| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
6. ааган̇кзяяасуд̇д̇аван̣н̣анаа
6. Ākaṅkheyyasuttavaṇṇanā
64. звам̣ мз суд̇анд̇и ааган̇кзяяасуд̇д̇ам̣. д̇ад̇т̇а самбаннасийлаад̇и д̇ивид̇хам̣ самбаннам̣ барибун̣н̣асаман̇г̇имад̇хуравасзна. д̇ад̇т̇а –
64.Evaṃme sutanti ākaṅkheyyasuttaṃ. Tattha sampannasīlāti tividhaṃ sampannaṃ paripuṇṇasamaṅgimadhuravasena. Tattha –
‘‘самбаннам̣ саалигзд̣̇аарам̣, суваа бхун̃ж̇анд̇и госияа;
‘‘Sampannaṃ sālikedāraṃ, suvā bhuñjanti kosiya;
бадивзд̣̇зми д̇з б̣рахмз, на нам̣ ваарзд̇умуссахз’’д̇и. (ж̇аа. 1.14.1);
Paṭivedemi te brahme, na naṃ vāretumussahe’’ti. (jā. 1.14.1);
ид̣̇ам̣ барибун̣н̣асамбаннам̣ наама. ‘‘иминаа баад̇имогкасам̣варзна убзд̇о ход̇и самубзд̇о убааг̇ад̇о самубааг̇ад̇о убабанно самбанно саманнааг̇ад̇о’’д̇и (вибха. 511) ид̣̇ам̣ саман̇г̇исамбаннам̣ наама. ‘‘имиссаа, бханд̇з, махаабат̇авияаа хздтимад̇алам̣ самбаннам̣, сзяяат̇ааби куд̣̇д̣̇амад̇хум̣ анзл̣агам̣, звамассаад̣̇а’’нд̇и (баараа. 17) ид̣̇ам̣ мад̇хурасамбаннам̣ наама. ид̇ха бана барибун̣н̣асамбаннамби саман̇г̇исамбаннамби ваддад̇и. д̇асмаа самбаннасийлаад̇и барибун̣н̣асийлаа худ̇ваад̇иби сийласаман̇г̇ино худ̇ваад̇иби звамзд̇т̇а ад̇т̇о взд̣̇иб̣б̣о. сийланд̇и гзнадтзна сийлам̣? сийланадтзна сийлам̣. д̇асса вид̇т̇аарагат̇аа висуд̣̇д̇химаг̇г̇з вуд̇д̇аа.
Idaṃ paripuṇṇasampannaṃ nāma. ‘‘Iminā pātimokkhasaṃvarena upeto hoti samupeto upāgato samupāgato upapanno sampanno samannāgato’’ti (vibha. 511) idaṃ samaṅgisampannaṃ nāma. ‘‘Imissā, bhante, mahāpathaviyā heṭṭhimatalaṃ sampannaṃ, seyyathāpi khuddamadhuṃ aneḷakaṃ, evamassāda’’nti (pārā. 17) idaṃ madhurasampannaṃ nāma. Idha pana paripuṇṇasampannampi samaṅgisampannampi vaṭṭati. Tasmā sampannasīlāti paripuṇṇasīlā hutvātipi sīlasamaṅgino hutvātipi evamettha attho vedibbo. Sīlanti kenaṭṭhena sīlaṃ? Sīlanaṭṭhena sīlaṃ. Tassa vitthārakathā visuddhimagge vuttā.
д̇ад̇т̇а ‘‘барибун̣н̣асийлаа’’д̇и иминаа ад̇т̇зна кзд̇д̇ад̣̇осавиг̇амзна кзд̇д̇абаарибуурий вияа сийлад̣̇осавиг̇амзна сийлабаарибуурий вуд̇д̇аа ход̇и. яат̇аа хи кзд̇д̇ам̣ б̣ийж̇акан̣д̣ам̣ ваббакан̣д̣ам̣ уд̣̇агакан̣д̣ам̣ уусакан̣д̣анд̇и жад̇уд̣̇осасаманнааг̇ад̇ам̣ абарибуурам̣ ход̇и.
Tattha ‘‘paripuṇṇasīlā’’ti iminā atthena khettadosavigamena khettapāripūrī viya sīladosavigamena sīlapāripūrī vuttā hoti. Yathā hi khettaṃ bījakhaṇḍaṃ vappakhaṇḍaṃ udakakhaṇḍaṃ ūsakhaṇḍanti catudosasamannāgataṃ aparipūraṃ hoti.
д̇ад̇т̇а б̣ийж̇акан̣д̣ам̣ наама яад̇т̇а анд̇аранд̇араа б̣ийж̇аани кан̣д̣аани ваа бууд̇ийни ваа хонд̇и, д̇аани яад̇т̇а вабанд̇и, д̇ад̇т̇а сассам̣ на удтзд̇и, кзд̇д̇ам̣ кан̣д̣ам̣ ход̇и. ваббакан̣д̣ам̣ наама яад̇т̇а агусало б̣ийж̇аани вабанд̇о анд̇аранд̇араа нибаад̇зд̇и. зван̃хи саб̣б̣ад̇т̇а сассам̣ на удтзд̇и, кзд̇д̇ам̣ кан̣д̣ам̣ ход̇и. уд̣̇агакан̣д̣ам̣ наама яад̇т̇а гад̇т̇ажи уд̣̇агам̣ ад̇иб̣аху ваа на ваа ход̇и, д̇ад̇рааби хи сассаани на удтзнд̇и, кзд̇д̇ам̣ кан̣д̣ам̣ ход̇и. уусакан̣д̣ам̣ наама яад̇т̇а гассаго гисмин̃жи бад̣̇зсз нан̇г̇алзна бхуумим̣ жад̇д̇ааро бан̃жа ваарз гасанд̇о ад̇иг̇амбхийрам̣ гарод̇и, д̇ад̇о уусам̣ уббаж̇ж̇ад̇и, д̇ад̇рааби хи сассам̣ на удтзд̇и, кзд̇д̇ам̣ кан̣д̣ам̣ ход̇и, д̇аад̣̇исан̃жа кзд̇д̇ам̣ на махабпалам̣ ход̇и на махаанисам̣сам̣, д̇ад̇рааби хи б̣ахумби вабид̇ваа аббам̣ лабхад̇и. имзсам̣ бана жад̇уннам̣ д̣̇осаанам̣ виг̇амаа кзд̇д̇ам̣ барибун̣н̣ам̣ ход̇и. д̇аад̣̇исан̃жа кзд̇д̇ам̣ махабпалам̣ ход̇и махаанисам̣сам̣. звамзва кан̣д̣ам̣ чид̣̇д̣̇ам̣ саб̣алам̣ гаммаасанд̇и жад̇уд̣̇осасаманнааг̇ад̇ам̣ сийлам̣ абарибуурам̣ ход̇и. д̇аад̣̇исан̃жа сийлам̣ на махабпалам̣ ход̇и, на махаанисам̣сам̣. имзсам̣ бана жад̇уннам̣ д̣̇осаанам̣ виг̇амаа сийлакзд̇д̇ам̣ барибун̣н̣ам̣ ход̇и, д̇аад̣̇исан̃жа сийлам̣ махабпалам̣ ход̇и махаанисам̣сам̣.
Tattha bījakhaṇḍaṃ nāma yattha antarantarā bījāni khaṇḍāni vā pūtīni vā honti, tāni yattha vapanti, tattha sassaṃ na uṭṭheti, khettaṃ khaṇḍaṃ hoti. Vappakhaṇḍaṃ nāma yattha akusalo bījāni vapanto antarantarā nipāteti. Evañhi sabbattha sassaṃ na uṭṭheti, khettaṃ khaṇḍaṃ hoti. Udakakhaṇḍaṃ nāma yattha katthaci udakaṃ atibahu vā na vā hoti, tatrāpi hi sassāni na uṭṭhenti, khettaṃ khaṇḍaṃ hoti. Ūsakhaṇḍaṃ nāma yattha kassako kismiñci padese naṅgalena bhūmiṃ cattāro pañca vāre kasanto atigambhīraṃ karoti, tato ūsaṃ uppajjati, tatrāpi hi sassaṃ na uṭṭheti, khettaṃ khaṇḍaṃ hoti, tādisañca khettaṃ na mahapphalaṃ hoti na mahānisaṃsaṃ, tatrāpi hi bahumpi vapitvā appaṃ labhati. Imesaṃ pana catunnaṃ dosānaṃ vigamā khettaṃ paripuṇṇaṃ hoti. Tādisañca khettaṃ mahapphalaṃ hoti mahānisaṃsaṃ. Evameva khaṇḍaṃ chiddaṃ sabalaṃ kammāsanti catudosasamannāgataṃ sīlaṃ aparipūraṃ hoti. Tādisañca sīlaṃ na mahapphalaṃ hoti, na mahānisaṃsaṃ. Imesaṃ pana catunnaṃ dosānaṃ vigamā sīlakhettaṃ paripuṇṇaṃ hoti, tādisañca sīlaṃ mahapphalaṃ hoti mahānisaṃsaṃ.
‘‘сийласаман̇г̇ино’’д̇и иминаа банад̇т̇зна сийлзна саман̇г̇ибхууд̇аа самод̇хаанам̣ г̇ад̇аа саманнааг̇ад̇аа худ̇ваа вихарат̇аад̇и ид̣̇амзва вуд̇д̇ам̣ ход̇и. д̇ад̇т̇а д̣̇вийхи гааран̣зхи самбаннасийлад̇аа ход̇и сийлавибад̇д̇ияаа жа аад̣̇ийнавад̣̇ассанзна сийласамбад̇д̇ияаа жа аанисам̣сад̣̇ассанзна. д̇ад̣̇убхаяамби висуд̣̇д̇химаг̇г̇з вид̇т̇аарид̇ам̣.
‘‘Sīlasamaṅgino’’ti iminā panatthena sīlena samaṅgibhūtā samodhānaṃ gatā samannāgatā hutvā viharathāti idameva vuttaṃ hoti. Tattha dvīhi kāraṇehi sampannasīlatā hoti sīlavipattiyā ca ādīnavadassanena sīlasampattiyā ca ānisaṃsadassanena. Tadubhayampi visuddhimagge vitthāritaṃ.
д̇ад̇т̇а ‘‘самбаннасийлаа’’д̇и зд̇д̇аавад̇аа гира бхаг̇аваа жад̇убаарисуд̣̇д̇хисийлам̣ уд̣̇д̣̇исид̇ваа ‘‘баад̇имогкасам̣варасам̣вуд̇аа’’д̇и иминаа д̇ад̇т̇а ж̇здтагасийлам̣ вид̇т̇аарзд̇ваа д̣̇ассзсийд̇и д̣̇ийбавихаараваасий суманад̇т̇зро ааха. анд̇зваасиго банасса д̇збидагажуул̣анааг̇ад̇т̇зро ааха – убхаяад̇т̇ааби баад̇имогкасам̣варо бхаг̇авад̇аа вуд̇д̇о, баад̇имогкасам̣вароязва хи сийлам̣. ид̇араани бана д̇ийн̣и сийланд̇и вуд̇д̇адтаанам̣ наама ад̇т̇ийд̇и анануж̇аананд̇о вад̇ваа ааха – ‘‘инд̣̇рияасам̣варо наама чад̣̇ваарарагкаамад̇д̇агамзва, ааж̇ийвабаарисуд̣̇д̇хи д̇хаммзна самзна бажжаяуббад̇д̇имад̇д̇агам̣, бажжаяаниссид̇ам̣ бадилад̣̇д̇хабажжаяз ид̣̇амад̇т̇анд̇и бажжавзгкид̇ваа барибхун̃ж̇анамад̇д̇агам̣. ниббарияааязна баад̇имогкасам̣варова сийлам̣. яасса со бхинно, аяам̣ чиннасийсо вияа бурисо хад̇т̇абаад̣̇з сзсаани рагкиссад̇ийд̇и на вад̇д̇аб̣б̣о. яасса бана со арог̇о, аяам̣ ажчиннасийсо вияа бурисо ж̇ийвид̇ам̣ сзсаани буна баагад̇игаани гад̇ваа рагкид̇ум̣ саггод̇и. д̇асмаа ‘самбаннасийлаа’д̇и иминаа баад̇имогкасам̣варам̣ уд̣̇д̣̇исид̇ваа ‘самбаннабаад̇имогкаа’д̇и д̇ассзва взважанам̣ вад̇ваа д̇ам̣ вид̇т̇аарзд̇ваа д̣̇ассзнд̇о ‘баад̇имогкасам̣варасам̣вуд̇аа’д̇иаад̣̇имаахаа’’д̇и.
