚ್ಚಪಟಿಸಂವೇದೀ ಸತತಂ ಸಮಿತಂ ಅಬ್ಬೋಕಿಣ್ಣಂ ಚೇತಸಾ ಅಧಿಮುಚ್ಚಮಾನೋ ಪಞ್ಞಾಯ ಪರಿಯೋಗಾಹಮಾನೋ। ತಸ್ಸ ಅಪುಬ್ಬಂ ಅಚರಿಮಂ ಆಸವಪರಿಯಾದಾನಞ್ಚ ಹೋತಿ ಜೀವಿತಪರಿಯಾದಾನಞ್ಚ। ಅಯಂ, ಭಿಕ್ಖವೇ, ದುತಿಯೋ ಪುಗ್ಗಲೋ ಆಹುನೇಯ್ಯೋ…ಪೇ॰… ಅನುತ್ತರಂ ಪುಞ್ಞಕ್ಖೇತ್ತಂ ಲೋಕಸ್ಸ।
‘‘Puna caparaṃ, bhikkhave, idhekacco puggalo cakkhusmiṃ aniccānupassī viharati aniccasaññī aniccapaṭisaṃvedī satataṃ samitaṃ abbokiṇṇaṃ cetasā adhimuccamāno paññāya pariyogāhamāno. Tassa apubbaṃ acarimaṃ āsavapariyādānañca hoti jīvitapariyādānañca. Ayaṃ, bhikkhave, dutiyo puggalo āhuneyyo…pe… anuttaraṃ puññakkhettaṃ lokassa.
‘‘ಪುನ ಚಪರಂ, ಭಿಕ್ಖವೇ, ಇಧೇಕಚ್ಚೋ ಪುಗ್ಗಲೋ ಚಕ್ಖುಸ್ಮಿಂ ಅನಿಚ್ಚಾನುಪಸ್ಸೀ ವಿಹರತಿ ಅನಿಚ್ಚಸಞ್ಞೀ ಅನಿಚ್ಚಪಟಿಸಂವೇದೀ ಸತತಂ ಸಮಿತಂ ಅಬ್ಬೋಕಿಣ್ಣಂ ಚೇತಸಾ ಅಧಿಮುಚ್ಚಮಾನೋ ಪಞ್ಞಾಯ ಪರಿಯೋಗಾಹಮಾನೋ। ಸೋ ಪಞ್ಚನ್ನಂ ಓರಮ್ಭಾಗಿಯಾನಂ ಸಂಯೋಜನಾನಂ ಪರಿಕ್ಖಯಾ ಅನ್ತರಾಪರಿನಿಬ್ಬಾಯೀ ಹೋತಿ…ಪೇ॰… ಉಪಹಚ್ಚಪರಿನಿಬ್ಬಾಯೀ ಹೋತಿ…ಪೇ॰… ಅಸಙ್ಖಾರಪರಿನಿಬ್ಬಾಯೀ ಹೋತಿ…ಪೇ॰… ಸಸಙ್ಖಾರಪರಿನಿಬ್ಬಾಯೀ ಹೋತಿ…ಪೇ॰… ಉದ್ಧಂಸೋತೋ ಹೋತಿ ಅಕನಿಟ್ಠಗಾಮೀ। ಅಯಂ, ಭಿಕ್ಖವೇ, ಸತ್ತಮೋ ಪುಗ್ಗಲೋ ಆಹುನೇಯ್ಯೋ…ಪೇ॰… ಅನುತ್ತರಂ ಪುಞ್ಞಕ್ಖೇತ್ತಂ ಲೋಕಸ್ಸ। ಇಮೇ ಖೋ, ಭಿಕ್ಖವೇ, ಸತ್ತ ಪುಗ್ಗಲಾ ಆಹುನೇಯ್ಯಾ ಪಾಹುನೇಯ್ಯಾ ದಕ್ಖಿಣೇಯ್ಯಾ ಅಞ್ಜಲಿಕರಣೀಯಾ ಅನುತ್ತರಂ ಪುಞ್ಞಕ್ಖೇತ್ತಂ ಲೋಕಸ್ಸಾ’’ತಿ।
‘‘Puna caparaṃ, bhikkhave, idhekacco puggalo cakkhusmiṃ aniccānupassī viharati aniccasaññī aniccapaṭisaṃvedī satataṃ samitaṃ abbokiṇṇaṃ cetasā adhimuccamāno paññāya pariyogāhamāno. So pañcannaṃ orambhāgiyānaṃ saṃyojanānaṃ parikkhayā antarāparinibbāyī hoti…pe… upahaccaparinibbāyī hoti…pe… asaṅkhāraparinibbāyī hoti…pe… sasaṅkhāraparinibbāyī hoti…pe… uddhaṃsoto hoti akaniṭṭhagāmī. Ayaṃ, bhikkhave, sattamo puggalo āhuneyyo…pe… anuttaraṃ puññakkhettaṃ lokassa. Ime kho, bhikkhave, satta puggalā āhuneyyā pāhuneyyā dakkhiṇeyyā añjalikaraṇīyā anuttaraṃ puññakkhettaṃ lokassā’’ti.
