| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
2. аж̇абаалагат̇аа
2. Ajapālakathā
4. на бхаг̇аваад̇и зд̇т̇а нагааро ‘‘убасан̇гамий’’д̇и бад̣̇зна яож̇зд̇аб̣б̣о, на убасан̇камийд̇и хи ад̇т̇о. д̇амхаа самаад̇химхаад̇и д̇ад̇о арахад̇д̇апаласамаабад̇д̇исамаад̇хид̇о. ананд̇арамзва анубасан̇гаманам̣ убамааяа аавигаронд̇о ааха ‘‘яат̇аа банаа’’д̇иаад̣̇и. ижжзвам̣ вуд̇д̇ам̣ на ход̇ийд̇и яож̇анаа. ид̣̇анд̇и ид̣̇ам̣ ад̇т̇аж̇аад̇ам̣. зд̇т̇аад̇и ‘‘бхуд̇ваа саяад̇ий’’д̇и ваагяз. званд̇и убамзяяаж̇од̇аго. ид̇хаабийд̇и имиссам̣ ‘‘ат̇а ко бхаг̇аваа’’д̇иаад̣̇ибаал̣ияамби. ид̣̇анд̇и аяамад̇т̇о д̣̇ийбид̇о ход̇ийд̇и яож̇анаа. зд̇т̇аад̇и ‘‘ат̇а ко бхаг̇аваа’’д̇иаад̣̇ибаатз.
4.Na bhagavāti ettha nakāro ‘‘upasaṅkamī’’ti padena yojetabbo, na upasaṅkhamīti hi attho. Tamhā samādhimhāti tato arahattaphalasamāpattisamādhito. Anantarameva anupasaṅkamanaṃ upamāya āvikaronto āha ‘‘yathā panā’’tiādi. Iccevaṃ vuttaṃ na hotīti yojanā. Idanti idaṃ atthajātaṃ. Etthāti ‘‘bhutvā sayatī’’ti vākye. Evanti upameyyajotako. Idhāpīti imissaṃ ‘‘atha kho bhagavā’’tiādipāḷiyampi. Idanti ayamattho dīpito hotīti yojanā. Etthāti ‘‘atha kho bhagavā’’tiādipāṭhe.
абараанибийд̇и баллан̇гасад̇д̇аахад̇о ан̃н̃ааниби. д̇ад̇раад̇и ‘‘абараанибий’’д̇иаад̣̇иважанз. бхаг̇авад̇и нисиннз сад̇ийд̇и яож̇анаа. гирасад̣̇д̣̇о вид̇т̇аараж̇од̇аго . гим̣ ну код̇и баривид̇агганад̇т̇з нибаад̇о. згажжаананд̇и аббзсагкаанам̣ згажжаанам̣. д̇аасанд̇и д̣̇звад̇аанам̣. б̣алаад̇хиг̇амадтаананд̇и б̣алзна д̇зж̇асаа ад̇хиг̇амадтаанам̣. анимисзхийд̇и уммисзхи. сад̇д̇ааханд̇и гаммад̇т̇з жзд̇ам̣ убаяог̇аважанам̣, ажжанд̇асам̣яог̇з ваа. зван̃хи сад̇и ‘‘гаала’’нд̇и гаммам̣ взд̣̇ид̇аб̣б̣ам̣. д̇ам̣ таананд̇и анимисзхи агкийхи ологияамаанадтаанам̣. ат̇аад̇и анимисасад̇д̇аахасса ананд̇арз. рад̇анажан̇гамзд̇и рад̇анамаяз жан̇гамз. д̇ам̣ таананд̇и жан̇гамадтаанам̣. д̇ад̇од̇и жан̇гамасад̇д̇аахад̇о. рад̇анагхаранд̇и рад̇анамаяам̣ г̇зхам̣. д̇ад̇т̇аад̇и рад̇анагхарз абхид̇хаммабидагам̣ вижинанд̇од̇и самб̣анд̇хо. зд̇т̇аад̇и рад̇анагхарз, абхид̇хаммабидагз ваа, нид̣̇д̇хааран̣з жзд̇ам̣ бхуммаважанам̣. д̇ам̣ таананд̇и абхид̇хаммабидагавижинанадтаанам̣.