Tattha ‘‘sampannasīlā’’ti ettāvatā kira bhagavā catupārisuddhisīlaṃ uddisitvā ‘‘pātimokkhasaṃvarasaṃvutā’’ti iminā tattha jeṭṭhakasīlaṃ vitthāretvā dassesīti dīpavihāravāsī sumanatthero āha. Antevāsiko panassa tepiṭakacūḷanāgatthero āha – ubhayatthāpi pātimokkhasaṃvaro bhagavatā vutto, pātimokkhasaṃvaroyeva hi sīlaṃ. Itarāni pana tīṇi sīlanti vuttaṭṭhānaṃ nāma atthīti ananujānanto vatvā āha – ‘‘indriyasaṃvaro nāma chadvārarakkhāmattakameva, ājīvapārisuddhi dhammena samena paccayuppattimattakaṃ, paccayanissitaṃ paṭiladdhapaccaye idamatthanti paccavekkhitvā paribhuñjanamattakaṃ. Nippariyāyena pātimokkhasaṃvarova sīlaṃ. Yassa so bhinno, ayaṃ chinnasīso viya puriso hatthapāde sesāni rakkhissatīti na vattabbo. Yassa pana so arogo, ayaṃ acchinnasīso viya puriso jīvitaṃ sesāni puna pākatikāni katvā rakkhituṃ sakkoti. Tasmā ‘sampannasīlā’ti iminā pātimokkhasaṃvaraṃ uddisitvā ‘sampannapātimokkhā’ti tasseva vevacanaṃ vatvā taṃ vitthāretvā dassento ‘pātimokkhasaṃvarasaṃvutā’tiādimāhā’’ti.
д̇ад̇т̇а баад̇имогкасам̣варасам̣вуд̇аад̇и баад̇имогкасам̣варзна саманнааг̇ад̇аа. аажаараг̇ожарасамбаннаад̇и аажаарзна жа г̇ожарзна жа самбаннаа. ан̣умад̇д̇зсууд̇и аббамад̇д̇агзсу. важ̇ж̇зсууд̇и агусалад̇хаммзсу. бхаяад̣̇ассаавийд̇и бхаяад̣̇ассино. самаад̣̇ааяаад̇и саммаа аад̣̇ияид̇ваа. сигкат̇а сигкаабад̣̇зсууд̇и сигкаабад̣̇зсу д̇ам̣ д̇ам̣ сигкаабад̣̇ам̣ самаад̣̇ияид̇ваа сигкат̇а. абижа самаад̣̇ааяа сигкат̇а сигкаабад̣̇зсууд̇и яам̣гин̃жи сигкаагодтаасзсу сигкид̇аб̣б̣ам̣ гааяигам̣ ваажасиган̃жа, д̇ам̣ саб̣б̣ам̣ самаад̣̇ааяа сигкат̇аад̇и аяамзд̇т̇а сан̇кзбо, вид̇т̇аарад̇о бана саб̣б̣аанзд̇аани баад̇имогкасам̣вараад̣̇ийни бад̣̇аани висуд̣̇д̇химаг̇г̇з вуд̇д̇аани.
Tattha pātimokkhasaṃvarasaṃvutāti pātimokkhasaṃvarena samannāgatā. Ācāragocarasampannāti ācārena ca gocarena ca sampannā. Aṇumattesūti appamattakesu. Vajjesūti akusaladhammesu. Bhayadassāvīti bhayadassino. Samādāyāti sammā ādiyitvā. Sikkhatha sikkhāpadesūti sikkhāpadesu taṃ taṃ sikkhāpadaṃ samādiyitvā sikkhatha. Apica samādāya sikkhatha sikkhāpadesūti yaṃkiñci sikkhākoṭṭhāsesu sikkhitabbaṃ kāyikaṃ vācasikañca, taṃ sabbaṃ samādāya sikkhathāti ayamettha saṅkhepo, vitthārato pana sabbānetāni pātimokkhasaṃvarādīni padāni visuddhimagge vuttāni.
65. ааган̇кзяяа жзд̇и ид̣̇ам̣ гасмаа аарад̣̇д̇хам̣? сийлаанисам̣сад̣̇ассанад̇т̇ам̣. сажзби ажирабаб̣б̣аж̇ид̇аанам̣ ваа д̣̇уббан̃н̃аанам̣ ваа звамасса ‘‘бхаг̇аваа сийлам̣ буурзт̇аад̇и вад̣̇ад̇и, го ну ко сийлабууран̣з аанисам̣со, го висзсо, гаа вад̣дхий’’д̇и? д̇зсам̣ сад̇д̇араса аанисам̣сз д̣̇ассзд̇ум̣ звамааха. аббзва наама зд̇ам̣ саб̣рахмажаарийнам̣ бияаманаабад̇аад̣̇иаасавагкаяабарияосаанам̣ аанисам̣сам̣ суд̇вааби сийлам̣ барибуурзяяунд̇и. висаган̣дагаваан̣иж̇о вияа. висаган̣дагаваан̣иж̇о наама г̇ул̣аваан̣иж̇о вужжад̇и.
65.Ākaṅkheyya ceti idaṃ kasmā āraddhaṃ? Sīlānisaṃsadassanatthaṃ. Sacepi acirapabbajitānaṃ vā duppaññānaṃ vā evamassa ‘‘bhagavā sīlaṃ pūrethāti vadati, ko nu kho sīlapūraṇe ānisaṃso, ko viseso, kā vaḍḍhī’’ti? Tesaṃ sattarasa ānisaṃse dassetuṃ evamāha. Appeva nāma etaṃ sabrahmacārīnaṃ piyamanāpatādiāsavakkhayapariyosānaṃ ānisaṃsaṃ sutvāpi sīlaṃ paripūreyyunti. Visakaṇṭakavāṇijo viya. Visakaṇṭakavāṇijo nāma guḷavāṇijo vuccati.
со гира г̇ул̣апаан̣ид̇акан̣д̣асагкараад̣̇ийни сагадзнаад̣̇ааяа бажжанд̇аг̇аамам̣ г̇анд̇ваа ‘‘висаган̣дагам̣ г̇ан̣хат̇а, висаган̣дагам̣ г̇ан̣хат̇аа’’д̇и уг̇гхосзси. д̇ам̣ суд̇ваа г̇аамигаа ‘‘висам̣ наама гагкал̣ам̣, яо нам̣ каад̣̇ад̇и, со марад̇и, ган̣дагамби виж̇жхид̇ваа маарзд̇и, убхобзд̇з гагкал̣аа, го зд̇т̇а аанисам̣со’’д̇и г̇зхад̣̇ваараани т̇агзсум̣, д̣̇аарагз жа балаабзсум̣. д̇ам̣ д̣̇исваа ваан̣иж̇о ‘‘авохаарагусалаа имз г̇аамигаа, ханд̣̇а нз убааязна г̇ан̣хаабзмий’’д̇и ‘‘ад̇имад̇хурам̣ г̇ан̣хат̇а, ад̇исаад̣̇ум̣ г̇ан̣хат̇а, г̇ул̣ам̣ паан̣ид̇ам̣ сагкарам̣ самаг̇гхам̣ лаб̣бхад̇и, гуудамаасагагуудагахаабан̣аад̣̇ийхиби лаб̣бхад̇ий’’д̇и уг̇гхосзси. д̇ам̣ суд̇ваа г̇аамигаа хадтад̇удтаа ааг̇анд̇ваа б̣ахумби муулам̣ д̣̇ад̇ваа г̇ахзсум̣. д̇ад̇т̇а ваан̣иж̇асса ‘‘висаган̣дагам̣ г̇ан̣хат̇аа’’д̇и уг̇гхосанам̣ вияа бхаг̇авад̇о ‘‘самбаннасийлаа, бхигкавз, вихарат̇а…бз… самаад̣̇ааяа сигкат̇а сигкаабад̣̇зсуу’’д̇и важанам̣. ‘‘убхобзд̇з гагкал̣аа, го зд̇т̇а аанисам̣со’’д̇и г̇аамигаанам̣ жинд̇анам̣ вияа бхаг̇аваа ‘‘самбаннасийлаа вихарат̇аа’’д̇и ааха, ‘‘сийлан̃жа наамзд̇ам̣ гагкал̣ам̣ парусам̣ кид̣д̣аад̣̇ибажжанийгам̣, го ну ко самбаннасийлаанам̣ аанисам̣со’’д̇и бхигкуунам̣ жинд̇анам̣. ат̇а д̇асса ваан̣иж̇асса ‘‘ад̇имад̇хурам̣ г̇ан̣хат̇аа’’д̇иаад̣̇иважанам̣ вияа бхаг̇авад̇о бияаманаабад̇аад̣̇иаасавагкаяабарияосаанам̣ сад̇д̇арасааанисам̣саббагаасанад̇т̇ам̣ ‘‘ааган̇кзяяа жз’’д̇иаад̣̇иважанам̣ взд̣̇ид̇аб̣б̣ам̣.
So kira guḷaphāṇitakhaṇḍasakkharādīni sakaṭenādāya paccantagāmaṃ gantvā ‘‘visakaṇṭakaṃ gaṇhatha, visakaṇṭakaṃ gaṇhathā’’ti ugghosesi. Taṃ sutvā gāmikā ‘‘visaṃ nāma kakkhaḷaṃ, yo naṃ khādati, so marati, kaṇṭakampi vijjhitvā māreti, ubhopete kakkhaḷā, ko ettha ānisaṃso’’ti gehadvārāni thakesuṃ, dārake ca palāpesuṃ. Taṃ disvā vāṇijo ‘‘avohārakusalā ime gāmikā, handa ne upāyena gaṇhāpemī’’ti ‘‘atimadhuraṃ gaṇhatha, atisāduṃ gaṇhatha, guḷaṃ phāṇitaṃ sakkharaṃ samagghaṃ labbhati, kūṭamāsakakūṭakahāpaṇādīhipi labbhatī’’ti ugghosesi. Taṃ sutvā gāmikā haṭṭhatuṭṭhā āgantvā bahumpi mūlaṃ datvā gahesuṃ. Tattha vāṇijassa ‘‘visakaṇṭakaṃ gaṇhathā’’ti ugghosanaṃ viya bhagavato ‘‘sampannasīlā, bhikkhave, viharatha…pe… samādāya sikkhatha sikkhāpadesū’’ti vacanaṃ. ‘‘Ubhopete kakkhaḷā, ko ettha ānisaṃso’’ti gāmikānaṃ cintanaṃ viya bhagavā ‘‘sampannasīlā viharathā’’ti āha, ‘‘sīlañca nāmetaṃ kakkhaḷaṃ pharusaṃ khiḍḍādipaccanīkaṃ, ko nu kho sampannasīlānaṃ ānisaṃso’’ti bhikkhūnaṃ cintanaṃ. Atha tassa vāṇijassa ‘‘atimadhuraṃ gaṇhathā’’tiādivacanaṃ viya bhagavato piyamanāpatādiāsavakkhayapariyosānaṃ sattarasaānisaṃsappakāsanatthaṃ ‘‘ākaṅkheyya ce’’tiādivacanaṃ veditabbaṃ.