೯೬-೬೨೨. ಸತ್ತಿಮೇ , ಭಿಕ್ಖವೇ, ಪುಗ್ಗಲಾ ಆಹುನೇಯ್ಯಾ ಪಾಹುನೇಯ್ಯಾ…ಪೇ॰… ಅನುತ್ತರಂ ಪುಞ್ಞಕ್ಖೇತ್ತಂ ಲೋಕಸ್ಸ। ಕತಮೇ ಸತ್ತ? ಇಧ, ಭಿಕ್ಖವೇ, ಏಕಚ್ಚೋ ಪುಗ್ಗಲೋ ಚಕ್ಖುಸ್ಮಿಂ ದುಕ್ಖಾನುಪಸ್ಸೀ ವಿಹರತಿ…ಪೇ॰… ಚಕ್ಖುಸ್ಮಿಂ ಅನತ್ತಾನುಪಸ್ಸೀ ವಿಹರತಿ…ಪೇ॰… ಚಕ್ಖುಸ್ಮಿಂ ಖಯಾನುಪಸ್ಸೀ ವಿಹರತಿ…ಪೇ॰… ಚಕ್ಖುಸ್ಮಿಂ ವಯಾನುಪಸ್ಸೀ ವಿಹರತಿ…ಪೇ॰… ಚಕ್ಖುಸ್ಮಿಂ ವಿರಾಗಾನುಪಸ್ಸೀ ವಿಹರತಿ…ಪೇ॰… ಚಕ್ಖುಸ್ಮಿಂ ನಿರೋಧಾನುಪಸ್ಸೀ ವಿಹರತಿ…ಪೇ॰… ಚಕ್ಖುಸ್ಮಿಂ ಪಟಿನಿಸ್ಸಗ್ಗಾನುಪಸ್ಸೀ ವಿಹರತಿ…ಪೇ॰…।
96-622. Sattime , bhikkhave, puggalā āhuneyyā pāhuneyyā…pe… anuttaraṃ puññakkhettaṃ lokassa. Katame satta? Idha, bhikkhave, ekacco puggalo cakkhusmiṃ dukkhānupassī viharati…pe… cakkhusmiṃ anattānupassī viharati…pe… cakkhusmiṃ khayānupassī viharati…pe… cakkhusmiṃ vayānupassī viharati…pe… cakkhusmiṃ virāgānupassī viharati…pe… cakkhusmiṃ nirodhānupassī viharati…pe… cakkhusmiṃ paṭinissaggānupassī viharati…pe….
ಸೋತಸ್ಮಿಂ…ಪೇ॰… ಘಾನಸ್ಮಿಂ… ಜಿವ್ಹಾಯ… ಕಾಯಸ್ಮಿಂ… ಮನಸ್ಮಿಂ…ಪೇ॰…।
Sotasmiṃ…pe… ghānasmiṃ… jivhāya… kāyasmiṃ… manasmiṃ…pe….
ರೂಪೇಸು…ಪೇ॰… ಸದ್ದೇಸು… ಗನ್ಧೇಸು… ರಸೇಸು… ಫೋಟ್ಠಬ್ಬೇಸು … ಧಮ್ಮೇಸು …ಪೇ॰…।
Rūpesu…pe… saddesu… gandhesu… rasesu… phoṭṭhabbesu … dhammesu …pe….
ಚಕ್ಖುವಿಞ್ಞಾಣೇ…ಪೇ॰… ಸೋತವಿಞ್ಞಾಣೇ… ಘಾನವಿಞ್ಞಾಣೇ… ಜಿವ್ಹಾವಿಞ್ಞಾಣೇ… ಕಾಯವಿಞ್ಞಾಣೇ… ಮನೋವಿಞ್ಞಾಣೇ…ಪೇ॰…।
Cakkhuviññāṇe…pe… sotaviññāṇe… ghānaviññāṇe… jivhāviññāṇe… kāyaviññāṇe… manoviññāṇe…pe….
