| Library / Tipiṭaka / திபிடக • Tipiṭaka / பேதவத்து²-அட்ட²கதா² • Petavatthu-aṭṭhakathā |
13. அக்க²ருக்க²பேதவத்து²வண்ணனா
13. Akkharukkhapetavatthuvaṇṇanā
யங் த³தா³தி ந தங் ஹோதீதி இத³ங் அக்க²தா³யகபேதவத்து². தஸ்ஸ கா உப்பத்தி? ப⁴க³வதி ஸாவத்தி²யங் விஹரந்தே அஞ்ஞதரோ ஸாவத்தி²வாஸீ உபாஸகோ ஸகடேஹி ப⁴ண்ட³ஸ்ஸ பூரெத்வா வணிஜ்ஜாய விதே³ஸங் க³ந்த்வா தத்த² அத்தனோ ப⁴ண்ட³ங் விக்கிணித்வா படிப⁴ண்ட³ங் ஸகடேஸு ஆரோபெத்வா ஸாவத்தி²ங் உத்³தி³ஸ்ஸ மக்³க³ங் படிபஜ்ஜி. தஸ்ஸ மக்³க³ங் க³ச்ச²ந்தஸ்ஸ அடவியங் ஏகஸ்ஸ ஸகடஸ்ஸ அக்கோ² பி⁴ஜ்ஜி. அத² அஞ்ஞதரோ புரிஸோ ருக்க²க³ஹணத்த²ங் குடா²ரிப²ரஸுங் கா³ஹாபெத்வா அத்தனோ கா³மதோ நிக்க²மித்வா அரஞ்ஞே விசரந்தோ தங் டா²னங் பத்வா தங் உபாஸகங் அக்க²ப⁴ஞ்ஜனேன தோ³மனஸ்ஸப்பத்தங் தி³ஸ்வா ‘‘அயங் வாணிஜோ அக்க²ப⁴ஞ்ஜனேன அடவியங் கிலமதீ’’தி அனுகம்பங் உபாதா³ய ருக்க²த³ண்ட³ங் சி²ந்தி³த்வா த³ள்ஹங் அக்க²ங் கத்வா ஸகடே யோஜெத்வா அதா³ஸி.
Yaṃ dadāti na taṃ hotīti idaṃ akkhadāyakapetavatthu. Tassa kā uppatti? Bhagavati sāvatthiyaṃ viharante aññataro sāvatthivāsī upāsako sakaṭehi bhaṇḍassa pūretvā vaṇijjāya videsaṃ gantvā tattha attano bhaṇḍaṃ vikkiṇitvā paṭibhaṇḍaṃ sakaṭesu āropetvā sāvatthiṃ uddissa maggaṃ paṭipajji. Tassa maggaṃ gacchantassa aṭaviyaṃ ekassa sakaṭassa akkho bhijji. Atha aññataro puriso rukkhagahaṇatthaṃ kuṭhāripharasuṃ gāhāpetvā attano gāmato nikkhamitvā araññe vicaranto taṃ ṭhānaṃ patvā taṃ upāsakaṃ akkhabhañjanena domanassappattaṃ disvā ‘‘ayaṃ vāṇijo akkhabhañjanena aṭaviyaṃ kilamatī’’ti anukampaṃ upādāya rukkhadaṇḍaṃ chinditvā daḷhaṃ akkhaṃ katvā sakaṭe yojetvā adāsi.
ஸோ அபரேன ஸமயேன காலங் கத்வா தஸ்மிங்யேவ அடவிபதே³ஸே பு⁴ம்மதே³வதா ஹுத்வா நிப்³ப³த்தோ. அத்தனோ கம்மங் பச்சவெக்கி²த்வா ரத்தியங் தஸ்ஸ உபாஸகஸ்ஸ கே³ஹங் க³ந்த்வா கே³ஹத்³வாரே ட²த்வா –
So aparena samayena kālaṃ katvā tasmiṃyeva aṭavipadese bhummadevatā hutvā nibbatto. Attano kammaṃ paccavekkhitvā rattiyaṃ tassa upāsakassa gehaṃ gantvā gehadvāre ṭhatvā –
800.
800.