д̇ад̇т̇а ааган̇кзяяа жзд̇и яад̣̇и ааган̇кзяяа яад̣̇и ижчзяяа. бияо жа ассанд̇и бияажагкуухи самбассид̇аб̣б̣о, синзхуббад̇д̇ияаа бад̣̇адтаанабхууд̇о бхавзяяанд̇и вуд̇д̇ам̣ ход̇и. манаабод̇и д̇зсам̣ манавад̣дханаго, д̇зсам̣ ваа манзна бад̇д̇аб̣б̣о, мзд̇д̇ажид̇д̇зна парид̇аб̣б̣од̇и вуд̇д̇ам̣ ход̇и. г̇арууд̇и д̇зсам̣ г̇арудтаанияо баасаан̣ажчад̇д̇асад̣̇исо. бхааванийяод̇и ‘‘ад̣̇д̇хаа аяамааяасмаа ж̇аанам̣ ж̇аанаад̇и бассам̣ бассад̇ий’’д̇и звам̣ самбхааванийяо. сийлзсвзвасса барибуурагаарийд̇и жад̇убаарисуд̣̇д̇хисийлзсуязва барибуурагаарий асса, ануунзна барибуурид̇аагаарзна саманнааг̇ад̇о бхавзяяаад̇и вуд̇д̇ам̣ ход̇и. аж̇жхад̇д̇ам̣ жзд̇осамат̇амануяуд̇д̇од̇и ад̇д̇ано жид̇д̇асамат̇з яуд̇д̇о, зд̇т̇а хи аж̇жхад̇д̇анд̇и ваа ад̇д̇анод̇и ваа зд̇ам̣ згад̇т̇ам̣, б̣яан̃ж̇анамзва наанам̣. бхуммад̇т̇з банзд̇ам̣ самат̇анд̇и убаяог̇аважанам̣. анууд̇и иминаа убасаг̇г̇зна яог̇з сид̣̇д̇хам̣. анираагад̇аж̇жхаанод̇и б̣ахи анийхадаж̇жхаано, авинаасид̇аж̇жхаано ваа, нийхаран̣авинаасад̇т̇ан̃хи ид̣̇ам̣ нираагаран̣ам̣ наама. т̇амбхам̣ нирам̣гад̇ваа ниваад̇авуд̇д̇ийд̇иаад̣̇ийсу жасса баяог̇о д̣̇адтаб̣б̣о.
Tattha ākaṅkheyya ceti yadi ākaṅkheyya yadi iccheyya. Piyo ca assanti piyacakkhūhi sampassitabbo, sinehuppattiyā padaṭṭhānabhūto bhaveyyanti vuttaṃ hoti. Manāpoti tesaṃ manavaḍḍhanako, tesaṃ vā manena pattabbo, mettacittena pharitabboti vuttaṃ hoti. Garūti tesaṃ garuṭṭhāniyo pāsāṇacchattasadiso. Bhāvanīyoti ‘‘addhā ayamāyasmā jānaṃ jānāti passaṃ passatī’’ti evaṃ sambhāvanīyo. Sīlesvevassa paripūrakārīti catupārisuddhisīlesuyeva paripūrakārī assa, anūnena paripūritākārena samannāgato bhaveyyāti vuttaṃ hoti. Ajjhattaṃ cetosamathamanuyuttoti attano cittasamathe yutto, ettha hi ajjhattanti vā attanoti vā etaṃ ekatthaṃ, byañjanameva nānaṃ. Bhummatthe panetaṃ samathanti upayogavacanaṃ. Anūti iminā upasaggena yoge siddhaṃ. Anirākatajjhānoti bahi anīhaṭajjhāno, avināsitajjhāno vā, nīharaṇavināsatthañhi idaṃ nirākaraṇaṃ nāma. Thambhaṃ niraṃkatvā nivātavuttītiādīsu cassa payogo daṭṭhabbo.
вибассанааяа саманнааг̇ад̇од̇и сад̇д̇авид̇хааяа анубассанааяа яуд̇д̇о, сад̇д̇авид̇хаа анубассанаа наама анижжаанубассанаа д̣̇угкаанубассанаа анад̇д̇аанубассанаа ниб̣б̣ид̣̇аанубассанаа вирааг̇аанубассанаа нирод̇хаанубассанаа бадиниссаг̇г̇аанубассанаад̇и. д̇аа висуд̣̇д̇химаг̇г̇з вид̇т̇аарид̇аа. б̣руухзд̇аа сун̃н̃ааг̇аараананд̇и вад̣дхзд̇аа сун̃н̃ааг̇аараанам̣, зд̇т̇а жа самат̇авибассанаавасзна гаммадтаанам̣ г̇ахзд̇ваа рад̇д̇инд̣̇ивам̣ сун̃н̃ааг̇аарам̣ бависид̇ваа нисийд̣̇амаано бхигку ‘‘б̣руухзд̇аа сун̃н̃ааг̇аараана’’нд̇и взд̣̇ид̇аб̣б̣о. згабхуумагаад̣̇ибаасаад̣̇з гурумааноби бана нзва сун̃н̃ааг̇аараанам̣ б̣руухзд̇аад̇и д̣̇адтаб̣б̣од̇и.
Vipassanāya samannāgatoti sattavidhāya anupassanāya yutto, sattavidhā anupassanā nāma aniccānupassanā dukkhānupassanā anattānupassanā nibbidānupassanā virāgānupassanā nirodhānupassanā paṭinissaggānupassanāti. Tā visuddhimagge vitthāritā. Brūhetā suññāgārānanti vaḍḍhetā suññāgārānaṃ, ettha ca samathavipassanāvasena kammaṭṭhānaṃ gahetvā rattindivaṃ suññāgāraṃ pavisitvā nisīdamāno bhikkhu ‘‘brūhetā suññāgārāna’’nti veditabbo. Ekabhūmakādipāsāde kurumānopi pana neva suññāgārānaṃ brūhetāti daṭṭhabboti.
зд̇д̇аавад̇аа жа яат̇аа д̇ан̣хаавижарид̇ад̣̇зсанаа батамам̣ д̇ан̣хаавасзна аарад̣̇д̇хааби д̇ан̣хаабад̣̇адтаанад̇д̇аа маанад̣̇идтийнам̣ маанад̣̇идтияо осарид̇ваа гамзна бабан̃жад̇д̇аяад̣̇зсанаа ж̇аад̇аа, звамаяам̣ д̣̇зсанаа батамам̣ ад̇хисийласигкаавасзна аарад̣̇д̇хааби сийлабад̣̇адтаанад̇д̇аа самат̇авибассанаанам̣ самат̇авибассанааяо осарид̇ваа гамзна сигкад̇д̇аяад̣̇зсанаа ж̇аад̇аад̇и взд̣̇ид̇аб̣б̣аа.
Ettāvatā ca yathā taṇhāvicaritadesanā paṭhamaṃ taṇhāvasena āraddhāpi taṇhāpadaṭṭhānattā mānadiṭṭhīnaṃ mānadiṭṭhiyo osaritvā kamena papañcattayadesanā jātā, evamayaṃ desanā paṭhamaṃ adhisīlasikkhāvasena āraddhāpi sīlapadaṭṭhānattā samathavipassanānaṃ samathavipassanāyo osaritvā kamena sikkhattayadesanā jātāti veditabbā.
зд̇т̇а хи ‘‘сийлзсвзвасса барибуурагаарий’’д̇и зд̇д̇аавад̇аа ад̇хисийласигкаа вуд̇д̇аа. ‘‘аж̇жхад̇д̇ам̣ жзд̇осамат̇амануяуд̇д̇о анираагад̇аж̇жхаано’’д̇и зд̇д̇аавад̇аа ад̇хижид̇д̇асигкаа, ‘‘вибассанааяа саманнааг̇ад̇о’’д̇и зд̇д̇аавад̇аа ад̇хибан̃н̃аасигкаа, ‘‘б̣руухзд̇аа сун̃н̃ааг̇аараана’’нд̇и иминаа бана самат̇авасзна сун̃н̃ааг̇ааравад̣дханз ад̇хижид̇д̇асигкаа, вибассанаавасзна ад̇хибан̃н̃аасигкаад̇и звам̣ д̣̇взби сигкаа сан̇г̇ахзд̇ваа вуд̇д̇аа. зд̇т̇а жа ‘‘аж̇жхад̇д̇ам̣ жзд̇осамат̇амануяуд̇д̇о анираагад̇аж̇жхаано’’д̇и имзхи бад̣̇зхи сийлаанурагкигаа зва жид̇д̇згаг̇г̇ад̇аа гат̇ид̇аа. ‘‘вибассанааяаа’’д̇и иминаа бад̣̇зна сийлаанурагкиго сан̇каарабариг̇г̇ахо.
Ettha hi ‘‘sīlesvevassa paripūrakārī’’ti ettāvatā adhisīlasikkhā vuttā. ‘‘Ajjhattaṃ cetosamathamanuyutto anirākatajjhāno’’ti ettāvatā adhicittasikkhā, ‘‘vipassanāya samannāgato’’ti ettāvatā adhipaññāsikkhā, ‘‘brūhetā suññāgārāna’’nti iminā pana samathavasena suññāgāravaḍḍhane adhicittasikkhā, vipassanāvasena adhipaññāsikkhāti evaṃ dvepi sikkhā saṅgahetvā vuttā. Ettha ca ‘‘ajjhattaṃ cetosamathamanuyutto anirākatajjhāno’’ti imehi padehi sīlānurakkhikā eva cittekaggatā kathitā. ‘‘Vipassanāyā’’ti iminā padena sīlānurakkhiko saṅkhārapariggaho.
гат̇ам̣ жид̇д̇згаг̇г̇ад̇аа сийламанурагкад̇и? яасса хи жид̇д̇згаг̇г̇ад̇аа над̇т̇и, со б̣яаад̇химхи уббаннз вихан̃н̃ад̇и, со б̣яаад̇хивихад̇о вигкид̇д̇ажид̇д̇о сийлам̣ винаасзд̇вааби б̣яаад̇хивуубасамам̣ гад̇д̇аа ход̇и. яасса бана жид̇д̇згаг̇г̇ад̇аа ад̇т̇и, со д̇ам̣ б̣яаад̇хид̣̇угкам̣ вигкамбхзд̇ваа самаабад̇д̇им̣ самаабаж̇ж̇ад̇и, самаабаннагкан̣з д̣̇угкам̣ д̣̇уураабагад̇ам̣ ход̇и, б̣алавад̇арасукамуббаж̇ж̇ад̇и. звам̣ жид̇д̇згаг̇г̇ад̇аа сийлам̣ анурагкад̇и.
Kathaṃ cittekaggatā sīlamanurakkhati? Yassa hi cittekaggatā natthi, so byādhimhi uppanne vihaññati, so byādhivihato vikkhittacitto sīlaṃ vināsetvāpi byādhivūpasamaṃ kattā hoti. Yassa pana cittekaggatā atthi, so taṃ byādhidukkhaṃ vikkhambhetvā samāpattiṃ samāpajjati, samāpannakkhaṇe dukkhaṃ dūrāpakataṃ hoti, balavatarasukhamuppajjati. Evaṃ cittekaggatā sīlaṃ anurakkhati.