ಚಕ್ಖುಸಮ್ಫಸ್ಸೇ…ಪೇ॰… ಸೋತಸಮ್ಫಸ್ಸೇ… ಘಾನಸಮ್ಫಸ್ಸೇ… ಜಿವ್ಹಾಸಮ್ಫಸ್ಸೇ… ಕಾಯಸಮ್ಫಸ್ಸೇ… ಮನೋಸಮ್ಫಸ್ಸೇ…ಪೇ॰…।
Cakkhusamphasse…pe… sotasamphasse… ghānasamphasse… jivhāsamphasse… kāyasamphasse… manosamphasse…pe….
ಚಕ್ಖುಸಮ್ಫಸ್ಸಜಾಯ ವೇದನಾಯ…ಪೇ॰… ಸೋತಸಮ್ಫಸ್ಸಜಾಯ ವೇದನಾಯ… ಘಾನಸಮ್ಫಸ್ಸಜಾಯ ವೇದನಾಯ… ಜಿವ್ಹಾಸಮ್ಫಸ್ಸಜಾಯ ವೇದನಾಯ… ಕಾಯಸಮ್ಫಸ್ಸಜಾಯ ವೇದನಾಯ… ಮನೋಸಮ್ಫಸ್ಸಜಾಯ ವೇದನಾಯ…ಪೇ॰…।
Cakkhusamphassajāya vedanāya…pe… sotasamphassajāya vedanāya… ghānasamphassajāya vedanāya… jivhāsamphassajāya vedanāya… kāyasamphassajāya vedanāya… manosamphassajāya vedanāya…pe….
ರೂಪಸಞ್ಞಾಯ…ಪೇ॰… ಸದ್ದಸಞ್ಞಾಯ… ಗನ್ಧಸಞ್ಞಾಯ… ರಸಸಞ್ಞಾಯ… ಫೋಟ್ಠಬ್ಬಸಞ್ಞಾಯ… ಧಮ್ಮಸಞ್ಞಾಯ…ಪೇ॰…।
Rūpasaññāya…pe… saddasaññāya… gandhasaññāya… rasasaññāya… phoṭṭhabbasaññāya… dhammasaññāya…pe….
ರೂಪಸಞ್ಚೇತನಾಯ…ಪೇ॰… ಸದ್ದಸಞ್ಚೇತನಾಯ… ಗನ್ಧಸಞ್ಚೇತನಾಯ… ರಸಸಞ್ಚೇತನಾಯ… ಫೋಟ್ಠಬ್ಬಸಞ್ಚೇತನಾಯ… ಧಮ್ಮಸಞ್ಚೇತನಾಯ…ಪೇ॰…।
Rūpasañcetanāya…pe… saddasañcetanāya… gandhasañcetanāya… rasasañcetanāya… phoṭṭhabbasañcetanāya… dhammasañcetanāya…pe….
ರೂಪತಣ್ಹಾಯ…ಪೇ॰… ಸದ್ದತಣ್ಹಾಯ… ಗನ್ಧತಣ್ಹಾಯ… ರಸತಣ್ಹಾಯ… ಫೋಟ್ಠಬ್ಬತಣ್ಹಾಯ… ಧಮ್ಮತಣ್ಹಾಯ…ಪೇ॰…।
Rūpataṇhāya…pe… saddataṇhāya… gandhataṇhāya… rasataṇhāya… phoṭṭhabbataṇhāya… dhammataṇhāya…pe….
ರೂಪವಿತಕ್ಕೇ …ಪೇ॰… ಸದ್ದವಿತಕ್ಕೇ… ಗನ್ಧವಿತಕ್ಕೇ… ರಸವಿತಕ್ಕೇ… ಫೋಟ್ಠಬ್ಬವಿತಕ್ಕೇ… ಧಮ್ಮವಿತಕ್ಕೇ…ಪೇ॰…।
Rūpavitakke …pe… saddavitakke… gandhavitakke… rasavitakke… phoṭṭhabbavitakke… dhammavitakke…pe….
ರೂಪವಿಚಾರೇ…ಪೇ॰… ಸದ್ದವಿಚಾರೇ… ಗನ್ಧವಿಚಾರೇ… ರಸವಿಚಾರೇ… ಫೋಟ್ಠಬ್ಬವಿಚಾರೇ… ಧಮ್ಮವಿಚಾರೇ…ಪೇ॰…।
Rūpavicāre…pe… saddavicāre… gandhavicāre… rasavicāre… phoṭṭhabbavicāre… dhammavicāre…pe….
