| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
2. аггосасуд̇д̇ам̣
2. Akkosasuttaṃ
188. згам̣ самаяам̣ бхаг̇аваа рааж̇аг̇ахз вихарад̇и взл̣уванз галанд̣̇аганиваабз. ассоси ко аггосагабхаарад̣̇вааж̇о б̣раахман̣о – ‘‘бхаарад̣̇вааж̇аг̇од̇д̇о гира б̣раахман̣о саман̣асса г̇од̇амасса санд̇игз аг̇аарасмаа анаг̇аарияам̣ баб̣б̣аж̇ид̇о’’д̇и губид̇о анад̇д̇амано язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ асаб̣бхаахи парусаахи ваажаахи аггосад̇и барибхаасад̇и.
188. Ekaṃ samayaṃ bhagavā rājagahe viharati veḷuvane kalandakanivāpe. Assosi kho akkosakabhāradvājo brāhmaṇo – ‘‘bhāradvājagotto kira brāhmaṇo samaṇassa gotamassa santike agārasmā anagāriyaṃ pabbajito’’ti kupito anattamano yena bhagavā tenupasaṅkami; upasaṅkamitvā bhagavantaṃ asabbhāhi pharusāhi vācāhi akkosati paribhāsati.
звам̣ вуд̇д̇з, бхаг̇аваа аггосагабхаарад̣̇вааж̇ам̣ б̣раахман̣ам̣ зд̇ад̣̇авожа – ‘‘д̇ам̣ гим̣ ман̃н̃аси, б̣раахман̣а, аби ну ко д̇з ааг̇ажчанд̇и мид̇д̇аамажжаа н̃аад̇исаалохид̇аа ад̇ит̇ияо 1’’д̇и? ‘‘аббзгад̣̇аа мз, бхо г̇од̇ама, ааг̇ажчанд̇и мид̇д̇аамажжаа н̃аад̇исаалохид̇аа ад̇ит̇ияо’’д̇и. ‘‘‘д̇ам̣ гим̣ ман̃н̃аси, б̣раахман̣а, аби ну д̇зсам̣ ануббад̣̇зси каад̣̇анийяам̣ ваа бхож̇анийяам̣ ваа сааяанийяам̣ ваа’’’д̇и? ‘‘‘аббзгад̣̇аа нзсаахам̣, бхо г̇од̇ама, ануббад̣̇зми каад̣̇анийяам̣ ваа бхож̇анийяам̣ ваа сааяанийяам̣ ваа’’’д̇и. ‘‘‘сажз ко бана д̇з, б̣раахман̣а, наббадиг̇г̇ан̣ханд̇и , гасса д̇ам̣ ход̇ий’’’д̇и? ‘‘‘сажз д̇з, бхо г̇од̇ама, наббадиг̇г̇ан̣ханд̇и, амхаагамзва д̇ам̣ ход̇ий’’’д̇и. ‘‘звамзва ко, б̣раахман̣а, яам̣ д̇вам̣ амхз анаггосанд̇з аггосаси, аросзнд̇з росзси, абхан̣д̣анд̇з бхан̣д̣аси, д̇ам̣ д̇з маяам̣ наббадиг̇г̇ан̣хаама. д̇авзвзд̇ам̣, б̣раахман̣а, ход̇и; д̇авзвзд̇ам̣, б̣раахман̣а, ход̇и’’.
Evaṃ vutte, bhagavā akkosakabhāradvājaṃ brāhmaṇaṃ etadavoca – ‘‘taṃ kiṃ maññasi, brāhmaṇa, api nu kho te āgacchanti mittāmaccā ñātisālohitā atithiyo 2’’ti? ‘‘Appekadā me, bho gotama, āgacchanti mittāmaccā ñātisālohitā atithiyo’’ti. ‘‘‘Taṃ kiṃ maññasi, brāhmaṇa, api nu tesaṃ anuppadesi khādanīyaṃ vā bhojanīyaṃ vā sāyanīyaṃ vā’’’ti? ‘‘‘Appekadā nesāhaṃ, bho gotama, anuppademi khādanīyaṃ vā bhojanīyaṃ vā sāyanīyaṃ vā’’’ti. ‘‘‘Sace kho pana te, brāhmaṇa, nappaṭiggaṇhanti , kassa taṃ hotī’’’ti? ‘‘‘Sace te, bho gotama, nappaṭiggaṇhanti, amhākameva taṃ hotī’’’ti. ‘‘Evameva kho, brāhmaṇa, yaṃ tvaṃ amhe anakkosante akkosasi, arosente rosesi, abhaṇḍante bhaṇḍasi, taṃ te mayaṃ nappaṭiggaṇhāma. Tavevetaṃ, brāhmaṇa, hoti; tavevetaṃ, brāhmaṇa, hoti’’.
‘‘яо ко, б̣раахман̣а, аггосанд̇ам̣ бажжаггосад̇и, росзнд̇ам̣ бадиросзд̇и, бхан̣д̣анд̇ам̣ бадибхан̣д̣ад̇и, аяам̣ вужжад̇и, б̣раахман̣а, самбхун̃ж̇ад̇и вийд̇ихарад̇ийд̇и. д̇з маяам̣ д̇аяаа нзва самбхун̃ж̇аама на вийд̇ихараама. д̇авзвзд̇ам̣, б̣раахман̣а, ход̇и; д̇авзвзд̇ам̣, б̣раахман̣а, ход̇ий’’д̇и. ‘‘бхаванд̇ам̣ ко г̇од̇амам̣ сарааж̇игаа барисаа звам̣ ж̇аанаад̇и – ‘арахам̣ саман̣о г̇од̇амо’д̇и. ат̇а жа бана бхавам̣ г̇од̇амо гуж̇жхад̇ий’’д̇и.
