| Library / Tipiṭaka / д̇ибидага • Tipiṭaka / суд̇д̇анибаад̇а-адтагат̇аа • Suttanipāta-aṭṭhakathā |
1. аж̇ид̇асуд̇д̇аван̣н̣анаа
1. Ajitasuttavaṇṇanā
1039. д̇асмим̣ бана бан̃хз нивуд̇од̇и бадижчаад̣̇ид̇о. гиссаабхилзбанам̣ б̣руусийд̇и гим̣ асса логасса абхилзбанам̣ вад̣̇зси.
1039. Tasmiṃ pana pañhe nivutoti paṭicchādito. Kissābhilepanaṃ brūsīti kiṃ assa lokassa abhilepanaṃ vadesi.
1040. взвижчаа бамаад̣̇аа наббагаасад̇ийд̇и мажчарияахзд̇у жа бамаад̣̇ахзд̇у жа наббагаасад̇и. мажчарияам̣ хисса д̣̇аанаад̣̇иг̇ун̣зхи багаасид̇ум̣ на д̣̇зд̇и, бамаад̣̇о сийлаад̣̇ийхи. ж̇аббаабхилзбананд̇и д̇ан̣хаа асса логасса маггадалзбо вияа маггадасса абхилзбанам̣. д̣̇угканд̇и ж̇аад̇иаад̣̇игам̣ д̣̇угкам̣.
1040.Vevicchā pamādā nappakāsatīti macchariyahetu ca pamādahetu ca nappakāsati. Macchariyaṃ hissa dānādiguṇehi pakāsituṃ na deti, pamādo sīlādīhi. Jappābhilepananti taṇhā assa lokassa makkaṭalepo viya makkaṭassa abhilepanaṃ. Dukkhanti jātiādikaṃ dukkhaṃ.
1041. саванд̇и саб̣б̣ад̇хи сод̇аад̇и саб̣б̣зсу руубаад̣̇иааяад̇анзсу д̇ан̣хаад̣̇игаа сод̇аа санд̣̇анд̇и. гим̣ нивааран̣анд̇и д̇зсам̣ гим̣ ааваран̣ам̣ гаа рагкаад̇и? сам̣варам̣ б̣руухийд̇и д̇ам̣ д̇зсам̣ нивааран̣асан̇каад̇ам̣ сам̣варам̣ б̣руухи. зд̇зна саавасзсаббахаанам̣ бужчад̇и. гзна сод̇аа бид̇хияяарзд̇и гзна д̇хаммзна зд̇з сод̇аа бид̇хияяанд̇и бажчиж̇ж̇анд̇и. зд̇зна анавасзсаббахаанам̣ бужчад̇и.
1041.Savanti sabbadhi sotāti sabbesu rūpādiāyatanesu taṇhādikā sotā sandanti. Kiṃ nivāraṇanti tesaṃ kiṃ āvaraṇaṃ kā rakkhāti? Saṃvaraṃ brūhīti taṃ tesaṃ nivāraṇasaṅkhātaṃ saṃvaraṃ brūhi. Etena sāvasesappahānaṃ pucchati. Kena sotā pidhiyyareti kena dhammena ete sotā pidhiyyanti pacchijjanti. Etena anavasesappahānaṃ pucchati.
1042. сад̇и д̇зсам̣ нивааран̣анд̇и вибассанааяуд̇д̇аа. гусалаанам̣ д̇хаммаанам̣ г̇ад̇ияо саманнзсамаанаа сад̇и д̇зсам̣ сод̇аанам̣ нивааран̣ам̣. сод̇аанам̣ сам̣варам̣ б̣руумийд̇и д̇амзваахам̣ сад̇им̣ сод̇аанам̣ сам̣варам̣ б̣руумийд̇и ад̇хиббааяо. бан̃н̃ааязд̇з бид̇хияяарзд̇и руубаад̣̇ийсу бана анижжад̇аад̣̇ибадивзд̇хасаад̇хигааяа маг̇г̇абан̃н̃ааяа зд̇з сод̇аа саб̣б̣асо бид̇хияяанд̇ийд̇и.
1042.Sati tesaṃ nivāraṇanti vipassanāyuttā. Kusalānaṃ dhammānaṃ gatiyo samannesamānā sati tesaṃ sotānaṃ nivāraṇaṃ. Sotānaṃ saṃvaraṃ brūmīti tamevāhaṃ satiṃ sotānaṃ saṃvaraṃ brūmīti adhippāyo. Paññāyete pidhiyyareti rūpādīsu pana aniccatādipaṭivedhasādhikāya maggapaññāya ete sotā sabbaso pidhiyyantīti.
1043. бан̃н̃аа жзваад̇и бан̃хаг̇аат̇ааяа, яаа жааяам̣ д̇аяаа вуд̇д̇аа бан̃н̃аа яаа жа сад̇и, яан̃жа д̇ад̣̇авасзсам̣ наамаруубам̣, зд̇ам̣ саб̣б̣амби гад̇т̇а нируж̇жхад̇и, зд̇ам̣ мз бан̃хам̣ будто б̣руухийд̇и звам̣ сан̇кзбад̇т̇о взд̣̇ид̇аб̣б̣о.