гат̇ам̣ сан̇каарабариг̇г̇ахо сийламанурагкад̇и? яасса хи сан̇каарабариг̇г̇ахо над̇т̇и, д̇асса ‘‘мама руубам̣ мама вин̃н̃аан̣а’’нд̇и ад̇д̇абхаавз б̣алавамамад̇д̇ам̣ ход̇и, со д̇ат̇ааруубзсу д̣̇уб̣бхигкаб̣яаад̇хибхаяаад̣̇ийсу самбад̇д̇зсу сийлам̣ винаасзд̇вааби ад̇д̇абхаавам̣ босзд̇аа ход̇и. яасса бана сан̇каарабариг̇г̇ахо ад̇т̇и, д̇асса ад̇д̇абхаавз б̣алавамамад̇д̇ам̣ ваа синзхо ваа на ход̇и, со д̇ат̇ааруубзсу д̣̇уб̣бхигкаб̣яаад̇хибхаяаад̣̇ийсу самбад̇д̇зсу сажзбисса анд̇аани б̣ахи нигкаманд̇и, сажзби уссуссад̇и висуссад̇и, кан̣д̣аакан̣д̣иго ваа ход̇и сад̇ад̇хааби сахассад̇хааби, нзва сийлам̣ винаасзд̇ваа ад̇д̇абхаавам̣ босзд̇аа ход̇и. звам̣ сан̇каарабариг̇г̇ахо сийламанурагкад̇и. ‘‘б̣руухзд̇аа сун̃н̃ааг̇аараана’’нд̇и иминаа бана д̇ассзва убхаяасса б̣рууханаа вад̣дханаа саад̇ажжагирияаа д̣̇ассид̇аа.
Kathaṃ saṅkhārapariggaho sīlamanurakkhati? Yassa hi saṅkhārapariggaho natthi, tassa ‘‘mama rūpaṃ mama viññāṇa’’nti attabhāve balavamamattaṃ hoti, so tathārūpesu dubbhikkhabyādhibhayādīsu sampattesu sīlaṃ vināsetvāpi attabhāvaṃ posetā hoti. Yassa pana saṅkhārapariggaho atthi, tassa attabhāve balavamamattaṃ vā sineho vā na hoti, so tathārūpesu dubbhikkhabyādhibhayādīsu sampattesu sacepissa antāni bahi nikkhamanti, sacepi ussussati visussati, khaṇḍākhaṇḍiko vā hoti satadhāpi sahassadhāpi, neva sīlaṃ vināsetvā attabhāvaṃ posetā hoti. Evaṃ saṅkhārapariggaho sīlamanurakkhati. ‘‘Brūhetā suññāgārāna’’nti iminā pana tasseva ubhayassa brūhanā vaḍḍhanā sātaccakiriyā dassitā.
звам̣ бхаг̇аваа яасмаа ‘‘саб̣рахмажаарийнам̣ бияо жассам̣ манаабо жа г̇ару жа бхааванийяо жаа’’д̇и имз жад̇д̇ааро д̇хаммз ааган̇канд̇зна над̇т̇ан̃н̃ам̣ гин̃жи гаад̇аб̣б̣ам̣, ан̃н̃ад̣̇ад̇т̇у сийлаад̣̇иг̇ун̣асаманнааг̇ад̇зна бхавид̇аб̣б̣ам̣, ид̣̇исо хи саб̣рахмажаарийнам̣ бияо ход̇и манаабо г̇ару бхааванийяо. вуд̇д̇амби хзд̇ам̣ –
Evaṃ bhagavā yasmā ‘‘sabrahmacārīnaṃ piyo cassaṃ manāpo ca garu ca bhāvanīyo cā’’ti ime cattāro dhamme ākaṅkhantena natthaññaṃ kiñci kātabbaṃ, aññadatthu sīlādiguṇasamannāgatena bhavitabbaṃ, idiso hi sabrahmacārīnaṃ piyo hoti manāpo garu bhāvanīyo. Vuttampi hetaṃ –
‘‘сийлад̣̇ассанасамбаннам̣ , д̇хаммадтам̣ сажжаваад̣̇инам̣;
‘‘Sīladassanasampannaṃ , dhammaṭṭhaṃ saccavādinaṃ;
ад̇д̇ано гамма губ̣б̣аанам̣, д̇ам̣ ж̇ано гуруд̇з бияа’’нд̇и. (д̇ха. ба. 217);
Attano kamma kubbānaṃ, taṃ jano kurute piya’’nti. (dha. pa. 217);
д̇асмаа ‘‘ааган̇кзяяа жз, бхигкавз, бхигку саб̣рахмажаарийнам̣ бияо жассам̣ манаабо жа г̇ару жа бхааванийяо жаад̇и сийлзсвзвасса барибуурагаарий…бз… сун̃н̃ааг̇аараана’’нд̇и вад̇ваа ид̣̇аани яасмаа бажжаяалаабхаад̣̇им̣ бад̇т̇аяанд̇знааби ид̣̇амзва гаран̣ийяам̣, на ан̃н̃ам̣ гин̃жи, д̇асмаа ‘‘ааган̇кзяяа жз, бхигкавз, бхигку лаабхий асса’’нд̇иаад̣̇имааха. на жзд̇т̇а бхаг̇аваа лаабханимид̇д̇ам̣ сийлаад̣̇ибарибууран̣ам̣ гат̇зд̇ийд̇и взд̣̇ид̇аб̣б̣о. бхаг̇аваа хи гхаасзсанам̣ чиннагат̇о на ваажам̣ баяуд̇д̇ам̣ бхан̣зд̇и, звам̣ саавагз овад̣̇ад̇и, со гат̇ам̣ лаабханимид̇д̇ам̣ сийлаад̣̇ибарибууран̣ам̣ гат̇зссад̇и, буг̇г̇алаж̇жхаасаяавасзна банзд̇ам̣ вуд̇д̇ам̣. язсан̃хи звам̣ аж̇жхаасаяо бхавзяяа ‘‘сажз маяам̣ жад̇уухи бажжаязхи на гиламзяяаама, сийлаад̣̇им̣ буурзд̇ум̣ саггун̣зяяаамаа’’д̇и, д̇зсам̣ аж̇жхаасаяавасзна бхаг̇аваа звамааха. абижа расаанисам̣со зса сийласса, яад̣̇ид̣̇ам̣ жад̇д̇ааро бажжаяаа наама. д̇ат̇аа хи бан̣д̣ид̇амануссаа годтаад̣̇ийсу табид̇ам̣ нийхарид̇ваа буд̇д̇аад̣̇ийнамби ад̣̇ад̇ваа ад̇д̇анааби абарибхун̃ж̇ид̇ваа сийлаванд̇аанам̣ д̣̇знд̇ийд̇и сийласса сарасаанисам̣сад̣̇ассанад̇т̇ам̣ бзд̇ам̣ вуд̇д̇ам̣.
Tasmā ‘‘ākaṅkheyya ce, bhikkhave, bhikkhu sabrahmacārīnaṃ piyo cassaṃ manāpo ca garu ca bhāvanīyo cāti sīlesvevassa paripūrakārī…pe… suññāgārāna’’nti vatvā idāni yasmā paccayalābhādiṃ patthayantenāpi idameva karaṇīyaṃ, na aññaṃ kiñci, tasmā ‘‘ākaṅkheyya ce, bhikkhave, bhikkhu lābhī assa’’ntiādimāha. Na cettha bhagavā lābhanimittaṃ sīlādiparipūraṇaṃ kathetīti veditabbo. Bhagavā hi ghāsesanaṃ chinnakatho na vācaṃ payuttaṃ bhaṇeti, evaṃ sāvake ovadati, so kathaṃ lābhanimittaṃ sīlādiparipūraṇaṃ kathessati, puggalajjhāsayavasena panetaṃ vuttaṃ. Yesañhi evaṃ ajjhāsayo bhaveyya ‘‘sace mayaṃ catūhi paccayehi na kilameyyāma, sīlādiṃ pūretuṃ sakkuṇeyyāmā’’ti, tesaṃ ajjhāsayavasena bhagavā evamāha. Apica rasānisaṃso esa sīlassa, yadidaṃ cattāro paccayā nāma. Tathā hi paṇḍitamanussā koṭṭhādīsu ṭhapitaṃ nīharitvā puttādīnampi adatvā attanāpi aparibhuñjitvā sīlavantānaṃ dentīti sīlassa sarasānisaṃsadassanatthaṃ petaṃ vuttaṃ.
д̇ад̇ияаваарз язсааханд̇и язсам̣ ахам̣. д̇зсам̣ д̇з гаараад̇и д̇зсам̣ д̣̇зваанам̣ ваа мануссаанам̣ ваа д̇з маяи гад̇аа бажжаяад̣̇аанагаараа. д̣̇звааби хи сийлаад̣̇иг̇ун̣аяуд̇д̇аанам̣ бажжаяз д̣̇знд̇и, на гзвалам̣ мануссааязва, сагго вияа ааяасмад̇о махаагассабасса. махабпалаа махаанисам̣саад̇и убхаяамзд̇ам̣ ад̇т̇ад̇о згам̣, б̣яан̃ж̇анамзва наанам̣. маханд̇ам̣ ваа логияасукам̣ паланд̇ийд̇и махабпалаа . махад̇о логуд̇д̇арасукасса жа бажжаяаа хонд̇ийд̇и махаанисам̣саа. сийлаад̣̇иг̇ун̣аяуд̇д̇асса хи гадажчубхигкааби бан̃жарад̇анамад̇д̇ааяа бхуумияаа бан̣н̣асаалааби гад̇ваа д̣̇иннаа анзгаани габбасахассаани д̣̇уг̇г̇ад̇ивинибаад̇ад̇о рагкад̇и, барияосаанз жа амад̇ааяа бариниб̣б̣аанад̇хаад̇уяаабажжаяо ход̇и. ‘‘кийрод̣̇анам̣ ахамад̣̇ааси’’нд̇иаад̣̇ийни (ви. ва. 413) жзд̇т̇а вад̇т̇ууни, сагаламзва ваа бзд̇авад̇т̇у вимаанавад̇т̇у жа саад̇хагам̣. д̇асмаа бажжаяад̣̇ааяагзхи ад̇д̇ани гад̇аанам̣ гаараанам̣ махабпалад̇ам̣ ижчанд̇знааби сийлаад̣̇иг̇ун̣аяуд̇д̇знзва бхавид̇аб̣б̣анд̇и д̣̇ассзд̇и.
Tatiyavāre yesāhanti yesaṃ ahaṃ. Tesaṃ te kārāti tesaṃ devānaṃ vā manussānaṃ vā te mayi katā paccayadānakārā. Devāpi hi sīlādiguṇayuttānaṃ paccaye denti, na kevalaṃ manussāyeva, sakko viya āyasmato mahākassapassa. Mahapphalā mahānisaṃsāti ubhayametaṃ atthato ekaṃ, byañjanameva nānaṃ. Mahantaṃ vā lokiyasukhaṃ phalantīti mahapphalā. Mahato lokuttarasukhassa ca paccayā hontīti mahānisaṃsā. Sīlādiguṇayuttassa hi kaṭacchubhikkhāpi pañcaratanamattāya bhūmiyā paṇṇasālāpi katvā dinnā anekāni kappasahassāni duggativinipātato rakkhati, pariyosāne ca amatāya parinibbānadhātuyāpaccayo hoti. ‘‘Khīrodanaṃ ahamadāsi’’ntiādīni (vi. va. 413) cettha vatthūni, sakalameva vā petavatthu vimānavatthu ca sādhakaṃ. Tasmā paccayadāyakehi attani katānaṃ kārānaṃ mahapphalataṃ icchantenāpi sīlādiguṇayutteneva bhavitabbanti dasseti.