‘‘யங் த³தா³தி ந தங் ஹோதி, தே³தே²வ தா³னங் த³த்வா உப⁴யங் தரதி;
‘‘Yaṃ dadāti na taṃ hoti, detheva dānaṃ datvā ubhayaṃ tarati;
உப⁴யங் தேன தா³னேன க³ச்ச²தி, ஜாக³ரத² மா பமஜ்ஜதா²’’தி. –
Ubhayaṃ tena dānena gacchati, jāgaratha mā pamajjathā’’ti. –
கா³த²மாஹ. தத்த² யங் த³தா³தி ந தங் ஹோதீதி யங் தெ³ய்யத⁴ம்மங் தா³யகோ தே³தி, ந ததே³வ பரலோகே தஸ்ஸ தா³னஸ்ஸ ப²லபா⁴வேன ஹோதி, அத² கோ² அஞ்ஞங் ப³ஹுங் இட்ட²ங் கந்தங் ப²லங் ஹோதியேவ. தஸ்மா தே³தே²வ தா³னந்தி யதா² ததா² தா³னங் தே³த² ஏவ. தத்த² காரணமாஹ ‘‘த³த்வா உப⁴யங் தரதீ’’தி , தா³னங் த³த்வா தி³ட்ட²த⁴ம்மிகம்பி ஸம்பராயிகம்பி து³க்க²ங் அனத்த²ஞ்ச அதிக்கமதி. உப⁴யங் தேன தா³னேன க³ச்ச²தீதி தி³ட்ட²த⁴ம்மிகங் ஸம்பராயிகஞ்சாதி உப⁴யம்பி ஸுக²ங் தேன தா³னேன உபக³ச்ச²தி பாபுணாதி, அத்தனோ பரேஸஞ்ச ஹிதஸுக²வஸேனாபி அயமத்தோ² யோஜேதப்³போ³. ஜாக³ரத² மா பமஜ்ஜதா²தி ஏவங் உப⁴யானத்த²னிவாரணங் உப⁴யஹிதஸாத⁴னங் தா³னங் ஸம்பாதே³துங் ஜாக³ரத², தா³னூபகரணானி ஸஜ்ஜெத்வா தத்த² ச அப்பமத்தா ஹோதா²தி அத்தோ². ஆத³ரத³ஸ்ஸனத்த²ங் செத்த² ஆமேடி³தவஸேன வுத்தங்.
Gāthamāha. Tattha yaṃ dadāti na taṃ hotīti yaṃ deyyadhammaṃ dāyako deti, na tadeva paraloke tassa dānassa phalabhāvena hoti, atha kho aññaṃ bahuṃ iṭṭhaṃ kantaṃ phalaṃ hotiyeva. Tasmā detheva dānanti yathā tathā dānaṃ detha eva. Tattha kāraṇamāha ‘‘datvā ubhayaṃ taratī’’ti , dānaṃ datvā diṭṭhadhammikampi samparāyikampi dukkhaṃ anatthañca atikkamati. Ubhayaṃ tena dānena gacchatīti diṭṭhadhammikaṃ samparāyikañcāti ubhayampi sukhaṃ tena dānena upagacchati pāpuṇāti, attano paresañca hitasukhavasenāpi ayamattho yojetabbo. Jāgaratha mā pamajjathāti evaṃ ubhayānatthanivāraṇaṃ ubhayahitasādhanaṃ dānaṃ sampādetuṃ jāgaratha, dānūpakaraṇāni sajjetvā tattha ca appamattā hothāti attho. Ādaradassanatthaṃ cettha āmeḍitavasena vuttaṃ.
வாணிஜோ அத்தனோ கிச்சங் தீரெத்வா படினிவத்தித்வா அனுக்கமேன ஸாவத்தி²ங் பத்வா து³தியதி³வஸே ஸத்தா²ரங் உபஸங்கமித்வா வந்தி³த்வா ஏகமந்தங் நிஸின்னோ தங் பவத்திங் ப⁴க³வதோ ஆரோசேஸி. ஸத்தா² தமத்த²ங் அட்டு²ப்பத்திங் கத்வா ஸம்பத்தபரிஸாய த⁴ம்மங் தே³ஸேஸி. ஸா தே³ஸனா மஹாஜனஸ்ஸ ஸாத்தி²கா அஹோஸீதி.
Vāṇijo attano kiccaṃ tīretvā paṭinivattitvā anukkamena sāvatthiṃ patvā dutiyadivase satthāraṃ upasaṅkamitvā vanditvā ekamantaṃ nisinno taṃ pavattiṃ bhagavato ārocesi. Satthā tamatthaṃ aṭṭhuppattiṃ katvā sampattaparisāya dhammaṃ desesi. Sā desanā mahājanassa sātthikā ahosīti.
அக்க²ருக்க²பேதவத்து²வண்ணனா நிட்டி²தா.
Akkharukkhapetavatthuvaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / பேதவத்து²பாளி • Petavatthupāḷi / 13. அக்க²ருக்க²பேதவத்து² • 13. Akkharukkhapetavatthu