‘‘Yo kho, brāhmaṇa, akkosantaṃ paccakkosati, rosentaṃ paṭiroseti, bhaṇḍantaṃ paṭibhaṇḍati, ayaṃ vuccati, brāhmaṇa, sambhuñjati vītiharatīti. Te mayaṃ tayā neva sambhuñjāma na vītiharāma. Tavevetaṃ, brāhmaṇa, hoti; tavevetaṃ, brāhmaṇa, hotī’’ti. ‘‘Bhavantaṃ kho gotamaṃ sarājikā parisā evaṃ jānāti – ‘arahaṃ samaṇo gotamo’ti. Atha ca pana bhavaṃ gotamo kujjhatī’’ti.
‘‘аггод̇хасса гуд̇о год̇хо, д̣̇анд̇асса самаж̇ийвино;
‘‘Akkodhassa kuto kodho, dantassa samajīvino;
саммад̣̇ан̃н̃аа вимуд̇д̇асса, убасанд̇асса д̇аад̣̇ино.
Sammadaññā vimuttassa, upasantassa tādino.
‘‘д̇ассзва д̇зна баабияо, яо гуд̣̇д̇хам̣ бадигуж̇жхад̇и;
‘‘Tasseva tena pāpiyo, yo kuddhaṃ paṭikujjhati;
гуд̣̇д̇хам̣ аббадигуж̇жханд̇о, сан̇г̇аамам̣ ж̇зд̇и д̣̇уж̇ж̇аяам̣.
Kuddhaṃ appaṭikujjhanto, saṅgāmaṃ jeti dujjayaṃ.
‘‘убхиннамад̇т̇ам̣ жарад̇и, ад̇д̇ано жа барасса жа;
‘‘Ubhinnamatthaṃ carati, attano ca parassa ca;
барам̣ сан̇губид̇ам̣ н̃ад̇ваа, яо сад̇о убасаммад̇и.
Paraṃ saṅkupitaṃ ñatvā, yo sato upasammati.
‘‘убхиннам̣ д̇игижчанд̇аанам̣, ад̇д̇ано жа барасса жа;
‘‘Ubhinnaṃ tikicchantānaṃ, attano ca parassa ca;
ж̇анаа ман̃н̃анд̇и б̣аалод̇и, яз д̇хаммасса аговид̣̇аа’’д̇и.
Janā maññanti bāloti, ye dhammassa akovidā’’ti.
звам̣ вуд̇д̇з, аггосагабхаарад̣̇вааж̇о б̣раахман̣о бхаг̇аванд̇ам̣ зд̇ад̣̇авожа – ‘‘абхигганд̇ам̣, бхо г̇од̇ама…бз… зсаахам̣ бхаванд̇ам̣ г̇од̇амам̣ саран̣ам̣ г̇ажчаами д̇хамман̃жа бхигкусан̇гхан̃жа. лабхзяяаахам̣, бханд̇з, бход̇о г̇од̇амасса санд̇игз баб̣б̣аж̇ж̇ам̣, лабхзяяам̣ убасамбад̣̇а’’нд̇и.
Evaṃ vutte, akkosakabhāradvājo brāhmaṇo bhagavantaṃ etadavoca – ‘‘abhikkantaṃ, bho gotama…pe… esāhaṃ bhavantaṃ gotamaṃ saraṇaṃ gacchāmi dhammañca bhikkhusaṅghañca. Labheyyāhaṃ, bhante, bhoto gotamassa santike pabbajjaṃ, labheyyaṃ upasampada’’nti.
алад̇т̇а ко аггосагабхаарад̣̇вааж̇о б̣раахман̣о бхаг̇авад̇о санд̇игз баб̣б̣аж̇ж̇ам̣, алад̇т̇а убасамбад̣̇ам̣. ажируубасамбанно ко банааяасмаа аггосагабхаарад̣̇вааж̇о зго вуубагадто аббамад̇д̇о аад̇аабий бахид̇ад̇д̇о вихаранд̇о нажирассзва – яассад̇т̇ааяа гулабуд̇д̇аа саммад̣̇зва аг̇аарасмаа анаг̇аарияам̣ баб̣б̣аж̇анд̇и д̇ад̣̇ануд̇д̇арам̣ – б̣рахмажарияабарияосаанам̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихааси. ‘‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣ наабарам̣ ид̇т̇ад̇д̇ааяаа’’д̇и аб̣бхан̃н̃ааси. ан̃н̃ад̇аро жа банааяасмаа бхаарад̣̇вааж̇о арахад̇ам̣ ахосийд̇и.
Alattha kho akkosakabhāradvājo brāhmaṇo bhagavato santike pabbajjaṃ, alattha upasampadaṃ. Acirūpasampanno kho panāyasmā akkosakabhāradvājo eko vūpakaṭṭho appamatto ātāpī pahitatto viharanto nacirasseva – yassatthāya kulaputtā sammadeva agārasmā anagāriyaṃ pabbajanti tadanuttaraṃ – brahmacariyapariyosānaṃ diṭṭheva dhamme sayaṃ abhiññā sacchikatvā upasampajja vihāsi. ‘‘Khīṇā jāti, vusitaṃ brahmacariyaṃ, kataṃ karaṇīyaṃ nāparaṃ itthattāyā’’ti abbhaññāsi. Aññataro ca panāyasmā bhāradvājo arahataṃ ahosīti.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 2. аггосасуд̇д̇аван̣н̣анаа • 2. Akkosasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 2. аггосасуд̇д̇аван̣н̣анаа • 2. Akkosasuttavaṇṇanā