1043.Paññā cevāti pañhagāthāya, yā cāyaṃ tayā vuttā paññā yā ca sati, yañca tadavasesaṃ nāmarūpaṃ, etaṃ sabbampi kattha nirujjhati, etaṃ me pañhaṃ puṭṭho brūhīti evaṃ saṅkhepattho veditabbo.
1044. виссаж̇ж̇анаг̇аат̇ааяа банасса яасмаа бан̃н̃аасад̇ияо наамзнзва сан̇г̇ахам̣ г̇ажчанд̇и, д̇асмаа д̇аа висум̣ на вуд̇д̇аа. аяамзд̇т̇а сан̇кзбад̇т̇о – яам̣ мам̣ д̇вам̣, аж̇ид̇а, зд̇ам̣ бан̃хам̣ абужчи ‘‘гад̇т̇зд̇ам̣ убаруж̇жхад̇ий’’д̇и, д̇ам̣ д̇з яад̇т̇а нааман̃жа руубан̃жа асзсам̣ убаруж̇жхад̇и, д̇ам̣ вад̣̇анд̇о вад̣̇аами , д̇асса, д̇асса хи вин̃н̃аан̣асса нирод̇хзна сахзва абуб̣б̣ам̣ ажаримам̣ зд̇т̇зд̇ам̣ убаруж̇жхад̇и. зд̇т̇зва вин̃н̃аан̣анирод̇хз нируж̇жхад̇и зд̇ам̣, вин̃н̃аан̣анирод̇хаа д̇асса нирод̇хо ход̇и. д̇ам̣ наад̇ивад̇д̇ад̇ийд̇и вуд̇д̇ам̣ ход̇и.
1044. Vissajjanagāthāya panassa yasmā paññāsatiyo nāmeneva saṅgahaṃ gacchanti, tasmā tā visuṃ na vuttā. Ayamettha saṅkhepattho – yaṃ maṃ tvaṃ, ajita, etaṃ pañhaṃ apucchi ‘‘katthetaṃ uparujjhatī’’ti, taṃ te yattha nāmañca rūpañca asesaṃ uparujjhati, taṃ vadanto vadāmi, tassa, tassa hi viññāṇassa nirodhena saheva apubbaṃ acarimaṃ etthetaṃ uparujjhati. Ettheva viññāṇanirodhe nirujjhati etaṃ, viññāṇanirodhā tassa nirodho hoti. Taṃ nātivattatīti vuttaṃ hoti.
1045. зд̇д̇аавад̇аа жа ‘‘д̣̇угкамасса махаб̣бхаяа’’нд̇и иминаа багаасид̇ам̣ д̣̇угкасажжам̣, ‘‘яаани сод̇ааний’’д̇и иминаа самуд̣̇аяасажжам̣ бан̃н̃ааязд̇з бид̇хияяарзд̇и иминаа маг̇г̇асажжам̣, ‘‘асзсам̣ убаруж̇жхад̇ий’’д̇и иминаа нирод̇хасажжанд̇и звам̣ жад̇д̇аари сажжаани суд̇вааби арияабхуумим̣ анад̇хиг̇ад̇о буна сзкаасзкабадибад̣̇ам̣ бужчанд̇о ‘‘яз жа сан̇каад̇ад̇хаммаасз’’д̇и г̇аат̇амааха. д̇ад̇т̇а сан̇каад̇ад̇хаммаад̇и анижжаад̣̇ивасзна баривиймам̣сид̇ад̇хаммаа, арахад̇ам̣ зд̇ам̣ ад̇хиважанам̣. сзкаад̇и сийлаад̣̇ийни сигкамаанаа авасзсаа арияабуг̇г̇алаа. бут̇ууд̇и б̣ахуу сад̇д̇аж̇анаа. д̇зсам̣ мз нибаго ирияам̣ будто баб̣руухийд̇и д̇зсам̣ мз сзкаасзкаанам̣ нибаго бан̣д̣ид̇о д̇вам̣ будто бадибад̇д̇им̣ б̣руухийд̇и.
1045. Ettāvatā ca ‘‘dukkhamassa mahabbhaya’’nti iminā pakāsitaṃ dukkhasaccaṃ, ‘‘yāni sotānī’’ti iminā samudayasaccaṃ paññāyete pidhiyyareti iminā maggasaccaṃ, ‘‘asesaṃ uparujjhatī’’ti iminā nirodhasaccanti evaṃ cattāri saccāni sutvāpi ariyabhūmiṃ anadhigato puna sekhāsekhapaṭipadaṃ pucchanto ‘‘ye ca saṅkhātadhammāse’’ti gāthamāha. Tattha saṅkhātadhammāti aniccādivasena parivīmaṃsitadhammā, arahataṃ etaṃ adhivacanaṃ. Sekhāti sīlādīni sikkhamānā avasesā ariyapuggalā. Puthūti bahū sattajanā. Tesaṃ me nipako iriyaṃ puṭṭho pabrūhīti tesaṃ me sekhāsekhānaṃ nipako paṇḍito tvaṃ puṭṭho paṭipattiṃ brūhīti.
