Library / Tipiṭaka / д̇ибидага • Tipiṭaka / куд̣̇д̣̇асигкаа-мууласигкаа • Khuddasikkhā-mūlasikkhā |
10. агаббияамам̣санид̣̇д̣̇зсаван̣н̣анаа
10. Akappiyamaṃsaniddesavaṇṇanā
113. ид̣̇аани мам̣сзсу бадибаж̇ж̇ид̇аб̣б̣аагаарам̣ д̣̇ассзд̇ум̣ ‘‘мам̣сзсу жа агаббияа’’нд̇и уд̣̇д̇хадам̣. агаббияамам̣самхи д̣̇ассид̇з габбияамам̣сам̣ д̣̇ассид̇амзва ход̇и баарисзсанаязна. ураг̇асса жаад̇и зд̇т̇а саб̣б̣оби ураг̇о на габбад̇и.
113. Idāni maṃsesu paṭipajjitabbākāraṃ dassetuṃ ‘‘maṃsesu ca akappiya’’nti uddhaṭaṃ. Akappiyamaṃsamhi dassite kappiyamaṃsaṃ dassitameva hoti pārisesanayena. Uragassa cāti ettha sabbopi urago na kappati.
114. зд̇д̇аавад̇аа ж̇аад̇ивасзна д̣̇асавид̇хамби агаббияамам̣сам̣ д̣̇ассзд̇ваа ид̣̇аани габбияамам̣сзсуби агаббияавид̇хим̣ д̣̇ассзд̇ум̣ ‘‘уд̣̇д̣̇иссагад̇амам̣сан̃жа, яан̃жа аббадивзгкид̇а’’нд̇и вуд̇д̇ам̣. д̇ад̇т̇а бан̃жасу сахад̇хаммигзсу яасса гассажи яам̣ гин̃жи уд̣̇д̣̇исса гад̇ам̣ уд̣̇д̣̇иссагад̇ам̣ наама, д̇ам̣ бана ж̇аанид̇ваа барибхун̃ж̇ид̇ум̣ саб̣б̣зсамби на ваддад̇и, аж̇аананд̇аанам̣ анаабад̇д̇и. мажчзсуби зсзва наяо. аббадивзгкид̇анд̇и анубабаригкид̇ам̣, анаабужчид̇анд̇и ад̇т̇о. ‘‘на бхигкавз аббадивзгкид̇ваа мам̣сам̣ барибхун̃ж̇ид̇аб̣б̣ам̣, яо барибхун̃ж̇зяяа, аабад̇д̇и д̣̇уггадассаа’’д̇и (махаава. 281) вуд̇д̇ам̣. мажчзсу бана аабужчанагижжам̣ над̇т̇и агаббияамажчаанам̣ над̇т̇ид̇ааяаад̇и вад̣̇анд̇и. ид̣̇аани зд̇зсу аабад̇д̇ибхзд̣̇ам̣ д̣̇ассзд̇ум̣ ‘‘т̇уллажжаяа’’нд̇иаад̣̇имааха. д̇ам̣ саб̣б̣ам̣ (ган̇каа. адта. саннид̇хигаарагасигкаабад̣̇аван̣н̣анаа) уд̇д̇аанамзва.
114. Ettāvatā jātivasena dasavidhampi akappiyamaṃsaṃ dassetvā idāni kappiyamaṃsesupi akappiyavidhiṃ dassetuṃ ‘‘uddissakatamaṃsañca, yañca appaṭivekkhita’’nti vuttaṃ. Tattha pañcasu sahadhammikesu yassa kassaci yaṃ kiñci uddissa kataṃ uddissakataṃ nāma, taṃ pana jānitvā paribhuñjituṃ sabbesampi na vaṭṭati, ajānantānaṃ anāpatti. Macchesupi eseva nayo. Appaṭivekkhitanti anupaparikkhitaṃ, anāpucchitanti attho. ‘‘Na bhikkhave appaṭivekkhitvā maṃsaṃ paribhuñjitabbaṃ, yo paribhuñjeyya, āpatti dukkaṭassā’’ti (mahāva. 281) vuttaṃ. Macchesu pana āpucchanakiccaṃ natthi akappiyamacchānaṃ natthitāyāti vadanti. Idāni etesu āpattibhedaṃ dassetuṃ ‘‘thullaccaya’’ntiādimāha. Taṃ sabbaṃ (kaṅkhā. aṭṭha. sannidhikārakasikkhāpadavaṇṇanā) uttānameva.
115. ид̣̇аани на гзвалам̣ имзсам̣ мануссаад̣̇ийнам̣ мам̣самзва агаббияам̣, адтиаад̣̇ийниби агаббияаанийд̇и д̣̇ассзд̇ум̣ ‘‘адтийбий’’д̇иаад̣̇и вуд̇д̇ам̣. д̇ад̇т̇а (махаава. адта 281) ломамбзсанд̇и ломамби зсам̣ агаббияамам̣савад̇т̇уунанд̇и ад̇т̇о. сажид̇д̇агам̣ ваад̇и зд̇зсу бана уд̣̇д̣̇иссагад̇амзва сажид̇д̇агам̣, сзсаа ажид̇д̇агаад̇и. агаббияамам̣савинижчаяо.
115. Idāni na kevalaṃ imesaṃ manussādīnaṃ maṃsameva akappiyaṃ, aṭṭhiādīnipi akappiyānīti dassetuṃ ‘‘aṭṭhīpī’’tiādi vuttaṃ. Tattha (mahāva. aṭṭha 281) lomampesanti lomampi esaṃ akappiyamaṃsavatthūnanti attho. Sacittakaṃ vāti etesu pana uddissakatameva sacittakaṃ, sesā acittakāti. Akappiyamaṃsavinicchayo.
агаббияамам̣санид̣̇д̣̇зсаван̣н̣анаа нидтид̇аа.
Akappiyamaṃsaniddesavaṇṇanā niṭṭhitā.