| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
5. аагаасаанан̃жааяад̇анабан̃хаасуд̇д̇ам̣
5. Ākāsānañcāyatanapañhāsuttaṃ
336. ‘‘‘аагаасаанан̃жааяад̇анам̣, аагаасаанан̃жааяад̇ана’нд̇и вужжад̇и. гад̇амам̣ ну ко аагаасаанан̃жааяад̇ананд̇и ? д̇асса маяхам̣, аавусо, зд̇ад̣̇ахоси – ‘ид̇ха бхигку саб̣б̣асо руубасан̃н̃аанам̣ самад̇иггамаа бадигхасан̃н̃аанам̣ ад̇т̇ан̇г̇амаа наанад̇д̇асан̃н̃аанам̣ аманасигаараа ананд̇о аагаасод̇и аагаасаанан̃жааяад̇анам̣ убасамбаж̇ж̇а вихарад̇и. ид̣̇ам̣ вужжад̇и аагаасаанан̃жааяад̇ана’нд̇и. со кваахам̣, аавусо, саб̣б̣асо руубасан̃н̃аанам̣ самад̇иггамаа бадигхасан̃н̃аанам̣ ад̇т̇ан̇г̇амаа наанад̇д̇асан̃н̃аанам̣ аманасигаараа ананд̇о аагаасод̇и аагаасаанан̃жааяад̇анам̣ убасамбаж̇ж̇а вихараами. д̇асса маяхам̣, аавусо, иминаа вихаарзна вихарад̇о руубасахаг̇ад̇аа сан̃н̃ааманасигаараа самуд̣̇аажаранд̇и.
336. ‘‘‘Ākāsānañcāyatanaṃ, ākāsānañcāyatana’nti vuccati. Katamaṃ nu kho ākāsānañcāyatananti ? Tassa mayhaṃ, āvuso, etadahosi – ‘idha bhikkhu sabbaso rūpasaññānaṃ samatikkamā paṭighasaññānaṃ atthaṅgamā nānattasaññānaṃ amanasikārā ananto ākāsoti ākāsānañcāyatanaṃ upasampajja viharati. Idaṃ vuccati ākāsānañcāyatana’nti. So khvāhaṃ, āvuso, sabbaso rūpasaññānaṃ samatikkamā paṭighasaññānaṃ atthaṅgamā nānattasaññānaṃ amanasikārā ananto ākāsoti ākāsānañcāyatanaṃ upasampajja viharāmi. Tassa mayhaṃ, āvuso, iminā vihārena viharato rūpasahagatā saññāmanasikārā samudācaranti.
‘‘ат̇а ко мам̣, аавусо, бхаг̇аваа ид̣̇д̇хияаа убасан̇гамид̇ваа зд̇ад̣̇авожа – ‘мог̇г̇аллаана, мог̇г̇аллаана! маа, б̣раахман̣а, аагаасаанан̃жааяад̇анам̣ бамаад̣̇о, аагаасаанан̃жааяад̇анз жид̇д̇ам̣ сан̣табзхи, аагаасаанан̃жааяад̇анз жид̇д̇ам̣ згод̣̇им̣ гарохи, аагаасаанан̃жааяад̇анз жид̇д̇ам̣ самаад̣̇ахаа’д̇и. со кваахам̣, аавусо, абарзна самаязна саб̣б̣асо руубасан̃н̃аанам̣ самад̇иггамаа бадигхасан̃н̃аанам̣ ад̇т̇ан̇г̇амаа наанад̇д̇асан̃н̃аанам̣ аманасигаараа ананд̇о аагаасод̇и аагаасаанан̃жааяад̇анам̣ убасамбаж̇ж̇а вихаасим̣. яан̃хи д̇ам̣, аавусо, саммаа вад̣̇амаано вад̣̇зяяа…бз… махаабхин̃н̃ад̇ам̣ бад̇д̇о’’д̇и. бан̃жамам̣.
‘‘Atha kho maṃ, āvuso, bhagavā iddhiyā upasaṅkamitvā etadavoca – ‘moggallāna, moggallāna! Mā, brāhmaṇa, ākāsānañcāyatanaṃ pamādo, ākāsānañcāyatane cittaṃ saṇṭhapehi, ākāsānañcāyatane cittaṃ ekodiṃ karohi, ākāsānañcāyatane cittaṃ samādahā’ti. So khvāhaṃ, āvuso, aparena samayena sabbaso rūpasaññānaṃ samatikkamā paṭighasaññānaṃ atthaṅgamā nānattasaññānaṃ amanasikārā ananto ākāsoti ākāsānañcāyatanaṃ upasampajja vihāsiṃ. Yañhi taṃ, āvuso, sammā vadamāno vadeyya…pe… mahābhiññataṃ patto’’ti. Pañcamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1-8. батамажхаанабан̃хаасуд̇д̇аад̣̇иван̣н̣анаа • 1-8. Paṭhamajhānapañhāsuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1-8. батамаж̇жхаанабан̃хасуд̇д̇аад̣̇иван̣н̣анаа • 1-8. Paṭhamajjhānapañhasuttādivaṇṇanā
