| Library / Tipiṭaka / તિપિટક • Tipiṭaka / પાચિત્યાદિયોજનાપાળિ • Pācityādiyojanāpāḷi |
૧૫૧. અજ્ઝારામે ઉપાહનપટિક્ખેપકથા
151. Ajjhārāme upāhanapaṭikkhepakathā
૨૪૮. ‘‘યેન સિપ્પેના’’તિઆદિના અભિ અધિકં જીવન્તિ અનેનાતિ અભિજીવનં, કિંતં? સિપ્પન્તિ અત્થં દસ્સેતિ. તસ્સાતિ સિપ્પસ્સ . ઇધાતિ ઇમસ્મિં સાસને. યંસદ્દો વચનવિપલ્લાસોતિ આહ ‘‘યે તુમ્હે’’તિ. હીતિ સચ્ચં. યંનિપાતોતિ યંઇતિ નિપાતો યદિસદ્દસ્સ અત્થે પવત્તતીતિ યોજના. આચરિયા એવાતિ એવસદ્દેન આચરિયમત્તભાવં પટિક્ખિપતિ. હીતિ સચ્ચં. સોતિ અવસ્સિકો. તન્તિ છબ્બસ્સં. નિસ્સાય વચ્છતીતિ અવસ્સિકસ્સ ચતુવસ્સકાલે છબ્બસ્સસ્સ દસવસ્સિકત્તા તં નિસ્સાય વસતિ. ઉપજ્ઝાયમત્તં દસ્સેન્તો આહ ‘‘ઉપજ્ઝાયસ્સા’’તિઆદિ. મહન્તતરાતિ અત્તનો વુડ્ઢતરા. ઉપજ્ઝાયસ્સ મત્તં પમાણમેતેસન્તિ ઉપજ્ઝાયમત્તા.
248. ‘‘Yena sippenā’’tiādinā abhi adhikaṃ jīvanti anenāti abhijīvanaṃ, kiṃtaṃ? Sippanti atthaṃ dasseti. Tassāti sippassa . Idhāti imasmiṃ sāsane. Yaṃsaddo vacanavipallāsoti āha ‘‘ye tumhe’’ti. Hīti saccaṃ. Yaṃnipātoti yaṃiti nipāto yadisaddassa atthe pavattatīti yojanā. Ācariyā evāti evasaddena ācariyamattabhāvaṃ paṭikkhipati. Hīti saccaṃ. Soti avassiko. Tanti chabbassaṃ. Nissāya vacchatīti avassikassa catuvassakāle chabbassassa dasavassikattā taṃ nissāya vasati. Upajjhāyamattaṃ dassento āha ‘‘upajjhāyassā’’tiādi. Mahantatarāti attano vuḍḍhatarā. Upajjhāyassa mattaṃ pamāṇametesanti upajjhāyamattā.
૨૪૯. પાદતો નિક્ખન્તેન ખીલસદિસેન મંસેન પવત્તો આબાધો પાદખીલાબાધોતિ વચનત્થં દસ્સેન્તો આહ ‘‘પાદતો’’તિઆદિ. પાદતો નિક્ખન્તન્તિ સમ્બન્ધો.
249. Pādato nikkhantena khīlasadisena maṃsena pavatto ābādho pādakhīlābādhoti vacanatthaṃ dassento āha ‘‘pādato’’tiādi. Pādato nikkhantanti sambandho.
૨૫૧. તિણપાદુકાતિઆદીસુ તિણેન કતા પાદુકા તિણપાદુકાતિ વચનત્થાદિં દસ્સેન્તો આહ ‘‘યેન કેનચિ તિણેના’’તિઆદિ. તં સુવિઞ્ઞેય્યમેવ. ‘‘ભૂમિયં સુપ્પતિટ્ઠિતાતિ’’આદિના ન સઙ્કમિતબ્બાતિ અસઙ્કમનીયાતિ અત્થં દસ્સેતિ.
251.Tiṇapādukātiādīsu tiṇena katā pādukā tiṇapādukāti vacanatthādiṃ dassento āha ‘‘yena kenaci tiṇenā’’tiādi. Taṃ suviññeyyameva. ‘‘Bhūmiyaṃ suppatiṭṭhitāti’’ādinā na saṅkamitabbāti asaṅkamanīyāti atthaṃ dasseti.
૨૫૨. અઙ્ગજાતેનેવાતિ અત્તનો અઙ્ગજાતેન એવ. અઙ્ગજાતન્તિ ગાવીનં અઙ્ગજાતં. ઓગાહેત્વાતિ એત્થ ઓત્યૂપસગ્ગો દળ્હત્થોતિ આહ ‘‘દળ્હં ગહેત્વા’’તિ.
252.Aṅgajātenevāti attano aṅgajātena eva. Aṅgajātanti gāvīnaṃ aṅgajātaṃ. Ogāhetvāti ettha otyūpasaggo daḷhatthoti āha ‘‘daḷhaṃ gahetvā’’ti.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / મહાવગ્ગપાળિ • Mahāvaggapāḷi
૧૫૧. અજ્ઝારામે ઉપાહનપટિક્ખેપો • 151. Ajjhārāme upāhanapaṭikkhepo
૧૫૨. કટ્ઠપાદુકાદિપટિક્ખેપો • 152. Kaṭṭhapādukādipaṭikkhepo
અટ્ઠકથા • Aṭṭhakathā / વિનયપિટક (અટ્ઠકથા) • Vinayapiṭaka (aṭṭhakathā) / મહાવગ્ગ-અટ્ઠકથા • Mahāvagga-aṭṭhakathā / અજ્ઝારામેઉપાહનપટિક્ખેપકથા • Ajjhārāmeupāhanapaṭikkhepakathā
ટીકા • Tīkā / વિનયપિટક (ટીકા) • Vinayapiṭaka (ṭīkā) / સારત્થદીપની-ટીકા • Sāratthadīpanī-ṭīkā
અજ્ઝારામે ઉપાહનપટિક્ખેપકથાવણ્ણના • Ajjhārāme upāhanapaṭikkhepakathāvaṇṇanā
કટ્ઠપાદુકાદિપટિક્ખેપકથાવણ્ણના • Kaṭṭhapādukādipaṭikkhepakathāvaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વિમતિવિનોદની-ટીકા • Vimativinodanī-ṭīkā / અજ્ઝારામેઉપાહનપટિક્ખેપકથાદિવણ્ણના • Ajjhārāmeupāhanapaṭikkhepakathādivaṇṇanā