жад̇уд̇т̇аваарз н̃аад̇ийд̇и сассусасурабагкигаа. саалохид̇аад̇и згалохид̇асамб̣ад̣̇д̇хаа бийд̇ибид̇аамахаад̣̇аяо . бзд̇аад̇и бзжжабхаавам̣ г̇ад̇аа. гаалан̇гад̇аад̇и мад̇аа. д̇зсам̣ д̇анд̇и д̇зсам̣ д̇ам̣ маяи басаннажид̇д̇ад̇ам̣ ваа басаннзна жид̇д̇зна ануссаран̣ам̣ ваа. яасса хи бхигкуно гаалан̇гад̇о бид̇аа ваа маад̇аа ваа ‘‘амхаагам̣ н̃аад̇аго т̇зро сийлаваа галяаан̣ад̇хаммо’’д̇и басаннажид̇д̇о худ̇ваа д̇ам̣ бхигкум̣ ануссарад̇и, д̇асса со жид̇д̇аббасаад̣̇оби д̇ам̣ ануссаран̣амад̇д̇амби махабпалам̣ махаанисам̣самзва ход̇и, анзгаани габбасад̇асахассаани д̣̇уг̇г̇ад̇ид̇о ваарзд̇ум̣ анд̇з жа амад̇ам̣ баабзд̇ум̣ самад̇т̇амзва ход̇и. вуд̇д̇ан̃хзд̇ам̣ бхаг̇авад̇аа ‘‘яз д̇з, бхигкавз, бхигкуу сийласамбаннаа самаад̇хисамбаннаа бан̃н̃аа, вимуд̇д̇и, вимуд̇д̇ин̃аан̣ад̣̇ассанасамбаннаа, д̣̇ассанам̣баахам̣, бхигкавз, д̇зсам̣ бхигкуунам̣ б̣ахугаарам̣ вад̣̇аами. саванам̣, ануссад̇им̣, анубаб̣б̣аж̇ж̇ам̣, убасан̇гаманам̣, баяирубаасанам̣баахам̣, бхигкавз, д̇зсам̣ бхигкуунам̣ б̣ахугаарам̣ вад̣̇аамий’’д̇и (ид̇иву. 104). д̇асмаа н̃аад̇исаалохид̇аанам̣ ад̇д̇ани жид̇д̇аббасаад̣̇асса ануссад̇ияаа жа махабпалад̇ам̣ ижчанд̇знааби сийлаад̣̇иг̇ун̣аяуд̇д̇знзва, бхавид̇аб̣б̣анд̇и д̣̇ассзд̇и.
Catutthavāre ñātīti sassusasurapakkhikā. Sālohitāti ekalohitasambaddhā pītipitāmahādayo . Petāti peccabhāvaṃ gatā. Kālaṅkatāti matā. Tesaṃ tanti tesaṃ taṃ mayi pasannacittataṃ vā pasannena cittena anussaraṇaṃ vā. Yassa hi bhikkhuno kālaṅkato pitā vā mātā vā ‘‘amhākaṃ ñātako thero sīlavā kalyāṇadhammo’’ti pasannacitto hutvā taṃ bhikkhuṃ anussarati, tassa so cittappasādopi taṃ anussaraṇamattampi mahapphalaṃ mahānisaṃsameva hoti, anekāni kappasatasahassāni duggatito vāretuṃ ante ca amataṃ pāpetuṃ samatthameva hoti. Vuttañhetaṃ bhagavatā ‘‘ye te, bhikkhave, bhikkhū sīlasampannā samādhisampannā paññā, vimutti, vimuttiñāṇadassanasampannā, dassanaṃpāhaṃ, bhikkhave, tesaṃ bhikkhūnaṃ bahukāraṃ vadāmi. Savanaṃ, anussatiṃ, anupabbajjaṃ, upasaṅkamanaṃ, payirupāsanaṃpāhaṃ, bhikkhave, tesaṃ bhikkhūnaṃ bahukāraṃ vadāmī’’ti (itivu. 104). Tasmā ñātisālohitānaṃ attani cittappasādassa anussatiyā ca mahapphalataṃ icchantenāpi sīlādiguṇayutteneva, bhavitabbanti dasseti.
66. бан̃жамаваарз арад̇ирад̇исахо ассанд̇и арад̇ияаа рад̇ияаа жа сахо абхибхавид̇аа аж̇жход̇т̇арид̇аа бхавзяяам̣. зд̇т̇а жа арад̇ийд̇и ад̇хигусалзсу д̇хаммзсу банд̇асзнаасанзсу жа угган̣таа. рад̇ийд̇и бан̃жагаамаг̇ун̣арад̇и. на жа мам̣ арад̇и сахзяяаад̇и ман̃жа арад̇и на абхибхавзяяа на мад̣̇д̣̇зяяа на аж̇жход̇т̇арзяяа. уббаннанд̇и ж̇аад̇ам̣ ниб̣б̣ад̇д̇ам̣. сийлаад̣̇иг̇ун̣аяуд̇д̇о хи арад̇ин̃жа рад̇ин̃жа сахад̇и аж̇жход̇т̇арад̇и мад̣̇д̣̇ид̇ваа д̇идтад̇и. д̇асмаа ийд̣̇исам̣ ад̇д̇аанам̣ ижчанд̇знааби сийлаад̣̇иг̇ун̣аяуд̇д̇знзва бхавид̇аб̣б̣анд̇и д̣̇ассзд̇и.
66. Pañcamavāre aratiratisaho assanti aratiyā ratiyā ca saho abhibhavitā ajjhottharitā bhaveyyaṃ. Ettha ca aratīti adhikusalesu dhammesu pantasenāsanesu ca ukkaṇṭhā. Ratīti pañcakāmaguṇarati. Na ca maṃ arati saheyyāti mañca arati na abhibhaveyya na maddeyya na ajjhotthareyya. Uppannanti jātaṃ nibbattaṃ. Sīlādiguṇayutto hi aratiñca ratiñca sahati ajjhottharati madditvā tiṭṭhati. Tasmā īdisaṃ attānaṃ icchantenāpi sīlādiguṇayutteneva bhavitabbanti dasseti.
чадтаваарз бхаяам̣ жид̇д̇уд̇раасоби аарамман̣амби. бхзравам̣ аарамман̣амзва. сзсам̣ бан̃жамаваарз вуд̇д̇анаяамзва. сийлаад̣̇иг̇ун̣аяуд̇д̇о хи бхаяабхзравам̣ сахад̇и аж̇жход̇т̇арад̇и мад̣̇д̣̇ид̇ваа д̇идтад̇и арияагодияаваасиймахаад̣̇ад̇д̇ад̇т̇зро вияа.
Chaṭṭhavāre bhayaṃ cittutrāsopi ārammaṇampi. Bheravaṃ ārammaṇameva. Sesaṃ pañcamavāre vuttanayameva. Sīlādiguṇayutto hi bhayabheravaṃ sahati ajjhottharati madditvā tiṭṭhati ariyakoṭiyavāsīmahādattatthero viya.
т̇зро гира маг̇г̇ам̣ бадибанно ан̃н̃ад̇арам̣ баасаад̣̇игам̣ аран̃н̃ам̣ д̣̇исваа ‘‘ид̇хзваж̇ж̇а саман̣ад̇хаммам̣ гад̇ваа г̇амиссаамий’’д̇и маг̇г̇аа оггамма ан̃н̃ад̇арасмим̣ ругкамуулз сан̇гхаадим̣ бан̃н̃абзд̇ваа баллан̇гам̣ аабхуж̇ид̇ваа нисийд̣̇и. ругкад̣̇звад̇ааяа д̣̇аарагаа т̇зрасса сийлад̇зж̇зна сагабхаавзна сан̣таад̇ум̣ асаггонд̇аа виссарамагам̣су. д̣̇звад̇ааби ругкам̣ жаалзси. т̇зро ажалова нисийд̣̇и. саа д̣̇звад̇аа д̇хуумааяи, баж̇ж̇али, нзва сагки т̇зрам̣ жаалзд̇ум̣, д̇ад̇о убаасагаван̣н̣знааг̇анд̇ваа ванд̣̇ид̇ваа адтааси. ‘‘го зсо’’д̇и вуд̇д̇аа ‘‘ахам̣, бханд̇з, зд̇асмим̣ ругкз ад̇хивад̇т̇аа д̣̇звад̇аа’’д̇и авожа. д̇вам̣ зд̇з вигаарз агаасийд̇и. аама бханд̇зд̇и. гасмаад̇и жа вуд̇д̇аа ааха – ‘‘д̇умхаагам̣, бханд̇з , сийлад̇зж̇зна д̣̇аарагаа сагабхаавзна сан̣таад̇ум̣ асаггонд̇аа виссарамагам̣су, саахам̣ д̇умхз балаабзд̇ум̣ звамагааси’’нд̇и. т̇зро ааха – ‘‘ат̇а гасмаа ид̇ха, бханд̇з, маа васат̇а, маяхам̣ апаасууд̇и бадигажжзва нааважааси. ид̣̇аани бана маа гин̃жи аважа, арияагодияамахаад̣̇ад̇д̇о амануссабхаязна г̇ад̇од̇и важанад̇о лаж̇ж̇аами, д̇знаахам̣ ид̇хзва васиссам̣, д̇вам̣ бана аж̇ж̇згад̣̇ивасам̣ яад̇т̇а гад̇т̇ажи васаахий’’д̇и. звам̣ сийлаад̣̇иг̇ун̣аяуд̇д̇о бхаяабхзравасахо ход̇и. д̇асмаа ийд̣̇исамад̇д̇аанам̣ ижчанд̇знааби сийлаад̣̇иг̇ун̣аяуд̇д̇знзва бхавид̇аб̣б̣анд̇и д̣̇ассзд̇и.
Thero kira maggaṃ paṭipanno aññataraṃ pāsādikaṃ araññaṃ disvā ‘‘idhevajja samaṇadhammaṃ katvā gamissāmī’’ti maggā okkamma aññatarasmiṃ rukkhamūle saṅghāṭiṃ paññapetvā pallaṅkaṃ ābhujitvā nisīdi. Rukkhadevatāya dārakā therassa sīlatejena sakabhāvena saṇṭhātuṃ asakkontā vissaramakaṃsu. Devatāpi rukkhaṃ cālesi. Thero acalova nisīdi. Sā devatā dhūmāyi, pajjali, neva sakkhi theraṃ cāletuṃ, tato upāsakavaṇṇenāgantvā vanditvā aṭṭhāsi. ‘‘Ko eso’’ti vuttā ‘‘ahaṃ, bhante, etasmiṃ rukkhe adhivatthā devatā’’ti avoca. Tvaṃ ete vikāre akāsīti. Āma bhanteti. Kasmāti ca vuttā āha – ‘‘tumhākaṃ, bhante , sīlatejena dārakā sakabhāvena saṇṭhātuṃ asakkontā vissaramakaṃsu, sāhaṃ tumhe palāpetuṃ evamakāsi’’nti. Thero āha – ‘‘atha kasmā idha, bhante, mā vasatha, mayhaṃ aphāsūti paṭikacceva nāvacāsi. Idāni pana mā kiñci avaca, ariyakoṭiyamahādatto amanussabhayena gatoti vacanato lajjāmi, tenāhaṃ idheva vasissaṃ, tvaṃ pana ajjekadivasaṃ yattha katthaci vasāhī’’ti. Evaṃ sīlādiguṇayutto bhayabheravasaho hoti. Tasmā īdisamattānaṃ icchantenāpi sīlādiguṇayutteneva bhavitabbanti dasseti.
сад̇д̇амаваарз аабхижзд̇асигаананд̇и абхижзд̇од̇и абхигганд̇ам̣ висуд̣̇д̇хажид̇д̇ам̣ вужжад̇и, ад̇хижид̇д̇ам̣ ваа, абхижзд̇аси ж̇аад̇аани аабхижзд̇асигаани, абхижзд̇о санниссид̇аанийд̇и ваа аабхижзд̇асигаани. д̣̇идтад̇хаммасукавихаараананд̇и д̣̇идтад̇хаммз сукавихаараанам̣. д̣̇идтад̇хаммод̇и бажжагко ад̇д̇абхааво вужжад̇и, д̇ад̇т̇а сукавихаарабхууд̇аананд̇и ад̇т̇о, руубааважараж̇жхаанаанамзд̇ам̣ ад̇хиважанам̣. д̇аани хи аббзд̇ваа нисиннаа жхааяино имасмим̣язва ад̇д̇абхаавз асам̣гилидтам̣ нзгкаммасукам̣ винд̣̇анд̇и, д̇асмаа ‘‘д̣̇идтад̇хаммасукавихаарааний’’д̇и вужжанд̇и. нигаамалаабхийд̇и нигаамзна лаабхий ад̇д̇ано ижчаавасзна лаабхий, ижчид̇ижчид̇агкан̣з самаабаж̇ж̇ид̇ум̣ самад̇т̇од̇и вуд̇д̇ам̣ ход̇и. агижчалаабхийд̇и сукзнзва бажжанийгад̇хаммз вигкамбхзд̇ваа самаабаж̇ж̇ид̇ум̣ самад̇т̇од̇и вуд̇д̇ам̣ ход̇и. агасиралаабхийд̇и агасираанам̣ вибулаанам̣ лаабхий, яат̇аабарижчзд̣̇зязва вудтаад̇ум̣ самад̇т̇од̇и вуд̇д̇ам̣ ход̇и. згажжо хи лаабхийязва ход̇и, на бана саггод̇и ижчид̇ижчид̇агкан̣з самаабаж̇ж̇ид̇ум̣. згажжо саггод̇и д̇ат̇аа самаабаж̇ж̇ид̇ум̣, баариб̣анд̇хигз бана гижчзна вигкамбхзд̇и. згажжо д̇ат̇аа самаабаж̇ж̇ад̇и, баариб̣анд̇хигз жа агижчзнзва вигкамбхзд̇и, на саггод̇и наал̣игааяанд̇ам̣ вияа яат̇аабарижчзд̣̇зязва жа вудтаад̇ум̣. яо бана имам̣ д̇ивид̇хамби самбад̣̇ам̣ ижчад̇и, соби сийлзсвзвасса барибуурагаарийд̇и.
Sattamavāre ābhicetasikānanti abhicetoti abhikkantaṃ visuddhacittaṃ vuccati, adhicittaṃ vā, abhicetasi jātāni ābhicetasikāni, abhiceto sannissitānīti vā ābhicetasikāni. Diṭṭhadhammasukhavihārānanti diṭṭhadhamme sukhavihārānaṃ. Diṭṭhadhammoti paccakkho attabhāvo vuccati, tattha sukhavihārabhūtānanti attho, rūpāvacarajjhānānametaṃ adhivacanaṃ. Tāni hi appetvā nisinnā jhāyino imasmiṃyeva attabhāve asaṃkiliṭṭhaṃ nekkhammasukhaṃ vindanti, tasmā ‘‘diṭṭhadhammasukhavihārānī’’ti vuccanti. Nikāmalābhīti nikāmena lābhī attano icchāvasena lābhī, icchiticchitakkhaṇe samāpajjituṃ samatthoti vuttaṃ hoti. Akicchalābhīti sukheneva paccanīkadhamme vikkhambhetvā samāpajjituṃ samatthoti vuttaṃ hoti. Akasiralābhīti akasirānaṃ vipulānaṃ lābhī, yathāparicchedeyeva vuṭṭhātuṃ samatthoti vuttaṃ hoti. Ekacco hi lābhīyeva hoti, na pana sakkoti icchiticchitakkhaṇe samāpajjituṃ. Ekacco sakkoti tathā samāpajjituṃ, pāribandhike pana kicchena vikkhambheti. Ekacco tathā samāpajjati, pāribandhike ca akiccheneva vikkhambheti, na sakkoti nāḷikāyantaṃ viya yathāparicchedeyeva ca vuṭṭhātuṃ. Yo pana imaṃ tividhampi sampadaṃ icchati, sopi sīlesvevassa paripūrakārīti.
звам̣ абхин̃н̃аабаад̣̇агз жхаанз вуд̇д̇з гин̃жааби абхин̃н̃аанам̣ вааро ааг̇ад̇о, ат̇а ко нам̣ бхаг̇аваа аг̇г̇ахзд̇ваава яасмаа на гзвалам̣ абхин̃н̃аабаад̣̇агаж̇жхаанаани жа абхин̃н̃ааяоязва жа сийлаанам̣ аанисам̣со, абижа ко жад̇д̇аари ааруббажхаанааниби д̇аяо жа хздтимаа арияамаг̇г̇аа, д̇асмаа д̇ам̣ саб̣б̣ам̣ барияаад̣̇ияид̇ваа д̣̇ассзд̇ум̣ ааган̇кзяяа жз…бз… яз д̇з санд̇аад̇и звамаад̣̇имааха.
Evaṃ abhiññāpādake jhāne vutte kiñcāpi abhiññānaṃ vāro āgato, atha kho naṃ bhagavā aggahetvāva yasmā na kevalaṃ abhiññāpādakajjhānāni ca abhiññāyoyeva ca sīlānaṃ ānisaṃso, apica kho cattāri āruppajhānānipi tayo ca heṭṭhimā ariyamaggā, tasmā taṃ sabbaṃ pariyādiyitvā dassetuṃ ākaṅkheyya ce…pe… ye te santāti evamādimāha.
д̇ад̇т̇а санд̇аад̇и ан̇г̇асанд̇ад̇ааяа жзва аарамман̣асанд̇ад̇ааяа жа. вимогкаад̇и бажжанийгад̇хаммзхи вимуд̇д̇ад̇д̇аа аарамман̣з жа ад̇химуд̇д̇ад̇д̇аа. ад̇иггамма руубзд̇и руубааважараж̇жхаанз ад̇иггамид̇ваа, яз д̇з вимогкаа ад̇иггамма руубз санд̇аад̇и бад̣̇асамб̣анд̇хо, ид̇арат̇аа хи ад̇иггамма руубз гим̣ гарод̇ийд̇и на бан̃н̃ааязяяум̣. ааруббаад̇и аарамман̣ад̇о жа вибаагад̇о жа руубавирахид̇аа. гааязна пусид̇ваад̇и наамагааязна пусид̇ваа баабун̣ид̇ваа, ад̇хиг̇анд̇ваад̇и вуд̇д̇ам̣ ход̇и. сзсам̣ вуд̇д̇аанамзва. ид̣̇ам̣ вуд̇д̇ам̣ ход̇и ‘‘яоби бхигку имз вимогкз пусид̇ваа вихарид̇угаамо, соби сийлзсвзвасса барибуурагаарий’’д̇и.
Tattha santāti aṅgasantatāya ceva ārammaṇasantatāya ca. Vimokkhāti paccanīkadhammehi vimuttattā ārammaṇe ca adhimuttattā. Atikkamma rūpeti rūpāvacarajjhāne atikkamitvā, ye te vimokkhā atikkamma rūpe santāti padasambandho, itarathā hi atikkamma rūpe kiṃ karotīti na paññāyeyyuṃ. Āruppāti ārammaṇato ca vipākato ca rūpavirahitā. Kāyena phusitvāti nāmakāyena phusitvā pāpuṇitvā, adhigantvāti vuttaṃ hoti. Sesaṃ vuttānameva. Idaṃ vuttaṃ hoti ‘‘yopi bhikkhu ime vimokkhe phusitvā viharitukāmo, sopi sīlesvevassa paripūrakārī’’ti.
67. навамаваарз д̇ин̣н̣ам̣ сам̣яож̇анаананд̇и саггааяад̣̇идтивижигижчаасийлаб̣б̣ад̇абараамаасасан̇каад̇аанам̣ д̇ин̣н̣ам̣ б̣анд̇ханаанам̣. д̇аани хи сам̣яож̇знд̇и канд̇хаг̇ад̇ибхаваад̣̇ийхи канд̇хаг̇ад̇ибхаваад̣̇аяо, гаммам̣ ваа палзна, д̇асмаа сам̣яож̇анаанийд̇и вужжанд̇и, б̣анд̇ханаанийд̇и ад̇т̇о. баригкаяаад̇и баригкаязна. сод̇аабаннод̇и сод̇ам̣ аабанно. сод̇од̇и жа маг̇г̇ассзд̇ам̣ ад̇хиважанам̣. сод̇аабаннод̇и д̇ам̣саман̇г̇ибуг̇г̇аласса. яат̇ааха ‘‘сод̇о сод̇од̇и хид̣̇ам̣, саарибуд̇д̇а, вужжад̇и. гад̇амо ну ко, саарибуд̇д̇а, сод̇од̇и? аяамзва хи, бханд̇з, арияо адтан̇г̇иго маг̇г̇о. сзяяат̇ид̣̇ам̣, саммаад̣̇идти…бз… саммаасамаад̇хийд̇и. сод̇аабанно сод̇аабаннод̇и хид̣̇ам̣, саарибуд̇д̇а, вужжад̇и. гад̇амо ну ко, саарибуд̇д̇а, сод̇аабаннод̇и? яо хи, бханд̇з, иминаа адтан̇г̇игзна маг̇г̇зна саманнааг̇ад̇о, аяам̣ вужжад̇и сод̇аабанно, яояам̣ ааяасмаа звам̣наамо звам̣г̇од̇д̇о’’д̇и. ид̇ха бана маг̇г̇зна паласса наамам̣ д̣̇иннам̣, д̇асмаа паладто ‘‘сод̇аабанно’’д̇и взд̣̇ид̇аб̣б̣о. авинибаад̇ад̇хаммод̇и винибаад̇зд̇ийд̇и винибаад̇о, наасса винибаад̇о д̇хаммод̇и авинибаад̇ад̇хаммо, на ад̇д̇аанам̣ абааяз винибаад̇асабхаавод̇и вуд̇д̇ам̣ ход̇и. гасмаа? яз д̇хаммаа абааяаг̇аманияаа, д̇зсам̣ бахийнад̇д̇аа. самб̣од̇хи барам̣ аяанам̣ г̇ад̇и ассаад̇и самб̣од̇хибарааяан̣о, убаримаг̇г̇ад̇д̇аяам̣ авассам̣ самбаабагод̇и ад̇т̇о. гасмаа? бадилад̣̇д̇хабатамамаг̇г̇ад̇д̇аа. сийлзсвзваад̇и ийд̣̇исо ход̇угаамоби сийлзсвзвасса барибууран̣аарийд̇и.