Aparānipīti pallaṅkasattāhato aññānipi. Tatrāti ‘‘aparānipī’’tiādivacane. Bhagavati nisinne satīti yojanā. Kirasaddo vitthārajotako . Kiṃ nu khoti parivitakkanatthe nipāto. Ekaccānanti appesakkhānaṃ ekaccānaṃ. Tāsanti devatānaṃ. Balādhigamaṭṭhānanti balena tejasā adhigamaṭṭhānaṃ. Animisehīti ummisehi. Sattāhanti kammatthe cetaṃ upayogavacanaṃ, accantasaṃyoge vā. Evañhi sati ‘‘kāla’’nti kammaṃ veditabbaṃ. Taṃ ṭhānanti animisehi akkhīhi olokiyamānaṭṭhānaṃ. Athāti animisasattāhassa anantare. Ratanacaṅkameti ratanamaye caṅkame. Taṃ ṭhānanti caṅkamaṭṭhānaṃ. Tatoti caṅkamasattāhato. Ratanagharanti ratanamayaṃ gehaṃ. Tatthāti ratanaghare abhidhammapiṭakaṃ vicinantoti sambandho. Etthāti ratanaghare, abhidhammapiṭake vā, niddhāraṇe cetaṃ bhummavacanaṃ. Taṃ ṭhānanti abhidhammapiṭakavicinanaṭṭhānaṃ.
званд̇иаад̣̇и буб̣б̣аважанасса ниг̇амавасзна бажчимаважанасса анусанд̇хинид̣̇ассанам̣. д̇знаад̇и аж̇абаалаанам̣ нисийд̣̇анагааран̣зна. ассаад̇и ниг̇род̇хасса. ‘‘аж̇абааланиг̇род̇ход̇взва наама’’нд̇и иминаа убажааравасзна наамалабханам̣ д̣̇ассзд̇и. аж̇абаа б̣раахман̣аа ланд̇и ниваасам̣ г̇ан̣ханд̇и зд̇т̇аад̇и аж̇абаало, ун̣хагаалз ваа анд̇обавидтз аж̇з ад̇д̇ано чааяааяа баалзд̇ийд̇и аж̇абаало, аж̇абаало жа со ниг̇род̇хо жзд̇и аж̇абааланиг̇род̇ход̇и важанад̇т̇ааниби багаран̣анд̇арзсу (уд̣̇аа. адта. 4) д̣̇ассид̇аани. д̇ад̇раабийд̇и аж̇абааланиг̇род̇хзби. б̣од̇хид̇од̇и б̣од̇хиругкад̇о. зд̇т̇аад̇и аж̇абааланиг̇род̇хз. бхаг̇авад̇и нисиннзд̇и яож̇анаа. д̇ад̇т̇аад̇и ‘‘ат̇а ко ан̃н̃ад̇аро’’д̇иаад̣̇иважанз. сод̇и б̣раахман̣о. д̣̇идтаман̇г̇алиго наамаад̇и д̣̇идтасуд̇амуд̇асан̇каад̇зсу д̇ийсу ман̇г̇алигзсу д̣̇идтаман̇г̇алиго наама гираад̇и ад̇т̇о. ‘‘маанавасзна…бз… вужжад̇ий’’д̇и иминаа ‘‘хум̣ху’’нд̇и гарод̇ийд̇и хум̣хун̇го, хум̣хун̇го ж̇аад̇и сабхааво имассаад̇и хум̣хун̇гаж̇аад̇игод̇и важанад̇т̇ам̣ д̣̇ассзд̇и.
