| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
7. аагин̃жан̃н̃ааяад̇анабан̃хаасуд̇д̇ам̣
7. Ākiñcaññāyatanapañhāsuttaṃ
338. ‘‘‘аагин̃жан̃н̃ааяад̇анам̣, аагин̃жан̃н̃ааяад̇ана’нд̇и вужжад̇и. гад̇амам̣ ну ко аагин̃жан̃н̃ааяад̇ананд̇и? д̇асса маяхам̣, аавусо, зд̇ад̣̇ахоси – ‘ид̇ха бхигку саб̣б̣асо вин̃н̃аан̣ан̃жааяад̇анам̣ самад̇иггамма над̇т̇и гин̃жийд̇и аагин̃жан̃н̃ааяад̇анам̣ убасамбаж̇ж̇а вихарад̇и. ид̣̇ам̣ вужжад̇и аагин̃жан̃н̃ааяад̇ана’нд̇и. со кваахам̣, аавусо, саб̣б̣асо вин̃н̃аан̣ан̃жааяад̇анам̣ самад̇иггамма над̇т̇и гин̃жийд̇и аагин̃жан̃н̃ааяад̇анам̣ убасамбаж̇ж̇а вихараами. д̇асса маяхам̣, аавусо, иминаа вихаарзна вихарад̇о вин̃н̃аан̣ан̃жааяад̇анасахаг̇ад̇аа сан̃н̃ааманасигаараа самуд̣̇аажаранд̇и.
338. ‘‘‘Ākiñcaññāyatanaṃ, ākiñcaññāyatana’nti vuccati. Katamaṃ nu kho ākiñcaññāyatananti? Tassa mayhaṃ, āvuso, etadahosi – ‘idha bhikkhu sabbaso viññāṇañcāyatanaṃ samatikkamma natthi kiñcīti ākiñcaññāyatanaṃ upasampajja viharati. Idaṃ vuccati ākiñcaññāyatana’nti. So khvāhaṃ, āvuso, sabbaso viññāṇañcāyatanaṃ samatikkamma natthi kiñcīti ākiñcaññāyatanaṃ upasampajja viharāmi. Tassa mayhaṃ, āvuso, iminā vihārena viharato viññāṇañcāyatanasahagatā saññāmanasikārā samudācaranti.
‘‘ат̇а ко мам̣, аавусо, бхаг̇аваа ид̣̇д̇хияаа убасан̇гамид̇ваа зд̇ад̣̇авожа – ‘мог̇г̇аллаана, мог̇г̇аллаана! маа, б̣раахман̣а, аагин̃жан̃н̃ааяад̇анам̣ бамаад̣̇о, аагин̃жан̃н̃ааяад̇анз жид̇д̇ам̣ сан̣табзхи, аагин̃жан̃н̃ааяад̇анз жид̇д̇ам̣ згод̣̇им̣ гарохи, аагин̃жан̃н̃ааяад̇анз жид̇д̇ам̣ самаад̣̇ахаа’д̇и. со кваахам̣, аавусо, абарзна самаязна саб̣б̣асо вин̃н̃аан̣ан̃жааяад̇анам̣ самад̇иггамма над̇т̇и гин̃жийд̇и аагин̃жан̃н̃ааяад̇анам̣ убасамбаж̇ж̇а вихаасим̣. яан̃хи д̇ам̣, аавусо, саммаа вад̣̇амаано вад̣̇зяяа…бз… махаабхин̃н̃ад̇ам̣ бад̇д̇о’’д̇и. сад̇д̇амам̣.
‘‘Atha kho maṃ, āvuso, bhagavā iddhiyā upasaṅkamitvā etadavoca – ‘moggallāna, moggallāna! Mā, brāhmaṇa, ākiñcaññāyatanaṃ pamādo, ākiñcaññāyatane cittaṃ saṇṭhapehi, ākiñcaññāyatane cittaṃ ekodiṃ karohi, ākiñcaññāyatane cittaṃ samādahā’ti. So khvāhaṃ, āvuso, aparena samayena sabbaso viññāṇañcāyatanaṃ samatikkamma natthi kiñcīti ākiñcaññāyatanaṃ upasampajja vihāsiṃ. Yañhi taṃ, āvuso, sammā vadamāno vadeyya…pe… mahābhiññataṃ patto’’ti. Sattamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1-8. батамажхаанабан̃хаасуд̇д̇аад̣̇иван̣н̣анаа • 1-8. Paṭhamajhānapañhāsuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1-8. батамаж̇жхаанабан̃хасуд̇д̇аад̣̇иван̣н̣анаа • 1-8. Paṭhamajjhānapañhasuttādivaṇṇanā
