| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
намо д̇асса бхаг̇авад̇о арахад̇о саммаасамб̣уд̣̇д̇хасса
Namo tassa bhagavato arahato sammāsambuddhassa
сам̣яуд̇д̇анигааяз
Saṃyuttanikāye
сал̣ааяад̇анаваг̇г̇а-адтагат̇аа
Saḷāyatanavagga-aṭṭhakathā
1. сал̣ааяад̇анасам̣яуд̇д̇ам̣
1. Saḷāyatanasaṃyuttaṃ
1. анижжаваг̇г̇о
1. Aniccavaggo
1. аж̇жхад̇д̇аанижжасуд̇д̇аван̣н̣анаа
1. Ajjhattāniccasuttavaṇṇanā
1. сал̣ааяад̇анаваг̇г̇асса батамз жагкунд̇и д̣̇вз жагкууни – н̃аан̣ажагку жзва мам̣сажагку жа. д̇ад̇т̇а н̃аан̣ажагку бан̃жавид̇хам̣ – б̣уд̣̇д̇хажагку, д̇хаммажагку, саманд̇ажагку, д̣̇иб̣б̣ажагку, бан̃н̃аажагкууд̇и. д̇зсу б̣уд̣̇д̇хажагку наама аасаяаанусаяан̃аан̣ан̃жзва инд̣̇рияабаробарияад̇д̇ан̃аан̣ан̃жа, яам̣ – ‘‘б̣уд̣̇д̇хажагкунаа логам̣ вологзнд̇о’’д̇и (махаава. 9; ма. ни. 1.283; 2.338) ааг̇ад̇ам̣ . д̇хаммажагку наама хздтимаа д̇аяо маг̇г̇аа д̇ийн̣и жа палаани, яам̣ – ‘‘вираж̇ам̣ вийд̇амалам̣ д̇хаммажагкум̣ уд̣̇абаад̣̇ий’’д̇и (махаава. 16; ма. ни. 2.395) ааг̇ад̇ам̣. саманд̇ажагку наама саб̣б̣ан̃н̃уд̇ан̃н̃аан̣ам̣, яам̣ – ‘‘баасаад̣̇амааруяха саманд̇ажагкуу’’д̇и (махаава. 8; ма. ни. 1.282; 2.338) ааг̇ад̇ам̣. д̣̇иб̣б̣ажагку наама аалогапаран̣зна уббаннам̣ н̃аан̣ам̣, яам̣ – ‘‘д̣̇иб̣б̣зна жагкунаа висуд̣̇д̇хзнаа’’д̇и (баараа. 13; ма. ни. 2.341) ааг̇ад̇ам̣. бан̃н̃аажагку наама жад̇усажжабарижчзд̣̇аган̃аан̣ам̣, яам̣ – ‘‘жагкум̣ уд̣̇абаад̣̇ий’’д̇и (са. ни. 5.1081; махаава. 15) ааг̇ад̇ам̣.
1. Saḷāyatanavaggassa paṭhame cakkhunti dve cakkhūni – ñāṇacakkhu ceva maṃsacakkhu ca. Tattha ñāṇacakkhu pañcavidhaṃ – buddhacakkhu, dhammacakkhu, samantacakkhu, dibbacakkhu, paññācakkhūti. Tesu buddhacakkhu nāma āsayānusayañāṇañceva indriyaparopariyattañāṇañca, yaṃ – ‘‘buddhacakkhunā lokaṃ volokento’’ti (mahāva. 9; ma. ni. 1.283; 2.338) āgataṃ . Dhammacakkhu nāma heṭṭhimā tayo maggā tīṇi ca phalāni, yaṃ – ‘‘virajaṃ vītamalaṃ dhammacakkhuṃ udapādī’’ti (mahāva. 16; ma. ni. 2.395) āgataṃ. Samantacakkhu nāma sabbaññutaññāṇaṃ, yaṃ – ‘‘pāsādamāruyha samantacakkhū’’ti (mahāva. 8; ma. ni. 1.282; 2.338) āgataṃ. Dibbacakkhu nāma ālokapharaṇena uppannaṃ ñāṇaṃ, yaṃ – ‘‘dibbena cakkhunā visuddhenā’’ti (pārā. 13; ma. ni. 2.341) āgataṃ. Paññācakkhu nāma catusaccaparicchedakañāṇaṃ, yaṃ – ‘‘cakkhuṃ udapādī’’ti (sa. ni. 5.1081; mahāva. 15) āgataṃ.
мам̣сажагкуби д̣̇увид̇хам̣ – сасамбхааражагку, басаад̣̇ажагкууд̇и. д̇зсу явааяам̣ агкигуубагз агкибадалзхи бариваарид̇о мам̣сабин̣д̣о, яад̇т̇а жад̇ассо д̇хаад̇уяо ван̣н̣аг̇анд̇харасож̇аа самбхаво ж̇ийвид̇ам̣ бхааво жагкубасаад̣̇о гааяабасаад̣̇од̇и сан̇кзбад̇о д̇зраса самбхаараа хонд̇и. вид̇т̇аарад̇о бана жад̇ассо д̇хаад̇уяо ван̣н̣аг̇анд̇харасож̇аа самбхавод̇и имз нава жад̇усамудтаанавасзна чад̇д̇им̣са, ж̇ийвид̇ам̣ бхааво жагкубасаад̣̇о гааяабасаад̣̇од̇и имз гаммасамудтаанаа д̇аава жад̇д̇аарод̇и жад̇д̇аарийса самбхаараа хонд̇и. ид̣̇ам̣ сасамбхааражагку наама. яам̣ банзд̇т̇а сзд̇аман̣д̣алабарижчиннзна ган̣хаман̣д̣алзна бариваарид̇з д̣̇идтиман̣д̣алз саннивидтам̣ руубад̣̇ассанасамад̇т̇ам̣ басаад̣̇амад̇д̇ам̣, ид̣̇ам̣ басаад̣̇ажагку наама. д̇асса д̇ад̇о барзсан̃жа сод̇аад̣̇ийнам̣ вид̇т̇аарагат̇аа висуд̣̇д̇химаг̇г̇з вуд̇д̇аава.
Maṃsacakkhupi duvidhaṃ – sasambhāracakkhu, pasādacakkhūti. Tesu yvāyaṃ akkhikūpake akkhipaṭalehi parivārito maṃsapiṇḍo, yattha catasso dhātuyo vaṇṇagandharasojā sambhavo jīvitaṃ bhāvo cakkhupasādo kāyapasādoti saṅkhepato terasa sambhārā honti. Vitthārato pana catasso dhātuyo vaṇṇagandharasojā sambhavoti ime nava catusamuṭṭhānavasena chattiṃsa, jīvitaṃ bhāvo cakkhupasādo kāyapasādoti ime kammasamuṭṭhānā tāva cattāroti cattārīsa sambhārā honti. Idaṃ sasambhāracakkhu nāma. Yaṃ panettha setamaṇḍalaparicchinnena kaṇhamaṇḍalena parivārite diṭṭhimaṇḍale sanniviṭṭhaṃ rūpadassanasamatthaṃ pasādamattaṃ, idaṃ pasādacakkhu nāma. Tassa tato paresañca sotādīnaṃ vitthārakathā visuddhimagge vuttāva.
д̇ад̇т̇а яад̣̇ид̣̇ам̣ басаад̣̇ажагку, д̇ам̣ г̇ахзд̇ваа бхаг̇аваа – жагкум̣, бхигкавз, анижжанд̇иаад̣̇имааха. д̇ад̇т̇а – ‘‘жад̇уухи гааран̣зхи анижжам̣ уд̣̇аяаб̣б̣аяаванд̇ад̇ааяаа’’д̇иаад̣̇инаа наязна вид̇т̇аарагат̇аа хздтаа багаасид̇ааязва. сод̇амби басаад̣̇асод̇амзва ад̇хиббзд̇ам̣, д̇ат̇аа гхаанаж̇ивхаагааяаа. манод̇и д̇збхуумагасаммасанажааражид̇д̇ам̣. ид̇и ид̣̇ам̣ суд̇д̇ам̣ часу аж̇жхад̇д̇игааяад̇анзсу д̇ийн̣и лагкан̣аани д̣̇ассзд̇ваа гат̇ид̇з б̣уж̇жханагаанам̣ аж̇жхаасаязна вуд̇д̇ам̣.
Tattha yadidaṃ pasādacakkhu, taṃ gahetvā bhagavā – cakkhuṃ, bhikkhave, aniccantiādimāha. Tattha – ‘‘catūhi kāraṇehi aniccaṃ udayabbayavantatāyā’’tiādinā nayena vitthārakathā heṭṭhā pakāsitāyeva. Sotampi pasādasotameva adhippetaṃ, tathā ghānajivhākāyā. Manoti tebhūmakasammasanacāracittaṃ. Iti idaṃ suttaṃ chasu ajjhattikāyatanesu tīṇi lakkhaṇāni dassetvā kathite bujjhanakānaṃ ajjhāsayena vuttaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 1. аж̇жхад̇д̇аанижжасуд̇д̇ам̣ • 1. Ajjhattāniccasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1. аж̇жхад̇д̇аанижжасуд̇д̇аван̣н̣анаа • 1. Ajjhattāniccasuttavaṇṇanā
