| Library / Tipiṭaka / ತಿಪಿಟಕ • Tipiṭaka / ಅಪದಾನ-ಅಟ್ಠಕಥಾ • Apadāna-aṭṭhakathā |
೨೭. ಪದುಮುಕ್ಖಿಪವಗ್ಗೋ
27. Padumukkhipavaggo
೧-೧೦. ಆಕಾಸುಕ್ಖಿಪಿಯತ್ಥೇರಅಪದಾನಾದಿವಣ್ಣನಾ
1-10. Ākāsukkhipiyattheraapadānādivaṇṇanā
೧-೨. ಸತ್ತವೀಸತಿಮೇ ವಗ್ಗೇ ಪಠಮಾಪದಾನೇ ಜಲಜಗ್ಗೇ ದುವೇ ಗಯ್ಹಾತಿ ಜಲೇ ಉದಕೇ ಜಾತೇ ಅಗ್ಗೇ ಉಪ್ಪಲಾದಯೋ ದ್ವೇ ಪುಪ್ಫೇ ಗಹೇತ್ವಾ ಬುದ್ಧಸ್ಸ ಸಮೀಪಂ ಗನ್ತ್ವಾ ಏಕಂ ಪುಪ್ಫಂ ಪಾದೇಸು ನಿಕ್ಖಿಪಿಂ ಪೂಜೇಸಿಂ, ಏಕಂ ಪುಪ್ಫಂ ಆಕಾಸೇ ಖಿಪಿನ್ತಿ ಅತ್ಥೋ।
1-2. Sattavīsatime vagge paṭhamāpadāne jalajagge duve gayhāti jale udake jāte agge uppalādayo dve pupphe gahetvā buddhassa samīpaṃ gantvā ekaṃ pupphaṃ pādesu nikkhipiṃ pūjesiṃ, ekaṃ pupphaṃ ākāse khipinti attho.
ದುತಿಯಾಪದಾನಂ ಪಾಕಟಮೇವ।
Dutiyāpadānaṃ pākaṭameva.
೧೦. ತತಿಯಾಪದಾನೇ ಬೋಧಿಯಾ ಪಾದಪುತ್ತಮೇತಿ ಉತ್ತಮೇ ಬೋಧಿಪಾದಪೇ। ಅಡ್ಢಚನ್ದಂ ಮಯಾ ದಿನ್ನನ್ತಿ ತಸ್ಮಿಂ ಬೋಧಿಮೂಲೇ ಅಡ್ಢಚನ್ದಾಕಾರೇನ ಮಯಾ ಅನೇಕಪುಪ್ಫಾನಿ ಪೂಜಿತಾನೀತಿ ಅತ್ಥೋ। ಧರಣೀರುಹಪಾದಪೇತಿ ರುಕ್ಖಪಬ್ಬತರತನಾದಯೋ ಧಾರೇತೀತಿ ಧರಣೀ, ಪಥವೀ, ಧರಣಿಯಾ ರುಹತಿ ಪತಿಟ್ಠಹತೀತಿ ಧರಣೀರುಹೋ, ಪಾದಸಙ್ಖಾತೇನ ಮೂಲೇನ ಉದಕಂ ಪಿವತಿ ಖನ್ಧವಿಟಪಾದೀಸು ಪತ್ಥರಿಯತೀತಿ ಪಾದಪೋ, ಧರಣೀರುಹೋ ಚ ಸೋ ಪಾದಪೋ ಚೇತಿ ಧರಣೀರುಹಪಾದಪೋ, ತಸ್ಮಿಂ ಧರಣೀರುಹಪಾದಪೇ ಪುಪ್ಫಂ ಮಯಾ ಪೂಜಿತನ್ತಿ ಅತ್ಥೋ।
10. Tatiyāpadāne bodhiyā pādaputtameti uttame bodhipādape. Aḍḍhacandaṃ mayā dinnanti tasmiṃ bodhimūle aḍḍhacandākārena mayā anekapupphāni pūjitānīti attho. Dharaṇīruhapādapeti rukkhapabbataratanādayo dhāretīti dharaṇī, pathavī, dharaṇiyā ruhati patiṭṭhahatīti dharaṇīruho, pādasaṅkhātena mūlena udakaṃ pivati khandhaviṭapādīsu patthariyatīti pādapo, dharaṇīruho ca so pādapo ceti dharaṇīruhapādapo, tasmiṃ dharaṇīruhapādape pupphaṃ mayā pūjitanti attho.
ಚತುತ್ಥಾಪದಾನಂ ಉತ್ತಾನತ್ಥಮೇವ।
Catutthāpadānaṃ uttānatthameva.
೧೮-೧೯. ಪಞ್ಚಮಾಪದಾನೇ ಹಿಮವನ್ತಸ್ಸಾವಿದೂರೇತಿ ಹಿಮವನ್ತಸ್ಸ ಆಸನ್ನೇ। ರೋಮಸೋ ನಾಮ ಪಬ್ಬತೋತಿ ರುಕ್ಖಲತಾಗುಮ್ಬಾಭಾವಾ ಕೇವಲಂ ದಬ್ಬತಿಣಾದಿಸಞ್ಛನ್ನತ್ತಾ ರೋಮಸೋ ನಾಮ ಪಬ್ಬತೋ ಅಹೋಸಿ। ತಮ್ಹಿ ಪಬ್ಬತಪಾದಮ್ಹೀತಿ ತಸ್ಮಿಂ ಪಬ್ಬತಪರಿಯನ್ತೇ। ಸಮಣೋ ಭಾವಿತಿನ್ದ್ರಿಯೋತಿ ಸಮಿತಪಾಪೋ ವೂಪಸನ್ತಕಿಲೇಸೋ ಸಮಣೋ ವಡ್ಢಿತಇನ್ದ್ರಿಯೋ, ರಕ್ಖಿತಚಕ್ಖುನ್ದ್ರಿಯಾದಿಇನ್ದ್ರಿಯೋತಿ ಅತ್ಥೋ। ಅಥ ವಾ ವಡ್ಢಿತಇನ್ದ್ರಿಯೋ ವಡ್ಢಿತಸದ್ಧಿನ್ದ್ರಿಯಾದಿಇನ್ದ್ರಿಯೋತಿ ಅತ್ಥೋ। ತಸ್ಸ ಸಮಣಸ್ಸ ಅಹಂ ಬಿಳಾಲಿಆಲುವೇ ಗಹೇತ್ವಾ ಅದಾಸಿನ್ತಿ ಅತ್ಥೋ।
18-19. Pañcamāpadāne himavantassāvidūreti himavantassa āsanne. Romaso nāma pabbatoti rukkhalatāgumbābhāvā kevalaṃ dabbatiṇādisañchannattā romaso nāma pabbato ahosi. Tamhi pabbatapādamhīti tasmiṃ pabbatapariyante. Samaṇo bhāvitindriyoti samitapāpo vūpasantakileso samaṇo vaḍḍhitaindriyo, rakkhitacakkhundriyādiindriyoti attho. Atha vā vaḍḍhitaindriyo vaḍḍhitasaddhindriyādiindriyoti attho. Tassa samaṇassa ahaṃ biḷāliāluve gahetvā adāsinti attho.
ಛಟ್ಠಸತ್ತಮಟ್ಠಮನವಮದಸಮಾಪದಾನಾನಿ ಉತ್ತಾನತ್ಥಾನೇವಾತಿ।
Chaṭṭhasattamaṭṭhamanavamadasamāpadānāni uttānatthānevāti.
ಸತ್ತವೀಸತಿಮವಗ್ಗವಣ್ಣನಾ ಸಮತ್ತಾ।
Sattavīsatimavaggavaṇṇanā samattā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಖುದ್ದಕನಿಕಾಯ • Khuddakanikāya / ಅಪದಾನಪಾಳಿ • Apadānapāḷi
೧. ಆಕಾಸುಕ್ಖಿಪಿಯತ್ಥೇರಅಪದಾನಂ • 1. Ākāsukkhipiyattheraapadānaṃ
೩. ಅಡ್ಢಚನ್ದಿಯತ್ಥೇರಅಪದಾನಂ • 3. Aḍḍhacandiyattheraapadānaṃ
೫. ಬಿಳಾಲಿದಾಯಕತ್ಥೇರಅಪದಾನಂ • 5. Biḷālidāyakattheraapadānaṃ