1046. ат̇асса бхаг̇аваа яасмаа сзкзна гаамажчанд̣̇анийваран̣ам̣ аад̣̇им̣ гад̇ваа саб̣б̣агилзсаа бахаад̇аб̣б̣аа зва, д̇асмаа ‘‘гаамзсуу’’д̇и убад̣дхаг̇аат̇ааяа сзкабадибад̣̇ам̣ д̣̇ассзд̇и. д̇ассад̇т̇о – вад̇т̇у ‘‘гаамзсу’’ гилзсагаамзна наабхиг̇иж̇жхзяяа гааяад̣̇ужжарид̇аад̣̇аяо жа манасо аавилабхаавагарз д̇хаммз баж̇аханд̇о манасаа наавило сияаад̇и. яасмаа бана асзко анижжаад̣̇ивасзна саб̣б̣асан̇каараад̣̇ийнам̣ барид̇улид̇ад̇д̇аа гусало саб̣б̣ад̇хаммзсу гааяаанубассанаасад̇иаад̣̇ийхи жа сад̇о саггааяад̣̇идтиаад̣̇ийнам̣ бхиннад̇д̇аа бхигкубхаавам̣ бад̇д̇о жа худ̇ваа саб̣б̣ирияаабат̇зсу бариб̣б̣аж̇ад̇и, д̇асмаа ‘‘гусало’’д̇и убад̣дхаг̇аат̇ааяа асзкабадибад̣̇ам̣ д̣̇ассзд̇и. сзсам̣ саб̣б̣ад̇т̇а баагадамзва.
1046. Athassa bhagavā yasmā sekhena kāmacchandanīvaraṇaṃ ādiṃ katvā sabbakilesā pahātabbā eva, tasmā ‘‘kāmesū’’ti upaḍḍhagāthāya sekhapaṭipadaṃ dasseti. Tassattho – vatthu ‘‘kāmesu’’ kilesakāmena nābhigijjheyya kāyaduccaritādayo ca manaso āvilabhāvakare dhamme pajahanto manasā nāvilo siyāti. Yasmā pana asekho aniccādivasena sabbasaṅkhārādīnaṃ paritulitattā kusalo sabbadhammesu kāyānupassanāsatiādīhi ca sato sakkāyadiṭṭhiādīnaṃ bhinnattā bhikkhubhāvaṃ patto ca hutvā sabbiriyāpathesu paribbajati, tasmā ‘‘kusalo’’ti upaḍḍhagāthāya asekhapaṭipadaṃ dasseti. Sesaṃ sabbattha pākaṭameva.
звам̣ бхаг̇аваа арахад̇д̇анигуудзна д̣̇зсанам̣ нидтаабзси, д̣̇зсанаабарияосаанз аж̇ид̇о арахад̇д̇з бад̇идтааси сад̣̇д̇хим̣ анд̇зваасисахассзна, ан̃н̃зсан̃жа анзгасахассаанам̣ д̇хаммажагкум̣ уд̣̇абаад̣̇и. саха арахад̇д̇аббад̇д̇ияаа жа ааяасмад̇о аж̇ид̇асса анд̇зваасисахассасса жа аж̇инаж̇адааваагажийраад̣̇ийни анд̇арад̇хааяим̣су. саб̣б̣зва ид̣̇д̇химаяабад̇д̇ажийварад̇хараа, д̣̇ван̇г̇улагзсаа зхибхигкуу худ̇ваа бхаг̇аванд̇ам̣ намассамаанаа бан̃ж̇алигаа нисийд̣̇им̣сууд̇и.
Evaṃ bhagavā arahattanikūṭena desanaṃ niṭṭhāpesi, desanāpariyosāne ajito arahatte patiṭṭhāsi saddhiṃ antevāsisahassena, aññesañca anekasahassānaṃ dhammacakkhuṃ udapādi. Saha arahattappattiyā ca āyasmato ajitassa antevāsisahassassa ca ajinajaṭāvākacīrādīni antaradhāyiṃsu. Sabbeva iddhimayapattacīvaradharā, dvaṅgulakesā ehibhikkhū hutvā bhagavantaṃ namassamānā pañjalikā nisīdiṃsūti.
барамад̇т̇аж̇од̇игааяа куд̣̇д̣̇ага-адтагат̇ааяа
Paramatthajotikāya khuddaka-aṭṭhakathāya
суд̇д̇анибаад̇а-адтагат̇ааяа аж̇ид̇асуд̇д̇аван̣н̣анаа нидтид̇аа.
Suttanipāta-aṭṭhakathāya ajitasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / суд̇д̇анибаад̇абаал̣и • Suttanipātapāḷi / 1. аж̇ид̇амаан̣авабужчаа • 1. Ajitamāṇavapucchā