Evantiādi pubbavacanassa nigamavasena pacchimavacanassa anusandhinidassanaṃ. Tenāti ajapālānaṃ nisīdanakāraṇena. Assāti nigrodhassa. ‘‘Ajapālanigrodhotveva nāma’’nti iminā upacāravasena nāmalabhanaṃ dasseti. Ajapā brāhmaṇā lanti nivāsaṃ gaṇhanti etthāti ajapālo, uṇhakāle vā antopaviṭṭhe aje attano chāyāya pāletīti ajapālo, ajapālo ca so nigrodho ceti ajapālanigrodhoti vacanatthānipi pakaraṇantaresu (udā. aṭṭha. 4) dassitāni. Tatrāpīti ajapālanigrodhepi. Bodhitoti bodhirukkhato. Etthāti ajapālanigrodhe. Bhagavati nisinneti yojanā. Tatthāti ‘‘atha kho aññataro’’tiādivacane. Soti brāhmaṇo. Diṭṭhamaṅgaliko nāmāti diṭṭhasutamutasaṅkhātesu tīsu maṅgalikesu diṭṭhamaṅgaliko nāma kirāti attho. ‘‘Mānavasena…pe… vuccatī’’ti iminā ‘‘huṃhu’’nti karotīti huṃhuṅko, huṃhuṅko jāti sabhāvo imassāti huṃhuṅkajātikoti vacanatthaṃ dasseti.
д̇знаад̇и б̣раахман̣зна. сикааббад̇д̇анд̇и аг̇г̇аббад̇д̇ам̣. д̇ассаад̇и уд̣̇аанасса. яод̇и буг̇г̇ало, бадиж̇аанаад̇ийд̇и самб̣анд̇хо. ‘‘на д̣̇идтаман̇г̇алигад̇ааяаа’’д̇и иминаа авад̇хааран̣апалам̣ д̣̇ассзд̇и. ‘‘б̣аахид̇абаабад̇хаммад̇д̇аа’’д̇и иминаа б̣аахид̇о баабо д̇хаммо анзнаад̇и б̣аахид̇абаабад̇хаммод̇и важанад̇т̇ам̣ д̣̇ассзд̇и. ‘‘хум̣хун̇гаарабахаанзнаа’’д̇и иминаа над̇т̇и хум̣хун̇гааро имассаад̇и нихум̣хун̇год̇и важанад̇т̇ам̣ д̣̇ассзд̇и. рааг̇аад̣̇игасааваабхаавзнаад̇и иминаа над̇т̇и рааг̇аад̣̇игасааво имассаад̇и ниггасаавод̇и важанад̇т̇ам̣ д̣̇ассзд̇и. ‘‘бхааванаануяог̇аяуд̇д̇ажид̇д̇ад̇ааяаа’’д̇и иминаа яад̇ам̣ ануяуд̇д̇ам̣ ад̇д̇ам̣ жид̇д̇ам̣ имассаад̇и яад̇ад̇д̇од̇и важанад̇т̇ам̣ д̣̇ассзд̇и. зд̇т̇а хи яад̇асад̣̇д̣̇о вийрияаваажаго, яад̇ад̇хаад̇уяаа нибпанно, ад̇д̇асад̣̇д̣̇о жид̇д̇абарияааяо. яад̇асад̣̇д̣̇асса яамуд̇хаад̇уяаа жа нибпаннабхаавам̣ д̣̇ассзд̇ум̣ вуд̇д̇ам̣ ‘‘сийласам̣варзна ваа’’д̇иаад̣̇и. ‘‘сан̃н̃ад̇ажид̇д̇ад̇ааяаа’’д̇и иминаа яамад̇и сам̣яамад̇ийд̇и яад̇ам̣, яад̇ам̣ ад̇д̇ам̣ жид̇д̇ам̣ имассаад̇и яад̇ад̇д̇од̇и важанад̇т̇ам̣ д̣̇ассзд̇и. сажжаани вид̣̇анд̇и ж̇аананд̇ийд̇и взд̣̇аанийд̇и важанад̇т̇зна маг̇г̇ан̃аан̣аани взд̣̇аани наамаад̇и д̣̇ассзнд̇о ааха ‘‘жад̇умаг̇г̇ан̃аан̣асан̇каад̇зхи взд̣̇зхий’’д̇и. ‘‘жад̇умаг̇г̇ан̃аан̣асан̇каад̇аана’’нд̇и вибхад̇д̇ибарин̣аамам̣ гад̇ваа ‘‘взд̣̇аана’’нд̇ибад̣̇зна яож̇зд̇аб̣б̣о. анд̇анд̇и ниб̣б̣аанам̣. д̇ан̃хи яасмаа сан̇каараанам̣ авасаанз ж̇аад̇ам̣, д̇асмаа анд̇анд̇и вужжад̇и. буна анд̇анд̇и арахад̇д̇апалам̣. д̇ан̃хи яасмаа маг̇г̇асса барияосаанз бавад̇д̇ам̣, д̇асмаа анд̇анд̇и вужжад̇и. ‘‘маг̇г̇аб̣рахмажарияасса вусид̇ад̇д̇аа’’д̇и иминаа вусид̇ам̣ маг̇г̇асан̇каад̇ам̣ б̣рахмажарияам̣ анзнаад̇и вусид̇аб̣рахмажарияод̇и важанад̇т̇ам̣ д̣̇ассзд̇и. д̇хаммзна б̣рахмаваад̣̇ам̣ вад̣̇зяяаад̇и вуд̇д̇аважанасса ад̇т̇ам̣ д̣̇ассзнд̇о ааха ‘‘б̣раахман̣о аханд̇и зд̇ам̣ ваад̣̇ам̣ д̇хаммзна вад̣̇зяяаа’’д̇и. д̇хаммзнаад̇и бхууд̇зна сабхаавзна. логзд̇и зд̇т̇а сад̇д̇алоговаад̇хиббзд̇од̇и ааха ‘‘сагалз логасанниваасз’’д̇и.
