| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
8. аггосагасуд̇д̇ам̣
8. Akkosakasuttaṃ
88. ‘‘яо со, бхигкавз, бхигку аггосагабарибхаасаго арияуубаваад̣̇ий саб̣рахмажаарийнам̣ таанамзд̇ам̣ авагаасо 1 яам̣ со д̣̇асаннам̣ б̣яасанаанам̣ ан̃н̃ад̇арам̣ б̣яасанам̣ ниг̇ажчзяяа 2. гад̇амзсам̣ д̣̇асаннам̣? анад̇хиг̇ад̇ам̣ наад̇хиг̇ажчад̇и, ад̇хиг̇ад̇аа барихааяад̇и, сад̣̇д̇хаммасса на вод̣̇ааяанд̇и, сад̣̇д̇хаммзсу ваа ад̇химааниго ход̇и анабхирад̇о ваа б̣рахмажарияам̣ жарад̇и, ан̃н̃ад̇арам̣ ваа сам̣гилидтам̣ аабад̇д̇им̣ аабаж̇ж̇ад̇и, г̇аал̣хам̣ ваа рог̇аад̇ан̇гам̣ пусад̇и, уммаад̣̇ам̣ ваа баабун̣аад̇и жид̇д̇агкзбам̣, саммуул̣хо гаалам̣ гарод̇и, гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇ад̇и. яо со, бхигкавз, бхигку аггосагабарибхаасаго арияуубаваад̣̇ий саб̣рахмажаарийнам̣, таанамзд̇ам̣ авагаасо яам̣ со имзсам̣ д̣̇асаннам̣ б̣яасанаанам̣ ан̃н̃ад̇арам̣ б̣яасанам̣ ниг̇ажчзяяаа’’д̇и. адтамам̣.
88. ‘‘Yo so, bhikkhave, bhikkhu akkosakaparibhāsako ariyūpavādī sabrahmacārīnaṃ ṭhānametaṃ avakāso 3 yaṃ so dasannaṃ byasanānaṃ aññataraṃ byasanaṃ nigaccheyya 4. Katamesaṃ dasannaṃ? Anadhigataṃ nādhigacchati, adhigatā parihāyati, saddhammassa na vodāyanti, saddhammesu vā adhimāniko hoti anabhirato vā brahmacariyaṃ carati, aññataraṃ vā saṃkiliṭṭhaṃ āpattiṃ āpajjati, gāḷhaṃ vā rogātaṅkaṃ phusati, ummādaṃ vā pāpuṇāti cittakkhepaṃ, sammūḷho kālaṃ karoti, kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati. Yo so, bhikkhave, bhikkhu akkosakaparibhāsako ariyūpavādī sabrahmacārīnaṃ, ṭhānametaṃ avakāso yaṃ so imesaṃ dasannaṃ byasanānaṃ aññataraṃ byasanaṃ nigaccheyyā’’ti. Aṭṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 8. аггосагасуд̇д̇аван̣н̣анаа • 8. Akkosakasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-8. вааханасуд̇д̇аад̣̇иван̣н̣анаа • 1-8. Vāhanasuttādivaṇṇanā