67. Navamavāre tiṇṇaṃ saṃyojanānanti sakkāyadiṭṭhivicikicchāsīlabbataparāmāsasaṅkhātānaṃ tiṇṇaṃ bandhanānaṃ. Tāni hi saṃyojenti khandhagatibhavādīhi khandhagatibhavādayo, kammaṃ vā phalena, tasmā saṃyojanānīti vuccanti, bandhanānīti attho. Parikkhayāti parikkhayena. Sotāpannoti sotaṃ āpanno. Sototi ca maggassetaṃ adhivacanaṃ. Sotāpannoti taṃsamaṅgipuggalassa. Yathāha ‘‘soto sototi hidaṃ, sāriputta, vuccati. Katamo nu kho, sāriputta, sototi? Ayameva hi, bhante, ariyo aṭṭhaṅgiko maggo. Seyyathidaṃ, sammādiṭṭhi…pe… sammāsamādhīti. Sotāpanno sotāpannoti hidaṃ, sāriputta, vuccati. Katamo nu kho, sāriputta, sotāpannoti? Yo hi, bhante, iminā aṭṭhaṅgikena maggena samannāgato, ayaṃ vuccati sotāpanno, yoyaṃ āyasmā evaṃnāmo evaṃgotto’’ti. Idha pana maggena phalassa nāmaṃ dinnaṃ, tasmā phalaṭṭho ‘‘sotāpanno’’ti veditabbo. Avinipātadhammoti vinipātetīti vinipāto, nāssa vinipāto dhammoti avinipātadhammo, na attānaṃ apāye vinipātasabhāvoti vuttaṃ hoti. Kasmā? Ye dhammā apāyagamaniyā, tesaṃ pahīnattā. Sambodhi paraṃ ayanaṃ gati assāti sambodhiparāyaṇo, uparimaggattayaṃ avassaṃ sampāpakoti attho. Kasmā? Paṭiladdhapaṭhamamaggattā. Sīlesvevāti īdiso hotukāmopi sīlesvevassa paripūraṇārīti.
д̣̇асамаваарз батамамаг̇г̇зна баригкийн̣ааниби д̇ийн̣и сам̣яож̇анаани сагад̣̇ааг̇аамимаг̇г̇асса ван̣н̣абхан̣анад̇т̇ам̣ вуд̇д̇аани. рааг̇ад̣̇осамохаанам̣ д̇ануд̇д̇аад̇и зд̇зсам̣ д̇анубхаавзна, д̇ануд̇д̇агаран̣знаад̇и вуд̇д̇ам̣ ход̇и. д̇ад̇т̇а д̣̇вийхи гааран̣зхи д̇ануд̇д̇ам̣ взд̣̇ид̇аб̣б̣ам̣ ад̇хижжуббад̇д̇ияаа жа барияудтаанаманд̣̇ад̇ааяа жа. сагад̣̇ааг̇аамисса хи ваддаанусааримахааж̇анассзва гилзсаа абхин̣хам̣ на уббаж̇ж̇анд̇и, гад̣̇аажи гарахажи уббаж̇ж̇анд̇и вирал̣аагаараа худ̇ваа, вирал̣аваабид̇з кзд̇д̇з ан̇гураа вияа. уббаж̇ж̇амаанааби жа ваддаанусааримахааж̇анассзва мад̣̇д̣̇анд̇аа паранд̇аа чаад̣̇знд̇аа анд̇хагаарам̣ гаронд̇аа на уббаж̇ж̇анд̇и, манд̣̇аманд̣̇аа уббаж̇ж̇анд̇и д̇анугаагаараа худ̇ваа, аб̣бхабадаламива магкигаабад̇д̇амива жа.
Dasamavāre paṭhamamaggena parikkhīṇānipi tīṇi saṃyojanāni sakadāgāmimaggassa vaṇṇabhaṇanatthaṃ vuttāni. Rāgadosamohānaṃ tanuttāti etesaṃ tanubhāvena, tanuttakaraṇenāti vuttaṃ hoti. Tattha dvīhi kāraṇehi tanuttaṃ veditabbaṃ adhiccuppattiyā ca pariyuṭṭhānamandatāya ca. Sakadāgāmissa hi vaṭṭānusārimahājanasseva kilesā abhiṇhaṃ na uppajjanti, kadāci karahaci uppajjanti viraḷākārā hutvā, viraḷavāpite khette aṅkurā viya. Uppajjamānāpi ca vaṭṭānusārimahājanasseva maddantā pharantā chādentā andhakāraṃ karontā na uppajjanti, mandamandā uppajjanti tanukākārā hutvā, abbhapaṭalamiva makkhikāpattamiva ca.
д̇ад̇т̇а гзжи т̇зраа бхан̣анд̇и ‘‘сагад̣̇ааг̇аамисса гилзсаа гин̃жааби жирзна уббаж̇ж̇анд̇и, б̣ахалаава уббаж̇ж̇анд̇и, д̇ат̇аа хисса буд̇д̇аа жа д̇хийд̇аро жа д̣̇иссанд̇ий’’д̇и, зд̇ам̣ бана аббамаан̣ам̣. буд̇д̇ад̇хийд̇аро хи ан̇г̇абажжан̇г̇абараамасанамад̇д̇знаби хонд̇ийд̇и. д̣̇вийхиязва гааран̣зхисса гилзсаанам̣ д̇ануд̇д̇ам̣ взд̣̇ид̇аб̣б̣ам̣ ад̇хижжуббад̇д̇ияаа жа барияудтаанаманд̣̇ад̇ааяа жаад̇и.
Tattha keci therā bhaṇanti ‘‘sakadāgāmissa kilesā kiñcāpi cirena uppajjanti, bahalāva uppajjanti, tathā hissa puttā ca dhītaro ca dissantī’’ti, etaṃ pana appamāṇaṃ. Puttadhītaro hi aṅgapaccaṅgaparāmasanamattenapi hontīti. Dvīhiyeva kāraṇehissa kilesānaṃ tanuttaṃ veditabbaṃ adhiccuppattiyā ca pariyuṭṭhānamandatāya cāti.
сагад̣̇ааг̇аамийд̇и сагим̣ ааг̇аманад̇хаммо. сагид̣̇зва имам̣ логам̣ ааг̇анд̇ваад̇и згаваарам̣язва имам̣ мануссалогам̣ бадисанд̇хивасзна ааг̇анд̇ваа. яоби хи ид̇ха сагад̣̇ааг̇аамимаг̇г̇ам̣ бхаавзд̇ваа ид̇хзва бариниб̣б̣аад̇и, соби ид̇ха на г̇ахид̇о. яоби ид̇ха маг̇г̇ам̣ бхаавзд̇ваа д̣̇звзсу убабаж̇ж̇ид̇ваа д̇ад̇т̇зва бариниб̣б̣аад̇и. яоби д̣̇звалогз маг̇г̇ам̣ бхаавзд̇ваа д̇ад̇т̇зва бариниб̣б̣аад̇и. яоби д̣̇звалогз маг̇г̇ам̣ бхаавзд̇ваа ид̇хзва мануссалогз ниб̣б̣ад̇д̇ид̇ваа бариниб̣б̣аад̇и. яо бана ид̇ха маг̇г̇ам̣ бхаавзд̇ваа д̣̇звалогз ниб̣б̣ад̇д̇о, д̇ад̇т̇а яаавад̇ааяугам̣ тад̇ваа буна ид̇хзва убабаж̇ж̇ид̇ваа бариниб̣б̣аад̇и, аяамид̇ха г̇ахид̇од̇и взд̣̇ид̇аб̣б̣о. д̣̇угкассанд̇ам̣ гарзяяанд̇и ваддад̣̇угкасса барижчзд̣̇ам̣ гарзяяам̣. сийлзсвзваад̇и ийд̣̇исо ход̇угаамоби сийлзсвзвасса барибуурагаарийд̇и.
Sakadāgāmīti sakiṃ āgamanadhammo. Sakideva imaṃ lokaṃ āgantvāti ekavāraṃyeva imaṃ manussalokaṃ paṭisandhivasena āgantvā. Yopi hi idha sakadāgāmimaggaṃ bhāvetvā idheva parinibbāti, sopi idha na gahito. Yopi idha maggaṃ bhāvetvā devesu upapajjitvā tattheva parinibbāti. Yopi devaloke maggaṃ bhāvetvā tattheva parinibbāti. Yopi devaloke maggaṃ bhāvetvā idheva manussaloke nibbattitvā parinibbāti. Yo pana idha maggaṃ bhāvetvā devaloke nibbatto, tattha yāvatāyukaṃ ṭhatvā puna idheva upapajjitvā parinibbāti, ayamidha gahitoti veditabbo. Dukkhassantaṃ kareyyanti vaṭṭadukkhassa paricchedaṃ kareyyaṃ. Sīlesvevāti īdiso hotukāmopi sīlesvevassa paripūrakārīti.
згаад̣̇асамаваарз бан̃жаннанд̇и г̇ан̣анабарижчзд̣̇о. орамбхааг̇ияаананд̇и орам̣ вужжад̇и хздтаа, хздтаабхааг̇ияаананд̇и ад̇т̇о, гаамааважаралогз уббад̇д̇ибажжаяаананд̇и ад̇хиббааяо. сам̣яож̇анаананд̇и б̣анд̇ханаанам̣, д̇аани гаамарааг̇аб̣яаабаад̣̇асам̣яож̇анзхи сад̣̇д̇хим̣ буб̣б̣з вуд̇д̇асам̣яож̇анаанзва взд̣̇ид̇аб̣б̣аани. яасса хи зд̇аани аббахийнаани, со гин̃жааби бхаваг̇г̇з уббанно ход̇и, ат̇а ко ааяубаригкаяаа гаамааважарз ниб̣б̣ад̇д̇ад̇иязва, г̇илид̇аб̣алисамажчуубамо свааяам̣ буг̇г̇ало д̣̇ийгхасуд̇д̇агзна баад̣̇з б̣ад̣̇д̇хавихан̇г̇уубамо жаад̇и взд̣̇ид̇аб̣б̣о. буб̣б̣з вуд̇д̇аанамби жзд̇т̇а важанам̣ ван̣н̣абхан̣анад̇т̇амзваад̇и взд̣̇ид̇аб̣б̣ам̣. обабаад̇игод̇и сзсаяонибадигкзбаважанамзд̇ам̣. д̇ад̇т̇абариниб̣б̣ааяийд̇и д̇ад̇т̇зва б̣рахмалогз бариниб̣б̣ааяий. анаавад̇д̇ид̇хаммо д̇асмаа логаад̇и д̇ад̇о б̣рахмалогаа бадисанд̇хивасзна буна анаавад̇д̇исабхааво. сийлзсвзваад̇и ийд̣̇исо ход̇угаамоби сийлзсвзвасса барибуурагаарийд̇и.
Ekādasamavāre pañcannanti gaṇanaparicchedo. Orambhāgiyānanti oraṃ vuccati heṭṭhā, heṭṭhābhāgiyānanti attho, kāmāvacaraloke uppattipaccayānanti adhippāyo. Saṃyojanānanti bandhanānaṃ, tāni kāmarāgabyāpādasaṃyojanehi saddhiṃ pubbe vuttasaṃyojanāneva veditabbāni. Yassa hi etāni appahīnāni, so kiñcāpi bhavagge uppanno hoti, atha kho āyuparikkhayā kāmāvacare nibbattatiyeva, gilitabalisamacchūpamo svāyaṃ puggalo dīghasuttakena pāde baddhavihaṅgūpamo cāti veditabbo. Pubbe vuttānampi cettha vacanaṃ vaṇṇabhaṇanatthamevāti veditabbaṃ. Opapātikoti sesayonipaṭikkhepavacanametaṃ. Tatthaparinibbāyīti tattheva brahmaloke parinibbāyī. Anāvattidhammo tasmā lokāti tato brahmalokā paṭisandhivasena puna anāvattisabhāvo. Sīlesvevāti īdiso hotukāmopi sīlesvevassa paripūrakārīti.
