Library / Tipiṭaka / д̇ибидага • Tipiṭaka / куд̣̇д̣̇асигкаа-мууласигкаа • Khuddasikkhā-mūlasikkhā |
10. агаббияамам̣санид̣̇д̣̇зсаван̣н̣анаа
10. Akappiyamaṃsaniddesavaṇṇanā
113-4. мануссахад̇т̇иассаанан̃жа …бз… ураг̇асса жа яам̣ мам̣сан̃жа, яам̣ уд̣̇д̣̇иссагад̇амам̣сан̃жа, аббадивзгкид̇ам̣ яан̃жа мам̣сам̣, д̇зсу мам̣сзсууд̇и звам̣ яож̇зд̇ваа ад̇т̇о взд̣̇ид̇аб̣б̣о. д̇ад̇т̇а сийсаг̇ийваад̇аран̇г̇зна жаранд̇аа ажчависзсаава д̇аражчаа. ураг̇ассаад̇и иминаа саб̣б̣ааби д̣̇ийгхаж̇аад̇и сан̇г̇ахид̇аа. уд̣̇д̣̇иссагад̇амам̣санд̇и бхигкум̣ уд̣̇д̣̇исид̇ваа гад̇ам̣ уд̣̇д̣̇иссагад̇ам̣, д̇ан̃жа д̇ам̣ мам̣сан̃жа. зд̇т̇а жа мам̣са-г̇г̇ахан̣зна мажчаанамби г̇ахан̣ам̣ взд̣̇ид̇аб̣б̣ам̣ убалагкан̣авасзна, жа-сад̣̇д̣̇зна ваа. бан̃жасуби сахад̇хаммигзсу яам̣ гин̃жи уд̣̇д̣̇иссагад̇ам̣ саб̣б̣зсамби на габбад̇и, д̇амби ад̣̇идтаасуд̇аабарисан̇гид̇ад̇ааяа д̇игодибарисуд̣̇д̇хам̣ ваддад̇и. аббадивзгкид̇анд̇и анубабаригкид̇ам̣, анаабужчид̇анд̇и ад̇т̇о. аабад̇д̇ибхийругзна хи руубам̣ саллагкзнд̇знааби бужчид̇ваа бадиг̇г̇ахзд̇аб̣б̣ам̣ барибхун̃ж̇ид̇аб̣б̣ан̃жа. мануссаанам̣ мам̣сзсу т̇уллажжаяанд̇и яож̇анаа. т̇ууло ажжаяо зд̇т̇аад̇и рассз, д̣̇вид̇д̇з жа т̇уллажжаяам̣. баарааж̇игасан̇гхаад̣̇исзсзхи табзд̇ваа ид̇о ад̇хигам̣ важ̇ж̇ам̣ над̇т̇и. сзсзсууд̇и авасзсзсу згаад̣̇асасу.
113-4. Manussahatthiassānañca …pe… uragassa ca yaṃ maṃsañca, yaṃ uddissakatamaṃsañca, appaṭivekkhitaṃ yañca maṃsaṃ, tesu maṃsesūti evaṃ yojetvā attho veditabbo. Tattha sīsagīvātaraṅgena carantā acchavisesāva taracchā. Uragassāti iminā sabbāpi dīghajāti saṅgahitā. Uddissakatamaṃsanti bhikkhuṃ uddisitvā kataṃ uddissakataṃ, tañca taṃ maṃsañca. Ettha ca maṃsa-ggahaṇena macchānampi gahaṇaṃ veditabbaṃ upalakkhaṇavasena, ca-saddena vā. Pañcasupi sahadhammikesu yaṃ kiñci uddissakataṃ sabbesampi na kappati, tampi adiṭṭhaasutaaparisaṅkitatāya tikoṭiparisuddhaṃ vaṭṭati. Appaṭivekkhitanti anupaparikkhitaṃ, anāpucchitanti attho. Āpattibhīrukena hi rūpaṃ sallakkhentenāpi pucchitvā paṭiggahetabbaṃ paribhuñjitabbañca. Manussānaṃ maṃsesu thullaccayanti yojanā. Thūlo accayo etthāti rasse, dvitte ca thullaccayaṃ. Pārājikasaṅghādisesehi ṭhapetvā ito adhikaṃ vajjaṃ natthi. Sesesūti avasesesu ekādasasu.
115. ид̣̇аани мануссаад̣̇ийнам̣ адтиаад̣̇ийниби агаббияаанийд̇и д̣̇ассзд̇ум̣ ‘‘адтибий’’д̇иаад̣̇имааха. би-сад̣̇д̣̇о ‘‘лохид̇а’’нд̇иаад̣̇ийсуби анувад̇д̇зд̇аб̣б̣о. зсанд̇и мануссаад̣̇ийнам̣ д̣̇асаннам̣. васаасу бана згаа мануссавасаа на ваддад̇и. кийраад̣̇ийсу агаббияам̣ наама над̇т̇и. уд̣̇д̣̇иссагад̇ам̣язва сажид̇д̇аганд̇и яож̇анаа. сажид̇д̇аганд̇и уд̣̇д̣̇иссагад̇абхааваж̇аананажид̇д̇зна саха вад̇д̇ад̇ийд̇и сажид̇д̇агам̣. вад̇т̇увийд̇иггамавиж̇аананажид̇д̇зна хи сажид̇д̇агад̇д̇ам̣. зд̇т̇а жа сажид̇д̇агад̇д̇ам̣ аабад̇д̇ияаа зва, на жа мам̣сасса, д̇ат̇ааби мам̣сасийсзна аабад̇д̇и зва вуд̇д̇аад̇и вин̃н̃аад̇аб̣б̣анд̇и.
115. Idāni manussādīnaṃ aṭṭhiādīnipi akappiyānīti dassetuṃ ‘‘aṭṭhipī’’tiādimāha. Pi-saddo ‘‘lohita’’ntiādīsupi anuvattetabbo. Esanti manussādīnaṃ dasannaṃ. Vasāsu pana ekā manussavasā na vaṭṭati. Khīrādīsu akappiyaṃ nāma natthi. Uddissakataṃyeva sacittakanti yojanā. Sacittakanti uddissakatabhāvajānanacittena saha vattatīti sacittakaṃ. Vatthuvītikkamavijānanacittena hi sacittakattaṃ. Ettha ca sacittakattaṃ āpattiyā eva, na ca maṃsassa, tathāpi maṃsasīsena āpatti eva vuttāti viññātabbanti.
агаббияамам̣санид̣̇д̣̇зсаван̣н̣анаа нидтид̇аа.
Akappiyamaṃsaniddesavaṇṇanā niṭṭhitā.