Tenāti brāhmaṇena. Sikhāppattanti aggappattaṃ. Tassāti udānassa. Yoti puggalo, paṭijānātīti sambandho. ‘‘Na diṭṭhamaṅgalikatāyā’’ti iminā avadhāraṇaphalaṃ dasseti. ‘‘Bāhitapāpadhammattā’’ti iminā bāhito pāpo dhammo anenāti bāhitapāpadhammoti vacanatthaṃ dasseti. ‘‘Huṃhuṅkārapahānenā’’ti iminā natthi huṃhuṅkāro imassāti nihuṃhuṅkoti vacanatthaṃ dasseti. Rāgādikasāvābhāvenāti iminā natthi rāgādikasāvo imassāti nikkasāvoti vacanatthaṃ dasseti. ‘‘Bhāvanānuyogayuttacittatāyā’’ti iminā yataṃ anuyuttaṃ attaṃ cittaṃ imassāti yatattoti vacanatthaṃ dasseti. Ettha hi yatasaddo vīriyavācako, yatadhātuyā nipphanno, attasaddo cittapariyāyo. Yatasaddassa yamudhātuyā ca nipphannabhāvaṃ dassetuṃ vuttaṃ ‘‘sīlasaṃvarena vā’’tiādi. ‘‘Saññatacittatāyā’’ti iminā yamati saṃyamatīti yataṃ, yataṃ attaṃ cittaṃ imassāti yatattoti vacanatthaṃ dasseti. Saccāni vidanti jānantīti vedānīti vacanatthena maggañāṇāni vedāni nāmāti dassento āha ‘‘catumaggañāṇasaṅkhātehi vedehī’’ti. ‘‘Catumaggañāṇasaṅkhātāna’’nti vibhattipariṇāmaṃ katvā ‘‘vedāna’’ntipadena yojetabbo. Antanti nibbānaṃ. Tañhi yasmā saṅkhārānaṃ avasāne jātaṃ, tasmā antanti vuccati. Puna antanti arahattaphalaṃ. Tañhi yasmā maggassa pariyosāne pavattaṃ, tasmā antanti vuccati. ‘‘Maggabrahmacariyassa vusitattā’’ti iminā vusitaṃ maggasaṅkhātaṃ brahmacariyaṃ anenāti vusitabrahmacariyoti vacanatthaṃ dasseti. Dhammena brahmavādaṃ vadeyyāti vuttavacanassa atthaṃ dassento āha ‘‘brāhmaṇo ahanti etaṃ vādaṃ dhammena vadeyyā’’ti. Dhammenāti bhūtena sabhāvena. Loketi ettha sattalokovādhippetoti āha ‘‘sakale lokasannivāse’’ti.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 2. аж̇абаалагат̇аа • 2. Ajapālakathā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / аж̇абаалагат̇аа • Ajapālakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / аж̇абаалагат̇ааван̣н̣анаа • Ajapālakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / аж̇абаалагат̇ааван̣н̣анаа • Ajapālakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / аж̇абаалагат̇ааван̣н̣анаа • Ajapālakathāvaṇṇanā