68. звам̣ анааг̇аамимаг̇г̇з вуд̇д̇з гин̃жааби жад̇уд̇т̇амаг̇г̇асса вааро ааг̇ад̇о, ат̇а ко нам̣ бхаг̇аваа аг̇г̇ахзд̇ваава яасмаа на гзвалаа аасавагкаяаабхин̃н̃аа зва сийлаанам̣ аанисам̣со, абижа ко логияабан̃жаабхин̃н̃ааяоби, д̇асмаа д̇ааби д̣̇ассзд̇ум̣, яасмаа жа аасавагкаяз гат̇ид̇з д̣̇зсанаа нидтид̇аа ход̇и, зван̃жа сад̇и имзсам̣ г̇ун̣аанам̣ агат̇ид̇ад̇д̇аа аяам̣ гат̇аа мун̣д̣аабхин̃н̃аагат̇аа наама бхавзяяа, д̇асмаа жа абхин̃н̃аабаарибуурим̣ гад̇ваа д̣̇ассзд̇умби, яасмаа жа анааг̇аамимаг̇г̇з тид̇асса сукзна ид̣̇д̇хивигуббанаа иж̇жхад̇и, самаад̇хибариб̣анд̇хаанам̣ гаамарааг̇аб̣яаабаад̣̇аанам̣ самуухад̇ад̇д̇аа, анааг̇аамий хи сийлзсу жа самаад̇химхи жа барибуурагаарий, д̇асмаа яуд̇д̇адтаанзязва логияаабхин̃н̃ааяо д̣̇ассзд̇умби ‘‘ааган̇кзяяа жз…бз… анзгавихид̇а’’нд̇и звамаад̣̇имаахаад̇и аяаманусанд̇хи.
68. Evaṃ anāgāmimagge vutte kiñcāpi catutthamaggassa vāro āgato, atha kho naṃ bhagavā aggahetvāva yasmā na kevalā āsavakkhayābhiññā eva sīlānaṃ ānisaṃso, apica kho lokiyapañcābhiññāyopi, tasmā tāpi dassetuṃ, yasmā ca āsavakkhaye kathite desanā niṭṭhitā hoti, evañca sati imesaṃ guṇānaṃ akathitattā ayaṃ kathā muṇḍābhiññākathā nāma bhaveyya, tasmā ca abhiññāpāripūriṃ katvā dassetumpi, yasmā ca anāgāmimagge ṭhitassa sukhena iddhivikuppanā ijjhati, samādhiparibandhānaṃ kāmarāgabyāpādānaṃ samūhatattā, anāgāmī hi sīlesu ca samādhimhi ca paripūrakārī, tasmā yuttaṭṭhāneyeva lokiyābhiññāyo dassetumpi ‘‘ākaṅkheyya ce…pe… anekavihita’’nti evamādimāhāti ayamanusandhi.
д̇ад̇т̇а ‘‘анзгавихид̇ам̣ ид̣̇д̇хивид̇ха’’нд̇иаад̣̇инаа наязна ааг̇ад̇аанам̣ бан̃жаннамби логияаабхин̃н̃аанам̣ баал̣иван̣н̣анаа сад̣̇д̇хим̣ бхааванаанаязна висуд̣̇д̇химаг̇г̇з вуд̇д̇аа.
Tattha ‘‘anekavihitaṃ iddhividha’’ntiādinā nayena āgatānaṃ pañcannampi lokiyābhiññānaṃ pāḷivaṇṇanā saddhiṃ bhāvanānayena visuddhimagge vuttā.
69. чадтаабхин̃н̃ааяа аасаваанам̣ каяаад̇и арахад̇д̇амаг̇г̇зна саб̣б̣агилзсаанам̣ каяаа. анаасаванд̇и аасававирахид̇ам̣. жзд̇овимуд̇д̇им̣ бан̃н̃аавимуд̇д̇инд̇и зд̇т̇а жзд̇оважанзна арахад̇д̇апаласамбаяуд̇д̇ова самаад̇хи, бан̃н̃ааважанзна д̇ам̣самбаяуд̇д̇аа бан̃н̃аава вуд̇д̇аа. д̇ад̇т̇а жа самаад̇хи рааг̇ад̇о вимуд̇д̇ад̇д̇аа жзд̇овимуд̇д̇и, бан̃н̃аа авиж̇ж̇ааяа вимуд̇д̇ад̇д̇аа бан̃н̃аавимуд̇д̇ийд̇и взд̣̇ид̇аб̣б̣аа. вуд̇д̇ан̃жзд̇ам̣ бхаг̇авад̇аа ‘‘яо хисса, бхигкавз, самаад̇хи, д̇ад̣̇асса самаад̇хинд̣̇рияам̣. яаа хисса, бхигкавз, бан̃н̃аа, д̇ад̣̇асса бан̃н̃инд̣̇рияам̣. ид̇и ко, бхигкавз , рааг̇авирааг̇аа жзд̇овимуд̇д̇и, авиж̇ж̇аавирааг̇аа бан̃н̃аавимуд̇д̇ий’’д̇и, абижзд̇т̇а самат̇апалам̣ жзд̇овимуд̇д̇и, вибассанаапалам̣ бан̃н̃аавимуд̇д̇ийд̇и взд̣̇ид̇аб̣б̣аа.
69. Chaṭṭhābhiññāya āsavānaṃ khayāti arahattamaggena sabbakilesānaṃ khayā. Anāsavanti āsavavirahitaṃ. Cetovimuttiṃ paññāvimuttinti ettha cetovacanena arahattaphalasampayuttova samādhi, paññāvacanena taṃsampayuttā paññāva vuttā. Tattha ca samādhi rāgato vimuttattā cetovimutti, paññā avijjāya vimuttattā paññāvimuttīti veditabbā. Vuttañcetaṃ bhagavatā ‘‘yo hissa, bhikkhave, samādhi, tadassa samādhindriyaṃ. Yā hissa, bhikkhave, paññā, tadassa paññindriyaṃ. Iti kho, bhikkhave , rāgavirāgā cetovimutti, avijjāvirāgā paññāvimuttī’’ti, apicettha samathaphalaṃ cetovimutti, vipassanāphalaṃ paññāvimuttīti veditabbā.
д̣̇идтзва д̇хаммзд̇и имасмим̣язва ад̇д̇абхаавз. саяам̣ абхин̃н̃аа сажчигад̇ваад̇и ад̇д̇аноязва бан̃н̃ааяа бажжагкам̣ гад̇ваа, абарабажжаязна н̃ад̇ваад̇и ад̇т̇о. убасамбаж̇ж̇а вихарзяяанд̇и баабун̣ид̇ваа самбаад̣̇зд̇ваа вихарзяяам̣. сийлзсвзваад̇и звам̣ саб̣б̣аасавз нид̣̇д̇хунид̇ваа жзд̇овимуд̇д̇им̣ бан̃н̃аавимуд̇д̇им̣ ад̇хиг̇анд̇угаамоби сийлзсвзвасса барибуурагаарийд̇и.
Diṭṭheva dhammeti imasmiṃyeva attabhāve. Sayaṃ abhiññā sacchikatvāti attanoyeva paññāya paccakkhaṃ katvā, aparapaccayena ñatvāti attho. Upasampajja vihareyyanti pāpuṇitvā sampādetvā vihareyyaṃ. Sīlesvevāti evaṃ sabbāsave niddhunitvā cetovimuttiṃ paññāvimuttiṃ adhigantukāmopi sīlesvevassa paripūrakārīti.
звам̣ бхаг̇аваа сийлаанисам̣сагат̇ам̣ яаава арахад̇д̇аа гат̇зд̇ваа ид̣̇аани саб̣б̣амби д̇ам̣ сийлаанисам̣сам̣ самбин̣д̣зд̇ваа д̣̇ассзнд̇о ниг̇аманам̣ ааха ‘‘самбаннасийлаа, бхигкавз…бз… ид̣̇амзд̇ам̣ бадижжа вуд̇д̇а’’нд̇и. д̇ассааяам̣ сан̇кзбад̇т̇о, ‘‘самбаннасийлаа, бхигкавз, вихарат̇а…бз… самаад̣̇ааяа сигкат̇а сигкаабад̣̇зсуу’’д̇и ид̇и яам̣ д̇ам̣ маяаа буб̣б̣з звам̣ вуд̇д̇ам̣, ид̣̇ам̣ саб̣б̣амби самбаннасийло бхигку саб̣рахмажаарийнам̣ бияо ход̇и манаабо, г̇ару бхааванийяо бажжаяаанам̣ лаабхий, бажжаяад̣̇ааяагаанам̣ махабпалагаро, буб̣б̣ан̃аад̇ийнам̣ ануссаран̣ажзд̇анааяа паламахад̇д̇агаро, арад̇ирад̇исахо, бхаяабхзравасахо, руубааважараж̇жхаанаанам̣ аруубааважараж̇жхаанаанан̃жа лаабхий, хздтимаани д̇ийн̣и сааман̃н̃апалаани бан̃жа логияаабхин̃н̃аа аасавагкаяан̃аан̣анд̇и жа имз жа г̇ун̣з саяам̣ абхин̃н̃аа сажчигад̇д̇аа ход̇и, зд̇ам̣ бадижжа ид̣̇ам̣ санд̇хааяа вуд̇д̇анд̇и. ид̣̇амавожа бхаг̇аваа, ад̇д̇аманаа д̇з бхигку бхаг̇авад̇о бхаасид̇ам̣ абхинанд̣̇унд̇и.
Evaṃ bhagavā sīlānisaṃsakathaṃ yāva arahattā kathetvā idāni sabbampi taṃ sīlānisaṃsaṃ sampiṇḍetvā dassento nigamanaṃ āha ‘‘sampannasīlā, bhikkhave…pe… idametaṃ paṭicca vutta’’nti. Tassāyaṃ saṅkhepattho, ‘‘sampannasīlā, bhikkhave, viharatha…pe… samādāya sikkhatha sikkhāpadesū’’ti iti yaṃ taṃ mayā pubbe evaṃ vuttaṃ, idaṃ sabbampi sampannasīlo bhikkhu sabrahmacārīnaṃ piyo hoti manāpo, garu bhāvanīyo paccayānaṃ lābhī, paccayadāyakānaṃ mahapphalakaro, pubbañātīnaṃ anussaraṇacetanāya phalamahattakaro, aratiratisaho, bhayabheravasaho, rūpāvacarajjhānānaṃ arūpāvacarajjhānānañca lābhī, heṭṭhimāni tīṇi sāmaññaphalāni pañca lokiyābhiññā āsavakkhayañāṇanti ca ime ca guṇe sayaṃ abhiññā sacchikattā hoti, etaṃ paṭicca idaṃ sandhāya vuttanti. Idamavoca bhagavā, attamanā te bhikkhu bhagavato bhāsitaṃ abhinandunti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
ааган̇кзяяасуд̇д̇аван̣н̣анаа нидтид̇аа.
Ākaṅkheyyasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 6. ааган̇кзяяасуд̇д̇ам̣ • 6. Ākaṅkheyyasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 6. ааган̇кзяяасуд̇д̇аван̣н̣анаа • 6. Ākaṅkheyyasuttavaṇṇanā
