Library / Tipiṭaka / તિપિટક • Tipiṭaka / મહાવગ્ગપાળિ • Mahāvaggapāḷi

    ૨. અજપાલકથા

    2. Ajapālakathā

    ૪. 1 અથ ખો ભગવા સત્તાહસ્સ અચ્ચયેન તમ્હા સમાધિમ્હા વુટ્ઠહિત્વા બોધિરુક્ખમૂલા યેન અજપાલનિગ્રોધો તેનુપસઙ્કમિ, ઉપસઙ્કમિત્વા અજપાલનિગ્રોધમૂલે સત્તાહં એકપલ્લઙ્કેન નિસીદિ વિમુત્તિસુખપટિસંવેદી. અથ ખો અઞ્ઞતરો હુંહુઙ્કજાતિકો બ્રાહ્મણો યેન ભગવા તેનુપસઙ્કમિ. ઉપસઙ્કમિત્વા ભગવતા સદ્ધિં સમ્મોદિ. સમ્મોદનીયં કથં સારણીયં વીતિસારેત્વા એકમન્તં અટ્ઠાસિ. એકમન્તં ઠિતો ખો સો બ્રાહ્મણો ભગવન્તં એતદવોચ – ‘‘કિત્તાવતા નુ ખો, ભો ગોતમ, બ્રાહ્મણો હોતિ, કતમે ચ પન બ્રાહ્મણકરણા 2 ધમ્મા’’તિ? અથ ખો ભગવા એતમત્થં વિદિત્વા તાયં વેલાયં ઇમં ઉદાનં ઉદાનેસિ –

    4.3 Atha kho bhagavā sattāhassa accayena tamhā samādhimhā vuṭṭhahitvā bodhirukkhamūlā yena ajapālanigrodho tenupasaṅkami, upasaṅkamitvā ajapālanigrodhamūle sattāhaṃ ekapallaṅkena nisīdi vimuttisukhapaṭisaṃvedī. Atha kho aññataro huṃhuṅkajātiko brāhmaṇo yena bhagavā tenupasaṅkami. Upasaṅkamitvā bhagavatā saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ aṭṭhāsi. Ekamantaṃ ṭhito kho so brāhmaṇo bhagavantaṃ etadavoca – ‘‘kittāvatā nu kho, bho gotama, brāhmaṇo hoti, katame ca pana brāhmaṇakaraṇā 4 dhammā’’ti? Atha kho bhagavā etamatthaṃ viditvā tāyaṃ velāyaṃ imaṃ udānaṃ udānesi –

    5 યો બ્રાહ્મણો બાહિતપાપધમ્મો;

    6 Yo brāhmaṇo bāhitapāpadhammo;

    નિહુંહુઙ્કો નિક્કસાવો યતત્તો;

    Nihuṃhuṅko nikkasāvo yatatto;

    વેદન્તગૂ વુસિતબ્રહ્મચરિયો;

    Vedantagū vusitabrahmacariyo;

    ધમ્મેન સો બ્રહ્મવાદં વદેય્ય;

    Dhammena so brahmavādaṃ vadeyya;

    યસ્સુસ્સદા નત્થિ કુહિઞ્ચિ લોકે’’તિ.

    Yassussadā natthi kuhiñci loke’’ti.

    અજપાલકથા નિટ્ઠિતા.

    Ajapālakathā niṭṭhitā.




    Next: ૩. મુચલિન્દકથા • 3. Mucalindakathā




    Footnotes:
    1. ઉદા॰ ૪
    2. બ્રાહ્મણકારકા (ક॰) બ્રાહ્મણકરાણા (?)
    3. udā. 4
    4. brāhmaṇakārakā (ka.) brāhmaṇakarāṇā (?)
    5. નેત્તિ॰ ૧૦૩
    6. netti. 103



    Related texts:



    અટ્ઠકથા • Aṭṭhakathā / વિનયપિટક (અટ્ઠકથા) • Vinayapiṭaka (aṭṭhakathā) / મહાવગ્ગ-અટ્ઠકથા • Mahāvagga-aṭṭhakathā / અજપાલકથા • Ajapālakathā

    ટીકા • Tīkā / વિનયપિટક (ટીકા) • Vinayapiṭaka (ṭīkā) / સારત્થદીપની-ટીકા • Sāratthadīpanī-ṭīkā / અજપાલકથાવણ્ણના • Ajapālakathāvaṇṇanā

    ટીકા • Tīkā / વિનયપિટક (ટીકા) • Vinayapiṭaka (ṭīkā) / વજિરબુદ્ધિ-ટીકા • Vajirabuddhi-ṭīkā / અજપાલકથાવણ્ણના • Ajapālakathāvaṇṇanā

    ટીકા • Tīkā / વિનયપિટક (ટીકા) • Vinayapiṭaka (ṭīkā) / વિમતિવિનોદની-ટીકા • Vimativinodanī-ṭīkā / અજપાલકથાવણ્ણના • Ajapālakathāvaṇṇanā

    ટીકા • Tīkā / વિનયપિટક (ટીકા) • Vinayapiṭaka (ṭīkā) / પાચિત્યાદિયોજનાપાળિ • Pācityādiyojanāpāḷi / ૨. અજપાલકથા • 2. Ajapālakathā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact