| Library / Tipiṭaka / તિપિટક • Tipiṭaka / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) |
૨. આજીવકસુત્તવણ્ણના
2. Ājīvakasuttavaṇṇanā
૭૩. દુતિયે તેન હિ ગહપતીતિ થેરો કિર ચિન્તેસિ – ‘‘અયં ઇધ આગચ્છન્તો ન અઞ્ઞાતુકામો હુત્વા આગમિ, પરિગ્ગણ્હનત્થં પન આગતો. ઇમિના પુચ્છિતપઞ્હં ઇમિનાવ કથાપેસ્સામી’’તિ. ઇતિ તંયેવ કથં કથાપેતુકામો તેન હીતિઆદિમાહ. તત્થ તેન હીતિ કારણાપદેસો. યસ્મા ત્વં એવં પુચ્છસિ, તસ્મા તઞ્ઞેવેત્થ પટિપુચ્છામીતિ. કેસં નોતિ કતમેસં નુ. સધમ્મુક્કંસનાતિ અત્તનો લદ્ધિયા ઉક્ખિપિત્વા ઠપના. પરધમ્માપસાદનાતિ પરેસં લદ્ધિયા ઘટ્ટના વમ્ભના અવક્ખિપના. આયતનેવ ધમ્મદેસનાતિ કારણસ્મિંયેવ ધમ્મદેસના. અત્થો ચ વુત્તોતિ મયા પુચ્છિતપઞ્હાય અત્થો ચ પકાસિતો . અત્તા ચ અનુપનીતોતિ અમ્હે એવરૂપાતિ એવં અત્તા ચ ન ઉપનીતો. નુપનીતોતિપિ પાઠો.
73. Dutiye tena hi gahapatīti thero kira cintesi – ‘‘ayaṃ idha āgacchanto na aññātukāmo hutvā āgami, pariggaṇhanatthaṃ pana āgato. Iminā pucchitapañhaṃ imināva kathāpessāmī’’ti. Iti taṃyeva kathaṃ kathāpetukāmo tena hītiādimāha. Tattha tena hīti kāraṇāpadeso. Yasmā tvaṃ evaṃ pucchasi, tasmā taññevettha paṭipucchāmīti. Kesaṃ noti katamesaṃ nu. Sadhammukkaṃsanāti attano laddhiyā ukkhipitvā ṭhapanā. Paradhammāpasādanāti paresaṃ laddhiyā ghaṭṭanā vambhanā avakkhipanā. Āyataneva dhammadesanāti kāraṇasmiṃyeva dhammadesanā. Attho ca vuttoti mayā pucchitapañhāya attho ca pakāsito . Attā ca anupanītoti amhe evarūpāti evaṃ attā ca na upanīto. Nupanītotipi pāṭho.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / અઙ્ગુત્તરનિકાય • Aṅguttaranikāya / ૨. આજીવકસુત્તં • 2. Ājīvakasuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૨. આજીવકસુત્તવણ્ણના • 2. Ājīvakasuttavaṇṇanā