‘‘ಪಞ್ಚಕ್ಖನ್ಧೇ 1 …ಪೇ॰… ರೂಪಕ್ಖನ್ಧೇ… ವೇದನಾಕ್ಖನ್ಧೇ… ಸಞ್ಞಾಕ್ಖನ್ಧೇ… ಸಙ್ಖಾರಕ್ಖನ್ಧೇ… ವಿಞ್ಞಾಣಕ್ಖನ್ಧೇ ಅನಿಚ್ಚಾನುಪಸ್ಸೀ ವಿಹರತಿ…ಪೇ॰… ದುಕ್ಖಾನುಪಸ್ಸೀ ವಿಹರತಿ… ಅನತ್ತಾನುಪಸ್ಸೀ ವಿಹರತಿ… ಖಯಾನುಪಸ್ಸೀ ವಿಹರತಿ… ವಯಾನುಪಸ್ಸೀ ವಿಹರತಿ… ವಿರಾಗಾನುಪಸ್ಸೀ ವಿಹರತಿ… ನಿರೋಧಾನುಪಸ್ಸೀ ವಿಹರತಿ… ಪಟಿನಿಸ್ಸಗ್ಗಾನುಪಸ್ಸೀ ವಿಹರತಿ…ಪೇ॰… ಲೋಕಸ್ಸಾ’’ತಿ।
‘‘Pañcakkhandhe 2 …pe… rūpakkhandhe… vedanākkhandhe… saññākkhandhe… saṅkhārakkhandhe… viññāṇakkhandhe aniccānupassī viharati…pe… dukkhānupassī viharati… anattānupassī viharati… khayānupassī viharati… vayānupassī viharati… virāgānupassī viharati… nirodhānupassī viharati… paṭinissaggānupassī viharati…pe… lokassā’’ti.
‘‘ಛದ್ವಾರಾರಮ್ಮಣೇಸ್ವೇತ್ಥ, ವಿಞ್ಞಾಣೇಸು ಚ ಫಸ್ಸೇಸು।
‘‘Chadvārārammaṇesvettha, viññāṇesu ca phassesu;
ವೇದನಾಸು ಚ ದ್ವಾರಸ್ಸ, ಸುತ್ತಾ ಹೋನ್ತಿ ವಿಸುಂ ಅಟ್ಠ॥
Vedanāsu ca dvārassa, suttā honti visuṃ aṭṭha.
‘‘ಸಞ್ಞಾ ಸಞ್ಚೇತನಾ ತಣ್ಹಾ, ವಿತಕ್ಕೇಸು ವಿಚಾರೇ ಚ।
‘‘Saññā sañcetanā taṇhā, vitakkesu vicāre ca;
ಗೋಚರಸ್ಸ ವಿಸುಂ ಅಟ್ಠ, ಪಞ್ಚಕ್ಖನ್ಧೇ ಚ ಪಚ್ಚೇಕೇ॥
Gocarassa visuṃ aṭṭha, pañcakkhandhe ca pacceke.
‘‘ಸೋಳಸಸ್ವೇತ್ಥ ಮೂಲೇಸು, ಅನಿಚ್ಚಂ ದುಕ್ಖಮನತ್ತಾ।
‘‘Soḷasasvettha mūlesu, aniccaṃ dukkhamanattā;
ಖಯಾ ವಯಾ ವಿರಾಗಾ ಚ, ನಿರೋಧಾ ಪಟಿನಿಸ್ಸಗ್ಗಾ॥
Khayā vayā virāgā ca, nirodhā paṭinissaggā.
‘‘ಕಮಂ ಅಟ್ಠಾನುಪಸ್ಸನಾ, ಯೋಜೇತ್ವಾನ ವಿಸುಂ ವಿಸುಂ।
‘‘Kamaṃ aṭṭhānupassanā, yojetvāna visuṃ visuṃ;
ಸಮ್ಪಿಣ್ಡಿತೇಸು ಸಬ್ಬೇಸು, ಹೋನ್ತಿ ಪಞ್ಚ ಸತಾನಿ ಚ।
Sampiṇḍitesu sabbesu, honti pañca satāni ca;
ಆಹುನೇಯ್ಯವಗ್ಗೋ ದಸಮೋ।
Āhuneyyavaggo dasamo.
Footnotes:
